阿爸鮮食

營業中

休息中

起上環做完野行去地鐵站途中聞到到陣好香嘅豬骨湯味，周圍望發現身後嘅外賣店～見餐牌上有得揀唔同嘅湯底同麵食，仲有好多款餸揀就買碗返公司試試🤤今次叫咗：紅薯寬粉+辣蕃茄湯底 $18+4老闆娘好細心咁將紅薯寛粉分開包裝，唔洗驚浸到淋晒影響口感～配菜同湯底另外用個膠盒裝住～本身蕃茄湯底酸酸甜甜好開胃，加埋辣味更加開胃👍🏻本身諗住有蕃茄味中和下，應該唔太辣，點知食落都辣得幾爽，唔係辣到痛果種，太嘅Tam仔小辣嘅程度🤔海帶 $8每塊都幾大塊，我鐘意浸到淋淋地咁食～平時食麻辣燙一定會叫嚟食，估唔到同辣蕃茄湯都幾夾芋泥貢丸 $15🐮係芋頭控， 依個芋泥貢丸無令我失望～芋泥綿密，貢丸咬落有肉汁～食一份唔係好夠喉🙊手工鮮蝦雲吞$18見menu 上有粒星星就叫嚟食下，size比粉麵舖果d細粒少少，但蝦同豬肉嘅比例幾好，皮厚薄適中，幾好食～黑杞明目茶 +$12食住辣野飲無糖嘅養生茶真係perfect!! 冷泡嘅 黑杞明目茶啱啱好出曬味，桑椹營養價值好高，有補血、抗癌、抗氧化等功效～不得不提支茶隻藍紫真係好靚🤭

屋企附近開左一間外賣店叫"阿爸鮮食"，名字好親切橙色的裝潢吸引左我既視線！店子須小但食物種類都有幾多選擇。爸爸老闆介紹湯底絕不加味精，日日新鮮煮理，於是叫了兩個套餐給小朋友作晚餐。外賣盒子十分精緻保持着溫度，湯和麵分開用錫紙袋放，不會令麵質過淋。餐牌上面有很多餸可選，配搭自由。我選了豬骨味濃湯紅薯粉&蕃茄濃骨湯南瓜麵＋羊片＋魚餅＋北海章魚丸＋芋泥貢丸＋麻吉燒……羊片：嫩滑有咬口魚餅：大大塊又彈牙，吃得到自家制的細心。芋泥貢丸：入面真係好多芋泥麻吉燒：好特別原來內裡是年糕。最緊要的是湯底沒有味精，兩位小朋友已一聲不響地自動飲清。另外，自家製的飲品健康又解渴。菊花茉莉花檸檬 澀澀地又有清香的味道 。蜜桃烏龍茶不會太甜，十分健康之選。

唔知大家有冇咁嘅經歷，返返下工突然間好想食某樣食物，但係食飯時間又唔夠去食，例如⋯⋯火鍋！話說當我好想食火鍋的時候就諗起依間外賣店；所以一到食飯時間就立即去買，然後就返公司嘆住冷氣咁食他們的外賣盒吸得好實，完全不用擔心係路上會倒瀉，不過就係開嘅時候會麻煩少少，但都不太影響他們可以選擇的配菜和主食都好多，而且有些在外面也是比較少見，例如淮山麵、南瓜麵等等今次揀咗麻辣濃骨湯，一路行返公司的時候已經聞到好香的牛油香，返到公司一打開個蓋就聞到超級超級濃的牛油香，真係好似食緊麻辣火鍋咁淨係睇外表，覺得波菜麵和普通的公仔麵除咗顏色之外，分別不大；不過食落又好不一樣，因為波菜麵食落係爽身，就係買完返到公司都已經一段時間，都唔會好似公仔麵咁樣變淋，但係一咬就斷，所以唔彈牙，我個人覺得還可以接受今次就揀咗麻吉燒、金菇和牛柏葉，合計$54 ，雖然比其他地方的可能會貴一點，但係中上環一帶來講，係一個合理嘅價錢（沒辦法，鋪租貴😂😂）而且給的份量也好足，雖然睇佢個外賣碗好似唔大咁，但因為老闆塞滿料，所以食完其實都好飽，而且他們的湯底真的好濃，仲真係冇落味精（因為我食到少少味精，就會好想飲好多水，但我食完都唔會特

🌟 阿爸鮮食 呢間位於上環站附近小食店，店舖名好有親切感，主打做外賣。門口放咗餐牌，可以掃描QR code 點單或者到收銀處落單。餐牌有幾個套餐選擇，亦可另加錢額外加餸。每款套餐都有不同湯底揀，餸菜份量唔少，食落冇乜味精，夠哂健康。店員服務態度非常好，準備拎走食物時，會問凍飲和熱食要唔要放埋一齊， 好细心服務。~~~~~~~~~~~~~~~~~~~~~~~~~~~~~~💫懷舊車仔麵套餐鮮濃骨湯，牛柏葉，日本蘿蔔，陳皮魚旦，豬腸 ，菜底+油豆腐串+可樂湯底冇味精，蘿蔔淸甜，魚旦帶少少陳皮味，豬腸質感軟腍。

試咗兩次先出食評，老闆好有耐性介紹食物，推介湯底絕不加味精，性價比高味道鮮濃，飲得出健康，用心製作，值得－讚店舖雖小，但老闆特意在門外設有兩張櫈，留意到特登加咗USB插頭供客人使用，好細心

麻辣金錢肚，這是我最喜歡的一道菜。金錢肚的肉質鮮嫩，口感非常好，加上麻辣的調味，味道更是一級棒。如果你喜歡吃辣的話，一定要試試這道菜。另外，涼拌餐和涼拌涼皮辣也是我非常推薦的菜色。涼拌餐的配料非常豐富，有蘿蔔絲、黃瓜、豆腐皮等，搭配上酸酸甜甜的醬汁，非常開胃。而涼拌涼皮辣則是一道非常傳統的中式小吃，口感爽脆，辣味十足，非常適合下酒。最後，我想談談土豆片藕片。這道菜的味道比較清淡，但土豆片和藕片的口感都非常好，吃起來很爽口。再配上一杯可樂，可以讓人感到非常舒服。

❣️成日都心大心細唔知食咩好？或者樣樣都想食少少？自選就啱晒喇～呢度有別於一般車仔麵 多咗啲比較川式嘅選擇我無辣不歡 當然簡麻辣濃骨湯麻辣濃骨湯點咗中辣配紅薯寬粉另外加咗時菜、凍豆腐、麻吉燒、金錢肚好鍾意個膠桶嘅造型 好趣致細心位係老闆特意將紅薯粉分開用錫紙袋放分咗湯放得耐都唔怕啦麻辣湯夠晒濃郁 仲有一層濃濃嘅紅油放耐咗仲會變杰 應該用牛油調較夠晒正宗冰豆腐見到咁深色就知已經吸晒啲湯麻吉燒個餡係年糕啱晒我呢啲煙韌控金錢肚就滷得好入味熱辣辣仲點咗個涼拌餐涼拌冷麵要咗中辣放心個辣醬係分開上 可以自己控制多醬定少醬個醬夠晒辣又開胃涼麵本身配青瓜同甘筍絲 多咗一重爽脆嘅口感另外配咗兩餸 要咗萵筍同陳皮魚蛋萵筍煮到剛剛好仲有清脆嘅感覺阿爸果然好細心 個湯本身仲有西芹同冬瓜包保健康呢度仲有多款養生飲品我就要咗杞子金萱茶成日對住電腦明目最啱我想即叫即食門口仲有個文青感嘅堂食位㗎！

有位朋友早排介紹我去呢間係上環的外賣店，好似車仔麵咁有好多款餸和麵可點，然後配搭無味精又落足料日日新鮮煮的原味濃骨湯，好味到可以當老火湯咁飲晒㗎。講到咁正，嗰晚放工就同朋友走去外賣一餐，係咪真係佢講的咁正啦😄餐牌上面好多餸可選，自由配搭，也可以揀巳配搭好嘅套餐。外賣放到成枱都係，開餐🤤🎃 涼拌冷南瓜麵套餐配魚餅和金錢肚 (HK$59)．南瓜麵，幼條，有咬口，但南瓜味比較淡．魚餅，成個碗咁大塊，是黃爸爸手打的鯪魚肉和加入大量蔥，足料，超好味😋．金錢肚，3條長條，易咬而質地好爽彈！．配搭清甜爽脆的青瓜片和紅蘿蔔絲．可配唔辣濃味豆醬 (食到有少少花生香)或香辣汁 (微微香辣)💜 小丸子套餐配原味濃骨湯和紫薯粉絲(HK$59)．一碗有八款肉丸，啱晒想食肉丸但有選擇困難症嘅我食🤣．鮮濃骨湯，第一口巳覺得很濃郁，是黃爸爸每日用牛骨、雞殼、雞腳和各種蔬菜，以細火慢煮八小時，隔油後加鹽調出鮮甜味😋．紫色嘅紫薯粉絲，煮好以銀色包裝打包好的，倒落大膠杯裡要點心機、時間，浸在湯裡後，好掛湯，軟滑微彈口，好味😋．八款肉丸，各一粒，以我喜歡的排列：1️⃣ 墨汁墨魚丸 (特別，墨魚味濃)2️⃣ 新加坡白魚蛋 (彈牙，

公司附近開咗呢間湯麵店，大大個招牌寫住標榜冇味精豬骨湯，上星期早收工，一於買俾小朋友試吓，見到有唔同配料，好似車仔麵咁，但我覺得最特別係佢啲粉面，我叫咗一碗紫薯粉絲，同埋淮山麵，喺出邊都係比較小食到。平均六十零蚊碗，我覺得可以接受。外賣包裝幾細心，湯麵佢會搵獨立包裝放住，唔需要擔心啲面會因為外賣而發到淋晒。我叫咗兩個唔同嘅面，湯底一碗豬骨湯俾小朋友嘅，牛肚有咬口，魚蛋夠彈牙，台灣芋頭粉粉的感覺，好味。最重要係佢碗豬骨湯真係好濃郁，好好味，而且冇味精，飲完都唔會口渴。另外一碗我就叫咗辣蕃茄湯底，湯底辣辣地好開胃，最特別係嗰粒金莎丸，入邊係鹹蛋黃醬，好香好好味，淮山麵亦好彈牙比較爽口，呢間餐廳絕對令我有驚喜，可以推介比同事多多支持呢d小店。

📍阿爸鮮食上環永樂街87號泰達大廈地下2號舖Long Weekend前一晚喺office搞酒局～飲酒前搞掂個肚先！諗起呢間外賣店係用膠桶裝住啲麵，幾得意，試下無妨～舖頭好細，要行幾級樓梯上去落單，好彩門口都有張木凳可以坐低等外賣。麻辣濃骨湯 紅薯寬粉（小辣） $46首先佢個湯底標榜冇添加味精，而我食完冇特別口乾都相信佢係真材實料嘅，不過佢個小辣其實偏辣，會食到成身汗。紅薯寬粉煮得啱啱好，咬落煙韌彈牙，唔會一夾就斷。肥牛唔係大半塊都係脂肪嘅劣質肉，都幾有良心，都唔會煮得過老。反而薯仔就未煮腍，咬落去爽口，唔係我expect嘅嘢。雖然佢個膠筒睇落好大個，但係其實分量唔係好多。都會想再試嘅，我見佢有啲套餐係可以專食丸，同埋都好奇個紫薯粉絲、南瓜麵究竟係咩味😂

上環呢度有間新開既麵店,門外有好多人排隊,朋友話仍呢間餐廳既特點係餐廳既湯都係每日煲左8個鐘以上既無味精湯底,食物好健康湯底仲有幾款口味選擇,我地叫左一碗豬骨濃湯牛魔王配左淮山麵,價錢都只係$59,好平,而且牛魔王入面有成6-7片肥牛咁多,仲有加配左芥末貢丸,所有丸都係由台灣直送比較特別,芋泥貢丸入面真係好多芋泥涵,小編推介芥末貢丸口惑小小辣但幾有趣,另外叫左一碗自家制魚餅魚鮮配南瓜麵,南瓜麵好香南瓜味,自家制魚餅大大片必食推介,入面仲有蜆肉魚腐同埋魚湯,飲品叫左一支花茶係黑枸杞明目推介,枸杞味都幾香。

靚足料，無味精的湯底 👍👍👍 又有多種獨特的麵底選擇。我最喜歡的食材有雲吞, 淮山麵等等。。老闆很用心經營，連餐具都有花心思用上較好質料而不計成本。最欣賞係食物質素，果然係名乎其實的阿爸"鮮食"，以新鮮健康為賣點!

📍阿爸鮮食（上環）「如果，命運能選擇。」「十字街口你我踏出的每步更瀟灑。」估唔到今日食嘅呢間舖頭竟然中曬呢兩句歌詞！🤣🤣位於上環孖沙街同埋文咸東街十字路口嘅呢間小店，招牌大大隻字，離遠就見到。不過車流都多，大家過馬路就要小心了。🌟今次既自選火鍋杯，由湯底、面底到餸菜都可以自己揀，就好似命運咁樣由自己掌握。值得一提係，面底已經有好多選擇，比較少見嘅有南瓜面，大家有興趣不妨一試（我自己揀左白飯……因為想食飯……）。而自己搵野食既朋友，亦可以自己一鍋咁外賣拎走慢慢嘆，暖笠笠咁唔會提升「國際孤獨等級」！🤣🌟講明火鍋杯，當然揀自己鐘意食既😆。今次就有肥牛、炸魚皮、陳皮魚蛋、薯仔片。先講湯底，今次嘅蕃茄豬骨湯底酸甜適中，亦唔會太濃，開胃又夠爽！材料方面，質素相當不錯，特別係外賣拎走後，食用既時候都保持到爽口、彈牙，唔會浸到冇曬味道！😋🌟另外亦試咗涼拌涼皮🤤熱熱地真係想食凍食，餐廳嘅涼皮好得意，係半圓型咁，十分趣緻🤩食落口感更煙靭！而涼拌仲要配埋餐廳秘製醬汁，但唔食辣嘅朋友仔就要諗清楚再決定落幾多汁了🤣事關老闆話秘製醬汁唔會好辣，所以我就成盒倒曬落去！😂最後…就係覺得好辣🤣但辣得來又好惹味！好正😋仲

上環新開左間外賣麵店「阿爸鮮食」經過見到幾健康所以同朋友買黎試下首先有四款湯底可以揀飯麵主食共有8款可揀 仲可以加4蚊叫菜底然後再自選配菜 個人認為3-4款岩岩好😄今次我試左鮮濃骨湯、菜底🥬濃骨湯都幾鮮甜 飲落似冇落味精😄菜底包兩款菜：娃娃菜同生菜小編平時都中意食呢兩款菜而且分量都唔少😋配菜見到係其他麵店比較少見所以特登叫黎試下😝土豆片：切到好薄！口感幾特別！煮到軟身但又唔會一夾就散仍然保留少少爽脆👍🏻台灣大甲芋角：好濃既芋頭味！都係煮到好軟身 但唔係粉既芋頭～鮮肉包心丸：鮮肉餡食落同出邊嘅好唔同肉餡有調味 適中鹹味 肉質彈牙咬落去亦會爆出濃濃肉味嘅汁🤩鮮魚鰾：份量極多！一碗都有8舊左右本身唔知係啲乜嘢 原來係魚肚口感比較爽脆有啲似食緊魷魚🤣朋友叫左蕃茄濃骨湯同樣係零味精！湯底冇加好多茄膏，飲落唔會死甜～紫薯粉絲出面車仔麵店好少有粉絲好彈滑，好似食緊啫喱咁😆日本蘿蔔片：冇渣而且都比較甜，同蕃茄湯好夾。北海章魚丸：好大粒，每一啖咬落去都食到章魚粒，好滿足！麻吉燒：年糕Q軟，魚餅爽脆；估唔到車仔面可以食到麻吉燒🤣自製魚餅：每日自己新鮮製作，入面鯪魚肉仲要係自己手打，魚肉味濃郁，絕對係心機之

放工買飯給爸爸媽媽等媽咪煮少餐嚟到呢間新新地的小店，如傳聞中男店員親切友善。等候時間不久。通常我外賣鍾意返屋企自己再烚一碟菜balance返，健康啲，所以只有一個加咗菜底。想讚此店包裝非常仔細，由上環回到黃埔一滴不漏之餘，非常保溫。返到去都係熱辣辣的。分別叫咗蕃茄豬骨湯南瓜麵，同豬骨清湯淮山麵 (起初諗後者會唔會太淡，其實不會的，味道剛好。)南瓜麵同淮山麵兩樣都好滑。然後兩個面分別配咗肥牛同埋羊肉、鮮蝦雲吞、芝士丸、芋泥貢丸4粒(幾有趣其中一粒比咗芥末貢丸我，反而好似好味啲)、金菇等~可愛的小桶+麵分開裝，倒出嚟分量都幾充足! 我哋三人share都得!依餐飯唯一可以改善的地方是肥牛好多肥，少少鞋，建議除咗想食牛都會食羊嘅人可以叫羊。羊片幾唔錯～此外試左玫瑰解鬱飲，清清地，又有山楂，令外賣再健康輕盈一點! 兩老煮嘢叻、對飲食有要求，都覺得依餐滿意，真心推介!