鍋心八鮮蒸鍋

營業中

休息中

What kind of restaurant doesn’t serve a glass of water to customers?Even if customers bring their own bottle of water, this restaurant doesn’t allow them to drink.The poorest and most unreasonable restaurant I have ever been to

由於一早已訂位無需等候, 由開始直到完餐一直節奏緊迫, 一樣接一樣, 樣樣新鮮 進入蒸爐前仍然不停郁動最喜愛是多寶魚, 鮮嫩之如油脂豐富唯獨最尾八寶飯略為太油膩

呢間係朋友介紹話好食既，不過我覺得有點貴，因為每位都係分配到好少海鮮，最奇怪係個蒸飯，真係唔知邊位諗頭咁好。。。本身訂左2300，但係等左好耐，差唔多2330先入到，再花時間揀海鮮同飯料，重點係你咩時間入座都一樣價，人地出面都識早同晏入座有特價。。。我地一行七人，蒸龍蝦分兩次等好耐。。。。不過係新鮮既，半隻龍蝦扇貝一人一隻，食食下有朋友話有d酸，所以同佢講，佢最後都肯轉返盤比我地鮑魚就入爐都仲識郁，但係冇乜鮑魚味。。。蝦就開晒邊蒸，肉算係咁上下，唔差又唔係特別爽魷魚腸粉，普通，沙嗲味不足，魷魚好少多寶魚大條既，都好味，好鮮同嫩滑蟶子size適中，除蒜外都係冇調味蟹有膏，殼軟新易拆八寶飯，冇特別，不過奇怪都爆，蒸海鮮一向用蒸海鮮既水煮粥底，一係打邊爐，蒸飯又唔會吸到海鮮味，呢個諗頭真係好難認同！大家要知佢唔包野飲，好多都冇調味，冇乜鮮甜味，所以我覺得試一次就算，價錢唔算平。

一去到餐廳門口已經有好多人等入座，呢度無預約的話要等到23:00先有位🙈一坐低侍應即刻比一盅老火湯我地，呢盅老火湯好濃郁雞同鴨味幾鮮甜，但飲得出有少少味精。呢度已經有固定八款海鮮，我地可以自選醬料配搭。如果怕只食海鮮唔會飽的朋友，放心呢度最後有自選配料的八寶飯😏交左點餐紙之後海鮮就一款一款上到枱面蒸爐，等候時間唔會太耐，好多時候剛食完海鮮就蒸好😂今次八款海鮮包括龍蝦、鮑魚、蟹、蝦、多寶魚、帶子、花甲及魷魚。款款海鮮都新鮮又鮮甜，最鐘意係海蝦夠彈牙而且開邊蒸，醬料味道好入味👍🏻唯獨帶子明顯係一分為二🤣接著蒸八寶飯，餐廳好細心準備好香菜、花生、豉油撈飯撈落去真係幾香，但食到最後已經食唔落八寶飯，要拎外賣盒（$1）帶走。全部野食哂之後仲有一盅腐竹蛋白果糖水甜度剛剛好。兩個人食約五百幾，呢餐真係好滿足☺️

好朋友生日，她極力推介，龍蝦好鮮鮑魚在蒸仲郁，不過沒免費酒水，要加錢。全都很新鮮，吃海鮮，最緊要新鮮，糯米飯很出色。一定要早訂枱只是太趕，1810開始，2010已趕人走Ps 不知是否系統問題，我的評文在深水埗那間出現，所以唯有再出一篇

一直想試呢間海鮮蒸鍋好耐，但佢電話真係好難打得通呀。難得朋友肯親身book位，就二話不說試試佢啦！食8:30果轉，真係要搭正等叫名先入得的，早到就要係門口等喇揀好晒海鮮煮法後就開始了，第一味係燉湯，好好飲好夠火喉，但油比較多，如果可以撇下油先就更好啦之後到海鮮出場喇！1. 清蒸波士頓龍蝦超級多膏多肉，每人有半隻，肉質鮮甜，唔錯！ 係搭落去既椰菜花完全冇味，扣分2. 果皮蒸鮑魚夠新鮮大隻，唔錯3. 清蒸花甲好鮮甜，隻隻都蒸到開口，好新鮮4. 豆醬蒸多寶魚肉質好嫩滑，正5. 沙嗲魷魚豬腸粉底魷魚冇乜特別，豬腸粉襯沙嗲汁幾好食6. 金銀蒜開邊蒸海蝦唔單，唔錯，仲有甜甜番薯7. 清蒸蟹好新鮮，多肉，正7. 八寶蒸飯其實只係一個普通蒸飯，同個海鮮鍋完全冇關係的，但係都幾好食其實成餐既食物都唔錯，但係啲職員個個都黑口黑面，完全冇禮貌，希望老闆睇到嘅話改善下啦！無論食物有幾好食，咁冇禮貌嘅服務真係點都唔會再嚟多次

表哥推介~ 蒸鍋~ 我好多親戚都已經同表哥食過幾次，我之前唔係要做嘢就係病咗冇得食， 今次終於到我嘞，好開心 !下午五點九去到舖頭外面，已經見到人群聚集，好虛撼!我初初以為係電視見到嗰啲九層鍋， 原來唔係喎。張枱有個電鍋，職員上完一味餸就會換下一味食物落個電鍋度蒸，250蚊一位有龍蝦、蟹 、鮑魚、 扇貝、魷魚、什錦炒飯，真係好抵。基本上係一定食唔曬要打包嘅。提提大家: 環保嘅朋友記得自備食物盒其實食物係唔錯嘅，海鮮新鮮，呢個價錢食新鮮海鮮有人煮埋，其實係好抵。不過六點嗰場食到八點半就要走，其實都食得幾趕、幾緊張。呢間餐廳仲有一個特色， 就係食海鮮都可以全程唔使幫客換碟，食完一味職員會叫你將啲殼倒落個大碟取走，走完全唔使玩碟， 夠曬環保 ，勁 !

一個月前已經book定位得6pm或者8:30pm 我地就簡左8:30pm去食佢有十款海鮮 每款海鮮都可以簡你要既煮法當晚海鮮包括：龍蝦、鮑魚、蟹、蝦、魚、鮮魷魚、大蚌、花甲龍蝦、蟹、花甲都係簡左清蒸；飽魚簡左果皮蒸；海蝦同大蚌簡左蒜蒸；魚就係剁椒蒸；最後魷魚簡左沙嗲蒸落完order會俾個老火湯俾你十分足料同埋係無落味噌既飲緊湯既同時第一款海鮮已經開始蒸緊佢每款海鮮都會計時蒸 唔怕蒸過火蒸好都會問你要唔要影相再幫夾俾客人龍蝦個size適中都有好多肉鮑魚充滿果皮味 勁彈牙 唔會過硬蟹、蝦、花甲都不過不失大蚌充滿蒜香味 好正魚雖然簡左剁椒蒸 蒸好個刻好香麻辣味 但食落無辣味 個魚係勁滑麻麻地魚既我都覺得好食 辣d應該會仲正沙嗲蒸鮮魷入面係有腸粉 我覺得最好食係個腸粉 勁滑身 軟林林 唔會好結實 加埋沙嗲食原來係咁正最後就係八寶飯 由你自己簡八樣野而成由於太過飽我地食左少少就打包走啦到食完個飯佢地會上個糖水俾你 當晚係木瓜雪糖水 好足料同埋個糖水出晒味

呢間食店新鮮，抵食已經街知巷聞，開咗咁耐，仲係咁難訂位，即日walk in 食到機會極微，咁旺埸仲點使多介紹。每位$268.- 埋單價冇花冇假，除咗平，真係保證新鮮。靚嘅海鮮，清蒸永遠最好味，完全唔需要講求烹調技巧，所以去窩心八仙食永無甩底。海鮮保證新鮮，如有質素偏差包換，所以開業以來一直爆到七彩。全包價並不包括飲品，汽水每罐$13.-，椰奶每瓶$18.- 非常實惠。注意餐廳尚未有酒牌，食海鮮要配任何酒類，就要自攜或附近便利店購買，最好保留單據喔

有外國朋友來港一敘，他的本土沒有什麼海產食物，於是早在2星期前便预约这間餐館, 地理位置又就近朋友的住宿酒店, 吃完還有時間在"旺”區繼续 shopping, 有助香港本土生意呢!鐵定選海鮮類，然後又要以健康為主，因為各成員大部分年过50 用"蒸"鍋是時下最 modern, 也是最原汁原味的吃法啊!用這價錢吃多款海鮮,真的算是公度, 比起在西貢那些以人頭計的所謂套餐, 相比起來實在是划算及覺得自己很英明, 沒有選擇錯, 下次會再回頭呢

因某人，而得食。抵達店前，眼看人龍，甚是誇張！幸好早已預約，方可避免消磨時間，能迅速入座。因此店設有時限，大家極速挑選食材與調味方式，立馬遞交，無暇浪費一秒。菜式基本以半製成品端上，再於各人面前蒸煮，令食客有一種莫名的期待感。首先登場的是燉湯，蟲草份量多，但未嚐蟲草的甘甜。個人覺得，有些微量味精，因喝後感到口渴。更重要的是，沒有免費飲品，衹能付費購買，同時謝絕外來飲品(個人認為可接受，始終目的是營商。)。其次登場的是波士頓龍蝦，表現不錯，蝦糕剛好凝固，口感洽到好處，蝦肉緊實有嚼勁。接著登場的是果皮鮑魚，大口一咬，不必耗費時與食材拉鋸，同時有淡淡果皮幽香(不過，請勿對鮑魚級數有過高要求。)。之後登場的是花甲與大蚌，可能是此店的蒸煮方法，海鮮的水份較少，令各道海鮮味道略減。隨之登場的是剁椒多寶魚，感覺就是去油水煮魚，微麻卻不辣。繼續登場的是沙爹蒸魷魚，加上腸粉的襯托，感覺如同韓式年糕。眾人極之期待重點登場的是清蒸蟹，厚肉有膏敗筆於欠缺水份(枉費老闆大力推薦⋯⋯)。接續登場的是紅糟蒸海蝦配地瓜，因之前海鮮份量的比較，令此道菜略有失色。最後登場的是八寶飯，因偏愛蔬菜，所以僅以「蝦醬豬腩肉」調味

蒸蒸蒸海鮮我已經黎食第三次，除咗因為好味之外仲要係抵食佢分幾個時段，如果黎食記得要預早book枱。每次去到門口都人山人海🙈今次係帶屋企人黎試，大家都好鍾意食海鮮一開始細佬怕唔夠飽，但最後個個捧住個肚走，仲打包左碗八寶飯走😂😂一坐低就每人一碗燉湯好鮮甜好足料第一道，蒸龍蝦佢有好幾種煮法，我哋揀咗清蒸，食到龍蝦嘅鮮味，口感彈牙。果皮蒸鮑魚，見佢煮嘅時候係咁喺度轉，證明夠新鮮。果皮味唔夠，反而蘿蔔好入味蒜蓉蒸貴蚌好鮮甜又大隻清蒸花甲今次無之前咁大隻，同有幾隻食到有沙剁椒🌶️多寶魚推薦魚蒸得好滑，剁椒夠惹味連平時少食魚既我都食左兩件紅糟蒸魷魚🦑腸粉味道幾特別，甜甜地。上次試過沙爹都唔錯蒜蓉蒸開邊蝦🦐蒸蟹🦀我哋分別揀咗兩款，清蒸同蒜蓉蒸我自己覺得清蒸好味d，食到鮮味重頭戲，八寶蒸飯材料係自己選擇，推薦秘製雞翼、秘製雞骨餅成煲飯都好惹味，而且份量好多，應該可以分到10碗見到每枱走嘅時候至少會扲走1大碗屋企人食完都大讚好味，講要帶朋友嚟試😂😂

呢間嘢真係不得不提， 鍋心旗下有幾間分店，唯獨呢一間係做蒸氣火鍋， 第一次去食價錢係比其他做粥底火鍋嘅分店係貴啲嘅， 要二百幾蚊一位，但當然食物質素亦都係更好啦。。。。 提一提一定要記得提早好多去book位，因為成日都好難接通電話。。。。 基本上都係可以做一個坦己咁喺度食飯， 因為開始蒸到食得，其實都有人幫你分碟， 我冇諗過二百幾蚊可以去食到龍蝦， 鮑魚，扇貝，百寶飯等等，超級豐富，額外加十蚊有多一個燉湯，到最後仲有飯後甜品送， 潤晒。。。。 不過進餐時間有啲趕，因為佢哋將海鮮攞再出嚟之後，又唔可以擺得太耐， 如果放得太耐就會影響食物質素， 同埋佢哋會按照先後次序去為客人處理食物。。。。 到最後食返個八寶飯，大滿足，呢個真係不得了。。。 一定一定一定要揀個蝦醬腩肉同臘腸，呢兩樣嘢係精髓。。。 會令成個飯都變得非常惹味，生色不少。。。。。。(P.S: 可能係個別例子， 只供參考， 感覺到某男職員嘅服務態度一般)

放工同同事去到太子嘅鍋心食蒸海鮮， 之前幾次都book唔到枱，今次終於食得到 ，一去到門口就見到人山人海嘅景象 ， 最少有四五十人喺門口等緊位 ，好彩有book枱如果唔係一定食唔到， 但人多食一定有原因，啲嘢食真係好新鮮好好食 ，仲可以畀你揀唔同配料去蒸。而且份量非常足夠，一人一份唔使爭 ，食到尾都食唔曬個蒸飯要打包返屋企。 老實講都算抵食夾大件。門口有幾十人一人一盅靚湯清蒸龍蝦蒸花甲蒸扇貝蒸八寶魚蒜蓉開邊蒸蝦秘製醬料蒸腸粉同魷魚果皮蒸鮑魚蒸奄仔蟹份量十足嘅蒸飯

傳聞這店很抵食，所以特意三人行一試其海鮮的真偽。預約了六點早場，門外已集結許多人。六點職員開始逐一叫已預訂的人入座，很快已安排所有人群。一坐下，即選海鮮的煮法及八寶飯的材料。交單後，店員送來一人一燉湯。碗內有兩至三隻雞腳、紅蘿蔔、烏雞肉等，很香。湯料十足，非一般，很吸引。主菜上場，飲完湯，鮮美大隻的龍蝦已預備好了。每人半隻，肉不霉，肉地很足。除了身，拆出來的蝦鉗也好味啊！之後就是果皮蒸鮑魚，店員還會幫手拆去不能吃的部分，都幾大隻啊！還有花甲和大蚌，不過，大蚌有沙，扣少少分。多寶魚很滑，份量也夠。紅曹蒸開邊蝦，朋友話：這調味很好👍。像蝦醬一樣的香，但不油。值得推介。還有蒸蟹，很鮮甜。至於我一直期待的鮮魷腸粉，選了沙爹醬，腸粉很湯。但沙爹醬配上，覺得欠一點點，未如食評令人垂涎。最後八寶飯，我們選了芋頭、雞翼、腩肉、銀魚仔、土魷、翠肉瓜、木耳絲。飯粒軟硬適中，材料非常豐富。最後有木瓜雪耳糖水，不過說是糖水，嫌不夠甜，有點酸。$268埋單價已算划算、抵食😬