影片
更多
2024-09-25
363 瀏覽
仔細搵下其實香港都有好多好抵食嘅餐廳😙今次搵到位於尖沙咀嘅一間鐵板燒餐廳，午市Selected Course只需$398可以食到海鮮、牛等十品菜式🈹相當抵食！餐廳以灰色做主題，配合日式園景設計，環境舒適，無論商務宴客、慶祝、約會都好合適！🔸沙律🥗蒸蛋沙律有煙燻三文魚、味道開胃😋海藻蒸蛋，味道清甜😋🔸海鮮選2：（銀鱈魚/比目魚/北寄貝／帆立貝）🐟🐚我哋兩個share食，所以每人揀兩樣唔同嘅😚全部可以試晒！個人比較鍾意比目魚，魚肉好軟嫩，有油脂感！唔錯，魚皮煎到勁香脆，好似食薯片咁😛兩隻魚都係配上南瓜菠菜汁，味道清清地，平衡魚嘅油膩，感覺上健康啲。最推薦一定係北寄貝‼️口感彈牙，鮮甜到不得了🤤帆立貝配上魚籽，都唔失色，可以將啲高湯飲埋，一滴都唔想浪費🥹🔸美國牛肉薄燒（2卷）🐮或沖繩黑豚🐷鐘意食牛對牛有要求嘅話可轉A4和牛肉眼每位+$150我哋都係豬牛各一，先講牛肉薄燒，牛肉包埋蔥蒜、蘿蔔漬，咬開有爆汁感，味道好豐富🥹好鍾意師傅加咗蘿蔔漬係中間，咬落去脆卜卜咁好正🙌🏻 沖繩黑豚，個豬味好香😳口感好鬆軟，配搭鹽漬昆布，鹹鹹甜甜咁好特別🥰🔸漬物、麵豉湯、炒飯、炒什菜(可加錢轉柚子炒麵)最後個炒飯都
餐廳以灰色做主題，配合日式園景設計，環境舒適，無論商務宴客、慶祝、約會都好合適！
🔸沙律🥗蒸蛋
沙律有煙燻三文魚、味道開胃😋
海藻蒸蛋，味道清甜😋
🔸海鮮選2：（銀鱈魚/比目魚/北寄貝／帆立貝）🐟🐚
我哋兩個share食，所以每人揀兩樣唔同嘅😚全部可以試晒！個人比較鍾意比目魚，魚肉好軟嫩，有油脂感！
唔錯，魚皮煎到勁香脆，好似食薯片咁😛兩隻魚都係配上南瓜菠菜汁，味道清清地，平衡魚嘅油膩，感覺上健康啲。
最推薦一定係北寄貝‼️口感彈牙，鮮甜到不得了🤤
帆立貝配上魚籽，都唔失色，可以將啲高湯飲埋，一滴都唔想浪費🥹
🔸美國牛肉薄燒（2卷）🐮或沖繩黑豚🐷
鐘意食牛對牛有要求嘅話可轉A4和牛肉眼每位+$150
我哋都係豬牛各一，先講牛肉薄燒，牛肉包埋蔥蒜、蘿蔔漬，咬開有爆汁感，味道好豐富🥹好鍾意師傅加咗蘿蔔漬係中間，咬落去脆卜卜咁好正🙌🏻
沖繩黑豚，個豬味好香😳口感好鬆軟，配搭鹽漬昆布，鹹鹹甜甜咁好特別🥰🔸漬物、麵豉湯、炒飯、炒什菜(可加錢轉柚子炒麵)
最後個炒飯都係鐵板燒嘅靈魂，炒到乾身、粒粒金黃色，加埋日式榨菜、撈埋橙黃色嘅蛋黃🥹就算已經好飽都要成碗食晒🥰
🔸甜品🍨雪糕
最後甜品有芝麻雪糕😛
餐廳2樓設有日本文具及生活小器具的小店舖🔮食完嘢過嚟可以睇吓啲日本小物、咖啡掛耳、茶包等。4樓仲有天台日式小花園可以俾客人休息🌳如果放假食個lunch都幾寫意☺️
📍#鐵板．壹
#尖沙咀 漆咸圍10-12號1樓A號舖
張貼
