金鳳大餐廳 (山林道)

營業中

休息中

We come here in tea time period and there are still many people eating here, luckily we don't have to wait though haaAlways, roasted pork chop rice is my first choice haa, and we ordered the same dishes, the portion is kinda large but a bit overcooked and we can see some got burn, but the taste indeed good usa, soft pork texture niceChocolate drink quite good for me haamenu:Very valuable one with yummy food, only bad thing is relatively low service here lol haa 

每過一排就會諗起呢間金鳳牛扒， 其實一百蚊唔使食一塊大扒真係好抵嘅，不過以記得以前係有意粉同薯菜揀，而家就冇喇想要就另外再畀錢。 以前飲品會問你要唔要加三蚊加大依家都冇喇直接係大㗎喇。食過就會知依家D扒係偏淋，都知道一定係用鬆肉粉醃過， 不過呢個價錢都ok嘅， 急凍肉就係咁上下， 我自己鍾意佢黑椒汁， 係真係有黑椒味嘅， 落到去扒一度就冇乜牛味，主要都係淨返黑椒味。我覺得金鳳最好食唔係塊扒，係嗰個羅宋湯，好濃味同埋夠辣

經常去的金鳳，在聖誕佳節，我見到餐牌有新的一張，原來是聖誕期間的特別聖誕大餐，當然要試一試了！在我心中，這個是二人分量的了，如圖所示，有火雞、焗大龍蝦、牛扒、薯蓉、以及沙律，擺盤好靚，又可以打卡。隔離檯沒有叫聖誕大餐，叫了平時也吃得到的，他們吃到一半很後悔，相信是因為見到我吃得津津有味，而且見到聖誕大餐賣相很好。我聽到他們說「早知道我們也叫聖誕大餐」我是在尖沙咀的分店吃的，我不確定其它分店是否也會有。

好多人食，又89成都係叫扒，但係嗰晚飽飽地，就叫咗牛腩飯同焗意就算芝士蕃茄焗意粉新鮮滾熱辣，上枱都會辣手嘅，但係啲肉粒有少少焗燶咗，每啖都有少少燶味縈繞係個口入面，不過分量好多，茄醬都好多，絕對食到最後都仲有sauce。意粉就同平時茶餐廳嘅意粉一樣，腍身跟餐個餐包好正，不過唔記得影相，佢暖笠笠，軟熟又好味，加埋牛油就食唔停口。咖喱牛腩味濃，惹味，送飯一流!龍蝦湯就麻麻，無龍蝦味，唔好哂錢凍檸茶同普通茶餐廳嗰啲差唔多最後係個白湯麻麻，無忌廉味，又偏咸，不過套餐包埋，咁都叫做試下啦。間餐廳可以加20蚊，做套餐，有餐包，紅/白湯同餐飲，所以都抵玩，個餐包同野飲都值回票價。味道: 7/10味精: 7/10價錢: 8/10環境: 7/10服務: 5/10

好多年前喺深水埗食過真係垃圾都不如🤪今次就係因為經過尖沙咀見到又試吓啦俾多次機會😢我當然唔會食扒啦試過深水埗就知道佢乜嘢扒😣入座時間七點左右，唔使等位相當好！今次梗係試啲基本野先焗葡國雞飯唔錯仲有好多蔬菜同埋好香椰汁味有新鮮檸檬添！老公就食白汁海鮮焗飯⋯食材細心（好味嘅味道剛剛好唔會太鹹）餐包軟棉棉😋餐湯一般啦！餐飲普通😢見到水吧入邊個男人係將個口罩拉到下巴🥴冇眼睇🙄扮嘢都要喇戴好口罩😑我仲買多個外賣拎走比寶貝😝

想起上次食嘅肉醬意粉，其他餐好似都有折扣，所以就叫咗個瑞士牛仔扒餐啦（43元），配意粉，白湯，即係忌廉湯，加一杯凍檸茶。呢度叫凍飲幾好，唔駛加錢。佢嘅分量好大，食到超飽！除咗以上可以係app揀嘅嘢以外，佢仲有比一個餐包，額外用白色袋裝住，如果可以好似有啲餐廳咁（牛屋餐廳），用紙袋裝住，會有食慾好多，配牛油，可惜塊牛油唔知係咪拎翻去嘅途中被個餐熱融咗一半，有一半一經係液體來，有啲可惜；講下個餐啦，我覺幾好食嘅，唔貴，分量大，味道唔錯，值得8/10分啦。有兩塊牛仔扒，加上滿滿嘅意粉，加埋其他野，兩個細食嘅人其實真係可以share食。牛仔扒都係普通嘅牛肉啦，唔好話咩幾成熟或者咩啦，玩咩，但係係軟嘅，可以大塊大塊切落來食，有小小小小牛肉味，係食得出係牛肉來的，唔係好似雜扒咁唔知邊塊係咩肉。而意粉係有用茄汁煮嘅，唔知完全冇調味嘅啦，都ok，普普通通，冇乜特別，但係佢有比三塊節瓜嘅，呢個節瓜係真係唔錯，平時係茶餐廳食，或者食飯盒外賣，佢有附送嘅菜，我係食唔落嘅，但係佢呢個節瓜好食，食咗有啲膩嘅意粉同買太大分量嘅肉，可以解膩，而且感覺幾健康，雖然得果三塊，覺得係好食嘅，令嘅餐冇咁悶！其他野就麻麻啦，

金鳳出名大件夾抵食 經常座無虛席假期前更加要排隊先可以食到後來發現山林道呢間分店空間大之餘 抽風系統都比較好 食完唔會成身味 好多時一家人晚飯都會揀呢邊自從疫症之後一家人都好少出街食晚飯 呢排見好番小小 一家人又要出動食金鳳啦 好懷念那種蒜泥味見到menu寫住50 周年推出既貴族牛扒 忍唔住都點左一份7 成熟要試下d 新野黎到之後牛扒賣相雖然唔係太好 不過食落有驚喜 因為牛扒表面燒到脆脆地 但一咬入去入面有大量肉汁流出黎 非常juicy鴛鴦扒就不過不失 豬扒比較淋滑 雞扒就好似熟左小小 所以有d 靱大蝦牛扒8 成牛扒某d 位有筋 但都叫可接受隻蝦d 肉好霉 同店員反映之後換左兩粒帶子俾我地 老店都能保持服務的水準 實在值得再光顧

係openrice 外賣自取，好似外賣優惠先咁平，焗肉醬意粉其實幾好食，份量都夠，只是芝士焗烤得太燶了，以至有苦味出來，所以最終都係要將表面嘅芝士全部撥開曬係一邊先得，不過肉醬幾多下，幾香口，意粉就冇咩特別，但可惜油分其實都多，食完個盒都有油係度，黃黃哋，係連埋醬嘅顏色係度，就覺得自己食咗好多油落肚。成份嘢似大X樂，大X活嘅肉醬意粉，不過相對佢哋嘅，呢間嘢好食好多。34蚊一個焗肉醬意粉唔包嘢飲，其實都ok啊！唔錯。如果月尾冇錢可以食下。

好耐無鋸扒，揀左山林道間「金鳳大餐廳」，鐵板牛扒好懷念，係兒時味道，係港式鋸扒情懷。脆炸雞翼有6隻，賣相顏色看似普通，原來炸到好香脆，而且唔油膩，甜甜蜜糖越食越好味，雞翼也炸得多汁唔會乾。餐湯揀了紅湯，即羅宋湯，酸酸辣辣開胃美味，配烘熱的小餐包，塗點牛油，味道好味。美國牛小排餐，揀黑椒汁，就係呢一下，倒醬汁落鐵板上，吱吱聲彈哂汁嘅感覺，就係拎起紙巾擋住醬汁嘅動作，令人懷念的情懷。牛小排揀5成熟，粉紅嫩肉爆多肉汁，牛味重，仲幾有咬口，而且無筋食得好方便，仲要2大塊實夠飽。帶子牛柳餐+蒜蓉原來加蒜蓉真係超香，味道好夾，牛肉味更重，肉質也更鮮嫩，肉汁滿滿。帶子看上去也很嫩彈。

這間金鳳餐廳我男友想嚐試很久了，覺得它的牛扒便宜、美味兼且大份，性價比相當高，所以今天晚上我便陪他以及其他朋友一起來品嚐一下了No.1【金鳳貴族牛扒】$178由於是鐵板上，所以我們便只點了五成熟，這樣經鐵板加熱之後，便變成七成熟剛剛好了雖然牛扒都算大塊和厚身，而且在細嚼慢嚥的時候，鮮甜無比的肉汁更立即傾巢而出，在唇齒間留下一絲絲濃郁的牛肉氣息，可惜它的肉質卻相當粗糙和堅韌，我需要用盡九牛二虎之力才能勉強咀嚼和吞嚥，讓人難以下嚥之餘，囓蘗吞針No.2【西汁原條豬仔骨拼芝士焗士頓龍蝦】$178雖然豬肉十分嫩滑可口，鮮美多汁，每一口都充滿著淡淡的豬肉香氣，但是肉量卻相當少，我差不多全部都只能啜骨而已，真的是名副其實的「豬仔骨」！至於龍蝦的質感並不算特別脆嫩彈牙，而且本身亦沒有任何鮮甜味，甚至有些發霉的口感，感覺上是一些雪櫃了很久的貨色No.3【馬拉盞炒通菜】$52與其稱它為馬拉盞炒通菜，我覺得把它稱為腐乳炒通菜會更適合一些。雖然我嚐到微辣的馬拉盞氣息，但是同時卻伴隨著更濃郁的腐乳香氣，甚至喧賓奪主蓋過了主角馬拉盞的味道，莫非這就是港式的味道！？至於餐包、餐湯和沙律的味道都正正常常，並沒有什麼

困得太耐諗住出嚟消費刺激經濟，點知咁就出事喇！定律一：當你好疲倦及肚餓時食乜嘢都係好食嘅❌定律二：老字號餐廳一定保持到水準❌定律三：多人排隊差極都有限❌好後悔無睇食評就入咗去食，見入面坐滿哂人，門口有條隊，應該唔差啦！😒等咗一陣終於有位，好期待地叫咗份牛柳扒五成熟，先上餐湯餐包，湯已經無乜味都算，心諗主菜先係牛扒，終於都嚟喇⋯⋯😑好易切，入口好林，林到唔知自己食緊乜？成塊扒，一路食一路諗，好地地一塊牛扒點樣可以那到d肉林到無哂口感，無哂肉味，乜味都無🤢🤮令我開始懷疑自己是否感染到肺炎失去味覺👽💀平時睇飲食節目嘅主持人成日講好有口感，牛有牛味，雞有雞味，聽完都覺得係廢話。但食完呢間金鳳之後，令我明白到食牛可以無牛味，無口感，究竟我食咗乜what’s the food🤬🤬🤬仲差過大X活大X樂嘅牛扒餐，快餐店都已經無乜要求，無諗過呢間歷史悠久嘅餐廳仍能生存到今時今日真係一個奇蹟🤨🙄其實我好懷疑係自己已經失去味覺，因為見餐廳入面嘅人無人覺得有問題，所以我好鼓勵大家一定要試試，究竟係牛就係咁，還是我唔係食緊牛，真係搞到我好亂🤯🤮☠️總之食完呢一餐令我多一個不愉快的用餐經驗，一出門口成個腦都係粗口，

因為呢度外賣自取有平再加金鳳有折所以先幫襯，果然伏位多多。外賣落左之後佢係標預計16：52可取，當然我都寫左17：00取，我早到左所以我要等係無問題。問題黎啦：一）一入門口店員同收銀吹水唔理我，OK，我未開到OPENRICE個外賣果頁比佢，由佢二）話攞外賣時收銀細細聲講「又話5點攞」，我係4：50到，其實我等真係冇問題，另外個店員叫做正常，話要等等，或者坐低等等嘅期間已經發現餐廳嘅櫈都爛晒唔換，店員經常性吹水，但係好多餐都收過百，定位應該高啲！？當我高估左佢地啦三）呢張我其實想同大家講佢水吧到依一刻個口罩都係下巴，疫情都唔帶好口罩。。。想點？食物睇樣Ok，湯一般，附近餐廳新聯威比佢好飲五？）菠蘿海鮮炒飯菠蘿細又少，仲要冇味，重點係八爪魚透明兼淋，好似唔熟喎正常嘅奶茶，冇茶記味，只有Lipton紅茶味大家仲食唔食就自己決定啦！

今日我諗住同女朋友去山林道金鳳，坐低後，點知舉手成15分鐘，都冇待應到，之後有個經理叫落單，點知個待應去佢面前果張收枱都唔過黎，我地咩都冇叫，之後我地決定離開，個收銀完全冇問過我地有冇單就比我地走，根本就唔夠人手。啲待應寧願去做啲落左單嘅客人，都唔去做啲未落單剛坐的客人。服務欠佳，又加價。不可一，不可再

金鳳大餐廳係食鼓油西餐聞名，即係港式牛扒，係我哋嘅上一代食嘅西餐。我去過金鳳好多次，但係一次都冇食過佢嘅牛扒，反而我次次都係食佢嘅飯，食得最多嘅係佢嘅生炒牛肉飯，同埋免治牛肉飯。今次去到金鳳，打開Menu，突然發覺已經冇咗以上嘅飯類，突然感覺到晴天霹靂，因為佢呢兩個飯真係好好食。我即刻問侍應有冇可能整到俾我，因為我係為咗佢嗰份以來，佢問完廚師之後，廚師話肯整俾我，我真係好感激。咁佢都冇令我失望，個味道同之前一樣，正係兒時嘅味道。唔知我下次再去仲有冇得食呢？

今晚經過山林道，剛好又未吃晚餐，看見餐廳門外廣告：金鳳50週年特別版～金鳳貴族牛扒，便入內一試。能夠經營50年，真的不簡單，第二代已經接棒，亦能維持水準，更是難得。金鳳在港式西餐界，也算是表表者，因此在坊間，有很多冒牌金鳳西餐，大家真的需要小心選擇。今晚點的金鳳貴族牛扒，非常滿意，他們用上美國牛肩扒，本來是碟上，個人改為鐵板。服務員建議加$2，加蒜蓉，確實增添味覺，特別是混合了黑椒汁。牛肉味濃，肉嫩多汁。肉身煎至香脆，咬下去卻充滿肉汁，廚師技術令人贊嘆，回味無窮。黑椒汁也是水準之作。羅宋湯，味道足夠，有點微辣，更為惹味。本來餐飲點熱奶茶，服務員建議點冷飲，比較大杯，友善的建議，當然接纳。滿意的一餐