銀杏時光

營業中

休息中

位置好方便，太古站出左行5分鐘左右。環境好正，裝修都係木系設計，加啲中式風格，近窗邊會光猛啲社企請嘅都係退休人士，服務其實都唔係差，亦唔慢，收碟快手銀杏館嘅油麻地越老同油塘銀杏婆婆都食過，今次黎呢邊食西式，都係半自助沙律吧，有幾款菜，粟米粒，車厘茄同紅腰豆雞心豆沙律，款式係少啲，不過午餐包埋都冇投訴佢仲有素嘅熱湯同兩款飲品，當日有香茅茶同洛神花茶清清地好飲主菜叫左麻醬雞絲涼拌意粉，麻醬香濃，雞絲多，而且用上燒雞嘅肉做，意粉冇過淋，非常好味新豬肉絲黑松露炒飯好香黑松露味，亦加左好多菌類炒，只係飯比較濕，炒出黎係軟飯一樣雖然價錢上比較中高檔，不過間中一次當係幫助下退休人士都係唔錯