鍾記粉麵店

營業中

休息中

又要溫書，又要去library，於是等男友放工後近近地在天后食lunch。正當毫無頭緒之際，發現了這間食車仔麵的店子，見價錢合理，就試試吧。有很多選擇，我要的是牛柏葉+白魚蛋+米粉+腩汁，另加汽水。男友的是牛筋+墨魚丸+魚皮餃+幼麵+腩汁。牛柏葉切得細細塊，很爽不錯。其餘的都好味，唯獨牛筋太腍，口感不夠好。兩個人食到飽飽的都不過$40，很劃算!p.s. 男友見到小店的玻璃上有很多明星的簽名，莫非此店大有來頭？

兩車仔麵$13有好多款揀, 加多一款加$3, 幾抵. 而且碗麵都好大碗, 仲有腩汁,咖哩汁, 辣汁揀... 試辣汁, 都幾好, 幾辣! 唯一係厭d 蘿蔔唔夠淋, 唔夠入味!一間小小車仔麵檔已經算係交足貨ga la... 所以平時lunch, 都好多人好full.

23-12-2006今晚到銅鑼灣飲宴, 例牌打定底先, 因為飲宴套餐百份之九十九都唔好食, 對上一次係洲際飲宴都係食物質素不合格, 很失望。要了四送幼麵, 豬皮, 豬大腸, 蘿匐, 炸菜肉絲。除炸菜肉絲不合格外其他都幾好, 尤其是湯底好熱, 蔥和芫西亦多, 食得過。

跳完舞，非常吐餓，見到鍾記車仔麵，不知同黃浦美食坊個間有無關系。試下。聞見隔離位姐姐碗麵非常香，食指大動。樣樣都想吃，實在太耐無吃車仔麵，要了6樣：豬大腸、水餃、魚皮餃、春卷、齋、時菜及油麵。份量頗大，湯底蒜頭味好勁好味，也入味，只是水餃太大舊肉不好吃。總體非常好味。

12/4(三) 6pm放工後返學前路過此店,晚餐決定在此解決.6點左右客人吾多,環境比一般粉麵店較企理乾淨.要左個3送米粉+咖哩汁另上$16,下午茶時段配豆漿加$2,價錢認為相宜!要左豬腸,牛筋,生菜米粉---豬腸色澤較淡,份量頗多,豬腸異常入味且腍,無異味,讚!牛筋五香味十足!生菜份量亦吾少,且挺嫩綠爽甜!米粉一般,但清而不膩既牛腩湯底值得一讚!咖哩汁惹味醒胃!反而支豆漿則較遜!豆香欠奉且有豆渣!埋單$18,一頓滿足經濟既晚餐!

在朋友家打完啤，再送埋同事返家，已經兩點幾。雖然已吃了東西，但不知何解還想多吃點東西，見這裡燈火通明，又來吃碗車仔麵。叫了碗蘿蔔牛膀豆卜撈米粉，加碟菜。碗米粉的份量比想像中要大，賣相都不錯。吃舊蘿蔔，清甜軟腍，有一點點的渣，但絕對可以接受；幾難可以吃到出色牛膀，這裡的夠腍，夠味，但牛膀咬落還是有點渣，不過三更九夜，吃得到都已收貨；撈米粉用了這裡自稱的「秘製辣汁」，味道微甜微辣，都幾冶味，似乎都吃得過。加埋可樂，吃得飽飽，埋單只28蚊，想吃消夜的話，這裡都是好選擇。

2月5日17:20被失雲雨趕離了花展，肚餓麗姐滿座，客人要坐到行人路上，廚師晚市未開。便到這裡來個特價下午茶。兩麵：豬大腸甘香肥美，夠淋入味(鹵水)，切腩一樣夠淋和肥美，麵的鹼水味不重。豆漿：膠樽裝(潮香牌)，300ml，有豆味，不會太甜。另外這裡的辣椒油亦夠香和辣，蒜味重。