錦麗 (大埔超級城C區)

營業中

休息中

最近，與同事到錦麗食越南湯河下午茶，點了生熟牛肉湯河。一試驚艷，生牛肉好滑，湯底濃郁，不錯。但熟牛肉則不好食。而餐飲玫瑰龍眼茶，細細杯，好飲，很香。第二次食牛丸湯河，則有點膩。也去過又一城那間，生牛肉湯河一樣好食。誠意推介。

食物質素認真唔錯生牛肉湯粉尤其出色原本覺得湯粉不能轉為湯檬有點失望但湯粉真心好食😋不能轉最後也覺得不可惜另外叫了小食拼盤包括了蔗蝦、蒜蓉牛油雞翼、香茅豬扒、越南春卷味道不錯👍🏻總括是值得回頭的食肆

牛肉湯河，一般般湯又唔濃死鹹牛肉又難口，麻麻地係個河粉夠滑，頂得住反而小食，出色呀牛油蒜蓉雞亦，炸到脆皮，又多汁最緊要夠牛油香春卷又係脆口，而目餡夠滿，多蔬菜係入面所以夠甜夠香

同朋友講開牛腩粉麵，呢間小小另類，錦麗，下午茶餐，生熟牛河，跟玫瑰花龍眼茶，$45，都幾抵食。湯頭，牛骨味濃，好過好多粉麵舖，唯一多咗少少胡椒粉搶咗啲味。另外跟一小碟香葉牙菜仔，飲兩啖湯之後，加少少青檸汁，又有另一個層次👍生牛肉軟滑，來到上枱仍有少少粉紅色，相熟程度控制得唔錯。2件熟牛肉近似坑腩，彈牙有少許趙口，唔錯，應該係新鮮牛腩，清湯腩做法。河粉軟滑，中上之選。杯茶都唔錯，桂元味好濃，相對玫瑰花味道比較淡。ps, 之前新開張時，經常愛吃什錦牛河，有生牛肉，熟牛肉，同埋牛丸，60蚊，加多杯嘢飲八十幾蚊，有啲貴。相對來說，下午茶抵食好多。開張時見過有振興送花牌，牛丸應該是振興的濃湯牛丸，質量都唔錯！

之前經過見到好多人排隊食🙈又突然想食越南菜🇻🇳就決定去試下🤩🤩嗰日下午餐時段去食就未洗排隊😚都仲有幾多位🍜錦麗生牛肉金邊粉 ($45)依個係錦麗推薦系列✨所以就叫咗嚟試下💕💕個湯底熬得真係幾好味😋濃得嚟唔會太鹹🤩🤩牛肉🐮份量雖然少🤭但質素唔差🥰半生熟咁食最正😆😆同埋餐廳好貼心嘅係芽菜🌱香葉🌶辣椒碎會另上👍🏼可以鐘意食幾多就幾多😻😻🐷香茅豬扒撈檬 ($48)塊豬扒真係好大塊😻又炸得好好食🤤🤤淋得嚟又juicy❣️❣️❣️非常之香口😆😆重點係唔太肥膩✨😋而撈檬嗰汁甜酸度都好適中🤓好清涼開胃😚❄️🍋鹹檸檬青檸水 (+$0)鹹鹹哋酸酸地非常醒神開胃😎😎不過建議過一陣要將鹹檸檬同青檸攞起😢🙈唔係杯嘢就會苦咗🌹玫瑰龍眼茶 (+$0)聽個名都覺得係好養生嘅茶😂😂好香玫瑰味🥰不過就甜咗少少🙈🤭整體嚟講下午菜都幾扺食😋份量雖然細咗但都好夠食😻😻可以當early dinner食✨✨

以錦麗這種連鎖越式餐廳來說，正常午餐或是晚市吃一碗麵應該都最少要60-70 🤔因此這天見到下午茶都是40多元，就可以一試。生熟牛肉，看上去有點皮有點脂肪，質感都挺不錯的樣子。我點了個香茅豬扒撈檬多荵，香茅豬扒份量夠多，非常大塊的豬扒，剪開幾下，質感也不錯，不算肥膩，也不會太瘦，不會令你吃到痴牙的那種豬扒質感相當不錯，肥瘦均勻，香茅味道相當濃郁，而撈檬的份量其實不太多，檬粉較碎，但不會黐埋一舊，有其他蘿蔔絲、青瓜絲，因此還是足夠，另外比較喜出望外，就是撈檬上面還有少許肉鬆。現在坊間都有不少所謂越式，實際還是港式越式餐廳，很多時候都是求其淥個檬粉，放少許蔥，隨便用魚露加點辣椒就裝作是越式餐廳，又求其份量又小，相當呃錢，反而，早幾年已經在本港開張的錦麗，原來過咗幾年之後，質素還是不錯，簡直令我喜出望外。以這間越式餐廳的質素，是除了小巴黎以外，近來吃過比較出色的越式餐廳之一。點了杯青檸鹹檸檬水，其實即是龍鳳檸樂那般，有檸檬味，又有鹹檸的鹹香，因此味道還是不錯。

錦麗係我覺得少數連鎖店，但間間分店質素都好唔錯！🥰平日食開生牛河同牛油雞翼已經覺得好正！尤其雞翼一定係炸到熱辣辣、脆卜卜！☺️☺️.無留意到原來錦麗有咖喱牛腩飯🍛，勁好食！牛腩大大舊，又淋！咖喱好香椰奶味，少少🤏辣，好惹味！薯仔🥔係連皮炸，好少餐廳咁花時間煮！大推！🔥🔥🔥🔥.跟餐配玫瑰🌹龍眼茶同加錢叫椰汁🥥三色冰都好正！🥰🥰🥰疫情期間有優惠外賣餐，好抵食！勁多人幫襯！😍.

朝早既大埔真無咩野食,呢間開11點半,未夠鍾已經好多人等緊位.唔通真係咁好食? 要試過先知...一入到去就叫左兩個set lunch$68 錦麗生牛肉河牛肉雖然唔多,但夠食,湯頭濃而不咸,幾好.底下既河粉仲要好多....+$18  錦麗米紙卷每次去食越南野都要叫米紙卷都無乜好comment,因為好普通既野,我諗都幾難整得難食.呢個係大蝦札肉,好好食. 好大份又足料.只需要+18 好抵食.原價都要30蚊.$60 雞絲札肉香濃雞湯金邊粉個湯真係..唔飲都知油...係油得好緊要..可唔可以片下油先出...湯頭無雞味 唔覺得香濃 仲好咸金邊粉煮得太淋啦!!  札肉只得兩小片.雞絲好少又唔好食,好鞋.+$8 越南滴滴咖啡苦澀味好重 都幾香濃既.想問佢拎糖, 竟然得奶同埋練奶.......

覺得係大埔目前唯一一間有質素既越南河粉！ 份量剛好 、粉質唔粗糙 ，湯底飲曬成碗都得！ 店員服務態度良好！ 不時心思思又會想去再食，生牛肉湯河係我超級推介！身為大埔友更加要去至少一次

喺全日禁堂食嘅最後一日，就同阿爸去食個越南牛肉粉。我哋趕得切食佢個下午茶餐，一個生牛肉少粉，一個生熟牛肉少粉。個餐就跟一個咸青檸梳打。因為佢係下午茶餐個份量好少,如果你係肚餓嘅話唔會夠食,所以我哋就追加佢嘅越南春捲同蔗蝦一份。春捲夠脆好食，唔鹹，紮實有料。碗牛肉粉嘅味道都幾好，牛肉無論係熟牛肉啦生牛肉啦個肉汁同埋個湯嘅濃度都做得好，不過要留意嘅就因為佢下午茶餐用個細碗裝佢會少，你落完啲芽菜呀辣椒落個碗粉度，啲湯嘅熱度就畀啲配料吸曬，所以就冇佢平時大大碗正價用個大碗上嗰啲一份咁好食，最後其實係凍住食乜水都吸曬。我就覺得佢杯跟餐嘅咸檸七梳打唔好飲好喊，所以建議就再加十蚊要多咗杯三色椰汁冰入面有紅豆綠豆同班蘭糕片。ok好飲嘅都幾似紅豆冰，好足料，美中不足嘅係佢啲豆就好硬，如果佢多番D椰汁咁就會好似返一杯飲品，唔會啖啖都係豆成杯嘢就會好飲好多。要喺大埔食到一個越南餐下午茶有兩碗粉兩杯飲品同埋有小食$120蚊埋單其實都算中規中矩。如果真係想食佢嘅越南粉都係建議嗌佢整假大玩嗰啲住食個飯會食得好味啲

今日自己一個人嚟食lunch，見到呢間Vietnamese restaurant ，其實開咗一排，咁就入去試下因為其實我幾鍾意食越南粉，咁我叫咗個牛肉综合粉， 即係乜嘢牛都有咁，試過之後其實我覺得還可以，但係覺得河粉冇得畀我揀因賣晒，如果有金邊粉就最好，但其實個湯底我覺得都係普通冇乜特別 但係平嗰食拉麵嘅。

自問係一個唔好牛河既人最近去左越南食當地既錦麗 都覺得牛河好好食同食得晒!!所以返黎香港想比較一下😂😂香港未食過...其實真係好唔同呀香港既湯底好明顯冇咁足料同新鮮有少少似係用湯粉整出嚟嘅味呢到既香草例如九層塔, 芽菜, 青檸都好少 (越南錦麗係所有配料都成大碟勁高, 任落)辣椒都唔多 (越南錦麗辣椒有三隻色, 都係多到比你任落)但係呢度嘅環境就衛生好多倍 (唔會成地rubbish lol)睇下你想食環境定味道 😂😂😂

係大埔食下午茶而又想去食下牛肉粉，都可以揀呢間試下既。呢間專食越南野，牛肉粉又係佢主打，於是我叫左碗試下。上菜速度都快，不過服務態度麻麻，無咩禮貌。牛肉粉上既時候啲牛都係普遍未熟既，浸係湯到都好快熟返，而且口感係岩岩好既。牛味非常重，湯底都有牛汁味。粉就有少少偏硬但可接受。價錢就偏貴，值唔值就見人見智啦。

嚟大埔行街行到過左lunch時間 大約2點幾見到呢間錦麗無人排隊wo 入去食個河粉醫下肚先 除左河粉都有其他小食嘅 不過廢事食太飽啦我同朋友一人叫左一碗河粉 有生牛肉湯河 怕生嘅人都可以食 將d肉塞落d湯浸一陣就會熟哂 仲有個雜錦（有齊生牛肉 熟牛肉 牛丸）不過我覺得熟牛肉無生嘅咁好食 牛丸都係半手粒半粒咁 呢度望落係3粒但原來個度得半粒咋佢另外有一個杯裝住d芽菜呀 香葉呀 辣椒 自己鍾意落幾多就落幾多 都幾方便 河粉湯底係好味嘅 一路食一路飲佢d湯 ～ 食哂成碗都好飽肚 又可以繼續行街消化下先

😂同友人去搵野食，🤣🤣🤣但行左幾個圈附近都冇乜野岩食😭😭，最後見到一間叫錦麗既越式餐廳😛😛咁岩我又好鐘意食撈檬果類野食😘😘😘入到去，第一時間望下餐牌，我認為以越式食品黎講都較貴😅😅😅，我揀左個大蝦扎肉撈檬，果然冇令我失望😍😍😍堅好食，友人叫左個咖哩牛腩飯，我覺得一般般，薯仔有d硬同太粉，牛有d硬😅😅但係最有驚喜既係跟隔離枱叫既牛油果米紙卷，個口感好正，菜同牛油果好夾，食落有層次😍😍😍😍😍所以貴少少都唔緊要，最緊要食得開心😚😚