金鶴拉麵 (利民大廈)

營業中

休息中

一向都好鍾意食雞白湯拉麵，同事極力推薦呢一間！我地點左極濃雞白湯拉麵同雞白湯沾麵！極濃湯底用雞烹煮過8個鐘以上😍，含有極豐富既骨膠原！每碗麵除左配豚肉叉燒之外仲配埋雞肉，經過慢煮既雞肉超嫩，食落一D都唔鞋口。溏心蛋幾入味，呈半流心既效果，不錯！沾麵既麵條就比湯麵粗，比較有口感，而且可以掛多D汁，味道濃郁，湯汁入面好多仲雞肉絲，真材實料👍🏻。P.S.即場做會員有100分送可以換溏心蛋/飲品，多隻蛋食下都正！😛

Spicy tonkotsu soup ramen 🌶️香辣豚骨湯拉麵$98用超過十款以上香料秘製而成嘅香辣味噌，配上用大概八個鐘烹調而成嘅豚骨湯底，口感順滑又濃厚，仲有香辣味噌嘅複雜味蕾衝擊，食落去好味道好夾好刺激，適合鍾意食辣嘅朋友😋Supreme creamy lobster soup ramen with one lobster tail 🦞 極濃龍蝦湯拉麵配一隻龍蝦尾 $198依排限定版嘅極濃龍蝦湯拉麵選用鮮甜蝦湯、炒過嘅龍蝦殼同櫻花蝦油熬製而成🔥，經過多重工序精心製作，味道濃郁，唔需要添加任何味精已經有甜味海鮮龍蝦湯😍，而龍蝦尾嘅肉fresh 同爽口，值得推介呀👍🏻Japanese dumplings 🥟 日式餃子 $38即叫即炸日式餃子係大受歡迎嘅人氣小食，夠薄嘅餃子皮炸到好香脆，入面主要係日式椰菜🥬同埋豬肉餡料🍖，每一粒手工餃子都脹卜卜用料十足，點係甜甜地嘅日式醬油，更加可以帶出餃子鮮甜味！

旺角金鶴拉麵响正旺角先達小巴站隔離，都幾方便。餐廳環境走昏暗路線，座位闊落，幾好坐。佢拉麵特別在唔係分醬油湯/豬骨湯。反而係海鮮湯底為主，有龍蝦湯，蠔湯，蟹湯，同埋出名嘅雞白湯。今日就試咗期間限定嘅的瀨戶內海牡蠣湯拉麵。朋友就食北海道濃厚蟹湯拉麵（+$20 轉餐）可以揀一款小食同埋一罐飲品，揀咗二件叉燒同可樂。牡蠣湯底第一啖真係好有蠔味，幾濃郁，鍾意食蠔嘅人應該會喜歡。配料有半隻溫泉蛋，紫菜，筍同埋叉燒，麵底好多，多到食唔晒。麵條偏粗身。另外朋友嗰碗蟹肉湯麵，湯底就係海鮮味，中間一大堆蟹肉，賣相同餐牌一模一樣。另外都係有配上叉燒，感覺蟹肉湯面比較抵，因為多咗蟹肉，其他配料都一樣，價錢都一樣賣$138。加$20轉套餐，加配的叉燒，估唔到咁大片，又厚，加得抵。

落雨天氣凍凍地想食個靚拉麵金鶴之前食過其他分店 原來旺角都開咗分店餐廳裝潢好現代化 又充滿日系裝飾環境整潔光猛坐得舒服雞白湯拉麵 $98金鶴最經典嘅雞白湯拉麵 水準依然仲keep到賣相吸引 配料好豐富奶白色嘅湯底好養眼 湯底夠滑溜面底煙煙靭靭好有咬口夠啩湯配料有牛蒡 慢煮雞肉 慢煮豚肉 半隻糖心蛋 竹筍 蔥絲 木耳絲最鍾意食佢個慢煮雞肉 煮得非常嫩滑北海道蟹湯拉麵 $138另外試咗出面好少有嘅蟹湯拉麵用咗北海道嘅花咲蟹湯 湯底非常之鮮甜 蟹味香濃面頭仲有一大pat蟹肉 好滿足配料仲有兩塊紫菜 慢煮豚肉 半隻糖心蛋 竹筍 木耳絲 蔥絲鍾意食蟹嘅朋友唔可以錯過除咗蟹湯 另外仲有期間限定嘅龍蝦湯 都好特別抹茶軟凍 $33軟凍質地煙煙韌韌有啲似麻糬抹茶味濃郁 唔會苦澀食完個拉麵再食個日式甜品一流

金鶴拉麵 (利民大廈) (旺角)旺角通菜街110號利民大廈地舖。我又食金鶴拉麵啦～ 無計啦，我對佢個雞白湯拉麵情有獨鍾。極濃龍蝦湯拉麵（$138）上次係佐敦分店食過覺得個湯底真係好濃龍蝦味，今次決定要encore，濃到麵條係會掛湯，好正。雞白湯拉麵（$98）我既最愛雞白湯拉麵，一如以往有炸牛蒡、糖心蛋、兩塊雞肉、一塊叉燒，雞肉好嫩滑，食完成碗飲埋湯好飽。日式餃子（$48）食拉麵唔少得食埋餃子，呢度既餃子係全隻咁炸而唔係煎，更加香口

食拉麵你哋會偏好咩湯底呢💁🏻‍♀️個人就較中意雞白湯🍜今次嚟到位於旺角嘅金鶴拉麵 港島九龍都有多間分店㗎😉🔸極濃雞白湯拉麵 HKD138進食前必定要試試湯底湯底果然極濃郁 雞湯呈奶白色 飲落好Creamy 有種被包住口控嘅感覺據聞用原隻雞熬煮8小時以上🐓配上肉質軟滑嘅慢煮雞肉同豚肉叉燒拉麵煙韌彈牙 有驚喜的一碗拉麵🍜🔹黑蒜醬油拉麵 HKD98湯底濃濃的香蒜味 調味咸度適中同樣配上嫩滑雞肉及豚肉叉燒湯底令配料更入味 值得一試！🔸鹽燒雞翼 HKD48雞翼即叫即燒 雞皮香脆 雞肉嫩滑 淡淡的咸香係不錯的串燒選擇呢！💬拉麵除咗可以堂食之外 仲有外賣供應㗎~🚩金鶴拉麵 旺角通菜街110號利民大廈地舖

平日嘅夜晚收工後，約咗朋友仔係旺角附近行下街食飯～因為朋友仔想食拉麵🍜，就揀咗呢間餐廳試下！睇餐牌先發現餐廳除咗拉麵之外，仲有日式串燒，而且選擇都幾多～🤩因為我未算好肚餓，所以就同朋友仔share一碗拉麵同一啲小食🤣！🦀北海道蟹湯拉麵（$138）：採用由北海道直送到港嘅花咲蟹熬製湯底，配上鮮味十足嘅蟹肉，蟹味清香而濃郁👍🏻，完全不油膩！🦑汁燒原隻魷魚筒（$108）：原條魷魚直上，份量十足！推薦點埋薑蒜蓉一齊食，口感清爽彈牙，層次豐富😋！🐷鹽燒五花腩（$48）：簡單以鹽作調味，味道並不單調，反而試到食材嘅鮮味！

去旺角搵好野食, 一定有好多選擇, 一個人都係簡簡單單食碗拉麫就算..見到間鋪仔細細, 大大個招牌:金鶴拉麫, 好似有幾間分店的, 可以一試~枱頭單張有:龍蝦湯拉麫, 看似好味, 先點一碗來嚐嚐, 店員落單問要唔要埋龍蝦尾, 原來加多$60, 梗係要啦, 自己買一隻龍蝦尾都要依個價錢啦。日本湯麪, 必先嚐一口湯, 何況這碗係:極濃龍蝦湯, 好期待品嚐第一口湯頭, 嘩~真係極濃嘅龍蝦湯, 香濃無比, 沒有薑蔥嘅味道, 好鮮, 甜, 綿, 滑嘅口感, 不禁地飲完一啖又一啖呢😍這間會將隻龍蝦尾開邊走油鎖住肉汁, 多一重工夫, 味道更佳😋碗中仲有一大塊豚肉, 薄切, 沒有叉燒嘅肥膩感, 可以大口大口食啦~👍🏻我覺得這碗湯麫符合哂我嘅口味, 值95分, 值得再食。再點了兩款串燒:鰻魚, 雞中翼鰻魚燒到表皮微脆, 內裏魚肉仍滑溜, 無骨亦唔腥😚😚入會原來仲有著數喎👏🏻

雖然金鶴係間拉麵店，但最近聽朋友講佢地原來有道招牌菜係即燒鰻魚，我呢啲鰻魚忠粉緊係要去試試啦！套餐包括咗鰻魚飯、鰻魚湯同埋一份前菜。即燒既鰻魚有微微既炭香，脆皮有焦香，肉質幼滑，燒得恰到好處又唔會太乾，魚肉入口即化，十分鮮美！配合白飯同埋特製嘅醬汁，一啖接一啖，唔捨得停口。可以見到鰻魚本體都幾厚身～唔係平時街邊食到啲翻叮鰻魚，自己食完一份都幾夠飽。++++++++++++++++++++++++++++++除咗鰻魚，我即叫左份串燒：鹽燒五花腩，另外即時加入會員仲可以揀送醬漬日本糖心蛋添～瘦肉同肥肉比例恰到好處，咬落去口感十分豐富，每啖都充滿濃郁鹹香！烚得非常完美既糖心蛋，質感同味道都一流，就咁食定用黎撈飯都得！

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️🏷金鶴拉麵 @旺角💁🏻極濃雞白湯拉麵 $138👍🏻湯底非常之出色，味道濃郁，用左健康首選既雞胸肉，由於係慢煮嘅關係，口感非常軟滑，唔講唔知原來係雞胸肉新鮮即炸牛蒡，店員一上菜嘅時候，溫馨提示我哋快啲食，勁貼心💁🏻醬油拉麵 $88可能係食咗雞巴再食嘅關係，感覺有啲淡但拉麵嘅口感都彈牙💁🏻日式餃子 (4pcs) $38入邊有粉絲同埋菜，味道不過不失💁🏻味醂魚乾 $68👍🏻好好食，唔會乾爭爭得黎又有啲咬口，相當唔錯是否推薦↩️？✅推介佢出名嘅雞白湯，因為真係超級濃味。味醂魚乾都好好食，唔錯唔錯

平日中環返工經過都冇食過今晚收工出旺角，見到終於坐低左。坐低之後，除咗陸續見到有啲食客入嚟之外，都見到有人等緊外賣。呢間店主打極濃白雞湯拉麵。個拉麵除咗有雞肉之外，仲有叉燒、做配料。但有點意外嘅係個炸牛蒡。好香脆、唔油膩！雞肉唔會癡牙、都幾嫩，然後重點係個湯。個湯一啲都唔鹹，杰身嘅程度啱啱好所以一啖接一啖，將骨膠原飲落肚！！女仕必選！另外仲嗌左個極濃龍蝦湯拉麵。因為係限定拉麵，所以揀左嚟試。佢個湯同雞白湯一樣好濃稠。調味適中，啲湯又係可以一啖接一啖飲。配料除咗有叉燒、蛋、紫菜之外，都仲可以加錢，會有龍蝦尾。食拉麵點可以唔講下個麵。雖然冇得揀軟硬度，但係個軟硬度非常之適中。我諗呢個亦都係點解冇得揀嘅原因，呢個軟硬度係最適合嘅。個麵亦都唔會好麵粉味，唔會搶咗個湯嘅味道。再嚟就係串燒。分別嗌咗牛舌同埋五花腩。真係好值得推介。牛舌相對貴少少，但佢肉質真係非常之好，好腍。咬落去有牛油香味。黑椒同鹽味，好香。五花腩調味同牛舌一樣。肥瘦適中，全晚最可惜嘅係冇加個啤酒。整體來講，性價比都幾高。下次收工經過，要入嚟食個串燒，飲個啤酒。

早排去日本旅行, 只係食得一碗拉麵, 完全唔夠喉, 所以返到香港, 都仍然要搵拉麵食… 想食雞湯湯底, 所以揀左金鶴。之前食過佐敦分店, 旺角開左新分店, 地點好方便, 一出地鐵站行兩個街口就到。 見到佢期間限定有個龍蝦湯拉麵, 好吸引, 不過今日都係想食雞湯。 呢個極濃雞白湯拉麵烹左八個鐘, 一上菜既時候, literally見到「極濃」、「雞」、「白湯」,呢個濃厚既雞湯,一睇就知道入面全部都係時間+心機既精華, 飲湯個陣都覺得好補骨膠原! 個慢煮雞胸啖啖肉+肉質嫰滑,好想ENCORE。 炸牛蒡TOPPINGS真係好出色, 賣相獨特, 炸完出黎又香口。 另外叫左個北海道蟹湯拉麵,有啖啖蟹肉,味道鮮甜。 平時拉麵店炸雞/餃子食得多, 今日前菜揀左芥末八爪魚同埋呢度仲有串燒食! 點左一串五花腩串燒, 調味非常出色! 順帶一提, 可即時JOIN入會員, $1 一分, 我地即刻JOIN左, 就有一隻溏心蛋送, 抵呀!

之前曾經食過金鶴拉麵🍜, 完全是一試難忘佢嘅雞白湯拉麵。今日剛好和朋友相約在旺角行街食飯, 同朋友講過, 佢又未試過, 就帶佢食下, 順便自己可以頂下拉麵癮。餐廳裝潢簡約, 店內裝潢充滿日系感, 雖然不算大, 地方挺寬敞明亮, 不過枱與枱之間還是有足夠空間感。無華麗嘅裝修, 廚房亦設喺舖入面, 唔似其他拉麵店半開放式嘅狀態, 勝在地點更方便, 以後想食隨時都可以去。除了堂食外, 拉麵店有外賣自取呀!望望餐牌, 除咗出名嘅雞白濃湯拉麵🍜, 仲有期間限定款 - 龍蝦濃湯拉麵, 配上開邊半隻既龍蝦 , 實在有夠奢華。餐廳提供約十款拉麵湯底, 定價由$88至$198不等, 我哋叫咗兩碗唔同湯底試吓。北海道蟹湯拉麵 - $138蟹湯名副其實濃厚而不膩, 更不會好鹹, 蟹肉份量不少, 蟹味十足, 食落鮮甜味美, 遠遠都聞到蟹嘅鮮香味. 值得一提是。拉麵可以保持超水準, 入口爽口彈牙, 好有咬口, 而且軟腍度剛好, 溏心蛋夠滑溜入味, 整個湯麵🍜味道不錯, 真係連湯底都飲哂呀! 仲有一大片叉燒。黑蒜醋醬油拉麵 - $98上枱陣陣黑蒜香氣, 又係遠遠都聞到, 自家秘制黑蒜醬料, 味道濃郁, 好適

好多個地區都見到有金鶴拉麵，一直都未有機會食到，近排喺旺角開工，收工約埋同事一齊去開餐。餐廳環境昏暗，型格中帶有格調，座位舒適，環境寧靜，在這裏用餐感到舒適。店內提供多種款式湯底的拉麵，還有飯類提供及串燒。香辣豚骨湯拉麵$98 豚骨湯質感較為濃厚，湯底掛麵能力高，辣度非常柔和，微辣效果增加了不少味覺上的層次感。配料非常豐富，有兩大片紫菜，山咁高嘅蔥絲，筍，木耳絲，溏心蛋，兩片白雞肉 及豚肉叉燒。鹽味拉麵$88 經典的拉麵口味，以醬油為主要醬料搭配各式各樣的湯底，大多數人認為醬油拉麵如其名一定非常鹹，但其實透過醬油的鮮甜搭配湯底，更能帶出食材的風味。麵質口感正宗，爽口彈牙，煙韌，口感佳。鹽燒冬菇$28 有驚喜的冬菇，食落超香濃嘅菇味，好似將十隻冬菇濃縮在一起一樣，燒過以後依然有水份，回彈力十足。鹽燒五花腩$48 簡單嘅調味帶出肉的鮮味，五花腩半肥瘦，入口有半溶效果，表面燒至焦脆香口。

極濃龍婽湯拉麵 $138 ✔️期間限定✔️超級香濃，好似飲緊龍蝦湯咁✔️麵勁掛汁、好爽口✔️湯底creamy有泡😍雞白湯拉麵 $98✔️低溫慢煮雞肉唔嚡，好滑✔️豚肉叉燒帶點煙熏香✔️雞白湯creamy好清香✔️溏心蛋入味流心Overall : 湯底濃得黎，食完又唔會口乾，香港拉麵黎講係above average.Igable打卡度：8/10Taste 好味度：8/10 Worth revisiting返兜度：9/10