鍋心八鮮蒸鍋

營業中

休息中

簡單來說這裡吃的就是八款海鮮和一份八寶飯料理。這裡的Menu都是固定的沒有選擇, 但汁醬則可以自由配搭, 所以一開始會給你兩張紙, 讓你剔好每道海鮮的調味醬料, 比如: 波士頓龍蝦 可配 清蒸／古法豆醬蒸／金銀蒜蒸／剁椒蒸 etc而另一張紙則是自選八款蒸飯配料, 可以選擇花款也多, 建議選擇榨菜和臘腸或潤腸, 這兩味為整個蒸飯生氣不少在你選擇的同時, 會先端上湯品, 這次喝到的是雞腳冬瓜紅蘿蔔豬骨湯, 入口鮮而暖和, 只是比較油了一點。波士頓龍蝦, 花甲和蟹, 我們選擇了清蒸, 因為想要以最簡單的方法, 吃最原始的鮮味, 每人半隻開邊龍蝦, 啖啖彈口蝦肉食感與味道也不錯, 蟹肉肉質沒有霉, 花甲沒有沙, 整體表現不錯。而每款海鮮都會配搭了一種蔬食放在層架裡一同蒸煮, 這些蔬菜也有解膩的作用。在我們正在忙著拆龍蝦的時候, 另一層的海鮮便會放在鍋裡蒸, 因為蒸煮的時間店員都已經幫忙調較好, 所以這道古法豆醬蒸鮑魚也是嫩口彈牙, 而且店員還會幫忙把鮑魚從殼裡分出, 讓這鮑魚吃起來十分方便而這多寶魚也是以古法豆醬作為配料, 魚肉滑嫩, 配上豆豉醬汁, 是種傳統的味道, 但略嫌不夠入味而大蚌和海

蒸鍋好多地方都有，多數都唔平，你知啦，香港地食海鮮 冇 500蚊落樓都食唔到好嘢， 居然畀個friend搵到呢間，性價比非常之高，每位268全包，冇加一。海鮮係好新鮮，而且火喉既控制剛剛好，海鮮最忌過熟，太熟會鞋口同“un"。但係呢度嘅時間控制得真係唔錯，啱啱好，所以食到海鮮最好嘅口感 。由於餐廳嘅海鮮都係好新鮮，所以味道好好，食咗龍蝦、鮑魚、蜆都好鮮味，估唔到佢個魷魚腸粉都整得好好味，個味溝得好好，但有啲鹹。令我印像比較深刻嘅仲有個八寶飯，八個餸自己揀，你睇相都見到，餸嘅份量非常之多，食完之後飽到死，仲要攞走 ，真心推介！！！

非常超值268元全免加一有燉湯海鮮每種都非常之新鮮，八寶飯份量超多送糖水，全店服務員超級好友善和服務一流，細心幫客人分餸上碟裡，未食過嘅朋友一定要去試下，溫馨提示！要及早預訂位，因為太多粉絲捧場，超級難訂位呀！如果講服務及食物水準，有十粒*我就比足十粒滿分到爆😋😋😋推介給朋友，的有質素良心食店，祝福所有店員及廚師生活順境，平安美好😘😘😘1-2-2018入坐pm20:30

聖誕節加新年實在吃太多邊爐，是時候停一停，蒸一蒸！發現了一間是吃蒸海鮮的，又幾好唔洗成日都食肉蒸龍蝦呀，比預算中大隻，新鮮，肉質爽口鮮甜！再吃蒸鮑魚大隻生猛架，每層海鮮也配上一種蔬菜大蚌肉質彈牙多寶魚我地選了刴椒蒸，十分野味，因為每種食材也可自己喜好，十個讚海蝦選了清蒸和紅糟蒸，本人比較愛吃清蒸，但一款食材二食糕蟹足滿羔好肥呀，每人一隻每人一個燉湯，老火無味精，飲完唔口渴甜品腐足糖水夠潤，但我比較愛奶白色的仲有個八寶飯......多料到飯在哪？

同好朋友食好西當然係我哋鐘意嘅食海鮮啦。。聽講鍋心嘅蒸氣海鮮唔錯同幾新鮮！所以一於訂枱去試吓 !一坐低就見到2張ORDER紙，一張係蒸海線嘅烹調發，另一張係8寶飯揀配料選擇都幾多架。。有選擇困難症嘅朋友就一定會好頭痛架！一坐低就會請你飲燉湯蟲草花燉雞。只限有訂枱人士先有得飲架！好夠味又好飲！所以記得要訂枱吖！海鮮平均來講都好新鮮，尤其是個波士頓龍蝦，每人有半邊肉質鮮甜又彈牙！鮑魚配陳皮是常識吧！蒜蓉永遠都係海鮮的絶配也是常識吧！當然。清蒸都係食海鮮嘅首選啦！

想試偽人「和抽身」介紹既呢間店好耐了， 昨晚5:40 去到大把人門口等， 6:15 我地幾個人終於坐低，只見得兩張細紙點海鮮和蒸飯， 完成睇吾到點樣形式和價錢， 問完伙記至明晒， $268 全包， 茶水都無杯架。 龍蝦正常、 花甲有泥味、 多寶魚無魚味、 鮑魚正常、 蝦正常、 沙爹魷魚同點心中點無異、 蟹仲要埋滿大量薑絲......蒸飯無特別、 糖水無味。 我們食第一場， 成餐趕著催著咁， 碟吾會換， 路過廚房成地濕、 厠所又無水沖、 仲要卡機壞左必比現金， 隔離枱終於頂佢吾順開波剷佢地， 我都好想加入！大家想中伏至好去。

呢到要分两段時間食，食走來趕頭趕命，啲海鮮加咗好多薑，我估係用來驅味！因為啲海鮮吾算新鮮！地放淺窄！當然，價錢比其他地方便宜好多！所以食物方面就麻麻地！伙記態度當然都係一般！

份量足，味道好。樣樣野食都好大份，龍蝦鮑魚，魚蝦蟹，蛤蚝都有，仲要唔係流野，樣樣都有返咁上下，好食過潮x，仲有個八寶飯同魷魚腸粉，都無得頂，雖然未算得上話非常好食但海鮮都有鮮味，龍蝦亦都多肉， 鮑魚大大嚿亦都爽口，多暴雨比較滑身，蝦蟹都唔錯，佢個湯都非常之出色，湯料亦都好多，唔似味精湯，值得一試。食物係幾好嘅，但服務員態度就唔多好，其實好睇你撞彩撞到邊個服務員，有啲姐姐都會同你有傾有講，但有個男人就帶點江湖味，係有啲搞笑。環境來講，有分上層同下層，都算多位置，我哋坐上層，六個人坐卡位就有啲迫。總括來講，都算係中上嘅等級。

四條友無聊人敘餐、早4日訂位、打極冇人接、走去店面訂位先有、星期4、全埸爆、八味海鲜非常正、飽到抽筋、食法新奇、不過略嫌冇得選擇、好似去左飯堂、只有食同唔食、未必啱有要求人仕、感覺似俾人餵你咁……食物質素非常好、極新鲜、但係如果可以加多少少蔬菜就更好、坦白講、中段見少飽時感覺有D食到悶、全埸冇乜聲、大家狂啪魚蝦蟹、價錢以質素來比較算唔錯、枱座只啱4一6人、大班人唔方便、亦冇得倾歇、更不宜遲到人仕……總括唻講非常好味、不過食得非常急、「啪」多過「享受」！

已經第二次黎呢度食蒸氣火鍋 上次食完對八寶飯之後念念不忘 所以決定再食多次😋我地訂左6pm時段 一去到餐廳 門外已經有好多人等入座 一入座就有好足料既湯 十分滋補 之後每樣海鮮都有得揀煮法 有清蒸 蒜蓉蒸等等 根據個人喜好去煮更加好味😋一開始每人一盅湯 好足料👍🏻龍蝦肉結實 好好味👍🏻蜆無咩沙 好鮮甜😋蝦開邊蒜蓉蒸 超好味😋用腸粉蒸魷魚 腸粉好入味 好味過街邊檔 👍🏻最後八寶飯可以自己揀8款餸 加埋豉油 好似煲仔飯咁好味😋

Facebook見黃秋生介紹過呢間蒸海鮮抵食同好味，所以就約埋班朋友去食啦，點知中伏左！佢分3個時段，我就係book左第二段8:30，去到時要等第一段嘅人清場後先可以入去，所以出面門口係勁多人等，等到8:45先可以入去，要讚嘅係招呼我地嘅侍應靚仔，好風趣又好care我地，可能我哋多女仔關係，食蟹時有幾個女仔食唔到蟹拑，靚仔主動幫忙拆蟹拑，不過有一個好笑嘢係，其實我地一坐低，侍應靚仔就問係咪第一次來？我哋答係呀！點知佢跟住話：咁應該以後唔會再來！初時我地都覺得奇怪，點知食完就明白點解！海鮮方面呢，其實覺得唔太新鮮，又冇乜味道咁，有D仲要蒸唔熟，可能趕住做第三段時間啦！整體感覺確實唔太好，有D海鮮我地仲要自己加時間蒸耐D！飲品係要額外叫

之前食過同集團既粥底火鍋,今次試埋佢地既蒸海鮮$268 一個價錢免加一,包左八種海鮮,都幾抵食唔同海鮮仲可以自己揀唔同既口味做法掛住食,有d都無影到相一坐底就已經會比碗燉湯,好足料<金銀蒜蒸龍蝦>都算大隻多肉,仲有膏...金銀蒜加埋真係無得輸呀！<豆醬蒸多寶魚><清蒸肉蟹>新鮮,肉質夠實,,超級鮮甜<魷魚蒸腸粉>哈哈 精髓係d腸粉度！夠滑又吸哂d 魷魚味<自選八寶飯>可以自己揀八款唔同既料蒸飯推介雞骨肉餅/蝦醬腩肉/潤腸/ 臘腸明明好飽,但都食左2碗

第一次成家人出去食蒸海鮮，份量超夠超滿足 燉湯 ~ 松草花鷄湯湯料十足，味道好飲，但入口油份重多少少清蒸龍蝦 ~ 口感鮮味十足，好滿足果皮蒸鮑魚 ~ 好重果皮味令到鮑魚味少咗，但入口彈牙嫩滑蒜蓉蒸魷魚 ~ 腸粉好滑，魷魚就鮮味彈牙清蒸花甲 ~ 花甲夠鮮，但花甲有沙豉汁蒸多寶魚 ~ 魚肉蒸完之後仍然好滑，豉汁冇蓋掩魚嘅鮮味清蒸蚌 ~ 有沙同個味有少少怪酒糟蒸蝦 ~ 呢個醬料絕對最好食，但隻蝦太細，蒸得耐咗，蝦肉好鞋。但個醬真係值得回味清蒸蟹 ~ 冇咩蟹膏，有d 失望，但蟹肉都滑八寶飯 ~ 夠料夠味木瓜糖水 ~ 味道夠清甜好有家的感覺

其實好多人都試過鍋心，所以食品的質素唔多講了，係好食新鮮的，今次第二次食，時段係六點至八點，感覺都一樣，好飽，滿足，最鐘意最正就係龍蝦，非常新鮮，需然係限時兩小時，不過專人服侍，其實時間也掌握得好好，所以嚟鍋心係為咗食先好去，如果要摸下酒杯底，成班吹下水的話就要考慮喇，同埋記得預早book喇，起碼要一兩個星期架

之前食個開心嘅粥底火鍋，海鮮非常新鮮！今次就試吓你嘅海鮮蒸鍋啦！早係一個月前已經冇晒位約埋friend!🤩🤩每位268有一個燉湯8個海鮮同埋一個八寶飯，完全食唔晒，八寶飯成個拎走，海鮮超新鮮，二百幾蚊食到成餐海鮮真係超值！燉湯好足料，見到有兩隻雞腳蘿蔔同埋好多蟲草花，明知之後仲要食好多野，都忍忍唔住完成食哂😣😣之後就係龍蝦啦，好彈啊好新鮮！店員一打開蓋已經香氣撲鼻！起動起動其後嘅所有野都係好食嘅，順帶一提，每個海鮮都可以自選點蒸，個人認為蒜蓉最好食，蒜蓉好食唔通個個都食蒜蓉咩🤪👻