影片
更多
2023-12-23
183 瀏覽
又到聖誕節，每年我都一定要去一去依間經典老店食扒，比起x王之王，x園餐廳，我一直覺得呢間係我目中港式扒房嘅表表者。所以佢咁多年都屹立不倒。 🍖港式扒房我覺得最緊要有氣氛，因為價錢公道，吸引好多唔同階層同年紀嘅人，坐係我地身邊有一對情侶，同埋一家三口。再遠啲又有另外一對年長夫婦。對情侶會切完啲扒交換黎食。個爸爸切完，會一人吉一塊俾個老婆同個女。年長夫婦一坐低，店員已經知道食咩。呢啲咁溫馨既氣氛，係講求table manner同behavior 既西餐廳喺永遠都做唔到。 🍖每次影親鐵板牛扒，基本上攝影技巧幾好，背景都一定係一片白色，因為果張又大又長既紙巾，一定要完全打開先至可以擋到鐵板同汁醬撞埋嘅時候彈出嚟熱辣辣既汁。細個嘅時候最中意就係伸個頭喺側邊，戰戰兢兢咁睇下佢彈咗幾多係紙巾。就係因為咁，牛肉保持熱辣辣，肉味又特別香。阿姐特登問我地要唔要加蒜，我對見只喺加兩蚊，ok左，結果真係要多謝阿姐，牛扒顯得特別香而且啖啖有蒜頭味，非常濃郁。 🍖另一個牛扒配搭嘅係龍蝦尾，龍蝦彈牙有口感。而且配合大量溶左既芝士，提昇本來比較清淡海鮮味既龍蝦。而且我強烈建議，跟餐薯格唔好點茄汁，一樣用番芝士。真係上
🍖港式扒房我覺得最緊要有氣氛，因為價錢公道，吸引好多唔同階層同年紀嘅人，坐係我地身邊有一對情侶，同埋一家三口。再遠啲又有另外一對年長夫婦。對情侶會切完啲扒交換黎食。個爸爸切完，會一人吉一塊俾個老婆同個女。年長夫婦一坐低，店員已經知道食咩。呢啲咁溫馨既氣氛，係講求table manner同behavior 既西餐廳喺永遠都做唔到。
🍖每次影親鐵板牛扒，基本上攝影技巧幾好，背景都一定係一片白色，因為果張又大又長既紙巾，一定要完全打開先至可以擋到鐵板同汁醬撞埋嘅時候彈出嚟熱辣辣既汁。細個嘅時候最中意就係伸個頭喺側邊，戰戰兢兢咁睇下佢彈咗幾多係紙巾。就係因為咁，牛肉保持熱辣辣，肉味又特別香。阿姐特登問我地要唔要加蒜，我對見只喺加兩蚊，ok左，結果真係要多謝阿姐，牛扒顯得特別香而且啖啖有蒜頭味，非常濃郁。
🍖另一個牛扒配搭嘅係龍蝦尾，龍蝦彈牙有口感。而且配合大量溶左既芝士，提昇本來比較清淡海鮮味既龍蝦。而且我強烈建議，跟餐薯格唔好點茄汁，一樣用番芝士。真係上佳嘅配搭。
🍺✨️飲品我點左黑牛，又係經典中既經典。睇住可樂撞落去朱古力雪糕，然後升起嘅泡，太治癒啦。而且一定要慢慢飲，唔好夾硬整散個雪糕。可樂本身撞擊完雪糕已經產生更加順滑嘅口感。最後先食半溶嘅雪糕，哩嗰類似軟雪糕嘅狀態，你試完一定會同意我嘅推介。遇岩今日係十度，雪糕既融化程度更加可以話係完美。
餐廳既氣氛同埋食物既懷舊特色，就算幾好嘅五星級酒店都冇得比。所以成為我每年聖誕節必到嘅首選。
張貼
