鍾記粉麵店

營業中

休息中

車仔麵可以話係香港特色美食之一，豬皮豬紅魚蛋蘿蔔、 任君選擇，餓底最鍾意食淨蘿蔔，呢碗野一啲都唔簡單，由揀蘿蔔要冇渣、去到烹煮時嘅調味同煮嘅時間都不可輕視，蘿蔔煮得好淋、十分入味、完全吸收左湯嘅精華、更帶有一絲絲的甜，食完全碗都仲係意猶未盡、心思思想食多碗、可說是 #平民美食

行過花展，就到附近的茶餐廳稍作休息，於是到了鐘記粉麵吃點東西。炸魚皮相對地較少，只是平常的一半，有的魚皮為半邊黑色，但無礙把它吃掉。魚皮的鬆脆，不油不膩，乾身非常，亦無油嗌味，亦很鬆化。大大個的菠蘿油，是傳統的地道麵包，酥皮是菠蘿包的靈魂，每一口都是酥脆的加上麵包怎鬆軟和牛油的香味，使整個包酥脆得來又富香滑的口感，是不折不扣的邪惡之物。一杯凍奶茶，解決了對茶的渴望，香濃的茶香與甘醇的茶味，在糖水的沖泡下，也不失其味，不錯吧。瞬間的休息時間又過，又到了下一個行程。

都唔記得食過幾多次，方便，乾淨，底食。唔係間間車仔面都有粉絲食，每次食呢間就一定要粉絲，因為個湯底得，粉絲索晒D精華，正！ 佢個辣汁自己做味道不錯。餸菜配拾亦唔小。

晚上去維園游水前，去電器道睇下有咩食，是但入左鍾記粉麵店。店舖座位數量足夠，地方唔太逼。＄２９蚊兩餸車仔面。１。清湯雲吞墨丸粗麵－清湯味道岩岩好，有熟蒜，蔥係裡面，令個湯好香。墨丸夠彈牙，雲吞好大粒，粗麵夠爽口！２。清湯雲吞腩肉河粉－雲吞皮薄餡靚, 蝦大大粒 腩肉夠味，肥肉又唔會好油 清湯又唔會太咸由於趕住去游水，極速食完走人，意猶未盡！

這間粉麵店似車仔麵檔多點兒，所有麵食和配料可自由揀選組合。由最平的兩餸麵$27，到最貴的五餸麵$48，另外加餸，每款$7，豐儉由人。麵食有幼麵、粗麵、油麵、米線、粉絲、米粉、河粉、蕃薯粉(+$3)、烏冬(+$3)和伊麵(+$3)可供選擇，湯有清湯、牛腩汁、咖哩汁辣汁四款，餸料則有丸類、肉類、腸類和蔬菜類等四十款。下午茶餐，兩餸配麵，再免貴贈送一杯豆漿，索價二十七大元也。凍豆漿夠冰凍，質感稠密，豆味香濃，且不太甜膩。魚片頭雲吞米線配牛腩汁中的米線，淥得恰到好處，條條入口帶爽滑富嚼勁。可惜，鮮甜的湯頭，小妹絲毫嚐不出牛腩汁的精髓。湯中除有清香的蔥花外，還有炸得香脆可口的蒜頭。兩件魚片頭頗為厚身，切成三角形的，咬下爽彈味美，不俗也。相比下，兩粒的雲吞相形見拙。咬開一看，雲吞餡料質感死實，內有一大半是擠壓成一大團且硬實的雲吞皮，以及不算鮮爽的蝦隻，豬肉碎只有極少量，稱不上皮薄餡靚味鮮也﹗

3月24日, 下午4點喺天后電器道, 想食個平平嘅下午茶, 因為係假日, 大多餐廳都唔會做set, 係幾難搵, 好彩最後都搵到呢度, 一個2餸麵廿幾蚊送豆漿, 喺呢條街嚟講都數一數二平~::: 牛腩魚腐粗 + 豆漿 ::: $23牛腩大舊啖啖肉, 唔係話好淋但係都ok, 算係有咬口~ 魚腐夠淋又索湯, 雖然係普通料但係都唔會馬虎~ 湯底要咗咖哩汁, 呢度嘅車仔麵仲可以揀辣汁, 唔會只係得腩汁咁單調~ 整體個車仔麵抵食味道又唔錯, 已經好好~豆漿唔會只有甜味, 難得仲飲到豆味, 清清地凍凍地, 非常解渴~呢度附近要搵車仔麵真係唔易, 仲要係街坊價更難得~ 唔單止下午茶, 其實其他時段人流都唔少, 雖然唔係好多位, 有時都要等下位, 不過食碗車仔麵都好快, 唔駛等好耐就有位~ 要食天后車仔麵, 呢度都應該不二之選~

說起車仔麵，總會給人一種有點不清潔的感覺，不竟以前是在推車仔上的食物，就是在街邊擺賣的小販檔。然而，也是這一種風味給人佷獨特的感覺，連味道也是與別不同的。但隨著時代的轉變，在所謂的進步中，總會有一些東西要改變，車仔麵的改變就是沒有車仔，進了舖頭。而食物的種類也因著時代的演變而有所不同。今次選取的食物是腸仔、貢丸、雲吞、豬腸及炸魚片，伴以粗麵。一來的時候看見湯底很清，與常見的車仔麵湯底很不同。最初還以為會很不夠味，但喝了一點之後才知道清得來很甜，有很香的芫莤味。雖不算是濃湯底，但也喝得出一點惹味。讚另一個喜愛的是炸魚皮，相信是近年才會在車仔麵檔內看到的，在街邊的時間真的沒有這種食材。雖不是即炸，但炸魚皮很脆，而且還有一點魚鮮味，很好。

做完運動超肚餓, 諗住食碗車仔麵簡單D。叫咗淨餸, 有水餃, 牛筋, 冬菇, 蘿蔔+辣。水餃一般, 唔係好又唔係差, 蘿蔔同冬菇都好味, 特別係冬菇, 超大隻超厚肉! 但今日既牛筋就略為失手, 好咸 >~<加埋豆漿共$34, 咁就攪掂一餐!

这个车仔面店也是搬来大坑后第二次光顾，第一次来先是被无渣的萝卜和软捻入味的牛筋吸引，然后被桌上那合麻辣酱征服了味觉，香港吃到的酱，一般就只有辣，完全没有香味，这合可不一样，不仅辣到有香味，而且有钟爱的麻味，像是加了青花椒一样。而这种麻辣又不会持续太久，见好就收的美妙。第二次吃完面后，直接问老板外卖了瓶秘制XO麻辣酱，我想，有了它，我会有段时间不来了。

完左教會崇拜後第一時間就是找東西吃這次就這了鍾記的車仔麵一行大約十人找到2張枱坐下後就各自叫自己的心頭好了17蚊2餸麵算是不錯吧....我叫了牛腩和扎內扎肉香，但比起平時我在家吃的差一點了我家媽媽常買一些扎肉回家吃總是覺得我家的較好吃，雖然鍾記的扎肉也不錯但總是欠缺一些口感似的，讓人覺得差了一點。牛腩有咬口但又不會太難咬而且香又入味，不會太韌，也不會太淋，尚可吧...湯方面是牛腩汁湯底喝完十分口渴相信又是味精的作怪。環境不錯，人流也頗多..值得一提的是當時友人發現碗內有一小生物但告訴店員後他們也馬上換另一碗給她服務態度也差不多吧...平價的麵食相信質素也是較為劣質了但看在服務和材料也不錯的份上也不止於要給「喊」的吧!!

經過見到都好多餸揀，$17包兩餸，再加每樣加$6，下午茶仲送soy bean milk! 湯底係清湯，味精底，粗麵同榮記一樣，麵既choice都好多連烏冬同蕃薯麵都有，蘿蔔好甜，碗麵大大碗食完好full,抵食！

尋日(3-12-2010 Fri)放工覺得好悶,暫時唔想返屋企,就同男友返北角整啲o野,整o野前食o野,但因早餐同晏晝都食個Pie & Tart雞批食得飽飽,所以只想食少少o野,o黎到天后清風氐街一帶,有好多o野食,本來想食串燒,但人多等位都唔緊要,只係有人遲o黎先上岸,老闆雖然殷勤招待,但佢根本冇認到先後次序,咁算啦,我o地唔等,搵等二啲o野食.男友極力推介呢間車仔麵,重話好耐冇食.咁就入o黎食啦,男友話費事諗餸,就要$30.00o既大什麵,有豬大腸,豬紅,豬皮,豆卜,咖喱魚蛋,蘿蔔,雞翼同時菜,要米線咖哩汁.我就要$17.00o既兩餸麵,要牛腩汁牛筋貢丸油麵.一陣後,男友o既先到,大大碗,想唔影相都唔得,而我o既都o黎到,我o既餸呢,貢丸有兩粒,牛筋有三件.我o地交換o左啲餸,我先食吓男友o既米線,覺得冇問題.我飲吓啲腩汁,係有味但唔太濃,而油麵呢,食到幾重粉味,口感有啲糊,食到咁,至發覺原來米線好食過油麵,因為米線有啲彈牙,又唔係糊口.而餸呢,男友o個碗雞翼等一隻,重要只係一隻好細o既雞中翼,我就咬o左一啖,係鹵水雞翼,尚算入味.牛筋好夠腍,豆卜大大件,豬皮都入味,蘿蔔冇渣,其他

很多人喜歡吃車仔麵的原因是選擇夠多,幾十種配料加各式粉麵,加辣不加辣悉隨專便!吃了這麽多年下來已不知從何時開始,每次吃也只是點叫那幾款加油麵及辣汁.五餸油麵加辣汁----大腸質感軟淋夠入味,牛腩吃得一口是渣,豬紅入口感覺很削血腥味頗重.,牛肚硬身不入味,炸魚皮早已浸淋不再酥脆.油麵的質感奇怪,又不像是灼不透,但麵條中間是帶有一點粉的口感,可是放在雪櫃內太久?辣汁既不香亦不辣幫補不了食味,最後要靠檯面上的辣椒油幫肋下才能吃完這碗麵.從菜單上看來此鍾記與賣牛鞭馳的鍾記應無關連,因這裡只有牛雜.但有一個共通點就是再來的興趣不大.

行街行到肚仔餓，去左天后搵野食。有個阿姐企0係門口落力去拉客，又見平平地，就入去一試。叫左個2餸車仔，冬菇雞翼河+腩汁，仲有豆漿送。冬菇真係好好味，大大隻好有咬口，雞翼相比下就普通D，豆漿味道淡淡，唔係好甜，似豆水多D...同場有幾個賓賓幫親，可能呢間店都真係夠曬平。總括來說，16蚊都幾抵，十分推介冬菇! 後記︰食完發覺個口越來越口渴，可能都幾多味精......

聽我朋友講，話呢間車仔麵好好食，放假特登去食，可以話係希望越大，失望越大...湯底- 味精湯麵底- 幼麵都唔好食，口感都唔好 蘿白- 好甜，但係唔係本身的甜味，好明顯係加咗好多糖去煮 魷魚- 都係無味 咖喱魚旦- 得個辣味，無咖喱味 牛腩- 好普通，無咩特別 多味精 食完好口渴