鍋心八鮮蒸鍋

營業中

休息中

第一次成家人出去食蒸海鮮，份量超夠超滿足 燉湯 ~ 松草花鷄湯湯料十足，味道好飲，但入口油份重多少少清蒸龍蝦 ~ 口感鮮味十足，好滿足果皮蒸鮑魚 ~ 好重果皮味令到鮑魚味少咗，但入口彈牙嫩滑蒜蓉蒸魷魚 ~ 腸粉好滑，魷魚就鮮味彈牙清蒸花甲 ~ 花甲夠鮮，但花甲有沙豉汁蒸多寶魚 ~ 魚肉蒸完之後仍然好滑，豉汁冇蓋掩魚嘅鮮味清蒸蚌 ~ 有沙同個味有少少怪酒糟蒸蝦 ~ 呢個醬料絕對最好食，但隻蝦太細，蒸得耐咗，蝦肉好鞋。但個醬真係值得回味清蒸蟹 ~ 冇咩蟹膏，有d 失望，但蟹肉都滑八寶飯 ~ 夠料夠味木瓜糖水 ~ 味道夠清甜好有家的感覺

其實好多人都試過鍋心，所以食品的質素唔多講了，係好食新鮮的，今次第二次食，時段係六點至八點，感覺都一樣，好飽，滿足，最鐘意最正就係龍蝦，非常新鮮，需然係限時兩小時，不過專人服侍，其實時間也掌握得好好，所以嚟鍋心係為咗食先好去，如果要摸下酒杯底，成班吹下水的話就要考慮喇，同埋記得預早book喇，起碼要一兩個星期架

之前食個開心嘅粥底火鍋，海鮮非常新鮮！今次就試吓你嘅海鮮蒸鍋啦！早係一個月前已經冇晒位約埋friend!🤩🤩每位268有一個燉湯8個海鮮同埋一個八寶飯，完全食唔晒，八寶飯成個拎走，海鮮超新鮮，二百幾蚊食到成餐海鮮真係超值！燉湯好足料，見到有兩隻雞腳蘿蔔同埋好多蟲草花，明知之後仲要食好多野，都忍忍唔住完成食哂😣😣之後就係龍蝦啦，好彈啊好新鮮！店員一打開蓋已經香氣撲鼻！起動起動其後嘅所有野都係好食嘅，順帶一提，每個海鮮都可以自選點蒸，個人認為蒜蓉最好食，蒜蓉好食唔通個個都食蒜蓉咩🤪👻

之前聽朋友講鍋心間蒸鍋唔好食，蒸到過晒火，所以一直都冇去試。咁岩今次家人主動提出，就勇敢試一次。食6:00～8:30時段。唔好講笑，佢個爐有timer, 夠鐘侍應會過你幫你開蓋同分野食落各人既碟上。但侍應好忙，有時要等陣，不過都可以接受。海鮮唔係朋友口中蒸到過晒時，佢試果陣岩岩開業，可能後尾改善左。啲海鮮，我只可以講超級好食！其實一開頭有張紙俾你揀八個配料黎整八寶飯，但我冇影到，個飯我就一般，覺得鹹。不過淨食海鮮已經好飽，個飯食左少少就打包。最後個蛋黃燉奶都一啲都唔馬虎！個味系超級香濃，雖然中間有啲粒粒（應該係魚膠粉溶得唔好），但跟餐甜品黎講係十分有誠意我立刻同朋友匯報左食評！佢地決定俾多次機會佢試多次真心好食埋單好似268唔加一呢個湯，好飲到痴左線極度清甜，一啲都唔濁，宵夜時段既話仲要10蚊咋本人極力推薦你一定要點呢個湯！！！！薑絲鮑魚加蘿蔔。其實唔加薑絲會好好多應該係花甲，幾大隻架貴妃蚌幾爽甜蒜蓉蝦多寶魚，我唔識食魚，好多細骨。魷魚粉腸每人半邊蟹每人半邊龍蝦

話說屋企人今個月生日 一早已經book定位食蒸海鮮 未試過出街食蒸 所以想試下係咩味道 出左太子mtr行大約5分鐘就到 去到見到門口企滿人 以為要等位 原來係岩岩開始逐張逐張叫入座 等左一陣 已經人得 咁佢地就叫左我地上樓上 樓下就滿座 比較嘈 咁我地坐樓上 樓上就冇咁多人 環境好靜好舒服 不過未有海鮮蒸既時候 冷氣係咁吹埋黎就真係好凍 但當有野蒸既時候 有蒸氣係咁吹埋黎就已經暖返晒我地一上到去坐底 已經有人俾湯我地 每人一碗 今次個湯係蟲草花烏雞燉湯 好足料 好好味 之後就開始落單 有兩張俾你慢慢揀 我地揀左清蒸龍蝦 果皮蒸鮑魚 清蒸蟹 金銀蒜開邊海蝦 古法豆醬多寶魚 金銀蒜鮮魷魚 清蒸大蚌 同埋清蒸花甲另外八寶飯就揀左蝦醬豬腩肉 秘製雞翼 榨菜絲 銀魚仔 臘腸 草菇 鮮淮山 豉汁排骨好快啲海鮮就逐盤逐盤咁黎到 每次都係店員擺落去蒸再計時 夠鐘都係由店員拎上黎 再分俾我地龍蝦睇落大隻 但得好小肉 不過個舊肉都幾大舊 仲好鮮甜 超好味 鮑魚就馬馬地 個人唔太中意果皮味清蒸蟹食落都冇味 呢個有侍改善 蒜蓉開邊海鮮又係超好味 好香蒜味 多寶魚有好多骨 不過其中有一小部分係冇乜骨 個個古法

: 🦐📸 #tagnshare太子篇……………………🆙膽固醇超哂標💰$268/一位 免加一……………………黃秋生👱🏽效應之下⋯呢間蒸海鮮店真係旺場左好多⋯高妹食到熟哂🙄佢個set係包括一個足料燉湯+八款海鮮+甜品⋯每款海鮮都可以俾你揀點去蒸 芝士啦 蒜蓉啦 清蒸啦 豉汁啦 😋特別推介佢既紅糟汁🙄有蝦米+甜醬+唔知乜嚟煮⋯配腸粉配蝦都係好惹味👍🏻 每款海鮮都有一種蔬菜一齊蒸⋯俾你清清口腔🙃最後仲有一個大大盤既八寶飯⋯係必定打包一碗聽日帶飯😅 不過今次食得無咁開心⋯因爲多人去食既話⋯佢分兩次蒸海鮮但係指定時間要交枱好趕阿🏃🏽#早三星期訂位#海鮮係超新鮮既#啲海鮮仲識郁#黃秋生推介 .……………………地址👇🏻鍋心八鮮蒸鍋 (太子)太子花園街207-209號地舖…………………….#hkig #hkfood #hkfoodie #foodpics #foodbloggers #香港吃貨 #uhkfood #foodig #香港美食 #tagnsharebyyou #相機食先 #hkfoodblogger #手機食先 #相機先食

終於食到呢一間野，因為之前朋友話好抵食，聽朋友講呢間野好好食，服務一流，態度一流，食物非常OK，又好新鮮又乾淨，坐得舒舒服服，服務人員會不停幫你去負責蒸海鮮，個個都話啲海鮮好好味又好鮮甜，煮法又唔會得一種，因為佢全部都好大隻，所以真係食到好飽，如果唔book枱，應該食唔到，星期五六日全場爆滿，我都係提早兩個禮拜book，一去到就會送例湯比你飲，好好飲。價錢唔算貴，有啲地方都食唔到，同埋時間坐得耐可以坐兩個半鐘，好適合一班人去吹水同埋慶祝，下次可以再去食過，你哋不妨去試吓值得一試！

10月25晚8點半入坐，坐於2樓，對正風口位，冷氣免費放送，凍到口噴煙，多次要求較細冷氣，職員態度惡劣，感覺不良好。多次糾纏於開閉冷氣問題。要求調位亦被拒絕，明明尚有其他吉位，坐足1個鐘都冇人入座，嬲到震。平心而論，食物質素可接受，大多為蒜蓉蒸海鮮，沒太大驚喜，如喜歡於雪房食蒸海鮮，歡迎光臨。利申: 非專業食家，非打手，第一次於openrice寫評論，而且是劣評，真心失望。另外湊200字數為求劣評此店，差!

預先訂左枱食生日飯，之前試過粥底火鍋，今次就同屋企人試下蒸鍋😍先黎個蟲草花烏雞雞腳湯，正八款海鮮都揀好勒，好快就有得食，龍蝦😋夠新鮮，不過有幾邊比較細，爸爸一大啖就食完嚕哈哈。跟住到鮑魚，因為平時食既都系果皮蒸，所以諗住試下梅子醬，同我想像中有點失望，沒什麼特別，可能揀番果皮會好食啲😶金銀蒜大蚌不錯，個多寶魚蒸得岩岩好，我本身吾好魚既都食多左兩件，但7個人既份量就好似少左，因為我上次食粥底4個人已經有1條魚🤔整體今日啲海鮮系新鮮好味既😎另一提個紅糟生蝦真系好味，可能我未試過8寶飯真系要記得落葱，香好多😍成家都好夠飽，不過食下食下都比我地清哂成個飯😂最後個甜品奶夠香夠滑，老闆都好好人👍🏻

之前已經聽朋友講過呢間好好吃，今晚終於可以試到啦！佢地分左三輪，我地book左第二輪八點半。佢呢到係話前面邊張抬起身先就安排邊張抬入先。八點半個陣，之前個輪D客人陸陸續續咁離開，等去到七七八八嘅時候，店長就順著預訂嘅先後次序安排我地入座，雖然等左一陣，不過過程都好快，我地就已經坐定開始叫野食。八款海鮮已經定左，我地可以揀點樣蒸法。落左單之後就每人有碗湯，冬蟲夏草雞湯，望落去都好足料，清清地唔油膩，只係略嫌雞味比較輕！ 每一道海鮮都有店員幫我地蒸，時間都拿捏得唔錯，而且材料都算新鮮，即使係用醬料蒸嘅都唔會落好多搶曬海鮮嘅鮮味。只係尾二個到蟹有點失色。雖然每一道海鮮都唔係多，每個一兩件咁，不過吃完八道海鮮加埋個湯，已經有點飽飽地，但係最後個個八寶飯簡直係畫龍點睛，為今餐留下個美好的回憶！ 落單個陣你可以揀你想放落個飯個八款材料，店員會幫你落少少甜豉油係你面前蒸，蒸完之後再落蔥一起拌。雖然我已經好飽，但係個飯吸收埋之前蒸海鮮嘅鮮味，八款材料的味道，加上D飯軟硬道剛剛好，仲有少少咬口，就算飽都忍唔住想吃多兩啖，其他就打包拎走！ 最後包埋個甜品燉奶（有皮架），$268免加一，野飲雖然貴左少少，不

海鮮都好新鮮，有幾種蒸法 : 清蒸，剁椒蒸，蒜蓉蒸等，每個人都可以揀自己鍾意嘅蒸法👍🏻👍🏻👍🏻似住家湯啱啱開始蒸既時候，仲識郁果皮蒸，但無咩果皮味，不過鮑魚鮮甜豉汁蒸推薦 咖哩味最後仲送 甜品 燉蛋白其實仲有個蒸飯，唔記得影😅

一眾住港島區好友跟我食餐生日飯，因為之前食過鍋心粥底覺得好評，所以今次大家特意來到於太子只此一家的鍋心蒸飯分店。我們一行十人加一小孩被安排入房坐，先劃好海鮮蒸法及蒸飯配料，已花上十五分鐘時間。然後海鮮陸續放入蒸爐。打頭陣大大盅烏雞湯，無味精！真材實料波士頓龍蝦（蒜蒸)很大隻波蝦，每人分得半邊，多膏肉爽彈牙鮑魚 (果皮蒸)蒸好後店員會幫我們起肉，食得非常方便。大蚌 (蒜蒸)原來是我近期最愛的貴妃蚌，但對住未走腸有點失望蜆 (清蒸)選用蕃薯蜆，大隻無沙很鮮甜，清蒸完全食到原汁原味。魷魚 (沙嗲蒸) 魷魚、腸粉、魷魚、腸粉...腸粉盡吸沙嗲香味，比魷魚更好食多寶魚 (挆椒蒸)除了辣椒還放入了麻辣，但可以再辣一點多寶魚很厚，肉質嫩滑海蝦 (開邊蒜蒸)每人兩隻蝦即是四邊，隻隻爽口鮮甜蟹 (清蒸)一人半邊蟹，估計是奄仔蟹。味道鮮甜多肉，肉質無半點"梅"，非常新鮮然後是兩大盆八寶蒸飯，分別是: 1.臘腸、潤腸、銀魚仔、榨菜牛肉絲、蝦醬豬腩肉、秘製雞翼、秘製雞骨餅、榨菜豬梅頭2.榨菜牛肉絲、蝦醬豬腩肉、秘製雞翼、秘製雞骨餅、榨菜豬梅頭、土魷絲、木耳絲、草菇**重點推介一定要選臘腸，因為會令蒸飯香好多好

$268 尼個價 可以食甘新鮮既海鮮 絕對超值，又有專人蒸埋俾你，唔洗煩 食完又有新一盆蒸完既海鮮，二個半鐘 都冇停過食，最後個八寶飯 超好食 ，飯粒粒分明，吸晒菜同肉汁～冇得輸，我已經好飽 都要食返碗，食唔晒甘多，我都要打包

鍋心蒸氣海鮮—要預先bk位好d喔 分三個時段 我就bk左八點半時段 八點三去到門口已經好多人，所以估計walkin未必等到或者等比較耐喔。入正題，一個價錢（$268)食盡八款海鮮。有波士頓龍蝦、鮑魚、清蒸蟹、海蝦、多寶魚、鮮魷魚腸粉底、大蚝、花甲。每款海鮮都自己簡煮法：清蒸、古法豉油蒸、梅子蒸、金銀蒜蒸、果皮蒸、沙嗲蒸、刴椒蒸、豉油蒸。每款海鮮都有幾種蒸法可以簡 唔洗獨枯一味哈哈 我主要都簡左清蒸 因為認為係保持鮮味既最好煮法店員服務態度好好，逐款海鮮上菜，幫埋你蒸，較好時間，蒸熟就幫你分埋碟每道海鮮都會拼一款蔬菜。去相嚕🙋🏻 清蒸龍蝦～ 肉質還可 蝦膏鮮甜。清蒸鮑魚~ 一般般. 普通街市貨色哇！依個多寶魚簡左剁椒真係不得了，魚片滑 配上剁椒 辣味鮮味吊哂出黎，真係食過翻陳味後來仲留低d剁椒碎點其他海鮮呢。蒜容蝦又是好出色，蒜味出 蝦夠鮮魷魚腸粉簡左沙嗲味，個的覺得唔太夾。來到壓軸既八寶蒸飯，自選八款配料新鮮蒸飯。蝦醬豬腩肉、榨菜牛肉絲送飯一流呀不過最後先食飯 真係有d飽食唔落。一餐好飽既晚餐，環境舒服，適合同朋友一聚。

$268這個價錢食八款海鮮＋八餸蒸飯，仲有燉湯＆甜品，這個價錢合理。服務好好，店員用心照顧每碟蒸煮。甜品唔太甜。如果最後不是蒸飯，改粥會更好，因太飽食唔落盆飯。