餐廳位於活化後嘅唐樓，裝修懷舊雅致，有兩層。不過面積唔算大，環境比預期嘈。👌🏼滷水鵝片：質感同口感都OK，未算最嫩滑。
滷水鵝肝 切得好薄，口感非常嫩滑，唔會粉粉嘅口感，滷水汁都好入味。唔係5粒星減左一粒星係因為d 顏色好奇怪，賣相唔討好，但係味道係好味嘅。👌🏼魚露浸花甲大部份都冇沙，偶然有一兩粒有少少沙。魚露汁係滷水味同埋少少花雕味，汁料調得唔錯。不過稍嫌花甲嘅size頗細，如果大隻啲口感會有滿足感多啲。💯頭抽鷹鯧魚片 價錢好貴嘅手工菜。原本點嘅時候內心都有啲肉赤，但係食落又好滿意。魚肉大大嚿，質地爽滑，配以頭抽同喼汁嘅味道，好惹味。👌🏼汕頭煎蠔烙：炸得頗鬆軟，唔錯。🤔炸普寧豆腐豆腐炸得好脆，不過就冇豆香味，味道好淡，麻麻地。附送左一碟青醬，係微微嘅酸味。👌🏼沙茶牛肉炒芥蘭：正常味道。
糖醋麵：普普通通，外層唔夠脆。👌🏼青橄欖排骨湯：青橄欖帶來少少鹹鹹酸酸嘅味道。整體嚟講，大部分菜式都okay，特別鍾意鵝肝同煎鷹鯧魚片。不過上菜速度好快，枱面又好細又好迫，整體感覺食得好趕。…查看更多
滷水鵝肝 切得好薄，口感非常嫩滑，唔會粉粉嘅口感，滷水汁都好入味。唔係5粒星減左一粒星係因為d 顏色好奇怪，賣相唔討好，但係味道係好味嘅。👌🏼魚露浸花甲大部份都冇沙，偶然有一兩粒有少少沙。魚露汁係滷水味同埋少少花雕味，汁料調得唔錯。不過稍嫌花甲嘅size頗細，如果大隻啲口感會有滿足感多啲。💯頭抽鷹鯧魚片 價錢好貴嘅手工菜。原本點嘅時候內心都有啲肉赤，但係食落又好滿意。魚肉大大嚿，質地爽滑，配以頭抽同喼汁嘅味道，好惹味。👌🏼汕頭煎蠔烙：炸得頗鬆軟，唔錯。🤔炸普寧豆腐豆腐炸得好脆，不過就冇豆香味，味道好淡，麻麻地。附送左一碟青醬，係微微嘅酸味。👌🏼沙茶牛肉炒芥蘭：正常味道。糖醋麵：普普通通，外層唔夠脆。👌🏼青橄欖排骨湯：青橄欖帶來少少鹹鹹酸酸嘅味道。整體嚟講，大部分菜式都okay，特別鍾意鵝肝同煎鷹鯧魚片。不過上菜速度好快，枱面又好細又好迫，整體感覺食得好趕。…查看更多
煎蠔餅蠔餅煎得幾好，鬆脆，肥美。可以一試之後幫我地點菜嘅姐姐叫我哋一定要試一下佢哋嘅炸豆腐。炸豆腐呢碟炸豆腐就本身冇咩味道，一定要沾上佢哋啲醬汁。佢哋嗰啲醬汁係清新嘅，但係又唔係話好好食嗰種。豆腐炸得酥脆，但要靠啲醬汁調味。由於冇咩調味，我就略嫌太過淡啦。滷水鵝片滷水鵝片又真係幾入味，下邊中墊住啲豆腐，無論滷水鵝片定係豆腐都非常之入味。美味可口。呢個滷水豆腐就真係好味過炸豆腐啦 
滷水墨魚加大腸呢碟又係入醃得好好味，大腸就真係好鬼爽口，好過癮。大家不妨一試
蠔仔粥蠔仔粥有啲魚乾仔同埋啲蠔都大隻嘅。味道還好，略欠鮮甜。整體嚟講環境乾淨企理，係用餐舒服嘅地方。呢一間餐廳不過不失，份量就細咗少少，但食物都唔錯嘅。眼見有幾台都係慶祝生日，應該係食生日飯嘅好地方
