鍋心八鮮蒸鍋

營業中

休息中

名氣大，又難 Book 位，本來都想放棄的了，但最後見咁多好評，冇理由唔試一試的。於是把心一横，Book 位時出必殺技 ~ 你們那天有位，我便食那天吧 ~~~ 所以，最後，冇走寶，好彩言歸正傳 : 因為餐廳係一個固正價錢，一堆固定食物，所以選擇的時間都慳返。但身為有主見嘅潮人，點都要揾 d 嘢話吓事，所以餐廳都預留了些小煮法俾你選擇吓，叫做有得話吓事咁啦。食物方面 : 八款餸，八款食法，各自各精彩以前一路覺得，蒸海鮮冇他的，只係新鮮便可，但經過今次，有多少改觀了...... 留返 d 神秘感俾你們吧放心，冇伏的原本食完頭兩項唔夠飽，點知食食吓差 d 食唔哂最後個飯，所以師兄們都可以放心。飲品方面 : 比想像中的多款式，價錢都合理，唔錯。服務方面 : 原本見到客又多，員工又少，個個忙到滾水淥腳咁。誰知，侍應姐姐們除了上菜外，還幫忙計時，開蓋，等我打完卡，仲分埋上碟给我。重點係 ....... 我唔係特別靚仔。臨埋單前，又捉住個姐姐吹吓水，問有關加嘢食等等，佢都冇托手肘，好好態度同我慢慢吹，so Nice 總結 : 想食好嘢可以嚟試 (好似仲有宵夜時段添)，但如果想静静的，慢慢的談吓心，S

哈哈～～由於大家都唔想放工後，等到8點半先有得食，所以一致贊成book 6點半個場，放工飛奔過去。由於大家得2個鐘食，食得超急，但係所有野都好好味！！餐廳最出名，亦都係唯一主打：「8鮮蒸鍋 · 8寶蒸飯」蒸海鮮期間，已經比定個湯飲，超足料，有「椰子肉、雞肉，雞腳等」幾好飲。有8種材料「波士頓龍蝦、鮑魚、蟹、海蝦、多寶魚、鮮魷魚、大蚌、花甲」，任選用8種蒸法「清蒸、金銀蒜開邊、古法豆醬蒸、果皮蒸、豉汁蒸、梅子蒸、剁椒蒸、沙爹蒸」。任選8種配料，一齊蒸飯，包括：「蝦醬豬腩肉、秘製雞骨餅、銀魚仔、土魷絲、翠肉瓜、冬菇粒、榨菜絲、節瓜等」。

朋友請食飯，估唔到呢個海鮮餐咁正每款海鮮都可以選擇烹調方法，我地每種都試下清蒸大蜆，好甜！蒜蓉蒸龍蝦，肉爽，勁甜！清蒸肉蟹，有膏，蟹肉爽甜，好高質！豉汁鮑魚，彈牙，肉又鮮甜！南乳蒸鮮魷，好彈牙惹味豉汁蒸扇貝，又係好新鮮，甜呢個8寶飯勁驚喜，好足料，好入味，仲好好好大兜！要打包回家每人26x , 已包加一，另有燉湯，同飯後糖水，CP值爆燈呢，樣樣都夠新鮮！聽朋友講，超難book ,預2星期先有機會book 到呢！

燉湯好正，螺頭好淋，10點半後可以比10蚊外賣買走金銀蒜龍蝦，新鮮，每人半隻都幾大隻，勁多勁多蒜蓉，愛食蒜蓉者一定好欣賞果皮蒸鮑魚，未上台d鮑魚仲會郁，果皮相比淡左d，個羅白好淋好食，個人認為改用梅子蒸會好扇貝就細隻左d，用金銀蒜蒸最穩陣大硯只可以清蒸，但有兩隻係壞既，同服務員講會換比你，服務都幾好豆豉醬多寶魚，個醬係幾好魚，不過魚太多骨紅糟蒸蝦，酸酸甜甜，都ok既沙嗲醬尤魚腸粉底，好食另外食左梅子蟹，掛住食已經無影相，配搭係我最中意既，食完海鮮個八寶飯已經食唔落，帶定食物盒環保d…係果度買1蚊個，另外免收切餅費，服務都算合格，只係服務員太忙，如果蒸爐夠鐘要提佢拎起食物，海鮮過熟就唔好食全部有人幫手整野食，係蒸海鮮期間可以認真食同吹水

正,新鮮;好味,好大家可以一試……咖哩鱿鱼腸粉夠特別、有創意、湯抖足料、份量足一人、不會太细件、會推介朋友.打算生日再去…太貴……食品ok.煮得剛剛好…不会過火.贊

之前食過鍋心粥底火鍋，海鮮新鮮份量多一直都想黎試下食蒸海鮮鍋心岀品果然同樣份量多，又好食有8款海鮮，仲有大鍋蒸飯，燉湯，糖水先黎一人一個湯有2隻雞腳，豬肉，蟲草花，紅蘿白足料，感覺好滋補接住就一個個海鮮送到每款海鮮都有伴菜一齊蒸店員會幫忙放海鮮入蒸鍋，較好蒸既時間夠鐘會岀鍋幫大家分我地揀左金銀蒜蒸龍蝦，蒸時都有陣陣蒜香一人有半隻，龍蝦唔細隻啖啖肉枱上仲有工具俾你可以拆埋龍蝦鉗果皮蒸鮑魚，相對果皮味不多蘿白好腍好夠味蒜茸蒸大蚌，肉厚👍🏼沙嗲蒸鮮魷沙嗲腸粉好滑，好好食蒜茸蝦，因為開邊蝦，好方便食蝦面鋪滿滿蒜茸，蝦新鮮爽口蟹最後上，唔知係咪食得太多濃味醬蒸海鮮感覺清蒸也吃不岀鮮味仲有八寶飯，雞翼肉嫩滑，推薦要選秋葵和臘腸，個飯加少少豉油，真係好香食完濃味野，有個凍雪耳雪梨糖水大滿足的一餐

呢間餐廳近排好多人講，好彩終於試到。。。佢分兩輪時間，六點半同埋八點半。無論你食邊一個時段都好，你預咗成個過程一定要喺兩個鐘頭15分鐘完成。咁要完成啲咩啊？包括八款海鮮，一個八寶飯同埋一碗湯。因為佢每一款係有唔同嘅煮法，為咗爭取時間，我建議大家去餐廳之前，已經預先睇好咗佢有咩煮法，決定點樣處理。係點菜嘅時間都慳返啲，食嘢嘅時間就唔會咁趕。坦白講，呢個價錢超有驚喜，八款海鮮都好新鮮，而且佢嘅份量一啲都唔小，可能因為我係女仔，淨係食海鮮我已經飽左，已經食唔落八寶飯。值得一題，呢度有一個服務員好細心，佢見我哋啲花甲，蒸完之後有五隻唔熟，佢主動換過新嘅五隻俾我哋，呢個行為好細心。餐廳暫時係未有酒供應嘅，佢唔介意客人自備，呢個都係一個賣點。

慶祝同事生日, 壽星公選左食去太子鍋心食蒸海鮮第一次來, 好彩一早訂左位六點早場, 未夠六點到, 門口已擠滿人. 大家都一早book定位.. 等姐姐叫名入座我地選擇了每位$268的餐, 幾個人先選好每款海鮮用咩配料蒸, 有蒜蓉呀, 沙爹呀, 豉汁呀, 等等選擇.. 仲響廿幾款配料中最後選出八款作最後蒸飯食.. 本來三個食肉獸想選足最肥最香最肉的, 不過壽星公要清DD, 都妥協左少少先來一人半隻龍蝦, 蒸到剛熟又新鮮, 大家食得好開心, 再來仲有鮑魚, 蟶子, 花甲, 蟹, 蝦, 多寶魚, 鮮尤腸粉底…….. 每款海鮮都配上不同蔬菜如冬瓜, 南瓜, 椰菜花等食到9成飽最後上個我極愛既熱辣辣蒸飯, 個蝦醬腩肉香到無得輸.. 迫住都食左兩碗變十一成飽才收口..值得一提, 無加一, 硬迫迫係收我行我$268加每罐$13汽水; 自己帶酒另附$30成枱好OK, 係無冰要去買就欠缺一點點…..

鍋心粥底火鍋就食得多，一直想下呢間蒸鍋，但又唔想兩丁友黎，是日約左朋友食飯，星期五晚搏一搏，打左廿幾分鐘電話先有人聽。店員話有枱，急急腳行過黎，慶幸自己喺附近番工，我諗正常冇預約都唔會有位，特別係8:30pm嗰輪，可能我地張枱都係有人放飛機，先有機會食到。鋪面頗大，卡座算坐得舒適。唯獨可能人多，加上被蒸氣包圍，顯得冷氣有點不足。店員頗為繁忙，不過上菜、下鍋、計時、起鮑魚等，樣樣做足，不收服務費前提下，都值得一讚餐牌供應一款套餐，每位收費$268，飲品單點，不設加一。分三段時間用餐，由6:00pm、8:30pm、11:00pm開始。海鮮八款，分別有波士頓龍蝦、鮑魚、蟹、海蝦、多寶魚、鮮魷、大蚌、花甲。每款海鮮相應配備不同醬料，例如清蒸、豉汁蒸、金銀蒜蒸、豆醬蒸等。平日人少想吃海鮮可能比較難控制份量，款式沒有那麼多，所以這種火鍋人多人少也適合，下面圖片為四人份量。入座後，店員就很快送上燉湯，雖然是免費的，但誠意滿滿，十分足料，有雞腳、桂圓、杞子，清潤無味精感波士頓龍蝦 - 清蒸龍蝦每人半隻，除了清蒸，可選豆醬蒸/金銀蒜蒸/剁椒蒸，想吃龍蝦的鮮味，就故且選了清蒸。店員會全程幫忙下鍋，時間控制

一行四人相約去試下，海鮮八款樣樣新鮮、鮮味，多種煮法可供選擇值得讚嘅！四人坐大卡位坐得舒適，每度菜不似其他食評講嘅食得咁急、有專人幫手蒸兼分菜食得很爽，以二百零蚊嘅價錢，同行友人大讚越值！真心係會推介比朋友去試亦會帶屋企人再嚟食過。

一行5人，忽然好想食，呢個蒸海鮮。都係睇到Facebook介紹。預早訂位食八點幾果一場門口超多人等，海鮮一款一層一層蒸俾你食 差唔多食曬，就會有專人過嚟幫你。最後食蒸飯可以選不同配料，食埋個飯勁飽。海鮮有好多款煮法唔同調味，感覺幾好食都算新鮮，重送燉湯味道10分好飲。下次會再來。啲海鮮每日新鮮運到，今次有蟹，蝦，魷魚，鮑魚，龍蝦，花甲，重有多寶魚，尤魚揀咗咖哩都好食，魚就用剁椒。正啊，如果食一定要book 位。

不同海鮮可以揀選不同醬料，例如蒜蓉、清蒸、辣椒（四川麻辣）、豆股咁，海鮮新鮮，仲係郁緊架！龍蝦必食，勁彈牙又甜，有別於本地龍蝦！員工雖然超忙，(因為超爆），但係對客既服務一啲都不遞減，每枱既海鮮幾時熟，幾時要上枱都控制得非常好！唯欠冷氣真係唔夠，我哋一枱6個，個個都流住汗咁食。有燉湯、有飯、有糖水，食得超飽，又抵食！

以呢個價錢真係自己買返屋企煮都唔得，食物質素一流，海鮮真係新鮮到甜㗎。而且每味海鮮也有專人幫你分碟，職員有禮貌，值得一讚！不過真係要提早訂位，唔係即埸walk in的機會好微。

早前姐姐叫我打電話去鍋心訂位食飯，我咪打去，点知成日都無人聽電話，我試過咩時段打去一係唔通，一係就通咗就無人聽，打到我都無心機再打，過了一段日子，姐姐又叫我再打去訂位，我心諗点解係都要去呢到食，四圍都有蒸氣鍋！終於我又再打去，試咗幾次都係無人聽，最後嗰次再打去如果再無人聽就算，点知又比我打通，還有人接聽，我就訂下8月19號去一試，當日我早到，去到門口想入座等，原來係要6点先開始入座，門口好多人，原來係日日都滿座，我試睇吓有幾好，order 完食物上枱開始蒸，真係樣樣都好新鮮，雖然有些有少少over cook但新鮮就補回分數，268咁價錢真係平靚正，終於明白点解咁難先訂到位，我會繼續惠顧，希望水準保持不變,生意興隆

成日想打邊爐，但實在太熱氣，所以聽朋友講，就去試下海鮮蒸鍋。餐廳係人頭計，有燉湯、八寶蒸飯、甜品，另外，每人都可以試到8款海鮮，包括：龍蝦、鮑魚、貴妃蚌、蜆、魷魚、多寶魚、開邊蝦和蟹。龍蝦是波士頓龍蝦，好多膏，好香好甜；鮑魚雖然不是好大隻，但勝在夠鮮甜；貴妃蚌就好大隻好鮮甜；蜆完全無沙；魷魚數量好多，好彈牙；多寶魚肉質好嫩滑；大蝦蒜蓉開邊蒸，好入味；蟹同樣鮮甜多汁，整體上海鮮好新鮮，好鮮甜美味！而八寶飯可自選，其中臘腸最值得推介！