金鳳大餐廳 (晴朗商場)

營業中

休息中

同朋友同早幾日去咗啟德，去咗呢間餐廳食晚餐，裡面座位都幾舒服，睇餐牌都多選擇，最後我地揀咗以下兩款：-精選晚市套餐：H. 雜扒意粉（黑椒汁）（$78）套餐包埋牛油餐包同餐湯，我揀咗羅宋湯，羅宋湯少少辣令人好開胃👍加$22有埋沙津，估唔到沙津甘大碟，仲有大大塊饅魚😍雜扒有豬扒同埋牛扒，兩塊扒肉質都好嫰滑，加埋黑椒汁，味道好夾，份量亦好足👍加$10有意大利式雪糕，我揀咗曲奇味，食落去雪糕好滑，甜度適中，好好味👍-每月精選晚餐($178)好豐富嘅晚餐包括牛油餐包，我朋友揀咗忌廉湯，湯好滑濃稠得黎好滑👍頭盤係日式鰻魚薯仔沙津，鰻魚完全冇腥味之餘，肉質柔軟，好入味，沙津食落都好有口感👍主菜係鐵板西冷牛扒拼司華力腸，西冷牛扒厚身得黎完全唔會韌，肉質柔軟，肉味濃👍司華力腸都好大條，好有咬口👍再配埋薯條，好香脆可口，好高質另外我朋友揀咗抹茶味雪糕，我都試咗幾啖，食落去淡淡既抹茶清香，好好味👍食完好飽好滿足，整體黎講，我地都好滿意呢間餐廳，下次有機會再黎試下其他款式既食物😊

自從朋友搬咗嚟啟德度住都未見面，今日難得約到大家出嚟見面食餐飯佢就二話不說約我來這裡一齊食大餐 - 金鳳大餐廳～這間老字號的港式扒房由1969年開業至今，小時候已經聽聞過同食過，估唔到而家啟德都一樣有分店餐牌選擇非常多，除咗牛扒之外，仲有其他配搭（豬、雞、羊、海鮮)可以選擇。一入餐廳，我同朋友就比50周年特別版「貴族牛扒」海報吸引，便享受一下當貴族的晚餐🥰牛扒我們點了用鐵板上，因為覺得這樣食會比較開心🥳侍應還很細心提醒我們如果用鐵板上，會熟多兩成左右，因為我們習慣唔食得太生的牛扒，太熟又驚韌，最後選擇了六成熟，上枱後肉質剛剛好👍🏼貴族牛扒（蒜蓉汁）$208牛肩肉入口細嫩，用刀輕輕一切已經可以分開，肉味超香濃又多汁，配埋醬汁起好配合並且入口即溶跟餐仲有羅宋湯同餐包+$15仲可以飲到黑牛（朱古力雪糕加可樂）好滿足另外仲有紅牛金牛、白牛選擇，第一次見一間餐廳可以咁多飲品配搭我們還點了胡麻醬雞肉沙律$88雞扒煎得皮脆內好嫩滑，一般外面的西式沙律 配肉都是冰冷的，所以我一般都少吃。但這沙律上的雞扒是剛剛煎好，而且芝麻醬份量非常足夠，每一口菜都食到芝麻醬，係我難得可以全部完食的一碟沙律🙌🏻👍最後食

心血來潮想食下鐵板牛扒，呢個係兒時回憶，細個最鍾意叫父母帶我去据扒，細個見到d 汁淋落鐵板度覺得好過癮。而家好多茶餐廳都有鐵板餐，不過我揀金鳳係因為佢主打鐵板餐，同埋裝修有d似扒房，要食就當然食專業果間。金鳳出名多人要排隊，所以我地7pm 未夠就去到，唔使等位，一到左7:15pm 左右已經全場爆滿。員工好friendly, 主動同我解釋佢地有分美式同港式鐵板，美式係塊牛無醃，牛味重d, 港式係有醃過既。然後叫我地慢慢揀，唔似出面茶記趕落單企係度俾壓力。我叫左港式鐵板牛柳，老公叫左美式西冷牛扒，我地叫5成熟，員工又好好提醒我地如果5成熟鐵板上，上到檯就變7成熟。好彩佢講講，即刻改3成熟。order 完好快就上湯同餐包，餐包大大個好軟身。羅宋湯好濃郁，少少辣，唔會好酸，超好味。到個主菜鐵板牛扒一上檯就淋汁，攤開個餐巾遮住都彈到落身少少，証明塊鐵板燒得好夠熱，正！千祈唔好著白色衫去。我地兩個都叫黑椒汁同加左蒜蓉，撈埋一齊食好惹味！我塊港式牛柳好林身，有無牛味我都唔care, 最緊要肉質唔鞋唔會趙唔開，我覺得呢個牛柳係好好食。老公塊牛係肉質爽口d,始終無醃過係比較原汁原味，貴幾十蚊絕對值得.

今日早餐同午餐儲埋一齊食，一於食飽d，一心諗住去金鳳食返餐雜扒飯。去到見到青咖喱牛肉燴飯，好吸引喎。。。青咖喱牛肉燴飯凍檸茶：呢個餐第一次食，好有新鮮感，青咖喱味道小小辣得嚟帶微甜，牛肉肉質唔鞋，啱晒我口味。。。洋蔥豬扒意粉配涷檸茶：呢個餐巳經食過多次，一如既往的好食，豬扒肉質唔鞋，意粉軟硬度適中。羅宋湯仍然都係好好飲，蕃茄味濃郁得嚟帶小小辣辣地，溫度算係熱嘅，餐包軟熟配埋邪惡既牛油，口感超正。。。

金鳯巳經食左好多次，午餐特別抵食，最鍾意食鴛鴦扒飯，仲要有埋餐湯、餐包同埋飲品添。兩條友去左嘆超值午餐午餐時間又未到2:30pm 轉下午茶，呢個時間唔算太多人，可以比我地搵到個舒服既卡位坐，今日照舊點左鴛鴦扒配意粉。法式芥末籽鴛鴦扒：鴛鴦扒包括牛扒併豬柳，牛扒豬柳肉質唔鞋口，肉厚多汁。羅宋湯超正，熱辣辣，味道濃郁得黎帶點辣。另外，餐包都唔錯，溫熱軟熟，加埋陣牛油香，超級享受，大滿足。。。🔎金鳳大餐廳📍九龍城德朗邨沐虹街12號晴朗商場地下

🤎金鳳大餐廳🤎今天我們來到了香港的一家老字號扒房——金鳳大餐廳。細個過啲大時大節，屋企人都會帶我嚟食金鳳。第一間金鳳由人稱「啊叔」林師傳創立，近呢10幾年林師父交棒比佢個女打理，開始喺唔同嘅地區度開設分店，今日就去左位於啟德晴朗商場嘅分店食。嚟到金鳳鋸扒，一定要記得要揀用鐵板上，嗰啲咋咋聲，真係非常之吸引🤩🥳揀好咗扒類後，樓面姐姐就會即刻送上湯同餐包，大家可以揀羅宋湯或者忌廉湯。個人推介羅宋湯👍🏻返嚟呢一度係港式扒房，出餐10分快🤣🤣🤣🤍帶子牛柳餐七成熟配黑椒汁 $168牛柳煎得恰到好處，帶子也是鮮嫩可口。大家可以揀黑椒汁或者燒汁，今次係我第一次嘗試黑椒汁，意想不到都幾好。如果大家都鍾意食牛的話，黎到金鳳鋸扒推介大家一定要食牛柳👍🏻⭐️隱藏食法：以前同媽咪嚟食，佢一定會加蒜蓉，大家可以try try🤍雪花牛扒套餐五成熟鐵板上 $176如果大家唔知道點樣揀幾多成熟好，可以問餐廳嘅店員，今次店員都好詳盡咁解釋五成同七成熟嘅分別俾我哋知，同我哋講解邊一個最適合我哋口味。雪花牛扒肉質口感豐富，雖然只係得五成熟，但係唔會太生，都唔會有血水出。📍 金鳳大餐廳 (晴朗商場) (九龍城)九龍城德朗邨沐虹

今天啟朗邨探個朋友，朋友話一齊食個晚飯，我們落咗去樓下一個商場鋸扒， 一間老字號鋸扒出名嘅餐廳 ，金鳳餐廳。地方好舒服，侍應服務態度良好。我朋友揀咗個咖哩羊架配意粉晚餐 ，先嚟一個湯加麵包。雜菜湯好好味，好香蕃茄味。羊架好淋，好有羊味，咖哩唔會太辣，食唔到辣嘅朋友亦都可以嘗試， 咖哩加羊架真係一個好好嘅配搭。意粉亦都好爽，軟硬適中。這個套餐加22蚊可以加個是日沙律 ，今日係鰻魚雜果沙律。帶子牛柳餐，我愛吃五成熟牛扒，因為鐵板上菜時還熱嘅，食落去就啱啱好。牛柳亦都好淋，肉好新鮮，帶子亦都好鮮甜，再配上薯條，真是很好的配搭。味道一流。懷舊紅豆冰，好多豆，味道亦都不會太甜，真係種懷舊嘅感覺。港式奶茶，好有茶味，真的不錯 選擇。

位於晴朗邨一間小店，啟德附近環境怡人，最適合過來走走同食野！一入黎見到唔同餐牌同裝潢賣點都係鋸扒，紅色主題加上霓虹燈，環境都算寬落！今次叫左貴族牛扒，晚餐A菠蘿海鮮炒飯, 同一個gelato 朱古力雪糕，有配上鮮牛油餐包！貴族牛扒🐮($208)屬於牛肩肉，價錢雖然唔算平，但叫得貴族真係唔同d！相對於一般扒房，肉質更為鮮嫩，唔會有根咬唔爛；肉味係香口而唔會有重牛膻味，個人建議配黑椒汁，非常好味！菠蘿海鮮炒飯($71)如圖所示，都有唔同種類既雜錦海鮮，菠蘿甜味多汁，唔會炒到霉曬，有提子乾（個人覺得咁先正宗），鑊氣夠，唯一係個人覺得可以鹹多少少！Gelato(跟餐加$10)個人被佢既特飲金牛黑牛幾種吸引，但今次淨係叫左Gelato 雪糕！有驚喜！朱古力味香濃，入口口感細滑！佢總共有5種味道，想試既都可以試吓其他味道！

第二次幫襯呢間茶餐廳，晚餐時段入場入座率大約7成左右，所以等待入座時間不長。提供4款基本扒餐選擇，惟一要注意的無論要3/5/7成肉類成熟程度都差不多是全熟首先上餐包，普通餐包一個，唔太甜及好鬆軟。好咸嘅蘑菇湯正常檸檬水，冇特別要求，偏淡西冷扒，賣相正常，5成偏熟，汁好傑上菜後由職員淋汁，職員會貼心提醒客人小心枱面個人物品及記得用紙巾遮擋衣物。配搭的薯菜不太新鮮整體而言，菜式可接受，味道偏咸，不強烈推薦。

以前食開尖沙嘴過間分店，依家金鳳越開越多啦！依間分店水準我覺得係差少少嘅，不過黎金鳳通常都係想食個港式餐廳情懷～ 而家好少港式懷舊扒房/餐廳，而且呢個價錢有咁嘅分糧，真係抵食嘅。最鍾意同埋掛住始終都係嗰個熱騰騰，好鬆軟嘅餐包同埋牛油，仲有充滿金鳳特色嘅白/ 紅湯🍴💕

今晚嚟到呢間港式茶餐廳食飯，餐廳專食扒餐，由於我哋實在太鍾意食肉嘅關係，二話不說就決定食呢間，由於係晚餐時間，餐廳門口都幾多人等，可想言之，食物質素應該好唔錯👅👅我哋係坐卡位，位置寬敞又坐得舒服🫡我哋分別叫咗兩個是日晚餐😍一個係海鮮三文魚燴意粉🍝另一個係鐵板牛扒餐🤭我哋兩個都揀咗羅宋湯，超好飲，入面好足料，勁多蔬菜，同埋湯嗰酸甜調味啱啱好☺️佢哋仲跟個餐包，個餐包熱辣辣又軟綿綿，好正！海鮮三文魚燴意粉🍝：勁多三文魚🫣而且煎過好香口。同時仲有啲海鮮，例如八爪魚粒，蜆肉粒，蟹柳等，非常足料🤘🏻重頭戲就係個鐵板牛扒餐❤️有齊一頭盤、主菜、甜品同飲品🤗頭盤竟然係鰻魚配沙律😋然後份牛扒係配司華力腸，成件事好得意好有港式風味🫣同埋啖啖肉嘅感覺真係好正☺️最後，我哋兩個仲叫埋黑牛同紅牛飲，佢哋係用意大利雪糕🍦黑牛就成日聽得多，原來仲有紅牛，佢係士多啤梨雪糕加利賓納，味道好清爽好舒服😳我好鍾意，佢哋仲有隻叫金牛，係芒果雪糕加忌廉，下次一定要試埋呢個🥳

細個已經食過金鳳，突然想食，但好似間間都好多人，所以我哋決定搵一間冇咁多人嘅分店。介紹同埋呢度方便泊車，就係餐廳隔離。（奉勸各位千祈唔好拍泊街，因為我見到有人泊低左唔夠10分鐘就俾人抄咗牌）可能時間尚早都唔使點等位就有位喇，個環境都算坐得寬敞，唔會太迫！雖然當時d阿姐勁忙，但我哋又問廁所喺邊，又問呢樣果樣都冇燥底，服務ok wo個羅宋湯值得一提，足料㗎，又夠濃，唔係加水加到好稀果隻～～我地分別叫左「貴族牛扒-美國牛肩肉」6成熟& 大蝦牛柳7成熟貴族牛扒好嫩口，咬口彈牙有肉汁，我地+$2多蒜如果再多啲就會更好，大蝦牛柳-對比6成熟，我個人認為6成熟好食d(可能我比較偏向食生少少）大蝦都夠大隻，重點係有膏份量好飽

好耐冇食鋸扒啦，好掛住個個（炸。。。炸。。。）既感覺啦，所以就黎左呢間親民但高質既港式扒房-----金鳳大餐廳啦👏🏻👏🏻👏🏻👏🏻👏🏻金鳳就係食港式扒房，一入到就黎完全係感受到年代感，就係個個情懷啦，雖然唔係西餐個種情調🙈，但就係濃濃既港式味道，懷舊，年代感，呢個真係冇得輸👍🏻👍🏻一紅一白，配埋實的的既包包，佢仲有點熱熱的，再放埋個牛油入去，不得了🤤🤤🤤不論紅湯定白湯，都係好香濃同足料，唔會係冇野比你咬，一d都唔手軟咁💪🏻💪🏻💪🏻美國德州頂級西冷餐我簡左五成熟配蒜蓉汁（重點要有鐵板😂😂😂😂）炸個下既儀式感拉滿😘😘😘頂級即係頂級，香濃既牛牛味，廚師掌控熟成度技能高超，會預埋用鐵板上整生啲，咁樣上到檯就唔會overcook另一個餐簡左雪花牛小排套餐，呢個就冇簡到鐵板啦，但上枱一樣做到五成熟👍🏻👍🏻👍🏻不得了丫，掌控度滿分而呢個同西冷比起黎偏重油香，好好食兩個餐既配菜薯條薯格都做到外脆內軟，唔係翻炸再翻炸果啲。不得不提個汁汁，非常多，唔會好小氣既，個汁汁係淋到滿瀉的，唔需要再問職員拎汁汁，加分加分餐飲簡左個出面少見而且又好好飲既鹹柑桔蜜特飲，食左咁多肉肉，飲左佢可以幫手解解個油膩感，棒棒的

金鳳係我平時嘅飯堂之一，呢到嘅晚市套餐除左大份夾低食外，鐵板餐同樣係幾抵食同大份😋雖然要等位，但上菜速度就好快，落單一陣已經有得食☺️🌟帶子牛柳餐 $168跟餐湯、餐包、餐飲點左款鐵板牛扒餐，仲有兩粒帶子，味道都幾鮮甜。牛柳有兩塊，七成熟切開見到粉嫰嘅肉，入口非常軟腍，完全唔會韌👍🏻仲有薯菜，加入黑椒汁非常惹味😝另外可以揀蒜蓉汁。飲品加$15升級黑牛，係我最愛嘅懷舊飲品，唔係咁多地方有得飲咖😬🌟 芝士咖喱牛腩焗飯 $74晚市套餐包左餐包、餐湯同飲品，呢個焗飯份量十足，咖喱牛腩鋪滿成個焗盤，加大量芝士令牛腩更香口感更正😆呢個份量細食嘅人可以考慮share食🤭飲品加$15升級雪糕紅豆冰，大杯又有雪糕食🤤

金鳳大餐廳開左唔少分店，啟德竟然都有一間，真系有少少驚喜。裝修同其他金鳳差五多，中西扒房，卡位同正常凳位都有，但系位置好似闊落少少，唔知系未錯覺。事關上次無食到距地噶貴族牛扒，今次索性補翻。另外就系例牌牛小扒。白湯忌廉味濃郁香滑，跟餐餐包熱辣辣，好軟淑，搽埋牛油。嗯~系金鳳的味道。美國貴族牛扒：鐵板上，半熟，勁厚切。食落口感肉質都好鮮嫩，唔韌，牛味香濃，味道唔錯。美國雪花牛小扒：同貴族牛扒一樣，半熟鐵板上。Keep得住質素，肉質鮮嫩多汁，入口細膩順滑。因為雪花的關係，個人覺得牛味比貴族牛扒更加豐富而濃郁，味道一流。服務都好正常，落單迅速，收碟快手。P.S 今次竟然發現距地都有晚市套餐，價錢都唔算貴，下次繼續試下。