錦麗 (創紀之城五期(apm))

營業中

休息中

以前去開德福錦麗，但始終都係apm分店令我最愛，食物用料一如既往地新鮮、質素高，環境亦係咁多分店之中最好，即使住沙田都要開車過黎食最重要嘅係服務態度真係一流，由帶位，落order，上菜到埋單，每個細節都做到最好，特別多謝某尹姓服務員，服務態度極之親切，等位期間有個婆婆因為黎得遲所以要排好耐，但係服務員好耐心咁安撫佢情緒，安排佢就座並解釋如有空位會盡快安排，婆婆當時亦表現得好理解亦冇任何怨言。用餐體驗非常滿意，以後還會當作私家飯堂

之前成日經過德福都見到好長龍，岩岩開既時侯又見到網上好多人講佢好食。今日經過開又見冇咩人就入左去食。星期日中午冇咩人都幾難得。不過冇咩人都要搭枱又唔比轉位，服務生態度又不太好越南野我都吾係成日食😂睇下餐牌，都係揀左推介既野好似冇咁容易中伏，錦麗綜合粉。未有主菜時當然要食個小食先，要左鮮蝦札肉紙米卷。d料都幾足，不過不失。主菜越南🇻🇳河裡面有牛丸，生牛肉同熟牛肉。湯底都幾濃，落埋辣椒，正！友人要左生牛河，不過冇咩特別。另外我都叫左杯香矛薄河青檸梳打，好多料，有青檸味不過冇特別，收三十幾蚊。友人就叫左越南咖啡，我就不太喜歡。留意番餐廳係唔收信用卡，只收現金同八達通。今餐食左220蚊，還好吧，唔太抵。

今日相約朋友喺觀塘食下午茶朋友揀咗茶木， 排隊期間見到呢間越南粉就係隔離， 一直都好想試，朋友都話成日大排長龍 ，大約三點幾佢話啲湯已經售罄 要等到五點半先重新再有 ，唯有繼續食茶木啦 ，竟然食飽茶木正好是五點半又唔洗排隊，我地再食第二餐，哈哈！綜合河有生牛，牛腩，牛丸。湯底清甜，有牛骨味，河粉有咬口，唔錯，生牛一般，牛腩軟熟不過沒有牛味，竟然牛丸係最特別，佢有 有一種特別嘅香料味 但係 本小姐食唔出喎 失敗 春捲炸得麻麻地 上枱嘅時候仲係油淋淋 裏面有啲肉絲蘿蔔絲粉絲 味道還可以 呢個扎肉米紙卷 好過個春捲 整體嚟講 如果唔使再排隊嘅話我會食 但係如果要排隊嘅我都唔會等囉

記得錦麗係剛開張之初，排隊排到癲，到左今日，人無之前咁多，但我晚上7點黎到，都要排成廿個人，係勁既！不過佢雖然舖仔細細，又排長龍，但勝在d人食完就走，我地等左20分鐘到就有位喇。前面呢杯係俾你食麵前落既，如果可以俾多d芽菜就好，d肥dodo 既芽菜好爽口，fresh!錦麗牛丸粉:呢度跟河粉既餸選擇唔多，生熟牛同牛丸都食過，始終覺得牛丸係最好食既，牛丸好有有牛味，又juicy 同彈牙，唔駛諗，必叫！錦麗生熟牛肉粉男朋友食呢個，我覺得生牛好食d，熟牛似係牛腩，無咁淋滑。法式牛油雞翼:勁香蒜蓉味，脆卜卜，雞翼又滑，好味推介！以前黎食，雖然好食，不過我覺得一碗牛肉河賣5,60蚊有d貴，個自從知道蔡san賣碗牛肉河要百幾蚊又要排隊排餐死之後，我就覺得原來呢度都幾抵食😅

食物普通，不是很多選項，座位窄，乜都好似好趕。價錢算較平，所以適合單人想揾速食或年輕情侶叙一叙。幻想好似係日本電影d小型拉麵店，唯一是日本其求一間都不太差，這間在APM這個點，諗住食好d越南嘢就會另人有點失望。

大蝦扎肉米紙捲($24)/牛油果沙律菜米紙捲($22)好驚喜米紙捲皮超煙韌，而且好足料有爽口的大蝦、扎肉、粉絲、青瓜、沙律菜⋯越式炸春卷($38)炸得金黃香口，但皮保持煙韌😱，餡料多有芋頭😍😂法式牛油雞翼($34)同樣炸得金黃香脆，有香濃的牛油和蒜蓉味。錦麗綜合粉($62)綜合有齊生牛肉、熟牛肉及牛丸，湯底係濃郁既牛骨湯。生牛肉片肥脂部份少但嫩口，牛腩軟腍，而牛丸爽口彈牙肉味濃！另外附上芽菜、九層塔、青檸等配料同醬汁，加落湯河更有越南風味🤪

晚上單拖沒事幹，悠悠閑閑去 Apm 食餐。見到有間越南餐，聲稱是全越南最好味的，仲要日賣 3000 碗，一於試吓。果然好多人排隊，有點誇。但好彩都唔算好耐，大約 15 分鐘左右就入得了。一人吃註定要榙枱的，坐位都幾逼。仲硏究緊食乜的時候，阿姐已經催落單。叫左一碗什錦牛河，有牛肉同牛丸。牛肉片都有牛味，同埋好簿片，所以一D都唔會韌，但是有痴牙。牛丸好彈牙，好味過牛肉。河粉係厚身，幾滑口的。湯底夠濃，而且佢加入左不少洋蔥同香葉，另外仲有一杯仔芽菜青檸，可以加入令湯底更加好味。唯獨杯內有條長條型的生菜，太草青味好難食。價錢係六十幾，唔算平但幾好味。餐廳不提供飲用水，要飲野只能叫飲品。但見阿姐態度麻麻地，一來唔想勞煩佢，二來唔想蝕俾佢。快快脆食完出去嘆杯咖啡仲好。點知我一放低筷子，唔夠10 秒，D碗已經收左。睇嚟出咗逐客令， 想坐多一陣落下隔既機會都唔俾我，咁咪走囉 😒。原來呢到係要速食，🤔咁先可以日賣 3000 碗......

因為好多人介紹我食 一直好想食 仲要頭兩次去佢都賣哂 所以今次食到已經好期待今次同朋友叫左一個生牛肉河 一個牛丸河（ 我地諗住share d牛肉同牛丸🤪）一個蝦餅 兩杯甘蔗汁因為朋友叫我一定要食牛丸 所以我就試左牛丸先 一咬果下已經覺得好juicy😍😍😍 越咬越有牛味 雖然咁好似好白痴 但我想講平時食既牛丸系唔會有牛味 feel到佢系真系新鮮足料 個河粉又好滑 個湯好濃但飲完唔會覺得咸 真心覺得佢100分 食完系會好掛住佢咁 反而個生牛肉就比下去了蝦餅都好好食 入面d料全部自家製 推介

錦麗錝合粉（$62)越南湯粉最緊要係個湯底，而呢間既湯底牛骨味濃郁，幾鮮味。配料相當豐富，牛丸彈牙，牛腩有濃郁牛味，不過生牛肉反而好硬，仲要好細條唔知想點😂 整體質素唔錯，可以一試👌🏻

錦麗越南綜合粉🐮湯底真材實料一開始就咁飲左一啖覺得好濃郁鮮甜 之後再可以自己加入九層塔,鵝蒂，芽菜等既配菜配料有生熟牛肉同埋牛丸 生牛肉略嫌稍微過熟所以有d老 反而熟牛肉因為係牛楠部分所以幾淋 最驚喜係牛丸超級juicy充滿牛味又彈牙😍💵:$62

慕名而來，可能早約12:45nn到，不需等位。選擇不多，叫了生熟牛肉河及綜合，按他們指示進食。感受：湯偏咸，生牛肉並不是生的，熟牛肉等於牛腩，牛腩唔錯，生，熟牛的份量足，綜合粉只是多了牛丸，牛丸好味。整體而言性價比低，花$60+食快餐，質素好，但並不是絕無僅有。如果你有錢，有位，唔餓，趕時間都可以試試，但絕不是非食不可。

查實佢岩岩開，我已經排隊食左好幾次。據說是來自越南的品牌，由太興引入主理只要復刻得真，其實沒什麼所謂。起初食落頗有驚喜，因為粉幼而滑，湯濃味美，可惜時日過去，粉質湯質略有改變湯底不再讓人一口接一口不過，依本人所感，仍優於坊間普通的餐廳粉麵。最值得食是牛丸， 食過幾次已由綜合粉過檔成為牛丸粉的粉絲。吃得出肉質而又有牛肉味，並非一般粉麵的牛丸能比。有淨食我一定淨食牛丸的！同一場合朋友叫了道小食，基本上除了牛油雞翼外，其他都麻麻。燒雞卷 - 沒有味道

食物品種少但係食物味道還可以。不提供清水給客人、迫你買佢哋drinks。食完超級口渇服務態度差。啲食物份量小得可憐！又留咗落單！Nha Trang 好食好多！下次一定唔會再來。

放假同好友行觀塘工廠區，行之前先去APM搵食，朋友未試過呢間越南粉，佢先去攞位，閒日唔使排隊，去到餐廳都唔滿場，喜歡越南風嘅藤織燈罩加椅子！坐低唯一問題係桌面黏黏的！落單後被通知無蒸米榚，開放式廚房睇到廚師煮食！牛丸河粉（$58）牛丸彈牙，入面有一粒粒似係軟骨或牛筋碎，有肉汁！好味，河粉嫩滑唔易斷，湯底清甜（但比起上之九龍灣分店時嘅淡咗）加了金不換、芽菜、青檸汁，增加爽脆香味！好味！綜合粉（$62）朋友食，佢話湯唔夠熱牛油雞翼（$34）一碟四隻，雞翼都幾大隻，炸得好脆，雞肉嫩滑，牛油香加鹹香！好味炸手作蝦餅（$38）一碟四件，蝦餅粉紅色，中央夾雜馬蹄粒，，蝦餅唔硬，點辣醬樂味！越式滴漏咖啡（$25）無叫小甜，等一會都漏到半杯，要打開用匙攪一攪拌，先漏得晒（之前飲其他店嘅漏咖啡都唔使理）咖啡濃香，攪勻練奶香甜微甘，樂味！綠豆崩大碗（$22）朋友飲店員只見一個女店員，雖然客人唔多，不過得佢一個，有時都要等一會兒！佢太忙無乜接觸！味道不錯，但要抹乾淨啲枱面

話說今日同朋友去食野，咁見錦麗唔洗等，就衝左入去試下啦我本身對越南野就冇話特別鐘意既，坐低叫左碗生熟牛肉粉同生牛肉粉黎試，啲生牛肉就比較薄身、熟既就厚好多（有啲似牛腩）咁落單之後佢會有兜配料比你既，有啲蔬菜、芽菜、一舊青檸仔、同埋幾粒辣椒咁。兩碗粉一上到黎，睇枱上指示話要飲啖湯再放料，勁好味超香超濃既湯底！即刻人都醒神哂，生牛肉夠薄都好好食，但熟牛肉因爲比較厚身，食到後面我自己覺得有啲唔係好食得落～（所以下次我應該都係揀返生牛肉粉食就算）環境黎講唔錯，地方唔算大，但坐得還算舒服服務方面不過不失，可能因為都未到好忙既時間，大家服務質素都有返咁上下啦，要再去多幾次先可以確定