鐵板．壹

營業中

休息中

每次揀選餐廳用膳，除了食物質素外，我也十分注重餐廳的環境，可能是自己從事設計這行業吧🎨今次聽同事介紹了一間新開的鐵板燒店，地址位於尖沙咀區，都算近我工作的地方，咁就當然要試吓啦！進入餐廳前有一道隱蔽的木門，少少似去咗東京D 隱世餐廳咁，私隱度高😎👍🏻至於室內設計就絕對冇令我失望，餐廳劃分了兩個橢圓形的空間，每邊大約可以坐六至八人，有張大大的雲石枱面，設計簡約，空間十分舒適！餐廳的中央位置有一個小小的坪庭🌿🪨真係令人十分懷念日本啊🇯🇵🥺至於食物方面，前菜三點有炸白蝦仔、蟹肉沙律和水雲，香口又開胃💃💃跟着是海苔蟹肉蒸蛋，都ok!我哋六個人點了三客dinner套餐，將大蝦轉為龍蝦，再追加南非鮑魚（好大食啊🤭）龍蝦係從魚缸即場撈出來，好生猛🦞🦞女師傅用蝦頭嘅蝦膏同日本白麵豉即場煮醬汁，放在牛油炒熟的龍蝦旁邊，香到呢😋😋極好味！至於南非鮑魚，師傅用上日本大根、香菇再配上海苔醬汁，之前未試過這種食法，又幾特別喎！食完鮑魚，跟着是北海道的帆立貝，今次師傅用明太子醬配搭，再加上新鮮的蔬菜，好味又吸睛👀而甘鯛就用左我最愛的方法「立鱗燒」再配上南瓜菠菜汁，都係好美味😋😋而最特別的菜色，我哋四個人一致認為係

本身餐廳位置私隱度高，門面簡約風格，室內設計都特別，兩邊橢圓房間鐵板，空間感好舒服特式，仲有日式庭院佈置，感覺真係有d似去左日本感覺(幻想一下🤣) 首先係前菜三點，有水雲，白蝦仔，蟹肉沙律感覺開胃又適合送酒👍 南非鮑size夠大，煮得剛剛好，配埋肝醬感覺好香囗，更帶出鮑魚鮮味！ 龍蝦無得輸！從魚缸即場跳跳紮咁撈出來就肯定鮮味十足，用埋蝦頭嘅蝦膏牛油做醬汁，配埋Q彈彈嘅蝦肉，真係好香好出(最愛的一道菜) 甘鯛都唔錯，魚皮一睇就知煎到脆卜卜，魚肉滑又juicy，配南瓜波菜汁味道不會搶走魚的味道 鹿兒島黑豚厚燒都有驚喜！油脂香肉質嫩，灒酒嗰下令外皮更香囗，配埋鹽昆布味道更有日本風味 煙燻吞拿魚腦天依個好特別！即吞拿魚頭頂的肉，一條吞拿魚只得兩片(好矜貴😆)，口感軟滑魚味濃，仲即場點火煙燻更加有視覺效果！ 尾段炒飯感覺同出面一般鐵板唔同，依隻米粒帶煙韌粘粘的囗感幾特別，配埋燶邊蛋就算再飽都會食得落！但鯛魚湯略帶點腥，個人本身怕腥所以覺得麻麻地 總括食物質數算中上，性價比高！鮑魚龍蝦新鮮，醬汁配搭合適。另一特別之處竟然兩位是女師傅(通常男人就見得多)可能因為咁會招呼得特別細心，又會詳細介紹適合客

無聊一打！慶祝老公生日，沒有晚市唯有食LUNCH, 又唔想周圍去,系openrice 搜尋一下，決定近近地系屋企附近搵到一間新開鐵板燒唔知道餐廳新開幕還是疫情影響，只有我同另一檯客人系侍應介紹下，我地分別叫左2個餐，一個商務餐同精選餐share食食物當然好食，但比起食物，我和老公更欣賞每一道菜式的醬汁,並不是傳統的三款汁！最喜歡是銀鱈魚的南瓜菠菜汁和帶子的明太子醬總括：環境設計靚，寧靜，空間大！有2間房每邊可坐8人，適合一家人

在家工作一星期了，壓力之下決定去食餐好放鬆一下自己心情，知道漆咸圍開咗間新鉄鐵燒決定同朋友去試！由於同朋友都唔食肉，想食多啲海鮮，早2日打去預訂左蟶子皇，北寄貝大蝦好彈牙配左個蝦頭膏醬汁，牛油味適中，不會太油膩鮑魚配鮑魚肝醬鮑魚無over cook 汁醬好甘香蟶子皇蒜蓉牛油炒，好新鮮丫北寄貝好鮮甜，襯番個海苔高湯總結，客人量不是太多，環境寧靜舒適！一路食鐵板飲飲酒同廚師傾傾計，壓力當堂解放疫情快快過💪🏻加油

2月情人節，男朋友帶我去試新開鐵板燒，位於漆咸圍10-12號1樓地方位置比較私隱，餐廳仲有個小庭園境先來沙律-煙薰雞肉沙律蒸蛋-黑松露蟹肉蒸蛋龍蝦（餐）好新鮮，肉質彈牙爽口，蝦頭膏師傅炒左落蝦身，另外配龍蝦汁（用番龍蝦頭淆出來），原汁原味南非鮑魚（單點）師傅煮得好淋配返日本大根同海苔汁，清清地唔會太濃蓋左鮑魚味道，新鮮海苔同鮑魚好夾北海道帆立貝（餐）忘記左影相配明太子醬帶一點酸,好開胃！肉揀左美國封門柳肉味重多汁，正合我心意炒飯同平時一般炒飯唔同，師傅無落蛋炒，將雞蛋煎成太陽蛋鋪上炒飯面，雞蛋煎成脆邊yummy🤭🤗最後雪糕作為結尾因為情人節，所以叫師傅畫左隻碟比我同男朋友影相留念好可愛相比同價錢的鐵板燒，這裡會做得比較出色和細心! 還會再來

新店見冇人打食評，是但打吓囉。一句講哂，女師傅表演好睇，優雅，細心，食物ok 。OpenRice餐廳各種買好評，識搵就要反邏輯，唔係睇佢有幾多好評，係睇佢有冇差評，當然要識埋判斷差係惡意差定客觀差,因為咁揀左呢間黎食。lunch, 龍蝦 2人set。前菜-沙律，有幾塊唔知係咪刺身？ -蒸蛋，有d帆立貝碎，蛋再熱d就好。龍蝦用龍蝦膏煎，爽口，調咪足，正！北海道帆立貝配明太子醬，外脆，半生熟，火候控制好！Main- 牛就覺得一般，可能我飽飽地。整時已調好味，食就先食原味再決定加唔加少少碟下面嘅額外調味料，中間嘅鹽昆布咸咸地，幾過癮。柚子胡椒黑毛豬女友話好食，平時佢唔食豬。都係調味已夠，唔需要加下面調味料。太陽蛋炒飯，ok la, 已飽。甜品-抹茶同雲呢嗱雪糕。芝士牛奶布甸，呢個似曾熟悉的味道心諗，咪即係鮮奶撻囉！加分位係女師傅應該知道我地鍾意咩色，所以俾食用花我地時係俾番我地鍾意嘅顏色我地，好細心ですね!ごちそうさまでした！