銀杏時光

營業中

休息中

早就聽講有個社企關注老年人工作生活，今日見到都想幫襯支持下。正所謂夕陽無限好，人到咗老年其實都需要有些興趣同工作去實現人生價值，呢個餐廳的staff都好開朗。正好是下午茶時間，所以我地都係簡單試下。菜式正正常常環境比較舒適寬敞，有音樂bar的感覺。入門就見到有個舞台，應該夜晚會有樂隊表演，唔知係唔係d耆英rock band 呢瑞士雞翼，蝦多士，仲有藍莓芝士cake。擺盤都好靚好吸引。食物質素都還可以，有機會再試下自助早餐先

早前4月份，有位好姊妹推介一間位於太古的西餐廳 <銀杏時光>！這裡環境清幽寧靜~ 我很喜歡~一室柔和的木系餐桌椅，兩邊落地玻璃，開揚光猛；讓人心鄺神怡、輕輕鬆鬆食餐飯！侍應們算夠人手，大部分都是長者，侍應殷勤有禮招呼週到！他們都負責自己的崗位，合拍又反應快，值得一讚！廚師花盡心思炮製每款菜式，高水準的出品！帶給食客味遊的體驗！半自助午餐：包括有自助沙律吧 + 餐湯 + 主菜價錢都是60起至 140不等份量十足! 算抵吃的!主菜:白汁蘑菇吞拿魚焗飯材料的份量很足夠，白汁雖多卻不膩，吞拿魚很鮮味！香煎黑毛豬柳配黑椒汁豬柳很軟而且很厚，配上黑椒汁不會被黑椒的辣搶去主角的位置。有機洛神花特飲 +$18甜味適中，不是假甜飲上來很清新個人十分推薦的！總括來說這裡的食物水準、服務、環境，也令我稱心滿意！西餐廳來說價錢合理！而且員工都上了年紀，相對動作會慢點，但他們都很熱心於工作，我很欣賞。 由太古地鐵站走來，也花大約 5分鐘而已！

星期日做完gym 有到揾野食時間。 記得之前見到大麥當勞附近（基利路個邊）有一堆餐廳所以去睇睇。系門口見到佢地做semi lunch 屋系好貴（60-100 蚊左右）,所以就入左去。首先講講佢個 salad bar 。 其實好simple 都系唔同嘅raw vegetables 加個雜菜湯。 個主菜我叫左最平嘅香茅雞。一開始我見到佢其實似蔥油白切雞多d 但食落佢唔太油清清淡淡幾健康，加上佢嘅飯系紅米飯令道成個餐個 presentation 更加清新。 餐廳環境而言，佢裝飾得好有semi local bar 個情調，雖然個廁所就差d 但overall 而言佢100蚊樓下有任食salad 加 湯 一個健康主菜 同 餐飲 重要個日系星期日呢個價錢同質素值得一推。

住左喺附近咁耐都冇試過呢間餐廳，今日做完gym好肚餓就同朋友入左去試。呢道係一個主食加一杯野飲，自助沙律同餐湯任飲，最平都係68，幾抵食。餐湯係羅宋湯，少少酸，都食到啲料，以任飲嚟講質素唔錯。沙律都係任攞，出面有個沙律吧。但係啲菜未算好新鮮，味道似放左喺道有啲耐。香茅雞飯 $68雞好嫩滑，雖然唔係好似香茅雞，似薑蓉雞多啲，不過都好食。卡邦尼意粉 $88都唔錯，不過我個人喜好淡味啲，所以意粉對我嚟講有少少咸。整體係幾好食嘅。餐飲就叫左凍咖啡同凍香茅茶。凍咖啡真係好甜，溝左幾次水先飲到，香茅茶就幾好味，淡淡地，少少蜜糖味唔會太甜，感覺幾健康。餐廳環境幾好，裝修得幾有feel，同朋友嚟傾下計食個飯係舒服嘅。不過跟餐應該有甜品，我地本身唔記得左有，侍應都唔記得左有，所以就冇食到，試唔到。

daily folk song - golden oldies, enjoy dinner with good service, food quality common. lot of vegetarian to eat, good for elderly gathering. also foreigner waitress to serve! romantic night environment with small candle light. 

今天難得有朋自遠方來，找地方填飽肚子時遇上這餐廳，外面是落地玻璃，但看著感覺又有點懷舊，所以我們被吸引了，尤其是掛在玻璃窗旁的波波，很美！好喜歡它的裝潢，簡約整齊！這裡的午餐選擇挺多的，看著餐牌有近二十個選擇，最可悲是我和朋友都有選擇困難症，幾經辛苦決定開心Share。細看四周，才看到這裡的員工很「年輕」，我猜應該是我祖父母輩的年齡！立馬和朋友上網查一下，原來這餐廳大有來頭，是間長者就業的社企餐廳！感覺好神奇，看著一班長者在工作，沒想過香港有一個這樣的餐廳！我們點了南瓜香菌雞柳燴意大利飯，南瓜本來是帶甜味的食材，覺得一個人吃會有點膩，兩個人分著吃就剛剛好，味道如所料是南瓜甜味，意大利飯硬度正常，粒粒金黃色好美。因為有香菌，吃著帶有菇香味，然後再配上約六至七條雞柳。少食多滋味，不會太油膩。另外點了個粟米吞拿魚薄餅，是迷你SIZE，上枱已經切開四件，薄餅是厚批，飽肚度十足，但我個人較喜歡吃薄批底，朋友就覺得挺鬆軟；薄餅味道與坊間大同小異，可說的是餡料足也沒烤過龍，哈哈！最後一提，這裡有自助沙律吧和湯，沙律菜挺新鮮的，選擇大概有六至七款，午餐時間人也多，不時出現小人龍在排隊取沙律，看起來挺受

一直都聽到銀杏館有夜晚有民歌演唱，所以今日就自己去左銀杏時光食飯，聽下舊歌之外，亦可以嘗試下食經典的西餐菜式。今次去到除左飲左幾碗湯之外，亦食左唔小沙律，值得一提是今晚的歌手EMA唱歌好好聽，高音又準,今日真係運氣好先撞到佢金多寶雜扒 $198今次呢我直接一次過食幾樣肉落肚。就係呢個金多寶雜扒喇！認真，食完呢個真係飽到有小小頂唔順，因為佢好大份，仲要好多肉落肚，食完真係好滿足。佢呢個雜扒有牛、雞、羊、同一大條腸仔，旁邊仲有小小薯蓉同佢地D有機菜食。牛黎講雖然比較乾身，但係味道都唔錯，KEEP到水準。雞方面皮夠脆啦，內裡肉汁又夠多，真係好正。羊就羶味夠重。成道菜唔係只有大份，連味道都幾好，講真呢個價錢都幾公道！令次的歌喉係一大驚喜，Ema唱歌真係好好聽。另外銀杏館各老友記服務都好好^^

在港島區來說，食物價位一向高，要付上百元吃一個午餐真的不是件奇怪事。之前有朋友介紹說這裡的食物好大碟，所以今日就決定去一試，午餐包了沙律吧，亦有湯任飲唔嬲，感覺幾划算～餐廳裝修都幾舒服，座位夠闊，環境都幾乾淨。入面都係一啲長者做野，佢地做野都幾快手，笑容都好好，值得一讚！午餐叫咗個椰香咖哩豬寸骨($88)，咖哩椰味同辣度都岩岩好，一上枱就香氣撲鼻！真係口水都流埋～即刻開動！！三大嚿豬寸骨，份量果然唔細～入面仲有配菜，好似茄子同秋葵，好好味！！茄子吸汁撈飯一流，秋葵就爽脆！而豬寸骨煮得岩岩好，入味～肉質都Keep到嫩～沙律吧都要一提，啲沙律菜幾新鮮，有d仲係有機菜，本身自己對有機產品無咩認識，但係就食到啲菜好爽同清甜～雖然款式唔係特別多，但食完沙律飲埋湯，再加埋主菜，真係可以好滿足咁埋單～哩道有另收加一，埋單九十幾蚊，但食得咁飽都算唔錯～見到佢地仲有d平日優惠，大家有機會去可以睇睇，岩食嘅話就更加抵～哈哈！

今日到太古附近工作，問朋友有咩好食時佢介紹了這間給我，雖然有留意過呢間社企餐廳，但都唔知佢太古有分店，哈哈這間社企特別在於佢全部都請公公婆婆，上左年紀的人做野，收銀呀樓面呀廚房都係長者一手一腳包辨。初時都懷疑佢地應唔應付到，但係佢地全部都有氣有力，聽講係因為不同原因，經濟困難呀、想搵份野做過下日子咁先返工，但出面都唔請，係銀杏館比左個選擇佢地。入到去環境都幾好，一來舒服，二來唔會太有壓迫感，氣氛仲幾好。佢地有任食沙律吧同湯都任飲，其實個午餐價都幾抵食先講下佢地個湯啦，佢地呢個湯飲落無味精，同唔落水不停溝淡之外，仲用左部分有機蔬菜去煲，令到個湯鮮味好足，以出面飲的湯水黎講，佢都幾高分的。而佢地個沙律雖然唔算太多種類，但該有的都有，最好係有唔同沙律菜的醬汁可以選配，唔洗獨孤一味咁，而且佢地有部分都係用有機菜架！到午餐主菜方面，今日食左佢地個豬鞍扒美國田園豬鞍配薯菜蘋果燒汁 $88豬鞍夠哂大塊，啖啖肉食得好滿足之餘，睇落都知煎得岩岩好，肉質口感都唔會太硬，幾鬆軟，而佢個蘋果燒汁都同個肉味好夾，食到最尾都好似唔夠喉想再食多塊之前食過佢地中餐，估唔到佢地西餐都幾好，下次試埋佢間越南菜先

再去太古食lunch～今次醒目打定去卜位，有得送餐飲，又唔怕會無位～食物味道仍然維持水準，上次食扒，今次決定試新野～比吉打式龍脷魚扒配香草忌廉汁！當然，沙律吧同湯一直都係我最愛，今次都唔例外～拎完又拎～塊龍脷魚扒有啲厚度，原來比打吉式即係係沾上蛋液再去煮，不過唔知係煎定係烤，兩樣都有啲似～哈哈！總之食落幾香口，魚扒肉嫩滑，外面因為有蛋液包裹所以食落啖啖蛋香味，沾埋個香草忌廉汁～加分！而配菜就有炸薯角，身為薯仔控嘅我好想問佢可唔可追加～哈哈！有時出去食飯，見到啲薯角炸到好乾或者上枱已經凍哂，哩道就熱辣辣上枱，哩一點亦係我一直欣賞嘅地方，可以起休息嘅時間食到熱辣辣嘅美食，一大樂事～每次要出去太古做野，人生路不熟嘅我自自然然就會去銀杏時光，佢已經變成我起太古嘅飯堂！

自不再光顧家附近的那間餐廳後，這裡已是我們經常會吃的餐廳了，我們已光顧了這間餐廳3次，覺得食物水準不錯外，餐廳主打的是一班年齡已是退休了的老人家做侍應，加上會有一些老人家主持的樂隊高歌（老歌）演奏，實際是香港比較罕有的懷舊社企餐廳，我十分欣賞這種社企形式的店，為長者提供了不一樣的工作場地，更讓有材能的長者一展歌喉，本來食飯時聽一下舊歌是不錯的，今晚又同家人來吃晚餐，但是，想不到“懷舊餐廳”變了“大媽舞廳”，今晚這裡竟演變成大媽廣場，確實令人超倒胃口。過大聲的音響，聲演“友誼之光”，跟住食客出去跳舞，想與家人談話都不行了，根本要叫出來才能聽到大家的聲音。希望餐廳定位清楚一點，是長者演唱懷舊歌的餐廳並令人可以舒適地用餐；還是舞池茶舞式的餐館？如是後者我便不再去。或者，餐廳可圈出地方是讓客人不被騷擾吧。

Recently moved to this area and found out about this place everytime walking to the MTR station. It is off the King's road along the Greig Street opposite the Quarry Bay Community Centre.We were there for dinner and made reservations via the Openrice App (very convenient!). They offer semi-buffet meals where you get to choose a main dish accompanied with unlimited salad bar and soup, pretty good deal!One thing you will notice going into the restaurant is the workers; they are mostly retired peop

#小秘書 已經有好一段時間無嚟 #銀杏時光 食lunch，呢日見比較得閒，#飯腳 又齊人，就行多幾步，走到去 #太古城 見吓班 #公公婆婆服務員👵🏻👴🏻。嚟銀杏時光食飯，預先電話訂座，飲品係免費嘅。食過 #沙律🥗後，呢日我揀咗 #港式豬柳焗飯。大家嘅食物已經嚟齊，唯獨我仲等緊，不過呢日唔太肚餓，就由廚師精心炮製啦😉 等埋大概廿五分鐘，焗飯終於上枱，醬汁味道一啲都唔係港式風味，而咬落啲豬柳似乎未熟透，不過我唔係太肚餓，唔想浪費，所以個飯食咗1/4左右就比服務員收走😪 杯免費 #凍咖啡 還可以，環境又都幾舒服，而班 #服務員 又幾有禮貌，呢次就算啦！

集郵系列－太古銀杏時光！之前去過長沙灣的銀杏時光，今次就去另一分店。午餐時間坐無虛席，裝潢也是以木色為主，簡潔整齊，餐廳的座位設計比較寬闊，坐著舒適，再加上一面是落地大玻璃，感覺挺舒服自在。這裡逢星期一至五會有午餐精選優惠，比起午餐MENU價錢平了20-30蚊左右，感覺是划算了不少～當然我也不會錯過這優惠，星期三的優惠午餐是紐西蘭西冷牛扒配薯菜($118)，還包了自助沙律吧和餐湯，這裡的沙律吧很受歡迎，見到侍應好快就要refill，所以一見到佢加沙律菜我就立即衝去排隊，還裝了雜菜湯，回到座位看到拿沙律的人龍仍然是有增無減，真厲害！沙律菜一如以往咁受歡迎，因為真係好新鮮同好爽脆清甜，我平時因為佢苦苦地而唔食的紫椰菜，今次都有食～同埋有個紅腰豆＋鷹咀豆！哩個一定要試！好甜好有咬口～撈埋啲醬食一絕！紐西蘭西冷牛扒配薯菜($118)點了七成熟的西冷牛扒，份量又厚身又大塊！！！我無諗過會大塊成咁，佢真係足足有半隻碟咁大～開頭見到佢係配薯菜仲有啲擔心唔夠飽～而現實係飽到上心口～本來有啲驚點七成會太熟，點知佢煎得岩岩好，好稔好好咬，肉質好～有牛味！百幾蚊可以食到哩個質素～抵呀！我好喜歡觀察，去到專做

一直都想試一試這間餐廳，今日正好在太古的時候，決定去試一試它。除左係佢理念吸引我之外，有長者歌手在餐廳駐唱都係一大吸引之處，一邊食西餐一邊聽歌都幾享受，哈哈。一入到去長者態度都好好，我亦認得之前有在他們舊店做的其中一位長者，見到佢都幾開心，入到一間餐廳，可以同店員吹下水咁，正係個感覺都夠溫馨。呢度沙律可以任食，湯可以任飲，沙律吧的沙律款式夠哂多，行到過去正係食沙律都有選擇困難症，最後決定樣樣都試小小，而佢地係農場送到的有機菜做沙律，食落口都更加鮮甜。主菜方面，決定嘗試佢地比較出名的經典海鮮餐:海龍皇盛宴這個套餐有齊不同的高質海鮮，有龍蝦，帶子，青口，比目魚每一樣都有鮮味之外，煮法都令佢更加入味。青口有鮮甜的海水味，龍蝦肉質夠彈性，食落口好彈牙，帶子食落口亦都有口感，比目魚雖然唔算太新鮮，但係口感唔錯同埋個汁亦都夠入味，對最鐘意海鮮的我黎講，可以一次過滿足哂，這份海解盛宴是值得推薦的。今日呢餐的質素可以話比預期高，想不到長者的廚藝過咁多年都寶刀未老，雖然菜式簡單，但其實要保持食材的鮮味又要配合到汁的味道都要有技巧的，再加上這樣的海鮮配搭，同埋一路聽歌一路品嚐，成餐飯都食得好舒服