錦麗 (德福廣場1期)

營業中

休息中

今日到九龍灣德福商場食早餐經過錦麗，見佢早餐餐牌幾吸引，就入去叫咗個早餐！我就揀咗香茅豬扒金邊粉，湯底淡淡地冇乜味，豬扒都比較乾身！跟餐配香炒滑蛋，味道還好，仲有牛角包！

越南河粉是我的最愛美食❤️濃郁清新的牛骨湯配上爽滑河粉，讓人停不下口。生牛肉河粉未必大家能吃慣，因為是直接生牛肉上倒入熱湯來燙熟，有可能上菜時帶點粉紅💓但來到錦麗必點它們的牛丸河粉！！！巨好吃！！！牛丸爽口彈牙，超重牛味，不可錯過！！

今晚星期五唔想煮飯，同老公行街兼搵食，經過錦麗諗起都好耐無食嘞，我哋叫咗兩個鮮牛肉河，加個小食拼盤，仲有養生茶，覺得保持水準，見人流都好多有人店外排隊，感覺幾好。

同朋友係德福搵地方食lunch, 因為想食越南湯粉就揀左好耐無食過嘅錦麗，平日中午12點幾去等一張枱，幾分鐘就入得去，食嘅途中就開始要排隊了。雖然搭枱但係有板分隔，餐廳係用QR code點餐，仲有wifi提供。胡志明綜合粉 $74綜合粉有熟牛肉、生牛肉、牛丸。生牛肉上到枱仲有少少粉紅，都算嫩；熟牛肉係牛腩位置、煮到好稔唔會咬唔開；牛丸同以前食開嘅唔同曬，以前咬落去會有牛汁但呢個無，有啲失望。河粉算滑但湯底偏油。

之前成日嚟錦麗都係食粉麵為主因為佢個牛丸真係做得好出色，勁多肉汁今次試下其他野先牛面頰肉撈矇個牛超級淋，而且煮得好入味份量有四至五舊左右咖喱香茅豬扒飯豬扒能夠保持肉汁之餘，亦炸得剛剛好咖哩都整得唔錯，有幾舊炸咗嘅薯仔

今日經過九龍灣德福，附近個啲食肆都要排隊，趕時間就求其搵一間吾駛點等既入去坐。呢個河粉有手指公推介所以試下，剩系呢個面都要百零蚊算貴。牛丸吾錯，牛筋同生牛肉都一般。整體性價比一般啦。

今日嚟到九龍灣食早餐，經過見到早餐set好似幾平幾抵食，就入去試下。因為舖頭本身係食越南嘢，所以菜式都係有越南風味，選擇唔算多，但價錢都幾實惠。我叫咗個香茅豬扒米粉，跟餐牛角包有牛油香味，都幾鬆化；炒蛋做得幾好，加咗啲香葉入去一齊炒幾特別，都炒得幾滑；豬扒就普普通通，幾多骨，米粉係清湯底，基本上無乜味。咖啡就正正常常唔難飲。總括嚟講，想平平地食餐飽又唔算難食嘅早餐，呢間係唔錯嘅選擇，但要追求味道嘅話，可能就要諗過。

Lunchtime order 生牛肉河粉 份量小 配菜小冇咩洋蔥芽菜 要三催四請先俾啲青檸 辣椒粒，咁就盛惠差唔多八十大洋仲要無得加飲品，飲品全部正價食物質數差都算，最差係態度，人客其實唔多，人手又唔係唔足夠，真個上年紀嘅客人要落單，但唔識手機點餐，揾侍應求助，叫咗幾次都無人應佢，隔離枱的顧客都忍唔住話幫佢點，跟住個侍應先至施施然慢慢黎部機行過黎，今時今疫情底下都仲咁嘅態度，哩間鋪頭真係Blacklist，以後都唔會食。

今日獎勵自己行左過萬步所以食依個豪餐香茅豬扒撈濛+小食：網炸蝦滑卷點解我會叫佢豪餐 因為佢單點粉 都要成差唔多$70 再加埋小食 成差唔多 $90算啦 我無乜幾何因今日太熱 我叫撈濛 所以多魚露 店員都有服務有聆聽 俾左3兜仔我返到去打開 重以為 個濛都好足份量但 發現 比想像中小即 得 2-3“住“咁樣唔緊要 佢塊豬扒搭夠大大塊 一如慨往的 保持水準扒邊 香脆， 扒底面薄薄香茅味乾身得黎 少少油 咬開唔痴牙肉質有口感 唔會過林濛粉 唔會變一餅 好易撈開個加$28定38既網炸 唔好味既但佢個網好食 入邊唔好食佢好似有2種卷揀 可能係我唔識揀錦麗 而家食一餐都要 $70啦！貴左好多！但間中都會諗起佢既！

間中就會樣食下 越南野就會諗起 錦麗之前食過佢 炸春卷好味 湯粉下午茶 細到 有少少過份但算啦 係咁架啦今次 叫外賣自取豬扒飯豬扒 一塊 夠乾身 咬落唔un 有肉汁 但外邊乾身內裡 是 剛好 的加埋 飯中有隻蛋依個配搭真心 食極都唔厭

去九龍灣德福廣場shopping買野，順便食個下午茶擋晚餐，由德福二期行到一期，間間餐廳都好多人要排隊，最後選擇左去呢間，俾佢個餐牌「火車頭」吸引了，就入去坐低。我坐一張細檯要搭檯。都冇所謂，我叫左個「火車頭」餐，小食選蔗蝦。飲薑汁薏米水。 首先，服務員拎左碗火車頭俾我，正常應該拎出來個刻係熱辣辣才對。點知拎出來摸個碗係微溫，裡面湯及丸都好似放左好耐攤凍左咁。 但都仲接受到，之後服務員拎蔗蝦俾我，咬一口就即刻吐返出來，點解味道酸酸叔叔？今次真係要搵服務員，同服務員講，佢都仲係咁同我解釋佢地D食物冇問題，仲要指住我前面個兩位母子食客，話：「佢地都有叫佢地都冇問題」。個兩母子忍唔住同服務員講：「我地d蔗蝦冇問題唔等於第二位d蔗蝦冇問題，有機會你地儲個陣試出現問題…」最後服務員轉了春卷俾我。春卷拎出來全部油。我都唔敢食，都唔想再浪費時間再向服務員反映，再反映都冇意思，埋單走人

錦麗好耐冇食過越南粉，行開德福，咁就去錦麗食個午餐。疫情下，商場真係少咗好多人，平時呢個時間應該有排排隊，但今日去到即刻有位，仲要唔爆場。咁我地同朋友點咗以下幾款錦麗生熟牛肉河/金邊粉錦麗綜合湯河越南小食拼盤幾隻粉都係用同一隻湯底，湯底有牛味，不過湯頭都有味精，食完有少少口乾。 配料有葱，洋蔥同埋芽菜。洋葱係比較生果種，帶少少辛辣感，但芽菜太少，食完成碗粉都唔覺有食過咁。。。河粉同金邊粉份量適中，不過男仔就未必夠食，女仔就應該啱啱好。生牛肉上枱仲有少少粉紅色，食落不過不失，唔會太鞋，但就唔期望佢會滑。另一種牛係牛腩黎，呢個就真係又韌又鞋口，唔會咬得香，直接放入口到咬就算。牛丸有少少筋係入面，反而最好食。河粉金邊粉都算滑，粗幼都適中，幾好食。最後越南小食拼盤，有蔗蝦，豬扒，炸春卷，炸雞槌。40蚊有咁多野算幾抵食，春卷幾香脆，入面有蝦有粉絲，炸得幾香口。 其他野就不過不失，見完粉唔夠飽都可以叫返個。

今晚在德福錦麗叫左佢地既濃雞湯河外賣，十分鐘就可以自取了。不得不讚呢個濃雞湯係好香，我拎住在架𨋢度成架𨋢都嗅到😂😂 真係不得了。另外，呢個濃雞湯係有每日限定既，夜晚有機會買唔到，大家想買就注意啦😆呢個魚蛋扎肉香濃雞湯河粉堂食就$68，外賣就加多$1，$69蚊。大家見到佢地餸河粉同湯係分開既，湯真係好香，呢個要讚👍🏻👍🏻此外，大家可能注意到，佢地餐牌係寫金邊粉，但我order 已經係太夜既關係，所以得番河粉。魚蛋正常爽口，扎肉就略嫌太薄得兩片太孤寒，$69呢個粉算貴，不過如果佢係真材實料就值既，大家有information可以比下意見。😉😉

3個人，食3碗野，個個都唔夠飽。唔係特別大食，而係真係佢碗野太少，少得可憐。味道正常，唔係特別好或差。碗生牛肉河粉，牛肉有4，5片，但夾起得3注河粉，連芽菜都冇，點解可以少到咁，正常人3碗都可以食得晒！豬扒金邊粉，塊豬扒都正常，但d粉都係少得可憐。火車頭牛肉河都係1樣咁少。唔明點解可以咁細碗，平時唔寫食評，都要上嚟發表意見呀！份量真係少得可憐，正常成年人都唔會夠飽。。。。。。。。。。。。。。要人用qr code落單，但係個qr code過期，用唔到嘅，結果都係落唔到，要搵職員嚟落單。一定唔會有下次！一定唔會有下次！一定唔會有下次！一定唔會有下次！一定唔會有下次！重要野要講3次，但呢間野真係講5次都唔夠！

晚上差不多八點，唔使點排隊可以直入。點了牛丸粉，再用積分換咗法式牛油雞翼（唔記得影相）。牛丸粉保持質素，牛丸好彈牙，唔錯。牛油雞翼好脆好香口，熱辣辣。最後叫咗杯熱薏米水，好夠薑味。