金鳳大餐廳 (晴朗商場)

營業中

休息中

被譽為平民扒房的老字號，創立於1969年，主打懷舊鐵板餐，每到午巿晚巿時分，更座無虛席。🥩招牌牛柳餐🥩牛柳色澤紅亮，肉質細嫩，上枱時還有「滋滋聲」，香氣十足，鐵板的高溫能鎖住肉汁，口感好豐富，每款扒餐也有大量薯條及蔬菜墊底，再配合惹味香濃的黑椒汁或燒汁，非常惹味。🥩T骨牛扒餐🥩T骨牛扒有兩種不同肉質，肋骨及脊骨形成，外層燒得焦香，份量好大，非常吸引，油脂豐富而分佈平均，嚼感帶筋，肉味濃郁。

好多人都話食金鳳，就咁多年都冇食過。今晚新年去啟德探完親戚，夜晚又唔知食咩好，見到附近有金鳳又唔想食小炒就去鋸扒。呢度啲員工做嘢超有效率，見到個微波爐櫃裏便一次過起碼叮10個以上嘅餐包。但係啲餐包出嚟又係暖又鬆軟。羅宋湯正常酸度啱啱好。屋企人個蕃茄豬扒意粉同埋咖喱豬扒意粉嚟咗先，咁就偷嚟試吓味。個焗豬扒好似以前細個喺大排檔食嘅味道，係有少少偏酸，但係好醒胃。不過豬扒個份量就少咗啲啲。另外個咖喱豬扒個咖喱汁純粹超港式就係以前中學嘅時候喺大排檔食嗰種感覺。試咗個咖喱豬扒幾厚身，唔會嚡口同乾。其實點餐嘅時候見到其他人點好大塊牛應該係牛柳嚟嘅，但係始終第一次試就就食個普通牛扒，同埋晏晝喺長洲飲完茶其實未太肚餓。雖然話好港式嘅牛扒，但係食落唔會太重梳打粉醃過嘅感覺。五成熟鐵板上剛剛好，喺近筋位有少少韌係可接受。其實呢個份量一塊已經好滿足。下次餓啲嘅話可以試佢個牛柳。事次用餐為自費。

一直對港式扒房有份情意結☺️成日經過金鳳都話下次要食，終於成事入店後，第一印象係裝潢比較新穎，大概係因為晴朗村係一條比較新嘅屋村吧～餐廳主要做街坊生意 四圍既食客都係一家大細 甚至有人食緊生日蛋糕慶祝生日tim 人情味甚濃🤍我哋三人叫咗鐵板雜扒餐、鐵板雞扒餐、嚤囉飯餐（咖喱雞扒飯）。上枱一刻大家都不若而同嘩了出聲，如果扒餐對女仔嚟講實在太大份啦(⊃｡•́‿•̀｡)⊃白湯、紅湯都𝐨𝐫𝐝𝐞𝐫咗，好大碗呢～隨餐仲各有一個餐包😋♡︎羅宋湯飲落有蕃茄味仲帶點點辣辣地、湯既蔬菜都幾足料٩(◕‿◕｡)۶♡︎忌廉湯飲落比較𝐜𝐫𝐞𝐚𝐦𝐲 ，有粟米粒🌽，唔會話好稀( ̀⌄ ́)♡︎美式雜扒餐上餐後，店員會因應你的喜好淋上黑椒汁或蒜蓉汁！渣渣聲好有feel!雜扒餐超豐盛啊，有牛扒、豬扒、雞翼、香腸，同埋火腿。每款肉都好大塊，啖啖肉，好惹味。♡︎鐵板雞扒餐雞扒有兩大塊，一樣咁豐盛呀，好驚喜薯菜除咗有薯條，仲有翠肉瓜。份量多，食到捧住個肚走。♡︎摩囉雞扒飯咖喱汁好出色，飯底都炒過，咖喱汁撈飯相當惹味。

今日我同老婆去咗金鳳大餐廳食晚餐，呢間餐廳位於九龍城嘅晴朗商場，環境好靚，氣氛輕鬆，非常適合情侶約會。我點咗每月精選晚餐，包括羅宋湯、鰻魚沙律，同埋五成熟嘅鐵板西冷牛扒，仲有司華力腸。最後，我仲選咗即磨嘅凍咖啡同埋芒果意大利配方雪糕。羅宋湯味道濃郁，湯底好香，鰻魚沙律就清新爽口，搭配新鮮嘅配料，唔會太膩。牛扒煮得剛剛好，肉質鮮嫩，搭埋香腸，更加美味。老婆嘅選擇係海鮮燴煙三文魚意粉，味道好好，煙三文魚嘅香氣同新鮮海鮮完美結合，意粉煮得啱啱好，口感非常好。佢仲點咗一杯紅牛飲品，呢款飲品係士多啤梨雪糕加氣泡水，既清新又解渴。最後，佢享用了忌廉湯，奶香濃郁，味道十分滿足。整體而言，今次嘅用餐經歷好愉快，我哋唔單止食咗好味嘅晚餐，仲享受咗一個開心嘅晚上，真係好幸福！

職員態度惡劣，極趕客！！！雖然食物質素尚可，但真係完全坐得唔舒服，唔夠半個鍾叫你讓位。成200蚊一個扒餐，咁嘅服務，真係擔心你挨唔住。我亦都開始明白， 點解有啲餐廳真係要執笠。

之前細個嘅時候成日都同屋企人食金鳳，而家大咗帶佢哋嚟緬懷一下以前！屋企人都非常鍾意食呢一間餐廳，所以今日就帶咗佢哋過嚟食！我哋叫咗兩個餐，我覺得整體味道都做得唔錯，同以前嘅味道都好似！！忌廉湯同埋雜菜湯，每樣都要一個，我自己個人來講就比較鍾意忌廉湯，口感比較濃郁，而且食到有蘑菇，真係懷舊嘅味道！雜菜湯嘅味道都唔錯，都覺得非常開胃，加埋麵包！呢個價錢嚟講，都覺得冇乜可以挑剔，整體上都唔錯！鐵板牛柳五成熟，餐廳最出名嘅當然係佢嘅懷舊牛扒套餐，我就揀咗呢一個鐵板牛柳！個人嚟講鍾意食牛柳多啲，牛柳係牛嘅腰大肌，所以通常呢一個部位嘅肉都比較鮮嫩。而且佢嘅肉質都比較柔軟，唔會話好硬嘅情況出現，餐廳用嘅牛柳質素當然係好啦咁多年老字號，我覺得味道都非常唔錯，再加埋餐廳嘅黑椒汁，真係完全冇得輸，所有童年回憶返晒嚟，仲會好貼心咁叫我哋退後少少，黑椒汁再加埋牛柳嘅味道，簡直係天衣無縫，味道非常好食，而且牛柳中間呈現粉紅色，證明餐廳喺烹調時間方便都控制得非常好，價錢嚟講已經係非常抵食！屋企人亦都食得非常開心.

心目中的平價扒房第一永遠都係金鳳作為啟德居民，簡直係拯救咗我哋因為之前其他商場未開嘅時候只有呢一間餐廳喺我成日都想食-鐵板扒餐：牛扒餐已經包含咗牛油餐包、湯和飲品/餐湯一定會揀羅宋湯餐包都係好正，食得出自家製勁香，完全復刻細個時的口味-黑椒汁係我最鍾意嘅最重要係唔會太鹹真係老字號嘅配方-唯一小小小小缺點係粗薯條真係唔夠食幾次都忍唔住嗌多一份 share-牛扒用鐵板好似溫度通常我都係嗌五成熟一開始看似不太熟但鐵板會加熱，咁就啱啱好啦如果鍾意熟啲七成熟都好夠-牛柳多汁鮮味十足以一百多的價位來說 簡直是天花板小技巧，鍾意食蒜蓉記得要加呢幾蚊就得俾或者兩個人分享一份蒜😆焗肉醬意粉全香港最好食嘅焗肉醬意粉 頭三位舊式餐廳嗰種 粗粗地嘅意粉就係靈魂所在 仲有勁香濃嘅肉醬焗完真係好香唔會好似好多地方短短10分鐘就算 呢度真係覺得火候好夠意粉先至入味仲有晚餐 份量多味道good

經過晴朗商場嘅金鳳大餐廳，就有啲想鋸扒🐰🐰🐰今次同朋友食左👉🏻 美式西冷牛扒餐（七成熟）（蒜蓉汁）：腸胃麻麻地所以今日叫返熟啲，七成熟的西冷牛扒配上蒜蓉汁，超大塊超厚身牛扒保持了肉質的嫩滑，搭配上蒜蓉的香氣同埋 蘿蔔翠玉瓜同埋薯條，基本上唔駛飲餐湯同食餐飽其實份量已經幾多👶🏻👉🏻 羅宋湯：依度嘅羅宋湯唔係茄膏開嘅， 好多新鮮雜菜配料 👍🏻👉🏻 松露汁燴雞扒飯：松露汁燴雞扒飯 啱曬我，畀咗好多汁👶🏻👶🏻👶🏻 松露汁香氣撲鼻，雞扒肉質鮮嫩👍🏻👉🏻 芝士忌廉汁焗西蘭花：西蘭花的清甜搭配上滿滿焗得香脆嘅2芝士忌廉topping, 口感豐富👍🏻

唔好再咁樣嘅服務太度，明明有很多坐位，都要將新入來客人搭枱，唔好再喺咁，冇人來幫襯，個個都唔來啦，喺咪想快啲執笠，香港飲食業冇啦，個個都北上了，真惜現有嘅客人啦，我們想唔想見到香港喺咁，幫幫忙啦，做好啲

安格斯肉眼扒 $200 薄到呀媽都唔認得！ 正宗搵笨！個肉味好淡 Cheap扒 … 仲要揼到佢咁薄身 咁軟嗱嗱 …. 真係無言 無錢唔會食佢 有錢更加唔使食佢，無下次 ！！塊扒$200 有$150 應該係食緊租

不知道大家心中的平民扒房是哪一間呢？我和朋友平日都很喜歡鋸扒，但如果太貴實在難以負擔…而我們最經常去的平民扒房就是「金鳳」。晴朗商場這間「金鳳」茶餐廳主要做街坊生意，所以店內的姨姨態度都很親切，好像左鄰右里一樣。我最近品嚐了「金鳳」的美食，特別喜歡他們的鐵板牛柳，五成熟的鐵板牛柳，搭配濃郁的黑椒醬汁，軟淋嘅牛柳真係無敵🤤！而且，重點‼️重點‼️重點‼️牛柳份量真係好夠，包你滿足😌唔夠個底仲有薯條同翠玉瓜🤣一定夠飽！我們叫的是套餐，所以他有包含餐湯（紅湯、白湯）、餐包和餐飲。他們的餐湯十分足料👍🏻而餐包喺令人驚喜的亮點，這些餐包非常鬆軟熱辣辣，再加上牛油🧈，真係不得了。如果您正在尋找一間平民扒房，而且要性價比高，我強烈推薦您造訪金鳳大餐廳！🙌🏻

今晚女兒話要食牛扒，於是系屋企附近金鳳餐廳食牛扒，我叫做一個T骨牛扒，上到嚟已經唔算熱，沒有鐵板燒的啫啫聲音！阿女切左一塊肉吃立即又吐出來話好多根，再切又係咁，吃到好惱！根本成塊牛扒全部系根，中曬伏！同啲樓面反應，聽左當無嘢！叫收銀員比客戶服務熱線卻比分店電話卡片，無語！😡😡😓

美國安格斯肉眼扒餐 $188 5成熟 鐵板上美國安格斯肉眼扒店員推薦5成熟，可以揀鐵板或碟上，我地揀左黑椒汁，塊牛扒超大，大過個鐵板，用安格斯肉眼扒好juicy，牛味較為突出，口感較豐富招牌牛柳餐 7成熟 黑椒汁 $135牛柳非常腍，較厚身但唔會韌，好易切開，牛味相對無安格斯咁多，但整體性價比高，份量大，如果細食既一定食唔晒基本上全部扒餐都有波浪薯條，仲有翠玉瓜同紅蘿蔔墊底，跟餐連餐包、 餐湯同飲品凍飲唔使加錢 餐湯有紅白兩款選擇兩個餐我地都揀羅宋湯，辣辣地好重牛肉同蕃茄味，仲有大量雜菜，餐包溫熱非常軟綿綿，夾牛油一齊食好正

成世人未食過咁「特別」嘅扒房…… 講到咁出名咪走去食，啲牛扒鬆到呢…… 落咗好多鬆肉粉咁，一·啲·牛·肉·味·都·冇！啲扒又多筋……明明嗌咗5成，嚟到係7成，燒多兩燒變全熟……薯條墊底，全部淋曬=_= 又索曬d油，好難食……個焗西蘭花又係冇味，白汁冇味，個底仲勁多烚完西蘭花嘅水，浸住西蘭花，溝埋白汁，水咁淡……得啲芝士好食d……杯好立克淡到，浸味似落左好少粉但加左好多水個隻味……員工態度又好差，食完仲好濟好膩，冇下次！！！

Hadn't had any local steaks in a while. What's better than a freshly fried steak served on a sizzling hot iron plate during winter? This time we visited another branch of Golden Phoenix located in Kowloon City. Borscht Soup, Tenderloin w/ Extra Garlic, Lemon Tea as always!The soft and fluffy bread was warm enough to melt the butter. Dipping it in the rich and appetizing borscht soup filled with veggies was a different way to enjoy.Ordered one tenderloin with the savory garlic sauce and another o