鍾記粉麵店

營業中

休息中

以前係炮台山返工 成日黎食呢間鍾記粉麵真係真係好食又大碗呀今日約左朋友去銅鑼灣行街又有d掛住呢間車仔麵喎咁就順道行過黎呢到食佢喇銅鑼灣行過黎大概十五分鐘左右啦話遠又唔算遠 近又唔算好近環境就好似一般車仔麵店咁麵係逼逼地 但勝在乾淨企理跟住我就係嗌我平時最鍾意叫嘅3餸分別係雞翼、魷魚同通菜再碗個油麵湯底要牛腩同沙嗲汁講講雞翼先其實冇咩特別 一般滷水雞翼不過我本身鍾意食雞翼所以叫魷魚覺得好爽口又彈牙再沾到d湯底汁 好好食！必叫呀而通菜亦一樣因為佢索晒個湯底嘅汁食落去係好好味最後個油麵底係非常好食個口感極佳唯一敗筆係食完會有少少口渴

今次冇咩preference食咩餸 咁就泥個大雜燴naa!腩肉 豬紅 豬皮 豆卜 咖哩魚蛋 蘿蔔 雞翼 時菜wow要乜有乜比得餸多唔代表麵少㗎喎依然大大碗滿足倒對眼 個口 同個胃揀咗香辣汁同油麵 簡直係超登對完美地帶動咗氣氛車仔麵要好食除咗要有好餸之外 仲要有好湯好麵喂 唔係癈話泥你諗真啲 啱唔啱先冇其中一樣 = 靈魂半死呢間係我回頭率最高嘅車仔麵店 夠地道 夠大件 夠抵食 夠飽之前一向都係買開外賣 已經覺得okay終於有機會堂食 心情節節上升非必要真係唔好外賣 overall感覺差好遠der ohhh味道：7.5/10鍾記粉麵店大什麵 $47📍天后

味道很不錯，湯底很濃郁，價格也合理，最緊要是老闆和老闆娘都好和藹，不會像其他粉麵店一樣臭臉，還送了一人一杯凍豆漿。已經同老公一齊去過兩次，每次每人點一份三送，加一份青菜（通菜），份量很ok，兩次都吃不完。吃完大滿足！讚👍

最近比較休閒，所以到處去搵車仔麵食，原來屋企附近已經有一間好味又唔貴既車仔麵，入到去座位寬闊，感覺又乾淨，同餸類選擇多，已過下午2時，所以有下午茶時間，兩餸＋麵只需$32,仲有豆漿送，我Order 佐個雞翼🐔雞翼 脹卜卜，好鬼多肉😋真係好鬼低😉比我發現，仲有我只愛既伊麵，湯上面加佐蒜，所以好惹味👍 需要加3蚊，坐坐下，原來呢度都比較多熟客，有位有型男顧客問，今日有無咖哩魷魚，在廚房裏面師傅回答，今日有呀，接著又有一位身光頸靚呀太入嚟，同伙記打招呼，我有點兒八掛🤗我問位男仕伙記鍾記粉麵開佐幾耐，回答我：開佐拾幾年囉，我都做佐10年以上，今日年三十，都會開到明早八時，以上對答，位男仕好有禮物，今時今日服務態度Very Good 👍👍👍

今日去完北角做嘢，一路都唔知想食乜一直行行到去天后，原先想食碗魚蛋粉，但後來醒起天后有間叫鐘記粉面店，之前我響度食個好好味嘅車仔麵，於是今日午餐我就叫咗車仔麵，由於呢度啲份量好大，之前我試過大什麵，裏面有菜雞翼尖豬紅蘿蔔魚蛋等等好多個信，每次叫我都食唔晒，所以我今日揀咗菜、咖喱魚蛋配粉絲，唔係好多車仔麵地方有得粉絲，我揀咗麻辣湯底，粉絲吸咗個湯底真係好夠味，其實三個餸我都已經好飽，過咗兩點係下午茶時間，所有嘢飲都係半價，所以今日三餸一麵加埋嘢飲都只係$42。

位於天后嘅一間小店，主要都係做街坊生意，價錢親民。下午茶$31有兩餸好抵食。今次揀左晚飯時段去，間唔使都有D客比佢嘅平價吸左入去。座位方面OK，起碼唔會手撞手。 🍞食物方面🍞【三餸麵】🐟三餸嗌左雲吞、時棻 (本人食好多菜) 同埋牛腩配油麵。麵嘅份量好夠，良心食店黎。油麵味道咁一般就唔講喇。雲吞大大隻，唔係雪藏個種，好食。菜無另上，可能下次要專登同佢講番聲。另外，加多左個豆漿，$5樽仔份量，好似得凍嘅揀，飲落唔會過甜，不過豆味唔夠香濃。🌿🌿🌿🌿🌿🌿🌿🌿🌿🌿【 三餸麵  】：$36豆漿：$5⭐️⭐️⭐️⭐️環境：唔算迫⭐️⭐️ ⭐️  衛生：一般，始終開放廚房實有油煙⭐️⭐️服務：正常⭐️⭐️⭐️抵食：好少車仔麵仲咁抵⭐️⭐️⭐️⭐️ 

天后一向多小店 今次就揀咗間食車仔麵 麵底一個價錢 再逐樣逐樣餸咁加上去 我叫咗雲吞 魚腐 同埋 貢丸配粗麵 分量都可以 啱啱好夠食 個人嚟講最鍾意係個腩汁湯底 令到碗麵惹味好多 另外其他餸都係中規中矩 總括嚟講都算唔錯

係天后食米線既選擇不多🤔但係其中最為出色既一定係呢間用心製作既鐘記🤤因為呢間3送麵都係38蚊 仲送豆漿tim😃叫左最愛既牛腩 同豬腸😛湯底簡左牛腩汁 😋。湯底濃厚🉐️來又好味唔係偏鹹 好有牛腩既味道😵😵再者個豬腸幾爽口 大大塊 份量足料 🤗🤗最緊要係清理🉐️乾淨 冇乜豬油 而牛腩就大大塊 但就🉐️幾塊 有小小可惜😪總括來講 31蚊既價錢來講算係合理可以接受環境空間都係大 服務員都很主動幫人落單絕對會再返來食過🤤🤤🤤

呢一間之前都食過，印象中吾係太差，否則吾會再去，今日再來食多次重溫一下，順便寫個食評。每次食車仔麵，都覺得應該係揀豬皮、蘿蔔、魚蛋呢3款餸，配油麵或米粉，因為我覺得如果想食靚雲吞、水餃，應該去專食雲吞麵的舖頭，想食靚牛腩及魚旦、片頭果D要去潮州魚旦粉店食先啱，所以車仔麵我吾會揀食雲吞水餃。睇到啲人的食評彈呢度雲吞不好吃，係咪選錯地方呢？車仔麵，應該揀豬皮、蘿蔔、咖哩魚蛋、魷魚、豬紅、雞翼、紅腸呢D餸。。。我本身已戎豬紅、雞翼、魷魚了，而豬皮、蘿蔔、魚旦(咖哩)、菜都係我每次必選的車仔麵餸，今日也不例外吧！以我嚟講：3餸+油麵會食到好飽，除非好肚餓，所以都係揀米粉好D喇。今晚的咖哩魚旦夠辣夠味（對我來講）、蘿蔔香甜又腍、豬皮夠入味又厚厚的，好食，唯米粉略為碎咗啲，但整體味道幾好，服務ok，有禮的。今晚跟朋友一起食，我要三餸佢要兩餸，一碟油菜share，佢揀咗腩肉及牛筋粉絲，佢話佢果兩款都好夠味、夠腍，我比咗魚旦及豬皮佢試，佢話呢度啲餸道味吾錯……

天氣熱熱地無咩胃口，去天后看下有無車仔麵食先～由天后A2出口行到炮台山都係美食區，要試曬所有真係要點時間去到鍾記粉麵店，裝飾簡簡單單～枱上一張清單選了四樣餸米粉，製作需時～五分鐘送到面前～看見都流曬口水，當你食到自己喜愛的食物～真係用五至十分鐘就可以食完依碗包含牛筋，魚片頭，水餃同㕑師腸的牛腩汁米粉。整體食物新鮮，鋪細細但都容納二十多人到。服務都好好而且好有禮貌會要來光顧⋯⋯試下紫菜湯同其他湯汁等

下午三點幾仲未食飯，諗住食車仔麵做下午茶。慕名而來坐低3分鐘有嘢食。聞一下，味道正常。所謂湯就是粉面的靈魂，第一口一定飲湯先，飲一啖正常牛腩汁唔錯。跟住再食一口米粉正常，合格；再咬一口魚蛋，好鹹，唔係濃味咁簡單！！！跟住再咬一口後牛腩都係正常！整體而言，一切正常。。。除咗喊到痴線嘅咖喱魚蛋！

就在入住的酒店L'hotel causeway bay harbor view附近的一条聚集了众多食铺的街上。十几种配料+面或粉=$30，部分面如乌冬需另加$3，有4-5种口味可供选择。另外还有豆浆可乐咖啡等饮品以及油麦菜等小事。我选了云吞+咖喱鱿鱼+乌冬面+辣汁，另外要了一份蚝油油麦菜，一共$48。云吞好大2个，里面有大虾，超级好吃！鱿鱼很Q弹，虽然没吃出咖喱味，辣汁感觉不够辣，汤底很鲜。老板人很好，很耐心的给我们介绍配料。

我係一個好鐘意食車仔面既人⋯ 繼上水成記、元朗永年之外，鍾記係好值得推薦既一間車仔面店⋯ 所以我經常由炮台山行過黎食～ 其實係店門口既時候，有時會聞到好香既東菇味，係會令你好想入去試下⋯ 雖然店仔細細，但好多時都坐滿蓆，試過好多款唔同既餸，最鐘意係食佢既東菇，因為特別在，東菇肉好厚，不是超市好扁平好薄果隻，而且好香好多汁⋯ 鐘意食東菇既朋友真係要一試！另外係咖哩魷魚，好入味，好辣既朋友都可以試埋佢既香辣汁！ 2樣加埋味道好夾！仲有春卷，雖然好味，不過我都係鐘意食南記既春卷多啲😊呢度有麻辣汁，香辣汁，咖哩同腩汁揀、其實麻辣汁好好食，但嫌油多左啲⋯ 所以會食香辣汁，唔算太辣～ 但勝在夠香！天后黎講鍾記又平又抵食，2餸都係30蚊有找！

叫左魷魚同雲吞配河粉。湯底有點咸，愈食愈口喝，飲左2支汽水。雲吞幾大粒，有蝦，雖然唔可以話鮮蝦，但未梅仍有彈性，所以雲吞不過不失。河粉當然係街外入貨既大路品質，但一分錢一分貨，以30蚊有找既價錢來說，已經不錯。

早上約十一点多途經天后，肚餓難當，見有車仔麵店剛開市，衡入，點了一碗三餸車仔麵，粗麵底加上豬皮、水餃及大腸，共HK$36等約十分鐘，面到。面份量大，有差不多兩個麵餅份量，豬皮爽口，大腸入味，帶有八角及桂皮香氧，水餃是木耳豬肉蝦製成，沒大地魚粉，味道只屬一般，湯味濃，喝後半小時都沒有口乾感覺，讚！特別要一提這裏的咖喱汁及辣椒油，前者惹味濃郁，後者不會死辣，香味悠長。總結 : 咖喱汁及辣油出色，份量頗大，性價比高，值得備忘。