錦麗 (德福廣場1期)

營業中

休息中

昨晚經過德福商場入去食咗碗牛肉粉，湯底非常好味牛肉都唔錯，河粉亦都爽滑，分量都足夠.最唔開心係埋時候張單明明寫住$70點知去到有個又肥又醜嘅女士幫我埋單話$88咁張單寫住$70你收我88係咪係要問下先？點知佢好惡咁話你改咗套餐呀，我唔係唔俾，問吓啫，使唔使咁惡，其實我唔會歧視醜的女人因為樣貌天生的但態度差就係佢個人有問題. 希望佢老闆睇到呢篇文章可以叫佢改善態度.啲食物明明非常好但係又因為態度嘅問題影響到生意真係唔抵

嫲嫲係越南華僑，之前食過一次錦麗，成日話好掛住錦麗嘅味道，適逢節日特別思故鄉，就帶佢嚟錦麗做節啦！我都超過一年冇黎，餐牌都唔同咗，選擇多咗。仲有個四人餐，有河粉、飲品、仲有幾款小食，價錢又唔貴，就叫呢個試吓。首先就係兩條錦麗米紙卷，將佢一開二，每人有一件，點少少魚露，清一清口腔同味蕾，之後就食較濃味嘅越南菜。全晚我最鍾意嘅就係呢個牛油蒜蓉雞翼，新鮮炸起，非常脆口，雞翼仍能保持肉汁，唔會炸到乾爭爭，非常好食！蔗蝦嘅蝦肉都彈牙，不錯！胡志明綜合粉材料包括有生牛肉、牛腩、牛丸，我尤其欣賞佢嘅牛丸，有爆汁嘅效果，可惜只有3件半粒，唔夠喉🤪走咗葱嘅綜合粉配料更清晰可見。生牛肉河粉配上九層塔，既簡單又清新。大蝦扎肉撈檬有兩隻蝦，扎肉切成條狀，味道都唔錯，配上青瓜絲、蘿蔔絲同炸蒜，加點魚露，味道不錯。越南品種嘅芽菜形狀同平時食開嘅唔同，呢款比較短身而且肥嘟嘟，感覺都幾得意。特飲都只係加$8，大大杯算係幾抵飲。呢個餐有主菜有小食都真係幾抵食嘅，不過我就覺得佢嘅牛肉湯底好似比以前遜色咗啲，印象中以前嘅湯底飲落相當驚艷，但今次嚟到就覺得味道比以前清淡，希望如果有機會再嚟嘅時候，可以飲得返從前嘅味道啦！

20/12/2011:28分入到餐廳，未到11:30就立即停早餐。都算數啦⋯⋯開始點餐時，打算點雞翼湯檬粉，職員話，我地只有撈檬，唔可以轉任何嘢，要跟返餐牌上點餐，之後又再補一句，但係如果你點豬扒金邊粉，就可以轉河粉。真係好笑。唔係話唔可以轉餐牌任何嘢嘛？而家又轉到河粉啊？我問職員點解唔可以轉，佢叫我問公司，我真係想問佢，小姐，我而家係你公司返工啊？定還是識你公司CEO?後來，想叫柸凍奶茶，職員話只係早餐先有，11:30前就有凍奶茶，11:30分後就無，咁我11:28就已經到啦。之後叫我點越南咖啡😡我要食嘅嘢就無，要飲嘅嘢又無，公司開門就咩呢離晒譜架⋯⋯

今朝去咗呢一間食早餐平時食開茶餐廳食得太多沙爹牛麵想轉口味😋見到主要都係越南嘅米粉或者面，最後揀咗佢嘅找豬扒米粉跟餐有牛角包同奄列😊牛角包上枱嘅時候仲熱辣辣，好少茶餐廳係跟牛角包抵讚，奄列嘅話整到係流心同有啲香茅喺上邊味都唔錯。個豬扒米粉塊豬扒係啱啱炸起都好趣口

放工時間係德福搵食，見到呢間唔多人排隊，就即刻入左去。叫左胡志明綜合粉($68)，法式蒜蓉牛油雞翼($45)。叫左胡志明綜合粉($68)，法式蒜蓉牛油雞翼($45)，飲品個Pho既湯底幾有越南風味，不過我建議問職員拎檸檬同辣椒，加左之後有d酸辣，更加惹味。呢個Pho我覺得個牛丸出色過牛肉，牛肉真係普普通通，但係個牛丸咬落係好多汁。平時食Pho叫綜合都係覺得可以牛肉同牛丸都試下。不過我試完今次，我下次會直接叫牛丸粉。至於雞翼都好邪惡幾好味，上枱時熱辣辣，食落都好juicy。

向德福行街行到餓餓地, 見到呢間有位, 就揀左呢間, 只系$4X/個人, 仲包飲品。二人坐四坐位幾濶落. 下午茶有越南河粉, 撈檬, 金邊粉, 小食拼盤, 可配飲品龍眼茶/美祿/甘蔗水/青檸水/汽水/薏米水, +$8可選擇越式等飲就可以叫越南咖啡/菠蘿梳打/紅荳冰/涼粉冰/清檸梳打/ 三色冰, +$20升級為椰青.  我叫既生牛肉小粉, 份量較細但我就岩岩好, 朋友叫左豬扒撈檬, 牛肉熟左後幾林, 豬扒系即炸幾新鮮香囗，個椰青幾大幾清甜。是可再來的店..

在九龍灣工作作半年、經常經過此店，上個月有自己友人媽媽在港島區住和工作、如果見客傾生意，她一定去這間醫肚，她是在泰國長大華人，她食野不隨便讃，但她竟然讃這間湯河類味道very good ,所以今晚放工去試吓，牛肉湯河，好香而且牛片上等牛～woo woo好味！牛油chicken wing 好香、熱薏米水好飲又多薏米，其餘咖哩牛筋味道ok ar,服務生態度好正常，有禮貌，因為我唔知有套餐、她仲教我落order ,晚餐$80 有主菜、送庶暇又彈牙及可選薏米水，因為散叫一碗$66 及$28薏米水啦！好彩服務生remind me ! Haha待我下次lunch ,希望唔跌水準

剛剛星期五去九龍灣行街順便食個tea, 見佢無咩人咪入去食個生牛河。入到去坐底，水要自己取，但個紙杯細到無倫，牛河上枱，飲談湯，係少少暖，唔熱。味道好一般，$68 一碗，唔值得。服務員態度其差，粗聲粗氣無禮。以後唔會再光顔！

話說上次係呢度食早餐，已經劣評啦，今日俾第二次機會佢啦，結果係發現到更多野，唉。個灰色衫收銀黑口黑面，問多兩句仲黑。 來得商場食野，梗係要儲埋積分同泊車優惠啦，十問九唔應。叫咗個豬扒撈檬，今次塊豬扒係即炸既，可惜放係出餐口成八九分鐘先有人攞過來，凍晒啦。六十六蚊一份甘既粉，你話值唔值啦，我真心覺得浪費咗呢筆錢同時間囉。追加一份就20蚊，兩樣36蚊，三樣就50蚊，即係碗粉根本唔會飽，所以先有甘既政策。 太油啦，無蝦味，遮亦乾晒，失敗。

本人超愛越南生牛肉湯河，但在香港不是每一間打著越南餐廳旗號既食店，都能夠有真正既越南味湯底。錦麗既湯底算是做到我在越南吃到既感覺，湯底不是好味精的那種，吃完後也不會覺得好口渴。生牛肉嫩滑，而牛丸好有驚喜，有濃濃既牛味，十分彈牙。

落雨無咩選擇，只好係商場搵野食，見到越南野有早餐，望落價錢都40蚊，加上集團式，應該都好食既。 門口話28蚊有份早餐仲有豬扒米，唉！又被人呃了。加6蚊牛角包，再加6蚊滴漏咖啡，原本真係好吸引既，包唔係暖又唔熱，放咗一段時間，都算啦。諗住杯咖啡會香會滑，完全係失望，用靚少少既咖啡豆係咪會蝕錢呀，根本無啡味，甘令人極度失望囉。豬扒係唔錯，但個湯好差，越南野一向既湯底都唔係甘架啦。 如果俾甘既價錢去食假越南野，不如留返食公仔麵好過。

在九龍灣「德福廣場」裡面都有屬於自己分店的越南菜餐廳「錦麗」，「錦麗」裡面的食客實際上不算非常多，而且剩下很多座位。所以我光顧「錦麗」期間，完全不需要遇過有「搭檯」問題出現。「錦麗」的食店定價本來都只是在中等水平而已。但是「錦麗」因應食品和飲品定價，而推出價錢比較實惠的「一人煮意」套餐。而且「錦麗」「一人煮意」套餐實際上的價錢只需要港幣八十元左，比單點套餐裡面的食品跟飲品，便宜了接近港幣六十元的價錢，所以「錦麗」「一人煮意」套餐本來吸引到我的注意。另一方面，「錦麗」「一人煮意」套餐容許食客可以在「錦麗」主餐牌指定的食品裡面，選擇其中一款食品，另外加上一款「錦麗」指定的小食食品，還有一杯飲品。可惜食客只能選擇「越式蔗蝦」，不能選擇其他小食。如果「錦麗」的「一人煮意」「小食」食品那一部分，可以提供多點「小食」食品供食客選擇，例如屬於雞肉類的小食「法式蒜蓉牛油雞翼」的話，我在「錦麗」裡面的晚餐計劃應該可以再完美一點。可惜食客想在「錦麗」套餐裡面食到「法式蒜蓉牛油雞翼」小食食品的話，「一人煮意」恐怕無法讓食客如願以償。食客只能夠選擇「越式四人套餐」，才能食到「法式蒜蓉牛油雞翼」了。因為我個人性

差不多到下午茶時段，於是諗住外賣食$88兩碗面變成等堂食食下午茶。我諗住下午茶價錢同外賣價錢差不多，又可以坐低舒服啲...！千祈唔好以為$25一碗粉，必須連生牛肉粉一齊點，先有優惠，變相$70食一碗。生牛肉$45一碗，生熟牛肉粉$25一碗，結果兩碗份量超少，我查身細食都唔夠飽份量等於本時屋企飲湯碗咁多都.....下午茶小食拼盤，早知份量係一條條，我追加好啲，追加冇飲品，但各有兩條，可以同朋友分享飲品點了熱意米水，好細細杯，果然一份錢一份貨，呢度下午茶份量好少

已經一段時間冇食過，發覺原來已經多咗好多嘢食同飲品選擇，而且仲出埋套餐！錦麗牛丸粉 ($66)湯夠熱但味道無以前咁濃郁，牛丸彈牙牛味香濃，肉汁豐富，口感同味道都好好！河粉滑溜，但整體感覺無以前咁好食，有啲失望！香茅豬扒撈檬 ($66)香茅豬扒即叫即炸，幾香口，口感都算鬆軟唔嚡口，撈埋酸甜汁，酸酸甜甜幾開胃。椰汁紅豆冰 ($30)椰汁入口椰味香濃無甜味，紅豆起沙軟腍偏甜，搞勻咗之後可以中和甜膩感，但整體都係甜咗啲。

今晚同女友都唔太餓，所以搵粉麵食，見呢間未咁多人，即管試多次⋯⋯點解’即管’ ?! 因為食過一次午飯，又無咩揀，坐得又迫，又唔係平，唯一可取係無加一。呢個係一人餐，有個小食加飲品,忘了價錢，56-60😝  正常味道，個粉都俾得幾多嘅。配小食蔗蝦，麻麻地，好細小兼無咩蝦味。另外呢個魚餅扎肉香濃雞湯金邊粉，味道正常，但個魚餅係辣㗎，唔食辣嘅朋友們要諗諗😅總結，座位好窄，又混亂 feel，又唔係特別好食，好我應該唔會再嚟🤭