銀杏時光

營業中

休息中

不知是否樓面及廚房都由長者營運，和同事食左幾次午餐，大家叫不同主菜，都咸到沒法吞嚥。如果在其他餐廳馬上投訴，但眼前都係長者又有點不好意思。同事點魚柳焗飯，我點豬柳，都咸到忍不下。向侍應反映，以為話換過，但佢似乎有哂準備，直接著我們叫過第樣……佢應該知道所有魚及豬柳都咁咸。其實這樣很浪費食材。我倒霉？銀杏館食左多年午、晚餐，係第一次好過，之後都係吾信邪比完一次又一次機會

位置好方便，太古站出左行5分鐘左右。環境好正，裝修都係木系設計，加啲中式風格，近窗邊會光猛啲社企請嘅都係退休人士，服務其實都唔係差，亦唔慢，收碟快手銀杏館嘅油麻地越老同油塘銀杏婆婆都食過，今次黎呢邊食西式，都係半自助沙律吧，有幾款菜，粟米粒，車厘茄同紅腰豆雞心豆沙律，款式係少啲，不過午餐包埋都冇投訴佢仲有素嘅熱湯同兩款飲品，當日有香茅茶同洛神花茶清清地好飲主菜叫左麻醬雞絲涼拌意粉，麻醬香濃，雞絲多，而且用上燒雞嘅肉做，意粉冇過淋，非常好味新豬肉絲黑松露炒飯好香黑松露味，亦加左好多菌類炒，只係飯比較濕，炒出黎係軟飯一樣雖然價錢上比較中高檔，不過間中一次當係幫助下退休人士都係唔錯

今晚下雨, 自己一個人吃晚餐,最近因為開始素食既關係,所以都要先選好有素菜既餐廳為先.而今晚我特別揀選了旺中帶靜既地方. 而這家銀杏時光是我第一次光顧.銀杏館之前都有在不同區份試過,味道都屬中上.而且我最覺得有意義是見到一班朝氣勃勃既老友記他們雖然滿頭白髮,但是工作態度非常積極,讓你雖然置身在較為舊式老氣既餐廳但感覺在享受一家5星級酒店為你提供既服務態度.說實在有些火紅既餐廳,裡面既員工可能因為太忙既關係.沒有笑容. 沒有耐性. 沒有了關切客人的需要.有時候你召喚他們想幫你下單或一些幫忙,他們總是視而不見.這樣的服務態度其實隨處可見,反之這些服務態度好既餐廳少之又少銀杏時光雖然不是以素食為主,但都有很多素菜選擇而且最開心既係,半自助餐既湯及前菜都是素湯,素沙律,完全無需要擔心而且包一杯飲品,晚餐來說這個價錢為合理.當晚亦有現場演唱活動前菜有幾個選項,我當晚的選擇如上圖.主菜我點了"土耳其新豬肉炒飯" 最近火紅既新豬肉係呢度餐牌見到,二話不說要試一試.老實說,這個炒飯真的不錯,可惜的是不夠熱,如果再熱一點味道會更好.

今晚係第二次食喇～呢度無論係餐廳定係服務都好有水準。第一次黎社企餐廳。要佩服呢度嘅侍應叔叔同伯伯，個個都好細心同好有禮貌。野食更加係一流。我每次都食雜扒餐，因為堅係抵食，可以一次過試哂咁多隻扒。今晚有客人包場請食飯，所以我地坐喺好角落位置。現場有唱歌表演。雖然疫情下只可以4人一枱，但都冇影響大家喺表演下嘅氣氛，大家好守規矩4個人一組互動。雖然唱嘅歌都係好懷舊，但最緊要係開心，成間餐廳氣氛超好，加上食物質素好，價錢亦值得。

用餐時間：13:15-14:15餐廳有三款餐牌：1）主餐牌 2）素食餐牌（包括奶素） 3）每日餐牌價格：$65-$120基本上都是主食加自助salad bar，包括中/西湯、沙律菜等今天湯品是雪耳雪梨，清清甜甜；連喝了兩碗南瓜咖哩斑柳三色飯（$88）小型鐵鍋上有斑柳、素菜為主，不辣的椰汁味咖哩～共點了兩份香茅豬柳三寶飯（$80）三寶為豬柳、雞翼、煎蛋；賣相、味道一般*飲品另加$5*設加一服務費侍應（都是老友記）和靄可親、有禮熱情，環境舒適，不多食客，是適合聊天的地方

老友特登約我生日午餐在此，源於她出自一顆善心，特別想帶我生日當日到此品嘗美食兼種一份福氣，今年8月只限兩人飯聚令及晚市禁堂食關係，晚餐只好在家吃！這裡待應需則已是退休人士，但笑容可掬服務態度非常良好食物質素亦好好味⋯⋯必定會再帶朋友到此品嘗，更希望到此品嘗晚餐及聽歌懷舊一番✌🏼🙌🏼！想借此帖好好多謝我這位老友

~良心社企~老闆（定係經理？）好熱情好好人 ☺️伙計好幫手落單都快 又會提我地有自助沙律吧👍🏼沙律吧普通 得中湯供應 食物唔錯 三文魚有魚香但唔油 同隻汁好夾😋牛扒略肥 不過煎得幾香 😊

超過一年沒有來了，以前只來過晚餐，很喜歡，今次來試午餐，還是非常喜歡。😊😊..食物評分 (5⭐️最高):白蘑菇巴馬火腿薄餅 $78 ⭐️⭐️⭐️⭐️薄牛柳配舞茸紅酒燒汁 $108 ⭐️⭐️⭐️⭐️西冷牛扒配薯蓉 $118 ⭐️⭐️⭐️⭐️蟲草花冬菇蒸雞三色飯 $68 ⭐️⭐️⭐️⭐️..午餐如常有很多選擇，包自助沙律吧及湯。..還有成版素食午餐選擇，真心欣賞😊😊還有支持弱勢社群的特別餐午餐包自助任添的沙律吧及餐湯湯為中湯白蘑菇巴馬火腿薄餅 $78 ⭐️⭐️⭐️⭐️ 好夠料👍👍薄牛柳配舞茸紅酒燒汁 $108 ⭐️⭐️⭐️⭐️西冷牛扒配薯蓉 $118 ⭐️⭐️⭐️⭐️我們做了閉目測試，看牛柳和牛扒的分別，結果覺得兩碟的肉質和味道相近，都滿意。..蟲草花冬菇蒸雞飯 $68 ⭐️⭐️⭐️⭐️這味蒸雞原來意外地也很多人叫，都真的是幾好味👍👍總括來說，選擇多，侍應服務非常有禮周到，食物味道份量都好好👍👍😊😊

同長者傾計... 佢地到咗退休年齡，​雖然身體仲健健康康，但公司都會安排佢哋退休，好多到咗退休年齡嘅長者都唔習慣沒有工作的日子，覺得退休後嘅生活百無聊賴，很想重投社會。 銀杏館為佢哋提供左一個好好嘅就業機會，滿足佢哋打發日神，保留那份存在感🥰​​下午茶​🥬 素食卡邦尼意大利麵​每逢初一、十五我都會選擇食齋，所以會用少少心思搵一下有素食嘅餐廳。 呢個素食卡邦尼意粉絕對有驚喜 ❣️​芝士味非常香濃，意大利麵有咬，鮮香菇陪襯多一點層次，而且醬汁份量拿捏得非常之好！絕對要試～ 🥰

銀杏時光鰂魚涌區少有的寧靜小店，又係下午茶時間，店內衛生情況十分良好，一入門口就已經有特別水清潔洗手，店內職員細心量度體溫，今日初一所以選擇食素，選擇卡幫里意粉素食，這個卡幫你意粉素食有些少驚喜，根平時的素食其實沒有兩樣，反而我覺得比一些西餐餐廳更加好味更加好食，雖然不是正宗的卡幫你，但係意大利粉的硬度適中，不會太軟，有咬口，醬汁也比較入味值得一讚，重點是餐廳內裝修比較舒服，不會太嘈吵，位置與位置之間有距離感，所以坐喺度輕鬆休息一個鐘，又可以繼續工作。

昨天放假， 到大潭水塘行山經大風坳 從康怡花園方向落山，落山後 見到一間叫銀杏館 外表好精美的餐廳 ，一看門口的menu好特別的下午茶價錢仲要三十幾蚊至40蚊左右馬上 行入餐廳。這餐廳我以前一直好想來，曾經經過知道是聘請退休老人家做員工，好想了解及支持一下。 估唔到第一次享用平靚正的下午茶 ，質素非常之好 ，特別要讚一讚個豬扒包，葡式豬扒包用嘅包好特別 同我哋喺澳門食嘅一樣質素亦不差與澳門的 大x來有得揮， 特別要讚一讚配菜的薯角使用原隻薯仔做的皮非常脆內的薯蓉好好味 ，下午茶餐還附送飲品。 我住香港東區， 近太古城康怡區的朋友相信是下午茶的首選了

個日咁啱係屋企人生日,一行五人去左銀杏餐廳食生日飯,一見到有live band表演就心心眼!播嘅歌都係比較懷舊風嘅歌,有英文有中文,有d懷舊到我都未聽過不過音樂略嫌有d太大聲,坐得太近個band會好難傾計食物方面有set dinner配salad bar,個bar都係一d好簡單嘅沙律同雜菜湯,都不錯又唔會好酸,set dinner亦有好多選擇佢d餐每個都好大份好足料!!我地叫左五個餐都食唔哂食量細嘅朋友叫少一個餐大家share都得

難得今日放假， 之前幫我哥哥在網上 購買自粘牆紙， 好厲害我老公同我哥哥今日在五個鐘頭內就貼好曬啲牆紙， 貼完我約我媽媽跟妹妹一起去基利路有間好有情調餐廳, 晚上7一9点仲有歌聽,全部用長者就業, 服務態度一流， 叫咗個夏威夷pizza， 味道唔錯好醒胃，一個西班牙黑毛豬肉眼， 豬扒好入味， 唔肥又唔硬， 法式柑桔啤燒春雞， 雞唔肥囉， 但係唔夠入味 ，黑松露雜菌扁麵， 扁麵硬咗啲味道都ok ，套餐有配自助沙律及湯，I1'一

呢間餐廳令我諗起宜家已經走得7788，果班鐘意食貴野既舊同事。仲記得當初第一餐welcome lunch就係黎銀杏館呢度食，果陣八個人食，七個都叫佢個煎豬排，連食開好野既同事都話係超乎預期既質素。所以雖然我好少黎食，但黎食得都會叫煎豬排。但係最傻既，之後黎左兩次，都好似叫錯左，叫唔番一開始食果個煎豬排。佢既lunch set 有跟餐，餐有湯同有自助沙律bar，食咩自己揀，份量自己畢。比起fix死左，湯黎左飲唔哂，或者調轉係沙律唔夠食，或者想揀沙律材料既，呢個自助既安排就flexible好多，而且半自助都係個唔錯既gimmick。餐廳係社企，請既侍應都係上左年紀既銀髮族，不過唔好覺得佢地會慢手慢腳咁。佢地唔止有禮貌，服務態度都係非常好。今次我叫左呢個豬排，都係同最開始黎食果個唔一樣，都已經唔知邊個餐先係或者仲有冇，哈哈。所以呢份豬排雖然都唔錯，份量都足，但都唔係回憶中既味道。我諗好食果個應該係厚切果款 630果個餐，真係做到厚切大塊得黎煎得外脆內嫩多汁唔會dry。另一個同事就咁岩要食素，叫左個南瓜risotto。佢話都幾好食，味道唔會好淡，都幾香。

人生，十年光陰，雙十年華，（女人三十爛茶渣，男人四十on居居）我就話一D都唔係，其實好多長者仲係超級好魄力，而且又勤力且有禮貌，就好似呢間銀杏時光入面既員工，就反映到長者既工作一——係絕對認同他們的能力😊我和家人和親戚的感情不錯，所以當我放假，或者下班時都會出外吃飯，有時上班前也會一起吃早餐或午餐，真是吃也忙個不了。約了我親朋戚友其中的一家（我的家人）😊這家餐廳是屋企人推薦我去吃晚餐，吃完後感到真的很好，有氣氛，有舒適環境，有好質素食物和服務👍下班去了這家餐廳晚飯，喝喝紅酒，又可輕鬆，又可減輕工作壓力，完全是輕鬆又舒適的感覺，這裡的長者侍應，可能他們的様子很年青，但我想他們應該全部超過六旬或七旬以上，隨了工作效率了得，又有澧貌。這裡的食物又好食，價格又不貴，紅酒🍷也不錯，紅酒🍷又夠厚身又夠濃郁，還有set dinner和（自助沙律巴任食）羊扒大大件又軟熟，味道亦不錯—-168元包埋自助沙律巴（抵食）黑毛豬扒——肉質也嫩滑，味道✌️什扒——-呢個一般，但也不太錯，可能什扒裡內的羊扒和牛扒熟了一點，但味道也算合格😊每個set lunch都包埋自助沙律吧任食👍👏甜品———紅酒🍷雪🍐👏👏仲有人唱