金鳳大餐廳 (山林道)

營業中

休息中

金鳳以吃牛排聞名，今日與朋友來到位於荃灣的金鳳，試試他們的極級尊貴的牛排！1.T骨牛排餐: 先飲羅宋湯，大大碗，羅宋味超濃，洋蔥超多，好開胃！超綿的牛油麵包，一咬幾乎即溶，好滋味！而且，T骨牛排超超超大，超厚肉排，鎖住肉汁，配上蒜泥及蒜蓉汁，好味無比，肉感驚人！2.美國牛小排餐: 兩塊又長又大的牛小排，咋一聲黑椒汁淋上，肉香四濺，芬香撲鼻，一咬傾情，肉味何其濃，五成熟的牛小排，充分表現出它的幼滑細嫩！真真真好滋味！

早幾日心血來潮好想鋸扒，就去左呢一間金鳳食野。叫咗兩份波士頓龍蝦🦞牛柳大餐，入面有餐包、龍蝦湯、主菜、甜品。😋😋😋先來麵包同餐湯，麵包暖暖地，搽埋牛油好味道！餐湯龍蝦🦞味濃，幾好飲。終於我既龍蝦同牛柳來到啦！半隻龍蝦🦞，仲大過我手掌✋既牛柳！龍蝦夠大隻，好多肉，配合埋芝士同香料，真係淡淡芝士啖啖肉！👍🏿👍🏿👍🏿👍🏿今次叫咗蒜蓉汁，牛柳七成熟，牛柳唔算太大塊，但都好厚身！而今次煎得幾好，表面熟咗，入面就熟熟地仲有少少紅色啱啱好。好味道！食到飽飽仲每人一大球雪糕🍦！雪糕好香滑，食飽左食埋呢個甜品真係一餐好滿足既晚餐！

完成早上的工作後, 來到山林道午餐. 看到這家很熟悉的餐廳, 細個果陣食過金鳳的牛扒. 門前午市餐牌價格合理, 所以入內就座. 原來十二點時分, 已經有七成入座率, 而且大都是男性=大件夾抵食. 午餐必定很超值. 下單後, 職員主動送上一杯水. 土生土長的香港人, 就知道這杯水有其他功能.   洋蔥火腿蓉忌廉湯  香港古早味的忌廉湯 是港方式西餐, 跟西餐的忌廉湯有明顯的分別. 無奈, 至今仍未成功拆解其煮法. 但又確實是那些年味蕾的回憶. 軟綿綿餐包配牛油  是獨立包裝的真牛油, 因提前在室溫內解凍, 牛油容易塗抹在餐包上.單單是餐湯和餐包, 已經有半飽了!  不過還要面對主菜.   薄T骨 蒜蓉汁 配薯菜   那些年, 間中會跟朋友光顧/幫襯金鳳的鐵板牛扒! 厚身牛扒放在熱辣辣的牛形鐵板上, 淋上蒜蓉汁, 發出那個吱吱聲, 香氣四溢, 還要有油花會彈出來呢! 當然手執大塊餐巾作掩護! 有視覺, 嗅覺, 聽覺, 比油彈中的感覺和味覺, 真好玩!   這次, 就選最貴的特別午餐, 真係有骨!   薄T骨, 表面有一層粉漿作煎封. 煙煙韌韌的, 也許是地瓜粉. 可以鎖住肉汁和增加牛肉的厚

 金鳳牛扒，真的好喜歡這間舖頭 因為我同HONEY本身都係好鍾意食牛 ，加上 金鳳牛扒真的我地香港的 西餐文化代表，在尖沙咀的分店，幸好我地坐到卡位，坐低打開餐牌，價錢比想像中仲要平，牛扒最平100有找已經有個set dinner，有包有湯有野飲有薯條，見到有埋好JUICY的美國牛小扒，所以我同HONEY就點左一個美國牛小扒(加蒜)，一個西冷扒，兩個都系5成熟，另外再點左紅豆冰，凍檸茶同埋兩個意大利的雪榚，餐包熱辣辣又鬆軟，加上牛油即融，再沾上湯一齊食絕對係幸福的時刻，美國牛小扒(加蒜)，西冷扒美國牛小扒(加蒜)真的好大份，兩舊牛扒加埋薯格同埋西蘭花，真的好好好邪惡呵，牛扒5成剛剛好，西冷扒味道唔錯，肉味夠,真的好JUICY紅豆冰，凍檸茶芒果，綠茶雪榚真的好童年，見到有把紙傘，加上雪榚是意大利，好滑，同埋有少少粟米片，童心返曬來聽職員說，餐廳新優惠:9月份晚市消費滿$500 即送$50現金券**

同同事每星期都會必黎，係尖沙咀區食到$50既lunch. 仲有扒嘆，實屬難得！ 羅宋湯❤️茄味非常濃郁，味道正宗傳統，內有大量蔬菜配料，飲完唔會口渴😋餐包❤️熱辣辣又鬆軟，沾上牛油即融，再沾上湯一齊食絕對係perfect match! 薄T骨❤️大大塊有牛香，冧身易切，食落無根。蒜蓉汁必叫，蒜香味突出😋😋😋配埋彈牙意粉超掛汁😊人流每日都好多，平民價錢食物質素相對高，係打工仔恩物！ 👍🏻👍🏻👍🏻

今晚同朋友去咗尖沙咀金鳳食牛扒 金鳳牛扒係人都知好食 今晚決定請朋友食牛扒大餐 我哋兩個牛魔王朋友則叫咗50週年 特別版金鳳貴族牛扒 而我則叫了一個牛柳 兩個都非常之好味 我哋今次叫咗七成熟 肉質非常之嫩滑 雖然 叫了七成 但係都冇影響到肉的質地 貴族牛扒比較有牛味 牛柳質比較淋滑 所以朋友都好喜歡這間舖頭 因為我哋本身都係好鍾意食牛 如果對牛 有啲唔好食我哋會有好大反應 但這一間舖頭畀到我們有一點家的感覺

金鳳扒餐，聽就聽過好多次，咁啱呢日行過尖咀，醒起附近有間就入去試下。平民扒餐都試過幾間，第尾牛扒，金翠，莎樂美都試過，金鳳係咁多次最好的一間。首先唔洗等，坐位間隔夠闊唔迫，去過金翠就知坐得好迫好辛苦下，呢間就唔會。坐低打開餐牌，價錢比想像中仲要平，100有找已經有個set dinner，有包有湯有野飲有薯條，算抵。揀左個招牌牛柳餐，湯揀左紅湯，偏甜左少少，但都ok，唔會似水又冇料，包有warm過，暖住上。扒上到黎夠厚大大件，唔算好多肥膏，切落去軟身得黎唔係用鬆肉粉鬆過果隻冧，牛味都有，算係咁。個汁普通冇乜記憶點，但唔差嘅。總括黎講，100以下絕對收貨，會再幫襯。

幾年前係太子食過呢間，覺得佢大件搭抵食，但一直都唔知佢有分店，原來尖沙嘴都有！尖沙嘴分店環境更好，無太子果間咁逼，鬆動啲，食都食得舒服啲；而且晚市時間都唔駛等我同朋友一齊叫左 美國極品牛小排 同 金鳳貴族牛扒，然後share食。記住要叫佢鐵板上，佢會上左鐵板先落汁，可以揀黑椒汁或蒜蓉汁，汁一落鐵板果下「咋咋」聲，好正兩種肉都好食，啖啖肉，好淋可惜無配飯、意粉或者薯菜，淨食肉就有點齋唔知點解覺得呢間餐廳既凍檸茶都特別好飲，好有傳統茶餐廳既檸茶味，食一啖肉、飲一啖檸茶，好爽

連鋸兩晚扒!朋友問我鄰近有咩餐廳推介, 當時身處山林道, 好順口爆咗句 "金鳳囉!"講完自己都后悔!好衰唔衰連朋友都話好提意喎! 唉.... 尋晚先去完莎樂美昨!無奶由反自己架..... 局去囉, 熱氣爆瘡都矛計.... ~~>_<~~行到金鳳時間22:30, 23:30 收爐, 望望餐廳入面重有唔少客, 中伏味降低不少.經驗告知, 愈近收爐時間去幫襯, 伏味愈大.尋晚先鋸完牛, 今晚鋸羊, 七成熟.同上次一樣, 由於重點放咗係我幫朋友占卜解盤之上, 所以又食唔出肉鬆粉味.但今次強烈感覺到蒜蓉汁比較甜, 幸慶都係我中意嘅味道.羊架騷味唔算強, 入口肉嫩多汁, 滿意.Okay.... 經驗又一次話我知無錯, 愈近收爐時間愈伏, 今之幫襯出現3個問題....1, 鐵板明顯唔夠熱, 對於鐵板餐哩講係死罪!2, 我中意嘅白湯沽清.3, 餐包唔夠熱, 似過期麵包.都係自己衰, 衰口快!

響尖沙咀呢d地區食個lunch隨時都起碼$70-$80經過山林道 見到有間金鳳以前只係食過晚市唔知道原來lunch係咁抵食$44蚊起就有交易仲有包埋餐包 餐湯 飲品凍飲仲唔洗加錢🍽餐包餐包軟綿綿烘到少少熱上枱加埋牛油一齊食超正🍽餐湯-洋蔥粟米忌廉湯粟米量多 質感很濃稠飲唔到有洋蔥味仲有塊狀嘅忌廉出現湯亦較鹹 下次會試羅宋湯🍽鐵板牛肉炒河粉用鐵板盛載住上枱超級熱辣辣分量頗多 河粉夠味不過牛肉很乾很硬 似牛肉乾🍽白汁粟米吉烈魚柳配意粉可選配意粉 白飯 沙律或薯菜個人選擇了意粉意粉較腍身 上枱前已加入了少量茄汁撈過魚柳好大塊 炸到好脆 不過無魚味粟米白汁較杰身 份量剛好 🍽凍檸茶都幾大杯茶濃 仲有四大片檸檬餐廳坐位較迫 午市超多人不過好抵食 味道都合格

今日同朋友嚟到山林道搵嘢食，行過見到扒房老字號金鳳裝修左，一於入去食反懷舊嘅味道。見到牆上推介美國牛小排同龍蝦牛扒套餐，諗都唔使諗就叫咗尼2個！餐包羅宋湯都幾足料先講美國牛小排，肉嫩多汁，外脆內軟，好有肉味，真係好正，性價比好高。叫咗黑椒汁，點薯格一流。龍蝦牛扒套餐 $198有餐包、湯、紅酒、餐飲、同埋雪糕，真係幾大有齊咁多野！不過呢個套餐嘅牛扒比較之下比較失色，所以主角係龍蝦，滿滿芝士，好邪惡，龍蝦肉彈牙，而且好細心咁正開咗個龍蝦鉗，方便食用。

要令自己享受美食既同時又要填飽個肚一人一個扒餐最適合不過，同時主餐牌有著各式各樣熱辣辣大路款式足夠過足口癮，而且價位豐儉由人，百多元亦尚算合理，所謂吃得精明就要揀啱心水喇 金鳳大餐廳名符合稱上肉獸者的標記，傳統中西合壁的鋸扒暫有講究同要求，顧客可按肉質成熟度而控制，而小店套餐當中包湯/前菜/餐茶等「美國德州頂級西冷 $148」滋滋粗獷爆射在鐵板上保持温度上調，釋放肉嫩嫩滑的情感，更可叫職員上桌時添上黑椒汁醬油令整頓晚餐更豐盛「香煎雞扒餐 $88」兩份扒質口味迎合港人的味道一頓昔日鋸扒滋味不僅令我重新對扒店更深刻的了解

港式正扒房　*同男朋友食暈全港九*　自從無係山林道附近返工之後，就無去金鳳据扒啦。今晚收工同左男朋友去山林道買野，買完就醒起去金鳳食個扒。Ｏrder左二個餐，招牌牛柳餐同美國極品牛小排餐，一個紅湯、一個白湯。兩個湯都好足料，夠晒滖同熱。餐包依舊都係暖暖地，配湯一齊食就真係一流既配搭。招牌牛柳我一向鍾意食招牌牛柳，貪佢夠淋夠軟熟，吾洗不停咬，岩晒我呢d懶人，於是今次都再叫，鐵板上，依然係咁好味，咁淋～加埋蒜蓉同黑椒汁，香噴噴，好味。美國極品牛小排男朋友叫左個牛小排(鐵板上)好大份，無牛柳咁淋，但勝在牛肉味香同好有口感，一切落去好多肉汁，好厚肉。牛味好濃，牛魔王之選。食完之後，餐茶就叫左杯凍檸茶同熱檸水。食物依舊好味，尖沙咀呢間裝修夠大，抽風也很好，坐得舒服，食完個身都冇乜味。

寶寶話之前喺佐敦呢邊返工，久唔久Lunch都會嚟呢間餐廳食，貪佢又抵又大份wor🤣，而且啲扒餐都唔錯，今日佢就帶咗我嚟呢間舊式小餐廳食晚飯❣️我地今日點左個特選晚餐dinner Menu—帶子紐西蘭牛扒拼荷蘭豬扒（蒜蓉汁）➕一份美國極品牛小排（黑椒汁）～忌廉湯口感幾creamy，味道唔算濃～麵包微暖，蘸啲忌廉湯一齊食就啱啱好💕羅宋湯正正常常，味道唔錯❣️辣辣地，幫助開胃～蟹籽雜果沙律上沙律隻碟好懷舊☺️份量比想像中大份🙊用嘅配料都幾多，仲有西芹添😯，沙律亦伴得均勻👍🏻帶子紐西蘭牛扒拼荷蘭豬扒我地揀左燒蒜茸汁～雖然是碟上，都好夠熱❣️質感唔錯，有咬口但唔亦會太硬，醃得幾入味☺️紐西蘭牛扒肉質偏淋，冇豬扒咁有口感，不過整體來講也可以❗️美國極品牛小排呢個我地就揀左黑椒汁～食落富香濃牛肉味🤩，肉汁豐富，肉質鮮嫩🤤，口感結實而不韌👍🏻 明顯比紐西蘭牛扒更勝一籌❣️特選晚餐仲送多一杯意大利配方雪糕—跟餐呢杯係雲呢拿味嘅～用呢啲鐵質杯裝住，感覺好夠凍🥶 ，仲加添左幾懷舊氣息🤣 雲呢拿味入口香濃，作為食完扒之後嘅飯後甜品都幾滿足❣️而我哋再另外叫多一杯抹茶味～有微微嘅茶澀味，唔會太苦，茶餐廳嘅雪糕來講，水準係唔錯👍

✨ 小妹我細細個第一次食牛扒就係喺太子金鳳，而家金鳳越開越大，有時出街去到尖沙咀都食得翻😛。今次小妹就同友人A去咗尖沙咀金鳳撐枱腳。✨ 餐牌✨ 美國極品牛小排👧🏻 小妹我嗌咗一份牛小排五成熟，用鐵板上。去金鳳食扒當然要用鐵板上啦，先夠風味㗎嘛。 牛小排嘅脂肪無咁多，咬落口啖啖肉。仲要金鳳一個餐都一定會夠飽。✨ 除咗有主食之外，跟餐仲會有餐湯、餐包同餐飲。✨ 美國德州頂級西冷👧🏻 而友人就去咗嗌西冷，因為友人A中意食生啲同肉汁嘅牛扒，所以佢就嗌咗三成熟。佢今次食嘅西冷係用碟上。雖然無咗港式扒房嘅風味，但味道一啲都唔差㗎。西冷肉汁好多，好稔身，再加埋金鳳嘅秘製蒜汁，真係唔錯。