鍋心粥底火鍋 (德成街)

營業中

休息中

鍋心呢間店經常都聽啲同事講好抵食，今日終於有機會去食吓！由於聽講而家多番好多人出嚟食嘢，所以我都一早打嚟book定位，好彩有book位，因為真係全場爆滿！我哋兩個人坐嘅卡位都幾闊，張枱夠大，放到好多嘢。聽完店員講解一輪之後我哋就開始揀嘢食，見到蟹好吸引，即刻揀咗，朋友就揀咗龍蝦。除咗呢兩個，我哋仲可以喺七樣海鮮入邊揀五款！即係今晚起碼食到七款海鮮！真係大飽口福。都仲未完，後面仲有得揀好多款火鍋食物，真係好抵食，二百幾蚊可以食咁多食材。一直以為呢度只係有白粥湯底，原來佢新出左個豬骨湯底，非常惹味。啲嘢食一浪接一浪咁難，全晚都食到非常之飽，所有海鮮都好新鮮，睇吓啲青口幾大啫！成隻碗咁大，我都冇見過咁大隻青口。我覺得最精彩係最尾嘅粥，所有嘅醬汁吸收晒所有海鮮同埋食材嘅精華，再加埋豬骨嘅味道，啲粥好惹味，就算好飽，我都忍唔住食晒！

呢日晏晝係tst附近行街，見呢排天氣開始轉涼，所以同男朋友就想打個邊爐，然後碌碌下就見到佐敦有得食呢間粥底火鍋。平時台式麻辣火鍋就食得多，粥底真係未試過，所以我地就決定去試下。佢地湯底有兩種，一種係普通粥底，而我地就揀左另一種，近期先有既黃金豬骨湯底。 無論揀邊種湯底，到最後職員都會幫你用啲湯黎煲粥既。食物方面可以揀唔同既set，每個set都包蟹/龍蝦+5種海鮮+4種火鍋配料。今次我就揀左龍蝦，仲有好多海鮮，例如鮑魚，花甲，帶子等，全部海鮮都勁新鮮好味，而且餐廣一早俾曬手套同蟹鉗我地剝殼，超貼心。火鍋材料方面都應有盡有，肥牛，蜂巢豆腐呢啲材料都好新鮮，超好味。一路食既時候發覺呢度好似食fine dining咁，啲員工會好留意住你食到邊個進度然後上菜，真係有服務，抵食！

稍為有少少秋意就想打邊爐🥳 依間鍋心唔係大街旁，但勝在入面夠大，坐得舒服枱夠大，放多d 海鮮都冇問題我都鐘意佢有個洗手盤係餐廳，食前同中途有需要都可以清潔雙手～～調料店員已經幫你拎好曬，一碟兩人分，基本需要嘅都有比起火鍋放題多一份service😁我揀嘅係龍蝦set,龍蝦一人半隻有肉有膏，都有工具方便拆肉食。枱隔離仲有個timer 教學講明每種海鮮要煮幾耐，的確跟住寫嘅時間可以熟但又唔會煮老曬其他海鮮我地揀左蜆沙白：清甜無沙花甲：份量唔少，一樣冇沙，冇乜死嘅蜆，唔錯唔錯刀貝：飽滿鮑魚跟住教學嘅時間煮，好彈牙鮮美其實仲有一人四款火鍋配料可以揀，例如 蔬菜、丸，豬牛等最尾見我地食完店員會加個粥底比我地（粥、南瓜粒、芋頭粒）店員會幫手將南瓜、芋頭壓得更爛更入味仲有附送e d 配料送粥食，整體黎講絕對夠飽

上星期朋友想食海鮮😆即興同佢去咗佐敦鍋心，我地冇book位，但未到6：00去到，好彩都有位比到我地🤭選湯底時，店員建議黃金豬骨湯會甜啲😆咁我地就點咗黄金豬骨湯套餐就點咗🦀$210肉蟹加沙白蜆及$230龍蝦加沙白蜆（再自選5款海鮮）揀咗蝦、帶子、貴妃蚌、花甲、鮑魚好彩我地早到可以叫到龍蝦，我地後面果枱7：00幾到都已經龍蝦沽清了，原來book枱都要預訂龍蝦架！哩度海鮮算新鮮的🦀不是雪藏的，肉蟹都好多膏，如果龍蝦全隻就好😆唔夠喉呀每人自選4款配料2人就可以揀8款，可以重覆點的。都係牛肉，丸類，蔬菜食到依度都飽飽地另外店員會連打邊爐配料一起送上嘅南瓜粒同芋頭，記得要預早放落湯底度煲，因為最尾煲粥用的。店員最後送上一碗已煲好嘅粥不過未落粥前，好有耐性😊將一早放落嘅芋頭同南瓜用大湯羹再壓碎後，最後落粥再加入菜甫、冬菜、芫茜、大頭菜粒，豬油渣粒，店員攪拌均勻就食得啦😋粥底真心好鮮甜好好味👍每人2百幾有咁多野食真心抵呀👍依間分店服務都唔錯😊

好耐冇食鍋心，之前食過蒸鍋，粥底火鍋都係第一次，今次去咗德成街佐敦分店。入到店內空間好大座位闊落。一早book定枱已訂定龍蝦🦞我地分別order$210肉蟹+沙白蜆另一款$230龍蝦+沙白蜆倆款套餐（再自選5款海鮮）自選我地揀咗花甲、鮑魚、蝦、帶子、貴妃蚌食海鮮不需加其它醬料已經鮮味突出😋依度每樣都新鮮，蜆類係冇沙的👍湯底揀了黄金豬骨湯個湯底我地食完海鮮先飲個湯係更加鮮甜🤤另外再每人自選4款配料炸魚餅、自家制手打淮山雞軟骨丸、鬼馬油炸鬼、自家制手打馬蹄雞滑、肥牛、蟹粉包、海鮮腐皮卷、麻辣牛丸食完所有野後🤩最期待係最尾粥底🥣咁多海鮮同食物精華，店員再放埋個粥落去攪一陣🫕個粥就食得🤤嘩……個粥超級甜冇得頂😋原本食完海鮮果part唔係太飽食埋火鍋配料已經飽飽地😆再食埋個粥已經好飽😏埋單都係$440仲免加一添每人都係$220🤩真心抵食依度店員好友善，又不停來執碟，值得再來👍

香港人真係好鍾意打邊爐🍲，鍾意打邊爐🍲嘅程度可以話一年365日都可以打邊爐。因此一啲有特色嘅邊爐就好吸引食客幫襯。鍋心就以足底火鍋作為賣點。可以過打邊爐癮之餘，仲可以食埋吸收晒所有食材精華嘅粥底。啱晒貪心嘅人😂😂作為一間優質嘅食店，餐廳亦都有指引各種食材需要煮熟嘅時間。防求令到每一位客人都唔會因為食物過熟影響口感。而我自己就最鍾意佢嘅海鮮，海鮮食落新鮮，兼且帶點鮮甜。鮮蝦夠爽夠彈牙。蜆肉食落完全冇沙。最後將所有精華味道嘅簡粥食埋，可以話係令人滿足嘅一餐。

屋企附近都有一間鍋心，好耐之前已經聽街坊講佢哋嘅海鮮火鍋出名新鮮好食！今次難得同朋友一齊去佐敦呢間鍋心試一試，果然夠曬新鮮！我哋今次預約咗平日嘅七點，去到門口已經見到有唔少人喺出面排緊隊，好彩我哋有book位先可以咁快坐到入去。餐牌會教你一步步咁選擇唔同嘅湯底、海鮮同配料…step1揀咗粥底step2揀左肉蟹+沙白蜆step3揀蟹5款海鮮（鮑魚、蝦、花甲、刀貝同多寶魚）step4係固定海鮮粥既配料（南瓜粒、芋頭粒、粟米件）Step5每位可以自選四款配料打邊爐（萵筍、肥牛、午餐肉、芝士腸）整體來講佢嘅海鮮簡直冇得彈，貝殼類唔會食到沙，多寶魚魚肉非常嫩滑，蝦同蟹肉質彈牙且非常之鮮甜，仲有唔少蟹膏添！真正食得出新鮮二字既精粹！（隻蝦生猛到仲發生咗件蝦碌事，就係我朋友一打開碟蝦即刻跳咗一隻落地下）而自選火鍋配料當中，令我最驚訝嘅係肥牛！本身以為佢哋主打海鮮火鍋，所以對肥牛都唔會太大嘅期望，諗住應該係街市最近嗰啲牛，點上到菜見到質素好靚，真心驚喜！打完邊爐之後就會有店員過嚟幫你整返個粥，成個份量都幾多㗎，食到好飽！而且店員嘅服務都好好，周不時會過嚟留意吓你個煲仲夠唔夠水。

天氣開始涼涼地 最啱就係去 #打邊爐 依家啲任食火鍋二、三百都好基本 咁不如食 #海鮮火鍋 都只不過係$230 仲有龍蝦（揀🦞最好預先訂位 由於每日入貨 數量有限）佢地有兩款揀 肉蟹➕沙白蜆 或 龍蝦➕沙白蜆 即使三樣都揀哂都只不過係$260由於佢地只做晚市 所以海鮮每日下晝先到 仲係整叫整斬所以上枱見到海鮮幾咁有光澤 食落口時肉質幾咁彈牙👍🏼講到明海鮮火鍋 又會得兩款海鮮咁少之後仲有自選時令海鮮 七款選五款而且佢地唔上「鍋心」仲好貼心 每枱都會有個list同計時器 話埋你知各款海鮮最佳時間🫶🏼食完海鮮 仲有火鍋配料 一人揀四款 我地二人就可揀八款雖然唔係任食 但未食呢轉已經六七成飽啦 食到差不多完 店員就攞埋粥底配料 南瓜 芋頭 同 粟米過嚟建議芋頭同粟米上枱就落得 因為要多啲時間到食完火鍋 可叫店員過嚟整粥底雖然已經飽哂 但個粥底先係精華所在 點都要食返碗集合海鮮嘅精華 加上煲綿哂嘅南瓜同芋頭 然後配上菜甫粒嘅口感 真係不得了🤤🤤食到好飽 頂唔順？ 放心 可以話俾店員知 幫你打包🤭🤭另外 佢地係大堂有個洗手位 方便大家 唔駛特登入到最入去洗手間洗手

今天慶祝朋友的生日，邀請他們來品嚐一下非常新鮮可口的海鮮粥鍋，這裏最出名的是粥底鍋，而且配上新鮮的海鮮，弄出來的海鮮粥非常入味，非常好食。海鮮也包括奄仔蟹、聖子、鮑魚多寶魚等等，其實除了海鮮之外，其他的食物也非常新鮮好吃，包括牛九，油炸鬼，魚片頭等味道非常出色。值得推介，下次必定再來光顧。

之前食過唔同分店既鍋心，都覺得好食又抵食。同朋友食17:30嗰場，一坐低店員就問我地要粥底定豬骨湯打邊爐，但無論揀咩最後都會變粥。我地揀左豬骨湯。一開始佢上左一堆海鮮，有咩海鮮係set好左，會按人頭上，仲有個牌教你啲海鮮要煮幾分鐘，啲海鮮好新鮮, 啲蝦會係咁跳。食完哂啲海鮮就上其他野，以前只可以total揀8樣，而家可以揀12樣~ 最後食到咁上下，店員會問煮粥未，佢會拎一兜粥同啲配料加落個湯底一齊煮，我等左全晚就係等食粥。個湯底有哂啲海鮮味所以勁好味。但記住打邊爐既時候唔好係咁加湯，如果唔係最後個粥會好稀。另外必點手打雞軟骨丸，我地次次都會食~

天氣終於都涼啲，呢個時候當然係去食火鍋，訂左去佐敦食鍋心粥底火鍋，店内好大好多位第一時間選擇湯底，店員介紹黃金豬骨湯，好香濃湯底第二係海鮮，不用諗龍蝦🦞，朋友選蟹🦀，同樣都有白蜆之後加埋其他海鮮，揀左鮑魚, 花甲, 蝦,蠔同埋大尾魷，啲海鮮好活躍好新鮮，還有還有記得分別都有不同時間去煮海鮮，佢有個時間表睇，還有個計時器，真係貼心鍋心第三食完海鮮店會上埋火鍋材料，每人揀4款配料, 我地叫左萵荀, 日本真姬菇, 芝士豆腐,海鮮腐皮卷,肥牛,花技凡,芝士腸, 蟹子丸，還有同埋粥底嘅材料，一路打邊爐一路煲定粥嘅配料，南瓜粒、芋頭粒同埋粟米件, 記得放入去煮埋先，當食完火鍋材料就可以叫店員幫你整埋個粥啦，粥再加入芫茜, 冬菜, 菜甫粒, 大頭菜粒同豬油渣熬製成好香味道，加上之前海鮮同火鍋材料和湯底，呢個粥不得了👍🏻好食，最後食埋個粥剛剛好飽到呢🤤🤤

#鍋心 原來依家有分 蒸海鮮 同 海鮮火鍋蒸海鮮就試過好多次啦 今次一於試吓海鮮火鍋🍲不論 #懲罰 幾多次都好 都一樣 #絕不失望 #保持優質先有5階俾你揀1️⃣粥底 黃金豬骨湯 二揀一2️⃣肉蟹+沙白蜆 （自選五款海鮮） $210 龍蝦+沙白蜆 （自選五款海鮮） $230 龍蝦+肉蟹+沙白蜆 （自選四款海鮮） $260 三揀一3️⃣自選海鮮鮑魚 蝦🦐花甲 蠔 刀貝 大尾魷 多寶魚 七揀五4️⃣海鮮粥 南瓜粒 芋頭粒 粟米件5️⃣火鍋配料 每位4款#黃金豬骨湯 果然好黃金 淨係睇啲色水都知足料👍🏻而且仲好香甜 滾起未落海鮮 要飲返啖🤭🤭我地每人揀咗一款 有半隻 #肉蟹 半隻 #龍蝦 一碟 #沙白蜆#有圖有真相 睇相都見到海鮮好新鮮 雖然係肉蟹🦀都有返啲膏 當然好好肉 好鮮甜🥰龍蝦🦞雖然唔多膏 不過就啖啖肉 記得個鉗都唔好放過呀😋沙白蜆 比起蜆大隻啲 粒肉都大粒啲 亦都鮮甜啲不過就要留意吓💁🏻‍♀️由於佢地係每日下晝先海鮮返貨 以確保海鮮新鮮所以蜆類有時會唔夠時間吐沙所以會suggest先食蜆類 萬一真係好多沙 可以同店員反映 幫你換個煲湯底#自選海鮮#鮑魚 #刀貝 各二 #蝦 有4隻

依家天氣開始涼涼地🌀🌀就想食啲暖笠笠嘅野, 第一時間就諗起鍋心!位於德成街呢間鍋心好大間, 座位清一色都係卡位, 坐得好舒服!坐底後職員介紹黃金豬骨湯係新出, 煲出嚟嘅粥會有豬骨味令味道更香濃~ 聽完唔洗諗STEP 1就當然要試下呢個湯底!🤤🤤STEP 2餐廳有3個PLAN可揀, 分別係: 肉蟹+沙白蜆 $210 // 龍蝦+沙白蜆 $230 // 龍蝦•肉蟹+沙白蜆 $260. 我同朋友分別揀左肉蟹🦀同埋龍蝦🦞PLAN.STEP 3就可以揀5款當日有嘅時令海鮮~ 我地就揀左鮑魚, 蝦, 花甲, 蠔同埋大尾魷, 全部海鮮都好有質素, 新鮮又鮮甜! 😋😋值得一提係餐廳好貼心💕每張枱都有一張海鮮時間表同計時器, 等客人唔會煮唔熟啲海鮮或者煮得過老!食到差吾多職員就會提供STEP 4熬製粥底嘅配料: 南瓜粒、芋頭粒同埋粟米件, 呢個時候就要倒入個鍋度等啲配料吸收湯底入面海鮮嘅精華!去到STEP 5仲可以每人揀4款配料, 我就揀左萵荀, 日本真姬菇, 芝士豆腐同埋海鮮腐皮卷! 每款配料都吾錯!👍🏻👍🏻去到最後重頭戲就嚟啦~ 職員送上粥膽再加入芫茜, 冬菜, 菜甫粒, 大頭菜粒同豬油渣熬製成No

好耐之前食過一次鍋心就念念不忘，今日難得經過佐敦見到仲有位就返去回味下。我印像中記得之前黎食都係差唔多價錢，大約二百幾就可以食到放題份量既火鍋，真係好抵食！今次我地揀左有肉蟹，龍蝦同沙白蜆既餐，另外再揀左鮑魚，蝦，花甲，青口，大尾魷。肉蟹都好新鮮，都有唔少肉，唔會太削，中間仲有少少膏。鮑魚上碟時仲識郁，非常新鮮。食落爽口彈牙，一定要試下。青口大大隻，食落都幾嫩口鮮甜。沙白鮮甜厚肉，幾意外係咁多隻都唔會有沙，十分難得。蝦都好係好新鮮，上枱時會彈下彈下咁，食落唔會霉。龍蝦大隻厚肉，仲有成隻鉗食都幾爽。另外佢既餐入面仲可以好多唔同既配料，每個人可以揀4款，我地兩個人就可以揀8款(不可重複)。當中以手打雞軟滑最有驚喜，雞軟骨滑食落有口感，有少少脆口，必點推介。最後職員會加入米，南瓜，芋頭，將頭先海鮮既精華煮成粥底，真係好鮮甜，而且份量好多，我地每個人都食左兩碗。

好耐冇食鍋心 好掛住佢嘅海鮮粥底去咗佐敦分店 好彩有預先留定龍蝦聽到有其他食客8點入座已經冇哂🙈今晚叫咗兩個餐 🔸肉蟹+沙白蜆 $210🔸龍蝦+沙白蜆 $230每個餐都可以揀5款海鮮+4款火鍋料即係每人2百幾蚊加埋可以食到8款海鮮性價比超高👍🏻講下啲海鮮 整體都好新鮮🔺鮑魚+蝦+花甲+大青口+大尾魷 🔺蝦同鮑魚上枱仲識郁 鮑魚都幾大隻 同蝦一樣 肉質都好彈牙花甲同沙白蜆都冇沙 吐得好乾淨跟餐龍蝦同肉蟹各有半隻 龍蝦肉質鮮美有彈性 肉蟹仲有少少膏然後就落南瓜粒+芋頭粒+粟米煮開始食火鍋料 推薦食自家制手打雞軟骨丸 咬落有口感炸魚餅幾厚 質感較腍身到尾聲店員會過嚟將冬菜、豬油渣等配料加入鍋底煮粥個粥吸盡海鮮嘅精華 口感軟綿綿南瓜帶出甜味 令湯底鮮甜味道更加出 啖啖滋味😋整體來講真係好抵食兩個人埋單都係$500有找 食到海鮮又有火鍋👍🏻