錦麗 (大埔超級城C區)

營業中

休息中

夜晚六點幾行過錦麗，發現時間尚早唔使排隊，就再去食佢個牛丸河😋其實佢啲河粉配料選擇仲有生牛肉同熟牛肉，點解特別鍾情佢嘅牛丸呢？因為佢啲牛丸爽口彈牙得來，咬落去有少少爆汁，牛味重、無雪味👍🏻.而河粉雖屬幼身，但唔會好易夾到斷晒。至於牛肉湯底，頭幾次食覺得好好味，但而家可能已食慣咗，就無咁覺驚豔🧐.牛丸河美味指數：4⃣/5抵食指數：2⃣/5再食機率：100%.除咗湯河同小食，錦麗仲出埋飯同撈檬，Seefood閨嗌咗個香茅豬扒扎肉飯試吓。唔同平時見開嗰啲一片片圓型淡肉色嘅扎肉，佢啲扎肉外型有啲似港式粉面嘅魚片頭，但味道有啲酥。而塊豬扒就有啲似大家樂味道。侍應仲特登畀支「豬扒飯調味汁」SeeFood 閨用嚟撈白飯，但食落似普通生抽豉油咋喎🤔.香茅豬扒扎肉飯美味指數：3⃣/5抵食指數：3⃣/5再食機率：10%

橫裝讓人舒服嘅感覺位於大埔中心， 午餐點咗牛肉湯粉，肉質幾嫩口，入口軟滑，充滿濃郁的牛肉味，可粉夾雜芽菜，食落爽口彈牙， 最重要嘅係湯底充滿牛骨香味，真係連湯都要飲埋，令人好想食多一碗，份量適中，牛肉有4至5塊。另試左牛丸金邊粉， 牛丸彈牙有牛味，會有啲牛肉汁爆出嚟，都值得一試。

假日下午茶時間嚟到 , 唔使等位 , 不過就要搭枱 餐牌 :全時段冇套餐 , 只有散叫 , 除咗越式粉麵 , 仲有撈檬 , 飯 , 小食飲品都幾多選擇同幾有特色 , 不過今日只係下午茶嚟食少少嘢, 所以只係叫咗一個河粉錦麗生牛肉粉 ($63) 牛肉湯偏油膩 , 有圖有真相 , 不過有牛味 , 幾好飲 , 忍唔住飲左好多湯牛肉大概有 8 片 , 幾高質 🤭🤭 , 大塊得黎又有牛味 , 嫩滑唔鞋口 , 好味好味 !店員送上一杯配料 , 有粗芽菜 , 青檸 , 香葉同紅椒粒 , 再加埋幾粒辣椒粒 , 個湯底真係無得輸 👍👍成碗牛肉河粉份量唔算好大 , 正常食量女生啱啱好夠飽 , 男仔可能爭啲啲 , 要叫啲小食食店唔洗加一 , 服務一般 , 店員略欠禮貌 , 亦都冇乜表情  錦麗生牛肉粉質素都唔錯 , 價格 ($63) 尚算合理 , 會再回頭 🙂🙂

岩岩開業既時候已經係大排長龍，今日襯岩岩開始lunch hour少少人排左隊先👭相信有去過越南或者熟東南亞旅遊既人士都會知道，越南其中一種出色菜式就係pho，即係越南河粉，而《錦麗》就係去主打越南河粉喇🥰🥰//首先一提係大埔分店既店員服務態度係唔錯既，而今次我地就試下雜錦既「火車頭河粉」！其實真係唔洗叫野飲，因為一邊食pho一邊飲湯係最和味既選擇，另外菜式都好足料，包括生牛肉、熟牛肉、同埋大大粒肉丸等，難怪愈黎愈多連鎖開幕！😋😋

好耐冇食越南河喇去開大埔超級城行街梗係要食錦麗既牛丸河喇星期日十二點唔洗排隊勁好彩粒粒牛丸都超juicy，加上佢個湯底濃濃既牛味，連湯都想飲晒呀（溫馨提示：食個陣小心唔好彈到隔離枱呀）老公叫左碗綜合牛河，生熟牛肉牛腩牛丸都齊晒，老公話牛腩爽口，生熟牛肉夠味又唔痴牙，牛丸就更加好味到唔洗講野呀老公仲叫左杯越式滴漏咖啡，佢話唔係到到有所以試下喇越式咖啡特別之處係佢係配練奶唔係平時咁落咖啡糖老公話比平時飲開既咖啡口感滑啲順喉，用左練奶有奶香得黎又唔會太甜，總之下次就一定會encore

佢平日都好多人排隊，就趁下熱鬧試一試。排咗15分鐘左右就有位啦！先叫咗個椰青。不過不失啦！法式蒜蓉牛油雞翼撈檬，牛油雞翼炸得非常脆，檬粉夠晒滑，幾好食！牛油果沙律菜米紙卷，米紙卷口味較淡，加埋個醬汁就啱啱好。個感覺好健康！總體來講佢都算係咁，因為價格較平，性價比算幾高。

第一日來大埔出job 坐廠車出來 唔知食乜好～求其揀咗呢間越南粉。同同事係門口排咗幾分鐘隊就可以入去了～ 唔算特別多人嘅lunch 但要同人搭檯， 不過d位都坐得幾舒服嘅～ 有一大波蔥係麵頭 好彩同事鍾意食 夾曬比佢🤣 清湯底 唔夠辣可以再加～ 牛丸同生牛肉都OK好味 但熟牛肉個人就覺得一般般啦～有青檸和生芽菜等可以自行選擇擺入去～ 我擺咗青檸和辣椒🌶️ 芽菜本身都鍾意食 但擺入去太生了 唔係咁鍾意 不過個人口味啦呢杯嘢鹹鹹地都幾好飲～ 但總言之 呢個粉都ok一般 唔至於其他評論中咁神奇🤣 不過呢d嘢都幾見仁見智～ 試過就算。

總有一d唔想煮飯嘅日子, 所以就同媽媽去左錦麗到食越式湯河!🍜 我地叫左生牛肉粉同熱薏米水。一嚟到已經好香, 湯好夠熱, 味道夠濃, 唔太咸, 入面有芽菜, 辣椒🌶同九層塔🌿, 而牛肉🥩都岩岩好比熱湯淥到7至8成熟, 粉粉嫩嫩嘅顏色, 食落去好嫩口, 生牛肉同湯底非常夾, 幾好味😊 河粉淥得唔硬身亦唔會太淋, 每一啖河粉都有湯嘅味道, 好食😋😋熱薏米水, 唔會太甜, 薏米味濃, 而且幾多薏米係底, 幾好飲😋總結味道唔錯, 價錢唔貴, 份量都ok嘅晚餐😊

餐廳環境：4/5 （坐落尚算闊落，唔錯！）食物質素：2.5/5 （叫左個咖哩牛筋腩飯，啲筋成舊壁球咁，大小一樣，硬度一樣；另外薯仔用炸薯條代替，食落似食成口粉，唔知以為餐廳不小心放錯配料，創意十足！btw 撈檬係普通撈檬，味道尚可！）員工態度：1/5 （唔知我以為係澳牛食緊，個人主觀問題，或者係我對禮貌比較要求高喇！）食品價格：2.5/5 （好食既俾貴啲都值得，唔好食既咪欣賞餐廳服務囉，大家自己衡量喇！）總結：食物真係不值超級城既價錢，服務可以話係無服務，問多兩句就黑面。我都知崩大碗係涼茶喇，咁問得既實想了解多少少既，更何況你又加生果又盛，咁係果汁定涼茶啊！

錦麗綜合河，勁過出奇蛋🥚，一次過試晒三隻口味，生、熟牛肉配牛丸，Perfect Match! 佢仲附上芽菜、九層塔和青檸🍋可以隨意加入湯底。賣相真係唔錯，湯底味道更加一流。河粉吸晒湯底精華，滑脫脫容易入口。生牛肉夠嫩滑，上枱時仲有少少紅，用熱湯浸一浸，啱啱係放入口嘅最佳時機！味道鮮甜無比，配上大量蔥粒一齊食，就是幸福的感覺！熟牛肉好有牛味，而且好有質感，炆得好入味，絕對係牛腩既味道！沾上辣醬甜醬一齊食，又係另一種風味！牛丸爽口彈牙，咬開有汁爆出來，so juicy！越南庶蝦，蝦肉口感爽口彈牙，有淡淡的庶香味道，裡面放了香菜。配上酸辣醬，更加開胃！

行完街揾野食，見呢間收1030就入去試下，9點25分入座，今日點了生牛肉粉×4，春卷，牛油雞翼，粉卷，4杯飲品食物味道很好，但係，點完野食就即刻問 last call, OK 明嘅，食物未到齊，食緊嗰牛肉粉就要埋單先，待應仲要企定定等你拎錢出來先肯行開，其實，當時都只係9點40分！我地在好有壓力下好快咁食完，因為啲員工已經掃地拖地中！一放低筷子，就想清我枱，我忍不住講，我坐多一陣就走，離開鋪頭，係10點05分，承惠480元！影唔切食物相了，頭尾都真係得30分鐘食，快過食麥記！其實味道真係幾好，不過唔會再咁樣食得咁急了，臨走見到有幾個人入鋪，原來約了朋友仔，唔怪得之趕客啦

開張幾日已經入去食無胃口左幾日點知一食成碗食晒佢d湯好味牛腩無根我最鐘意另外仲試過牛丸好彈牙，有牛味其他配菜唔洗加已經好好味我最like係個湯底一啖湯一啖粉份量岩岩好暫時小食未試過

星期六放假，一早食左早餐去完買餸又未餓，結果差不多3點先食野，所以落樓下大埔中心搵食，見平時錦麗勁多人，但差不多3點就無乜人排隊，所以去排下，但都要排2張，等左5分鐘就有位了。不過要搭枱。今次都係叫左什錦牛河，牛丸、生牛肉、牛腩，牛丸今日好濃牛味，而且中間有啲爆汁，勁正，生牛肉同牛腩都好淋滑，配上金不換同青檸，飲埋個湯底，無得頂。最重要係，飲晒佢啲湯，返到屋企都唔口乾，似乎真係無味精😀👍🏼👍🏼，值得再來。

-總覺得大埔有很多美食xd不過吃過這間後一直念念不忘🥰所以來到大埔還是決定再來吃了！♥《牛油果沙律菜米紙卷》先叫一個開胃前菜～米皮薄，可以看到很足料🙆🏻‍♀️用料新鮮，吃起來感覺清新～一口一個，有口感又健康😘♥《錦麗綜合粉》有生熟牛肉和牛丸～一次滿足你三個願望😛生牛肉肉質鮮嫩，份量也足，不消一會兒就變成半生熟牛肉✨而熟牛肉有點像牛腩，亦很嫩滑～牛丸有驚喜，彈牙有牛味更爆汁🤤這裏的湯底濃郁，更附送自加配料～例如九層塔，讓你調製最愛湯底😳鹹度中上無味精，我通常全喝光xd♥《炸豬扒撈檬》這個好像是新菜式～然後就有少少失望了🤔豬扒炸得不夠鬆軟，肉質厚實，炸粉略嫌過多，因此皮厚色深🧐其實不算差，不過有點平平無奇！♥《椰青》味道清甜，內裏多肉，不過價錢就當然偏貴🤫♥小提示 Tips：幾乎任何時間都要排隊，所以請預留時間排排隊了🙈 另外可以自取水，因此不一定要飲料～

每次黎到錦麗，我都要叫"錦麗綜合粉"黎食既，佢個餸包括左生牛肉、熟牛肉同埋牛丸，一次過可以享受到3種美食，提供到唔同既口感，因為我試過就咁叫一款餸，就會有d單調啦。最喜歡就係佢個牛丸，好juicy，你一咬落去就有d 啫喱狀既汁爆出黎，加上外面爽手彈牙，好有層次。生牛肉就好嫩口，黎既時間仲係紅紅地的，當你浸落個湯度就開始變熟，係個個半生熟既情況下擺入口，就係最佳時機。熟牛肉就好似牛腩咁，佢d肉質都好林，好好咬，都係岩岩好，一d都唔難嚼咀。最重要當然係佢個湯，仲可以加芽菜、九層塔同埋青檸汁，令湯底更清香。