鍋心粥底火鍋 (德成街)

營業中

休息中

仲意食野的老闆之前係第二間分店食過翻尋味,剛好有同事要請食飯,為了佢荷包著想,所以提議去佐敦分店打邊爐,地點又超方便。因為係星期五,有分2輪,我地食第2輪815pn。由於時間關係,我六點拎左個蛋糕俾佢地雪,然後就行街,八點來到已好多人排隊,都等左一陣先可以坐低。佢地兩輪都十分旺場。坐低就有粥底同醬料配料俾你可惜個日無龍蝦揀,所以只能換蟹,不過我地都ok蟹😂每枱都有個牌指示你海鮮要煮幾耐,又有timer俾埋你,吾怕煮老。最重要係海鲜都幾新鮮,最後加左碟靚肥牛,人均都只係$250,超抵呀~個肥牛的脂肪好平均,我平時吾好食牛,都食左2塊,係吾錯!其實份量都吾少,大家飽到呢~仲要幫壽星切蛋糕🤣

好多年前響大圍食過一次鍋心，印象中都唔錯。今次突然想食粥底火鍋就即刻諗起佢。知道原來佐敦都有分店，就即管去試嚇啦。我哋果日晚市好早就到，大概係5:30，但已經好多人，同埋記得要book位，否則walkin好大機會食唔倒。我哋叫左最平個餐，係肉蟹+沙白蜆 $200，再自選5種海鮮，我哋揀左鮑魚、蟶子、蝦、多寶魚、蜆。肉蟹唔係好大隻，但勝在海鯨樣樣都好新鮮。配料並唔係無限叫，可以揀8樣，冇乜特別都係一啲普通嘅火鍋配料。我諗最重要都係佢個海鮮粥。一開始佢個湯底只係粥水，等你食完海鮮同配料之後，職員就會幫你落粥，同埋南瓜粒、芋頭粒同粟米件，3樣都係帶甜嘅蔬菜，再加上海鮮嘅精華，煲出黎個粥真係冇得頂。未至於非常抵食或者係非試不可，但這個價錢有生猛海鮮，有火鍋配料，又有海鮮粥，算不過不失了，而且都夠飽嘅。食物：❇️❇️❇️環境：❇️❇️❇️服務：❇️❇️❇️價錢：❇️❇️❇️翻兜指數：❇️❇️❇️

同同事一行6人book 左鍋心諗住食蒸氣火鍋，原來我哋已經太out! 除咗太子嗰間之外其他都係食粥底火鍋😂所以我哋嘅晚餐變咗食粥底火鍋～咁我哋就喺個餐牌度點餐，發現三個餐入邊有兩個都冇，加上我哋六個人要點一模一樣嘅野，所以我哋其實冇咩可以揀😂揀下要啲咩嚟打邊爐同埋海鮮咁海鮮係7選5，打邊爐嘅材料就揀8款～$200蚊一個人，跟人頭計～ 我哋嘢飲額外叫，但係買單神級咁抵！每個人只係$237！真心抵到爆！點解會覺得抵呢？一開頭佢上咗海鮮先～由於我哋比較隨意同埋肚餓，所以我哋蝦，蟹，鮑魚，花甲，螺肉全部放晒落個煲度😂結果就係煲咗好耐先至熟😂😂哈哈！但係啲海鮮真係新鮮㗎！我哋加咗$68叫咗個手切肥牛，佢係好肥既牛，其實係好食嘅，不過肥咗啲！食完左海鮮之後就到上打邊爐嘅材料，好似粟米，金針菇，響鈴，淮山，芝士豆腐，牛肉丸，花膠等～ 其實用海鮮粥底嚟打邊爐又真係幾好味食完晒之後，嗰個職員會拎粒粒南瓜同埋粒粒芋頭黎比我地煲，煲到咁上下就會加米煲粥！我想講呢個海鮮味嘅南瓜芋頭粥好好味！因為吸晒我哋打邊爐嘅海鮮同埋肉！正到爆！由於真係好多嘢食！所以我會形容佢係一個抵食嘅打邊爐！下次多人我都覺得可以再去！

見到咁多好評 可惜名大過實🥹🥲作為海鮮愛好者當然要試試佢！當日去到先知冇龍蝦🦞只係得$200個套餐加$148 A5和牛試吓 幾好味，但有幾塊有筋雖然有8款自選火鍋配料，但都係好普通限時兩個鐘，食咗一個鐘多啲就失望離場‼️海鮮完全無鮮味‼️鮑魚夠大隻但無味，蝦同蟹還可以但都係冇味啲馬刀貝同沙白隻隻都有沙，又係無味個湯係粥水所以冇咩味，係要靠啲海鮮嘅鮮味可惜海鮮唔靚，啲配料，海鮮都要點豉油先有味🥹去到呢到仲諗住比啲希望個粥結果，不意外地成煲粥淡過白粥，好難食真心名大過實唔值得食

食物質素很不錯，海鮮都很新鮮，服務員都很細心講解煮食時間及方法等，套餐來說絕對不算貴，也沒有將價就貨，食到最後未食粥時已經很飽了。兩個半小時食用時間沒有很鬆動，剛剛好。唯一缺點是三人枱太細，放不了太多食物。走時好多人排隊，一定要預約!!

店家好貼心推出左3個不同配搭既套餐，肉蟹+沙白蜆+自選5款海鮮$200﹑龍蝦+沙白蜆+自選5款海鮮$220﹑肉蟹+龍蝦+沙白蜆+自選5款海鮮$250，自選5款海鮮有鮑魚﹑蝦﹑紐西蘭大青口﹑刀貝﹑大尾魷﹑多寶魚﹑花甲，此外，仲可以自選8款配料，有菜﹑丸類同肉類。蟹的鮮與美，則屬肉之極，蟹的每一處，都為獨特，其餘海鮮都好新鮮，非常鮮美！自家製手打雞骨丸，口感非常特別，外面都食唔到，有少少似食緊雞軟骨！用海鮮既精華熬成粥，真的很好食！

呢間火鍋店出咗名食海鮮套餐及粥底。套餐份量雖然不多但係勝在追加嘅項目亦都價錢不貴。只$20一份。出名嘅龍蝦套餐冇咗有啲失望。整個海鮮套餐比較突出嘅反而係鮑魚，大大隻又新鮮爽口。每人一隻後，突然有個海鮮特價時段$30兩隻，於是即刻追加。其他嘅海鮮就普普通通。至於其他配料方面反而手打雞軟骨滑有驚喜。其他配料就不過不失。追加$20份量都比足。最后粥底，果然味濃，全部精華所在。雖然好飽，但都要食多二碗😋。全爆爆滿，但都提供好好服務，態度良好。

最近同朋友聚餐食咗一間好抵食嘅粥底火鍋每一樣食物都好新鮮份量好多 好足料《鍋心滋味五重奏》當日去到所有套餐都賣晒剩返一款$200 set 1階：肉蟹 + 沙白蜆 每位有半隻肉蟹 啖啖肉 好鮮味沙白蜆都好肥美 有少少沙2階：自選五款時令海鮮-鮑魚超大隻 啖啖肉-花甲 （當日花甲已經賣晒 用蟶子代替）-蟶子好爽甜-蝦好大隻 又鮮甜-魷魚好爽口3階：芋頭粒 南瓜粒 粟米件（用嚟煲粥用）-粟米件好甜4階：自選八款配料黃金粟米餃-好驚喜 餃子好飽滿 粟米粒好甜肥牛-大大塊 唔算好肥鮮淮山-好爽甜脆炸魚皮-好脆 不過有啲太碎 響鈴卷-正常芝士腸-分量超多蟹粉包-其實即係平時嘅蟹籽丸牛柏葉-好爽口最階：No. 1 精華海鮮粥-員工會響差唔多你食完嘅時候叫你落定啲芋頭同南瓜粒煮到咁上下就會親自來煮粥員工好細心將芋頭粒同南瓜粒壓成蓉加入粥 仲會好貼心咁問你鍾意杰啲定稀嘅粥個粥好甜 好好味因為吸收晒所有海鮮同配料嘅精華買單唔使加一 好抵食👍🏼啲員工個個都風趣十足好玩得食得好開心

趁住同家人慶祝生日，又可以出動去食好西啦!😎 今次俾我發掘到呢間火鍋店，大約$200就可以食到同任食打邊爐嘅份量，仲要唔收加一服務費🤩，海鮮非常新鮮，上枱嗰時仲郁緊🫢，食材質素幾高，好抵食！😛 店員上餐執枱動作俐落，餐廳面積超級大，坐位都幾闊落，店內亦設有貴賓室，方便喜歡私隱度高的三五知己歡聚暢談~有3個套餐可供選擇: 1. 🦀肉蟹+沙白蜆 套餐($200)2. 🦞龍蝦+沙白蜆 套餐($220)3. 🦞龍蝦+ 🦀肉蟹+沙白蜆 套餐($250)1️⃣湯底係用米水，店員會上醬油配料給客人調配(沙薑粒、蔥花、辣椒、生蒜)2️⃣7款自選生猛海鮮 🦐🐙🦀🦑🐟♨️肉蟹：肉質好新鮮，仲有好多膏😝，鮮美甘甜♨️龍蝦：肉質結實彈牙，鮮味十足！😎♨️沙白蜆：未煮之前仲好生猛🤣，蜆肉鮮嫩飽滿，完全無沙♨️鮑魚：未煮之前仲好生猛🤣 幾大隻，肉質厚身爽嫩，幾有嚼勁！♨️貴妃蚌：好大隻，爽口鮮甜！🥰♨️蟶子：肉質爽口滑嫩，帶鹹鮮味♨️花甲：有幾隻有少少沙，但味道鮮甜♨️多寶魚：肉質嫩滑，但比較多骨🙊3️⃣8款自選配料「打邊爐」等我精選幾款講下先😌🐮肥牛：淥一淥就食得，初頭以為會好肥，點知又唔會太油花，啱哂我😝 牛味香濃，肉質幾鮮嫩!🐷西班牙

睇完戲，Book咗八點第二輪嘅海鮮粥打邊爐。第一階：初初選擇左龍蝦，但原來要預訂的，只好要肉蟹加沙白蜆。總括係好抵食嘅。第二階：可選五款海鮮，選擇了鮑魚、多寶魚、紐西蘭青口、蝦和刀貝。蝦來到嘅時候仲係生猛！多寶魚有個小插曲，侍應唔小心跌咗塊落地下，之後急急腳走咗，同另一位侍應講，佢比多份魚我哋（雖然我哋只係想要返原先份量😚）。總括海鮮都鮮甜、新鮮好吃的。 肉蟹有少量膏。第三階：製造海鮮粥配料包括南瓜粒、芋頭粒、和粟米。但大部份人（包括我們）都不為意，仲同侍應講我哋冇嗌，佢哋答：「餐包㗎！」第四階：可選八款配料，我們的選擇包括竹笙、萵筍、淮山、雞滑、牛丸、粟米餃、冬瓜及白菜膽。當中雞滑和牛丸特別好味！白菜膽賣相不好😝，味道可以的。 我哋本身鍾意食菜，所以偏向揀多些菜類食物。最階：精華海鮮粥。加埋芫荽、冬菜、菜甫粒等配料。味道比我想像中淡，但另一半話食到蟹的鮮甜。最好玩係大概九點左右，有待應高呼：「係海鮮特價時候！鮑魚$30兩隻。生蠔$10隻」。我哋叫咗兩隻生蠔，好肥美😋😋。總括環境坐得舒服的，服務員比我想像中好。當晚full 爆，以為會好難叫到待應，但點知他們主動和勤力地同我們換碟，真係

人頭$200一位嘅海鮮粥底火鍋，仲要好食嘅真係好難得！通常去到餐廳，我都會留意吓個地下乾唔乾淨，雖然呢度係食海鮮，但係地下一啲蝦殼蟹殼都冇，衛生方面做得幾好而且疫情問題，通常我都會抹一次啲碗碟再用餐，啲碗碟抹完都係乾淨嘅。由於我哋7:30先嚟到，所以已經冇晒龍蝦餐唔緊要啦食肉蟹餐都好快樂。除咗有蟹，另外仲可以自己揀五款海鮮（唔包括呢隻蟹）我哋揀咗沙白，蝦，魚，鮑魚同一款唔記得咗揀完五款海鮮，仲可以揀八款火鍋配料，當中最有特色嘅就係雞滑食晒五款海鮮+八款火鍋配料，已經好飽，粥底火鍋，我哋仲有個粥未食粥吸收晒海鮮嘅精華，加上仲有蔥花菜甫令到佢嘅鮮味昇華飽實在行唔郁，坐多半個鐘先走。

隔左咁耐終於都可以同朋友一齊去食晚餐啦👍🏻今次試左呢間喺佐敦嘅鍋心粥底火鍋👍🏻又抵食又好味👍🏻一定要推薦俾大家！個套餐叫鍋心滋味五重奏，第一項有三款海鮮可以㨂，我哋分別揀咗兩款龍蝦($2️⃣2️⃣0️⃣)同肉蟹($2️⃣0️⃣0️⃣)😝😝，而且兩款都有埋沙白蜆配🤭。我首先一定要大讚佢嘅肉蟹同龍蝦❤️因為真係好新鮮😊食落勁有鮮味😁蟹肉好足又夠鮮甜🤭龍蝦又夠彈牙🥳真心好正🙈另外佢嘅沙白蜆一啲都冇輸，又嫩又鮮甜👍🏻正到爆。而係第二項度我哋就揀咗鮑魚、蝦、花甲、帶子同蟶子😝😝！全部都非常新鮮😊食落勁鮮甜，好好味👍🏻 我最欣賞嘅係佢嘅蟶子同蝦❤️因為真心好好味🥳蟶子夠曬嫩口同鮮味❤️海蝦又夠彈牙多肉😊我勁推大家揀呢兩個！之後我哋仲揀咗八款配料，我最推大家試佢嘅自家製手打雞骨丸，呢個真心幾好味😋佢嘅雞骨丸有咬口得黎又夠嫩👍🏻食落都幾香幾好食㗎😋！仲有就係芝士豆腐，呢個真係打邊爐一流，勁香芝士味😝（朋友大愛呢個），鍾意食芝士嘅一定唔少得佢！話明係粥底火鍋，就梗係唔少得佢個粥啦🙈～ 喺煮粥之前佢哋會俾南瓜芋頭同粟米我哋去煮個湯底，之後當你食完所有配料嘅時候就可以叫夥計幫你煮粥😝😝，煮粥嘅時候，佢哋仲會加啲新嘅配料(例如冬菜、菜甫同

出得返黎堂食，唔知點解我第一下就諗起好想好想打邊爐鍋心個粥底火鍋係由大圍得一間鋪既時候已經開始食，開返晚市即刻想去回味一下__________________________🔹肉蟹+沙白蜆$200🔹龍蝦+沙白蜆$220+5款海鮮+8款火鍋配料+三款菜南瓜粒，芋頭粒同粟米件+粥底配料豬油渣，冬菜，大頭菜，菜莆，芫茜👰🏻:🌕🌕🌕🌕🌑🤵🏻:🌕🌕🌕🌗🌑Keto friendly: ⭕️唔食個粥底😂打頭陣既海鮮有龍蝦，蟹，沙白蜆，鮑魚，聖子，大頭蝦，帶子，花甲食海鮮最緊要係咩啊，新鮮丫麻尤其是佢啲沙白蜆夠大隻又鮮甜食完忍唔住倒返啲汁去個粥底度蝦佢會用隻碗蓋住，怕太生猛跳走左你睇相都見勁多膏.店家好貼心咁整咗一張紙牌講每一樣海鮮應該煮幾耐仲俾埋timer 你計時⌛️.火鍋配料我都係揀大路野最印象深係手打雞骨丸有啲似日本居酒屋會食到嘅免治雞肉食到雞肉嘅鮮味之餘，中間仲食到啲軟骨❤️.食完晒之後再埋啲南瓜芋頭，香菜同豬油渣粒我冇第二個形容詞啦所有海鮮同火鍋料精華煮晒出黎，真係好鮮味

#黃店🇭🇰佐敦-鍋心粥底火鍋🔻睇片可以睇上一個post!!!🔻📢召喚海鮮控COME ON!!!呢間又係街知巷聞嘅粥底火鍋😍鍾意食海鮮嘅一定唔可以錯過～～朋友仔就係知道我勁鍾意食海鮮 就特登bk枱捉咗我嚟食呢間舖頭👻佢話成日大排長龍㗎～所以大家記得要bk枱！！⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗✅餐廳選擇：價錢只需$200up～～可以仼選七款海鮮🦞我同朋友仔就揀咗(肉蟹加沙白蜆套餐)(龍蝦加沙白蜆套餐)>然後再揀咗五款時令海鮮(鮑魚，多寶魚，花甲，海蝦，蟶子)另外仲可以選多八款火煱配料🍲*二人份量*✅溫馨提示：店舖好貼心咁～有一個表寫低每樣海鮮要煮嘅時間，亦都有計時器只要跟住佢煮就可以避免煮到啲海鮮太老👍🏻🔷鍋心粥底火鍋(⭐️9/10) 呢個粥底火鍋，店員一開始就向我哋介紹咗要點食：首先要食「海鮮」，然後食「打邊爐配料」，最後邀請店員幫手整「黃金粥底」👍🏻一開始食海鮮，就食得出佢哋所有嘅海鮮都好新鮮，全部都仲郁梗㗎，食落都好有鮮味🙌🏻當食晒海鮮～我地就將佢哋預先準備嘅「粟米，芋頭粒，南瓜粒」，將佢一路煲溶佢一路打邊爐食配料，去到差唔多

呢間餐廳將傳統粥文化提升，搭配是日時令海鮮、家禽、肉類同蔬菜等新鮮食材， 突顯「原味」、「鮮味」同「真味」🍲 堅持「以客為先，絕無海鮮價」，所有套餐免收加一，性價極高👍🏼🦀肉蟹+沙白蜆 ($200)🦞龍蝦+沙白蜆 ($220)1️⃣店員先上米水同醬油配料 (沙薑粒、蔥花、辣椒、生蒜)2️⃣品嚐7款自選生猛海鮮💗肉蟹：口感肉多肥厚，鮮美甘甜💗龍蝦：肉質厚實Q彈，鮮味十足💗沙白蜆：蜆肉鮮嫩飽滿，完全無沙💗鮑魚：口感肉厚爽滑，特別有嚼勁💗長臂蝦：肉質結實彈牙，蝦頭帶膏💗大尾魷：肉質爽脆有彈性💗帶子：雖然肉身偏細，但味道鮮甜💗蟶子：肉質爽口滑嫩，帶鹹鮮味3️⃣加入3款蔬菜 (南瓜粒、芋頭粒、粟米件) 準備「海鮮粥」4️⃣加入8款自選配料「打邊爐」💗肥牛：肉質軟嫩纖細，帶少量油花分佈，牛味特別濃郁💗西班牙豬梅頭片：肉質柔嫩細滑，肥瘦適中，充滿肉鮮💗自家制手打雞骨丸：軟滑雞肉丸混入脆脆軟骨碎，一口享受雙重口感💗蒿荀：味道爽脆清甜💗蟹粉包：爽彈魚丸包住流沙甘香嘅蟹粉醬💗汕頭牛丸：牛丸爽彈爆汁，帶黑椒香💗花枝丸：丸中有粒粒花枝令口感更爽彈💗炸魚皮：味道鬆脆香口5️⃣店員幫忙壓蓉南瓜粒、芋頭粒，放入粥膽熬成「海鮮粥」💗No