金鳳大餐廳 (晴朗商場)

營業中

休息中

👶🏻平日夜晚帶埋bb落街食飯，突然間想食扒，所以揀咗屋企樓下呢間傳統扒房。🐂貴族牛扒套餐 $208之前食過晚市套餐，今次想試下食貴啲嘅牛，試下個分別！佢可以鐵板或者碟上，嚟得扒房梗係食鐵板啦！牛扒size適中，肉質嫩滑，牛味堅重！有對比有傷害，真係俾貴啲有分別！配薯菜，唔知可唔可以薯條用碟上呢😆招牌牛柳餐 $130建議大家可以嗌五成熟樓下，因為鐵板有熱度，會繼續burn，所以老公食食下話有啲老。本身味道都唔錯，不過食咗貴啲就真係食到分別😆但佢勝咗實惠，有厚度，夠飽，啱老公食😌Waitress好細心，見到我帶住手抱bb，特登留張卡位枱俾我，值得一讚👍🏻

好少黎啟德呢邊食野，見到有金鳳大餐廳，就入左去試下！見到menu有超多款扒可以揀，淨係牛扒都已經超多款，有唔同部位同埋產地，總有一款岩心水🥰我地就揀左美國安格斯肉眼扒餐同埋西冷牛扒餐，一份揀左黑椒汁，一份揀左蒜蓉汁。一上枱見到好大塊扒，真係好有滿足感呀😍啱晒我呢d食肉獸！兩份扒都揀左鐵板，因為我地都中意落汁個陣，「咋」一聲，覺得咁先有feel😂 如果唔想要鐵板嘅朋友都有得揀用番碟上。呢方面幾細心！美國安格斯肉眼扒，揀左五成熟，好有牛味，有少少咬口，但都唔會好韌。配左黑椒汁，夠晒濃味，正！西冷牛扒，都係揀左五成熟，口感軟稔，好厚身😍 好夠份量個餐包左餐飲、湯同埋餐包，真係超多野食，好中意呢度d餐包好柔軟。

今日去左啟德，搵朋友之後去了晴朗商場搵食，見到有出名嘅金鳳餐廳！ 金鳳餐廳係人都知係老字號嘅鋸扒餐廳！二話不說入去食。佢有新穎嘅裝修，但亦保留經典嘅原貌，餐牌都好多選擇， 我揀咗招牌雜扒餐！餐是包了餐包同湯的！ 有羅宋湯同埋忌廉湯選擇！餐包配美味嘅牛油，熱辣辣上碟，軟熟美味。 另外飲品方面，而家有四款特別飲品選擇，分別係有金牛，黑牛 ，紅牛同埋白牛四個飲品款式！只需跟餐加15蚊就得啦！另外雜扒餐方面加兩蚊就有新鮮嘅蒜蓉做配菜，雜扒餐有牛扒：大大塊汁多肉，厚豬扒：林而彈牙，有好有豬肉味，另外再配腸仔同餐肉！薯條亦都份量多同脆口新鮮！我朋友就點了牛柳餐，可以自己選擇幾成熟，上碟同樣可以有蒜蓉汁同黑椒汁選擇加上，在你面前倒落鐵板上，炸炸聲，很香很吸引，揀左5成熟都岩岩好，肉汁豐富，好食！總括嚟講十分之有質素，而且價錢亦大眾化，百零蚊就可以，超值！

和對歷史有興趣的姪女乘搭屯馬綫去啟德地鐵站參觀附近啟德大道公園展板上的舊啟德機場照片和亨用遊樂埸設施後，一同散步去附近的晴朗商場覓食，無意中發現歷史悠久的金鳳大餐廳在這裡也開了分店，門面全是清澈透明的玻璃，感覺時尚，餐廳裝潢實而不華，也有舒適卡座位，牆上掛上介紹老闆大叔的威水史照片。有多款主打牛扒套餐，美國牛扒有安格斯肉眼扒、貴族牛扒美國牛肩肉、西冷牛扒和美國雪花牛扒等等….街坊價有牛扒套餐的招牌牛柳、香燒羊扒、豬骨牛扒、和西冷牛扒餐等等….我倆Share腍嫩牛柳餐和羊扒餐，配上酸酸甜甜羅宋湯、綿滑濃郁粟米忌廉湯和牛油餐包，另加新產品香脆脆炸手指魚。下次過來要試吓平民價錢的超值午餐，同樣也包牛油餐包、羅宋湯或粟米湯、餐飲。

老字號港式扒房🥩講起香港扒房真係人人都會諗起佢雖然話係老字號 但裝修一點也不老環境燈火光猛 充滿香港風味🇭🇰餐牌食物種類豐富除咗鋸扒仲有好多其他選擇焗飯意粉都有我地就一心想鋸扒🤣😁落完order好快就上餐包🍞麵包夠熱好鬆軟會附上牛油搽麵包🧈餐湯🍲有紅湯同白湯紅湯都幾多料入口有濃郁蕃茄味好飲👍🏻🥩西冷牛扒餐 $123 & 🥩招牌牛柳餐 $125薯條可另上👍🏻鐵板超熱🔥啲醬汁倒落去Jarjar聲叫左5成熟 黎到時都有見紅👍🏻幾好肉質軟腍有咬口係鋸扒好去處✨

有朋友搬咗去啟德附近今日去參觀佢嘅新居搵餐廳食時 佢就提議我食 金鳳 食平靚正入到去坐卡位 闊落同舒服 揀野食已經聽到餐廳周圍都係"咋咋"聲係鐵板餐嘅香味所以我同朋友被吸引 都揀咗排食 我個人比較貪心所以就食特選晚餐有齊湯，包，Starter, Main, 同甜品，野飲我朋友就揀咗 招牌牛柳餐 餐湯 我地兩個都揀忌廉湯都幾creamy 麵包都好軟熟 頭盤係吉列鳳尾蝦沙律 吉列蝦剛剛炸好 熱辣辣 同 好脆沙律就酸酸甜甜 幾開胃 D 排嚟到 侍應阿姨好好服務 幫我地淋汁 即刻到我地枱 "咋咋咋" 塊鐵板好夠熱！ 我果份係 鰻魚拼西冷牛排 塊排好大塊(就嚟大過個鐵板）啱哂我呢d 食肉獸 好香！仲有不得不提嘅薯條，點埋d 蒜容汁好味朋友都話佢嘅牛柳好香牛味！ 最後仲有我個餐嘅雪糕佢餐牌寫係意大利雪糕今日係跟綠茶味（啱啱好，係我嘅最愛）唔會太甜 香茶味～總結：呢個價錢 鋸到質素不錯嘅排，確係性價比之選 侍應阿姨雖然全晚好忙，但好好態度又會提我地小心彈汁，小心辣親！

里間我相信好多老一輩都聽過啦，我之前都同過屋企人都食過，今日見到原來啟德都開咗!!新區有，正咼!入面裝修新淨啲，而且無咁多油煙🤣舒服好多，而且店面亦都好大，人同人之間多咗距離！👍🏼今日叫咗個扒同晚餐!2款都包餐包，西湯同飲品🥳貴族牛扒套餐 $208佢配有薯菜！用鐵板上嘅，一上嘅時候勁厚勁熱！！我哋話5成熟，入面都真係有啲鮮嫩👍🏼店員會係你前面幫你倒黑椒汁，一倒就「咋！」一聲！！勁香！！！好吸引！我就淨係負責食，唔知佢係邊個部位呢？🤣但係佢比一般嘅西冷牛扒都好食，佢唔會好un ，超juicy 仲見到啲肉紋好清晰😚好食呀海鮮燴煙三文魚意粉 $72呢個配搭好夾👍🏼三文鮮嘅咸味鮮味吊起咗成個意粉！入面仲有好多海鮮呀，有魷魚，八爪魚，蜆肉，蟹柳，仲有3條高質蟹柳🤭好豐富㗎！我仲加咗$10要朱古力雪糕比想像中更濃更好食🤤勁冰!!絕對係完美句號😝

區域：啟德店名：金鳳大餐廳 （晴朗商場）選擇：港式/ 西式扒房價錢：$53以上 （人均＄53）lunch time 價飲品：包餐包：包餐湯：忌廉湯/羅宋湯味道：4/5份量：大份，正餐可配 飯/意粉/薯菜/沙律（好豐富嘅一餐 而且抵）環境：茶餐廳環境 卡位 坐得舒適整體印象：5/5 （平民價份量豐富抵又好食）地址：九龍城德朗邨沐虹街12號晴朗商場地下B003-004號鋪（啟德站A出口行4分鐘）

18-08-2022的午餐就咁浪費了……究竟係幾大大大師級嘅廚藝？可以煎到咁黑而里面係生嘅，連地獄廚神都不如，呢間嘢真係越嚟越不知所謂，我連拎去換嘅動力都冇啦⋯⋯

今日辛苦咗成日，仲要搞到OT收場，放工搭車返到啟德巳經晚上8點半了。回家途中經過金鳯大餐廳，心諗：一定要食餐好獎勵一下自己。決定叫個雜扒飯黑椒汁/ 羅宋湯/凍檸茶。牛扒很有咬口，豬扒大大塊，鬆軟餐包。足料👍🏻👍🏻

新開食過一兩次，貪係樓下唔洗等位，啟德區冇咩選擇，見佢裝修完好耐冇食過啦就又去試吓扒既厚度適中啦，個汁一般般，薯格算脆口既，其實係鍾意鐵板keep住熱度食，性價比一般

本人提議改名做金鳯茶餐廳，由職員態度到食物質素都唔配用“大餐廳”三個字！完全唔明點解要問我件扒要幾成熟？3成你比8成，5成你比9成，不如直接全熟比我啦！問左又做唔到，多餘問！定係問左就叻D，似大餐廳嗎？

提取外賣時受到不禮貌對待，坐在收銀處的女士！I was really unhappy with her. I just wanna pick up my lunch. Those attitudes were unexpected.

好耐冇食有啲掛住個羅宋湯😍雖然冇咩粒但味道好濃郁。餐包仲熱，配埋一齊好味😍雜扒份量超多，女仔多數食唔哂🤣豬扒同牛扒都好淋好香😍荷包蛋入面仲係流心😆黑椒汁好香好惹味，又唔會好辣🤤不過個飯就煮得好一般，好散好淋🥲同埋啲姐姐都好好人，街坊生意咁😍😍雜扒飯套餐 $76味道 | ❤️❤️❤️❤️抵食 |❤️❤️❤️❤️環境 | ❤️❤️❤️服務 | ❤️❤️❤️❤️❤️推薦 | ❤️❤️❤️❤️5個❤️為滿分

嗌餐好似俾人追債咁🙄🙄個阿姐全程黑面 講嘢唔清唔楚 要人問好幾次先肯講不特止 個態度仲要好似我爭佢錢咁 嚟呢度食嘢真係要諗清楚 喺佢未被炒魷魚之前我都唔打算再光顧了🙄🙄👎