金鳳大餐廳 (山林道)

營業中

休息中

同男朋友拍拖有時都唔一定要去西餐鋸扒，有時去下港式懷舊扒房嘆下鐵板牛扒都幾好,仲要配埋好有風味既羅宋湯同嘉頓餐包（🙈）成年事好有那些年既feel 是日order jor兩個set,分別係美國西冷牛扒餐同牛小排餐，其實個人覺得呢類型既餐廳鋸扒好抵食，通常200蚊樓下就食到一個set,今次都唔例外，人均180蚊搞掂，正呀！上枱當然有個淋汁儀式，店員淋上醬汁啲蒸氣發發聲，唔知幾耐冇試過呢個儀式啦😃牛肉方面，肉汁juicy，兩款牛都鎖汁，當日叫既係五成熟，個人覺得啱啱好，小牛排口感偏嫩，西冷就肉味濃啲，各有千秋，如果要我揀個人比較鍾意牛小排，因為夠晒嫩口

港式扒房就係中西文化合璧嘅其中一個產物🦁 平民化嘅「滋滋滋」鐵板餐亦係唔少人嘅童年回憶💭 金鳳大餐廳就係其中一個60年代屹立至今嘅扒房💕 當然要試試啦😗餐廳嘅裝修保留左少少舊香港嘅情懷🥸 我哋被安排坐喺卡位，一直都見到啲姐姐努力咁做清潔～感覺幾衛生🙈 雖然港式扒房嘅特點係大件夾抵食 但我都係叫左一啲海鮮黎試下😆點完餐當然即刻上麵包😍 熱辣辣～夠曬軟熟 即刻㩒扁佢測試回彈力😝🥕帶子牛柳餐 $158帶子其實都幾大粒 食落唔覺有雪藏感之餘又幾肥厚 口感都唔差😋 幾爽嫩😚 牛柳呢～ 竟然有兩塊😂 雖然我叫左五成熟，但一塊就貼近五成，另一塊接近全熟😆 不過無傷大雅～ 食落肉質都幾嫩同幾軟腍 黑椒汁就多到滿瀉🤓 仲有一堆薯條墊底❥奉送紅湯 少少辣 幾開胃🥕龍蝦牛柳餐 $212 牛柳唔再多講啦😗 貴少少既龍蝦餐，有半隻開邊龍蝦…爆曬膏🙈 龍蝦都幾新鮮，鮮甜多汁而且夠彈牙 呢個餐就係配沙律薯角😍 估唔到連配菜都upgrade埋 ❥奉送龍蝦湯 仲係湯入邊揾到粒龍蝦肉🤣

之前同老公講起好想鋸扒，佢就提議我去港式扒房金鳳。我今次第一次食，感覺唔錯。跟餐包餐包同餐飲，餐包送上黎係暖的，好驚喜！我同老公叫左一紅湯一白湯。紅湯味道較濃，亦都好足料。我叫左牛小排餐，老公叫左肉眼扒餐。我個人就鍾意牛小排多d，無肥膏，又啖啖肉，好正！牛扒大份，再伴d薯菜，食到好飽，好滿足！老公的肉眼扒偏肥，不過落單的時候，待應都有解釋過肉眼扒要有d肥膏同油脂先好味。佢有得揀蒜蓉汁或者黑淑汁。我同老公一人叫左一款，兩隻都好香濃！飲品當然要揀d特別的港式飲品！我揀左鴛鴦，老公就加錢升級左就特飲，揀左紅牛。本是利賓納配士多啤梨雪糕。但因士多啤梨雪糕賣完，就換左芒果雪糕。飲品配雪糕，感覺好有港式風味。整體黎講，食物價錢合理，食到好飽，下次會再黎。

港式扒房在香港買少見少，小時候陪伴成長的有農場餐廳。但自從它消失後，已數不出多少年沒去過港式扒房。一條有不少文青Cafe的街道，找到這間從外到內都很港味的餐廳，裝修整潔懷舊，座位舒適，連菜式都一如港式扒房的傳統大件夾抵食！ 招牌牛柳/ 招牌西冷加蒜蓉 ~$120 + 特飲金牛 / 白牛 $18傳統港式羅宋湯，酸酸甜甜帶點微辣，香濃又醒胃，還有多菜配料，隨送暖烘烘的餐包和獨立牛油，作為前菜稱職有餘！主角牛柳和西冷扒同樣Order了5成熟，份量之大完全覆蓋整個鐵板，食肉獸表示很歡喜！淋上蒜蓉汁滋滋聲的同時，口水亦在翻騰。牛柳和西冷扒的肉心呈粉紅色，嫩滑有肉汁，加$2蒜蓉更是畫龍點睛，大大提高吃鐵扒牛的滋味。牛味也不差，當然不能與$300起跳的高級牛扒作比較，但以港式牛扒而言絕對令人滿意！最後以特式飲品金牛(芒果雪糕+忌簾)和白牛(Vanila雪糕+雪碧)作結，簡單又深得小孩喜愛的飲品，整餐吃到的盡是兒時的味道和港味，CP值之高怪不得平日晚餐時間都差不多爆滿！

今晚約咗個好耐冇見嘅朋友喺尖沙咀食飯，佢話好耐冇鋸扒，所以我哋嚟咗呢間港式懷舊扒房，見老朋友梗係要去老地方懷緬下啦😌呢間港式扒房我哋以前成日都會去，回憶真係返晒嚟《鋸扒識食一定係鐵板上🍴》揀咗要咩汁，就拎起紙巾….最期待淋汁嗰下嘅渣渣聲🎶我哋分別叫咗牛柳餐 $114 加蒜蓉 $2加$2就可以多蒜蓉🤩雖然會食到個口好臭，不過我唔怕🤪，仲要淋埋個蒜蓉汁，重口味啱晒我😆，牛柳肉質軟腍，口感唔錯！帶子牛扒餐 $149個扒叫咗五成熟加埋用鐵板就啱啱好，目測塊牛扒仲大過我塊面，真係大件夾抵食，仲要好厚身，肉質完全唔韌，帶子煎得好香…餐跟餐湯、餐包、飲品餐湯我哋叫咗一紅一白我自己就中意羅宋湯，味道夠濃又多菜餐包微暖，搽啲牛油🧈再點一點餐湯，正😎原本諗住升級佢哋嘅特飲，因為見佢好得意，有黑牛、白牛、紅牛、金牛😄不過佢哋冇晒雪糕，所以冇緣試到，最後叫咗🥤🥤凍雙檸雪碧 $18、凍檸樂 $8

👩‍🍳喺尖沙咀the one睇戲食晚飯，我諗咗好耐因為依家香港太多一式一樣嘅餐廳，醒起山林道有金鳳😋自助形式揀位既感覺好港式，揀咗是日精選晚餐之後就即刻送上羅宋湯同埋餐包我鍾意熱辣辣嘅餐包中間湯一刀查滿牛油，剩返既牛油就放入羅宋湯入邊攪勻，感覺口感更加好昧🤤飲完冇耐就上到主菜，剛剛好雜扒餐拼腸仔(蒜蓉汁)港式扒房餐巾正確用法🤣我朋友話好彩我提佢吾係既話件白tee就報銷，鐵板上既牛扒我通常要五成熟，加上汁既蒸氣會令佢再熟啲，如果要七成就好易太老，雞脾有啲乾，有啲扣分，唱着普普通通，值得一題係唔太鹹👍🏾，最底有薯菜，分量十足西冷五成熟剛剛好☺️入口吾洗咬，粉嫩多汁，冇筋位，又易切，套餐包一杯嘢飲同埋雪糕，但係唔記得影相😂呢個價錢來講，十分超值💯埋單加一每位吾洗180，吾錯吾錯，平日晚市尖沙咀吾洗等位👍🏾大推！

平時去金鳳多數都係鋸扒，今日試吓佢嘅下午茶餐，味道都唔錯，但環境仍需改善。我哋今次坐咗喺較窗邊位置，一坐低已經聞到陣異味，觀感即刻大打折扣，可能要喺清潔方面落番啲苦工⋯乾蔥雞扒撈公仔麵 茶餐（$33）賣相唔錯，麵嘅份量好夠，相比之下雞扒就好似細塊咗啲。食落個麵少乾身，不過勝在蔥油夠香，雞扒嫩滑，價錢仲好親民抵食。凍朱古力凍飲唔使加錢，正！不過味道偏淡，如果朱古力味再濃啲就perfect。整體嚟講不過不失啦～

細細個啊媽成日帶我去呢間餐廳鋸扒，已經成為咗我嘅童年回憶！港式牛扒真係別具風味，熱辣辣嘅鐵扒，加上煎到3成熟嘅扒，滋滋聲，聽到都垂涎欲滴！用三個字嚟形容，平靚正，百零蚊大大塊扒，配餐湯餐包野飲，食完絕對夠飽！餐湯 羅宋湯 餐包 (跟餐送)羅宋湯酸酸哋，好開胃，都有啲蔬菜，紅蘿蔔，略厭淡咗少少，加啲胡椒粉好飲啲。餐包叮熱過，上枱係暖嘅，好軟熟，雖然冇乜味，但加埋牛油，又香又邪惡！🍴招牌牛柳餐 配黑椒汁 另上 $112牛柳竟然有兩塊，份量好多，啱曬我呢啲食肉獸🤤 煎到啱啱好三成熟，超軟淋，食落有啲牛味，雖然用粉鬆過塊肉，但冇乸嘅味或怪味，加少少黑椒汁，好食！凍檸茶 少冰少甜師傅心情唔好，係冇少冰少甜到嘅😂有啲太甜，但桔爛曬啲檸檬又中和到，酸酸哋帶少少澀味，正！推薦指數: 8/10真係覺得都好唔錯，係好港式鐵板牛扒味，百零蚊，份量好足，食完真係大滿足🤤

是日年初三，又稱懲人節。疫情下，6點後無堂食。估唔到餐廳並唔係得情人節套餐，仲有平日lunch同tea 餐牌。由於小呆唔太餓而且餐廳出名抵食夾大件，所以叫左龍脷柳拼薯菜。大苯就話想食飯所以就叫左午餐入面的炒飯。呢兩個餐仲有配埋餐湯，餐包，飲品（凍飲唔洗加錢）。餐包係上枱前會入微波爐轉個圈加熱。上餐速度相當快，但食物似乎凍得更快。炸龍脷柳配上左蒜蓉汁， 外表炸粉不太鬆脆但裡面的魚肉相當滑和juicy。餐廳毫不吝嗇，每張枱都有成枝茄汁俾顧客自己用，我就用左黎點波浪紋薯條啦～飲品叫左凍檸茶少冰，大大杯，幾好飲。

放工突然好想鋸扒，然後就揀左黎公司最近而且易去既金鳳分店其實都食左幾次佢既鐵板真係冇得彈最中意佢地既蘇格蘭肉眼同牛柳真係真係好好食，叫5成熟我食過既鋸扒都冇金鳳咁好食啦以後鋸扒揀金鳳就岩啦....臨尾叫餐飲個男員工仲同我地講笑又到左評分時間啦整體分數：90/100服務分數：90/100明白唔夠人既，所以都冇講咩唔好，就有時真係冇心得閒應我地味道分數：95/100其實講唔到有咩唔好，就係應該要有進步分比佢地進步既

趁天氣好去試試這家扒房，以為是比較地道式舊茶餐廳，裝修又極舊式，但阿姐態度就不錯（1）法蘭西豬扒配意粉此店名物以招牌扒類，豬扒揼得鬆化，帶少少脂肪，亦好厚身，肉質軟嫩多汁，豬扒是好多人喜愛食物，坊間很多豬扒專門店，吸引豬扒迷去朝聖，然而要食得一塊好扒，絕非易事，豬扒夠肥美，醃得很好，拍得鬆豬扒，才食得鬆軟，燒汁淋在豬扒上搭配薯菜賣相已很搶眼（2）羅宋湯一鍋營養好湯簡單煮香甜濃郁，羅宋湯是大家熟悉的湯品亦是大眾喜愛的，發源於烏克蘭的一種濃菜湯，在歐洲很受歡迎，酸中帶甜，甜中帶香，搭配各種蔬菜，加上牛肉才有鮮味，營養豐富，味香醇厚，顏色又漂亮，一看就已大開胃口（3）燒豬肋骨配薯條平日到西餐廳點一客燒豬肋骨動輒過百元，份量亦不多，往往吃得不夠喉，豬肋骨肉質軟嫩，香噴噴的出爐，一條一條慢慢吃，燒烤醬味道很匹配，讓它充份地吸收調味料的味道，即使是最挑剔的人，亦會吃到停不下嘴，滋味無窮在重要西方節日裡，除了有烤雞烤肉，亦別忘記燒豬肋骨這美食現在的問題是一街都是扒房和茶餐廳，但用心去做的真是不多，反正一定有人去幫襯，所以吃到稍為肯用心的，已經很感恩想吃扒可來這裡，其他東西就是一般茶記水平，不必專程來

又同大家再次分享呢一間我嘅童年回憶，因為細個真係基本上一個星期食一次，印象中第一次食牛扒都係喺呢度🤣就係位於山林道嘅金鳳大餐廳 🥩之前都同大家大推佢嘅芝士焗肉醬意粉，今次就分享返佢哋嘅招牌鐵板扒啦！.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.6/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7.2/10服務 𝐬𝐞𝐫𝐯𝐢𝐜𝐞 7.5/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 8/10回頭率 𝐫𝐞𝐯𝐢𝐬𝐢𝐭 7.8/10🌟.《大蝦牛柳》🌟7.6/10🌟當日唔記得影一影餐牌，不過基本上我每一次食扒的話都係食牛柳！食得呢啲扒房都預咗佢哋嘅牛肉會係用過鬆肉粉醃製過，牛味未必會係平時去食西餐鋸扒嘅嗰一種香濃🙈不過勝在口感又真係幾好，五成熟啱啱好，口感軟腍，唔會韌。而味道方便其實主要就來自醬汁，我每一次都食佢嘅黑椒汁㗎！黑椒味非常之香濃，少辣，好惹味，簡直係絕配！整體來講，呢個價錢真係唔話得，值得一試啊！.金鳳大餐廳

因為我寫唔切份report，同事準備唔切開會嘅文件，就約咗同事星期六喺尖沙咀一齊食晏然後返公司做嘢。真係慘，星期六攞嚟休息都要返公司做嘢。喺食飯之前去咗佐敦買少少嘢，然後行返公司，途中經過金鳯，見有位就入咗去。坐低睇餐牌，同事就要牛扒，我早日先啱啱食完牛扒，唔係好想重覆，所以就嗌咗個龍脷柳食。餐湯我要咗忌廉蘑菇湯，同事要咗羅宋湯，餐飲我哋都係凍檸茶。餐湯正常，個人覺得淡咗少少。我個魚柳唔駛5分鐘就有得食，熱辣辣，最怕食到啲煎魚係凍嘅。碟食物係熱嘅明明聽落好簡單，但係事實上好多餐廳連咁簡單嘅嘢都做唔到。總結，大件夾抵食，50蚊咁飽嘅lunch真係抵。

啱啱開呢個𝗮𝗰𝗰𝗼𝘂𝗻𝘁嘅時候已經同大家分享過呢一間我由細食到大嘅金鳳大餐廳 @goldenphoenixhk 😻雖然佢係老字號平民扒房，不過我最鍾意嗌嘅係佢嘅肉醬意粉！😆冇去過其他分店，不過山林道分店真係次次去都人山人海，不過無可否認佢嘅𝗟𝘂𝗻𝗰𝗵 𝗦𝗲𝘁又真係幾抵食嘅！不過留意番，𝗟𝘂𝗻𝗰𝗵 𝗦𝗲𝘁嘅上菜速度超快，而肉醬意粉係散叫，加上要焗，所以我哋食完成個𝗟𝘂𝗻𝗰𝗵 𝗦𝗲𝘁意粉都仲未到🤣.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.5/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7.2/10服務 𝐬𝐞𝐫𝐯𝐢𝐜𝐞 7/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 7.8/10回頭率 𝐫𝐞𝐯𝐢𝐬𝐢𝐭 8/10🌟私心推薦芝士焗肉醬意粉( ˘ ³˘)♥︎.《經典蕃茄蓉芝士焗肉醬意粉》$68 🌟7.8/10🌟呢個真係我就算減緊肥，每次去到都忍唔住嗌嘅芝士肉醬意粉！！記得以前每一次食面頭嘅芝士都會燶燶脆脆，但今次就無喇～不過味道依然出色！佢唔係嗰一種蕃茄味超級濃，酸酸地嘅味，肉醬同芝士嘅鹹香味會比較突出。而份量亦都超足料，絕對足夠你食到最後一條意粉都掛到汁！意粉軟硬度適中，整體𝘃𝗲𝗿

黑牛是什麼？答案是朱古力雪糕加可樂，現在一般只有懷舊餐廳才有這個雪糕加汽水的組合。.金鳳是標榜懷舊feel，除了黑牛外，餐廳的裝修都是有種懷舊感，同時又有空間坐得好舒服。.星期日人不多，下午一點半都只是半滿，平日就會好多人。.👇假日午餐都有8個選擇，有飯、有意粉、有扒、有雞、有焗等。.午餐包餐包和餐湯，並有飲品，不收加一。.我和朋友要了一紅湯 (羅宋湯) 和一白湯 (忌廉湯)。⭐️⭐️⭐️⭐️ 兩個湯都有⭐️⭐️⭐️⭐️，我個人更偏愛紅湯，味道好適中，甜酸辣互補及互相調起整體味道，夠濃又多菜。餐包是傳統茶餐廳那種，亦是體貼的暖暖地，好軟熟，又有獨立包裝牛油，不是嗨少少落麵包，忘了影相😅.北海道牛乳原條鰻魚滑蛋飯 $63⭐️⭐️⭐️⭐️💫 (4.5分)一般鰻魚飯都好貴，這碟條鰻魚好大條，我估不是日本鰻魚，同時我覺得無所謂，味道、口感都感覺良好，碟亦有日式bonito flake鰹魚片乾，而另一亮點是沒想到的，就是滑蛋，不知是否因為有北海道牛乳，即使係的話，都是煮得好有技巧，好滑，不知怎樣煮可以煮得這樣恰到好處，讚👍😊 重要的是整碟好夠餸，我是個大餸的人，好多時嫌不夠餸，這碟絕對足夠，喜歡💕.白菌忌廉汁焗雞扒飯