金鳳大餐廳 (晴朗商場)

營業中

休息中

最近，時常都會去啟德附近探朋友，一起吃晚飯，聊聊天。早兩天，朋友說要懷舊一番，帶我去了擁有50年歷史的金鳳餐廳，吃頓晚飯。在金鳳餐廳，必然要點牛排港式西餐，我今次當然都點了牛柳鐵板餐，還加點錢，轉配金牛飲品。金牛飲品，即是芒果雪糕🍧加忌廉汽水💗。服務員會給你一杯已有雪糕和冰的杯子，而汽水分開上，然後，你自己將汽水倒進杯子，我最愛就是這時候，汽水與雪糕一碰上，就產生一層厚厚泡沫，很好正的。😋😋😋這個飲品，相信已不多餐廳有售賣。鐵板牛柳也沒令我失望。大大塊牛柳，非常嫩滑，還有傳統厚粗薯條伴碟。服務員再淋上洋蔥汁，熱騰騰的，我看著白煙一柳柳上升，襯托“pi nic pi nic”的聲音。不知怎的，心情都愉快起來。😊就這樣，渡過了一個快樂晚餐時間。將來有機會，一定會再來。

原本今日行 Airside 在裏面食肆晚膳,但很多人排隊,所以行到去朗晴商場,知道嗰度有間金鳳大餐廳食牛扒餐, 早去唔使等位, order 咗牛柳,6成熟, 買相好, 好淋,有肉汁, 好好味, 牛扒沒有梳打味, 又大份, 重有牛油麵包,羅宋湯, 性價比高,好耐都無食過咁好味嘅晚餐,大滿足

而家港式嘅扒房買少見少，算得上高質嘅呢間一定有份！呢間港式扒房各區都有分店，都算得上係老字號，主打各式扒類套餐，都有扒意粉/飯可以揀，啖啖肉，人均$150都唔使，性價比超高！扒類套餐包餐包、餐湯同嘢飲，舊肉係放喺鐵板上，保持到個溫度之餘，都更有鑊氣，平日夜晚時段嚟，已經滿座，人氣爆棚！------------------------------🥩◖貴族牛扒套餐◗ $208用上美國牛肩肉，肉質厚實，切開佢仲有啲肉汁流出，肉味濃郁！配上佢哋嘅蒜蓉醬，淡淡嘅蒜味，更加襯托到牛肉嘅味道！🥓◖西冷牛扒餐◗ $133呢個西冷牛扒有成塊面咁大塊，比較薄身，肉質易咬唔韌，揀咗黑椒汁，味道偏辣，會蓋過咗牛嘅肉味～🍞◖餐包+餐湯◗ 跟餐每個扒餐都包一個牛油餐包同一碗餐包，餐飽暖暖哋，口感好鬆軟；餐湯可以揀羅宋湯同白湯，揀咗羅宋湯，有唔少湯料，濃郁嘅蕃茄味，味道酸酸甜甜帶少少辣，特別開胃🍋◖凍檸茶◗ 跟餐茶底唔澀，正正常常🌟 Encore指數：9.1/10

鐵板牛柳餐嘅飯非常鬆軟。飯嘅表面煎得微焦，令飯嘅口感更加豐富。我覺得飯係鐵板牛柳餐嘅另一個靈魂。飯鬆軟入味，可以令食客感受到牛柳嘅鮮味。我覺得餐廳嘅鐵板牛柳餐嘅蔬菜非常新鮮，而且非常清脆。蔬菜嘅口感可以中和牛柳嘅油膩感，令整體嘅口感更加均衡。我覺得蔬菜係鐵板牛柳餐嘅調和劑。蔬菜嘅清脆口感可以令鐵板牛柳餐更加美味可口。

金鳳聽過幾次，食都食過幾次，每次都有好嘅回憶🤣今次路過見到又心思思🤣6點半左右已經有好多一家大細，放工大人獨自晚餐！里間分店幾好坐咼！有卡位，都好舒服👍🏼美國德州頂級西冷牛扒 $183里個真係第一次叫🤣平時食開150內嘅扒，不過質素真係有分別😆大塊好多，而且肥瘦比例更加好，所以食落仲係好juicy!! Even 我地overcook🙈我哋掛住食其他野，由佢繼續係石板燒，所以就入面唔見紅🥺我想像到5成熟應該更好食！英式芥末子牛柳粒 $99又幾特別!!想像係黃色，點知出嚟係紅紅地，而且無芥末嘅辣，所以都幾好食😚牛柳粒好嫩，切到細細粒，一啖一舊啱啱好！！兩個餐都各自跟一個湯，餐包，飲品👍🏼好豐富呀都！食完飽哂lu☺餐包熱辣辣㗎！！

行完啟德新商場，上OP 搵到附近有呢間据扒，以前要出去太子先有，而家附近就有一間，立刻去試試。門外都多人排隊，等咗15分鐘左右先有得入。我們點了一份鴛鴦扒餐（豬及雞）及香燒羊扒餐，餐湯要紅湯（羅宋湯）。先上餐包及羅宋湯，餐包香軟熱辣辣，配牛油好正。羅宋湯非常真材實料，番茄味濃郁，微辣，配料有椰菜，紅蘿蔔，青椒洋蔥等，啖啖都食到配菜，是傳統扒房的味道。然後到主菜，鴛鴦扒餐及香燒羊扒餐，店員十分貼心，幫我地加醬汁前請我哋先用餐紙擋一擋臉。熱辣辣的鐵板扒餐，一加汁就香味四溢，真的很久沒有食這種傳統扒餐了。羊扒配蒜蓉汁，羊扒有三大支，支支都厚肉半肥瘦，點了八成熟，切開有粉嫩色，煎得剛剛好。羊肉味重，配埋蒜蓉汁更合味蕾。鴛鴦扒配黑椒汁，雞扒煎得剛剛好，唔會太乾。豬扒是半肥瘦，透過鐵板加熱更好，配濃濃黑椒汁，perfect~配菜翠肉瓜及薯條都沾上醬汁後都好好味～餐飲點了一杯凍檸茶及凍奶茶走飲管，茶味夠濃很不錯～要讚一讚呢度服務很好，會提醒客人用餐紙遮臉，亦記得客人需要走飲管，有用心服務👍🏻

係無咩選擇下嚟到金鳳食晚餐🌚星期日晚唔洗點等位就入得，對於唔鍾意等位嘅我，依個算係比較可取嘅一點🙈✴️餐湯&餐包✴️餐湯好大一碗🫢羅宋湯料都算足夠，不過唔太酸，亦都無酸酸辣辣嘅味道，不過不失🫥餐包都係大大個，拎上手微暖，尚算軟熟～✴️鐵板牛柳餐&鐵板西冷牛扒餐✴️姐姐即場淋汁，炸炸聲出哂煙🗯️牛柳一份有兩塊，西冷牛扒就大概有兩隻半手掌咁大，配有翠肉瓜粒同薯條～兩碟牛嘅肉質都係怪異地腍，唔洗點咬就爛，可能無牙嘅公公婆婆都食到，質感較差，缺少牛扒應有嘅口感🤨蒜蓉汁都係普通，好快就杰撻撻🫠✴️凍檸茶&凍檸水✴️另外張枱本身唔大，但飲緊湯嘅時候牛扒已送到，於是姐姐就豪邁地推走你碗湯，一度更想收走去🥲所以食得比較狼狽，好趕時間🙁

心血來潮，突然間好想鋸扒，老公仲未收工，唯有帶個仔去，太子店又嫌唔就腳，鐵路沿線啟德站較為方便，出閘行幾分鐘就到，地方比太子店寬敞得多，起碼食完唔會一身油煙味😅¤羅宋湯跟餐包¤個湯幾足料，餐包又熱辣辣，配埋牛油😋¤招牌牛柳餐(七成熟)¤落單時切記加蒜茸，呢個係靈魂精髓，牛柳經過醃製，口感軟腍¤西冷牛扒餐(五成熟)¤口感冇牛柳咁腍，較有咬口¤白牛¤原來雪碧加雲呢拿雪糕，個仔梗係覺得好飲， 因為夠晒甜😆

以前細個大時大節先有機會去食鐵板牛扒，淋汁時「滋滋聲」係令人害怕又期待嘅聲音，而家懷舊港式西餐廳唔係度度有，今次就去咗金鳳大餐廳嘆鐵板餐。精選晚餐（$178）呢個價錢已包括餐湯及牛油餐包、頭盤、主菜、甜品及餐飲，性價比幾高。先上枱嘅濃郁羅宋湯是經典西式湯品，以新鮮蔬菜和香料熬製而成，搭配香軟牛油餐包，令人滿足。頭盤係日式鰻魚薯仔沙律，鰻魚塗滿香甜鰻魚汁，肉質鮮嫩多汁，搭配薯仔雜果沙律，口感清爽。主菜鐵板西冷牛扒拼司華力腸，以優質西冷牛扒為主角，用熱辣辣鐵板上菜，保留了牛肉的原汁原味，搭配拼司華力腸的濃郁口感和黑椒汁的香辣風味，每一啖都係肉食愛好者的享受。鴛鴦扒餐（$122）嫩滑的雞扒和鮮嫩的豬扒相互搭配，搭配蒜蓉汁的香氣四溢，為菜餚增添豐富的口味層次。芒果味意大利配方雪糕，以意大利配方製作，質地細膩滑順，味道又香又甜，每一口都充滿了芒果的風味，清新風味十分解膩。跟餐不用再加錢就嘆到經典港式飲品，凍港式奶茶，口感順滑，完全不會苦澀。凍即磨咖啡富咖啡的香氣和風味。

細個好鍾意叫亞媽帶我食鐵板餐，牛扒配黑椒汁，上菜果陣吱吱聲再落埋黑椒汁即刻噴D煙上黎果下幾好玩鐵板美國安格斯肉眼扒餐 ($188 )食落Juicy 彈牙，牛油甘香又外焦內嫩，再配埋多款傳統秘製重料醬汁，分量十足，幾乎蓋過整塊鐵板晚餐F : 海鮮燴煙三文魚意粉 ($76)有3片日式蟹柳同三文魚，唔知係咪俾錯左熟三文魚，不過好肚餓就算啦隨扒餐附送餐湯、麵包🍞和一杯飲品🥤，餐湯有忌廉湯和羅宋湯兩款選擇，叫左羅宋湯有小小辣唔錯，餐包都夠熱跟餐叫左凍檸茶，另外重加左兩杯雪糕($20)士多啤梨同芒果

提早同爸爸慶祝本身想同佢食日本野但太多人吾想佢地老人家等甘耐而且佢地慣左早食飯同佢地去浪漫下食扒3個人叫左2個餐食晚餐鐵板set有湯、沙律、主餐仲要有甜品 $178白湯忌廉湯餐包鰻魚沙律鐵板西冷牛扒拼司華力腸（7成熟）蒜蓉汁抹茶雪糕美國安格斯肉眼扒（鐵板上5成熟）紅湯（羅宋湯）餐飲叫左凍檸檬茶同熱檸檬水食物都好豐富3個人2個餐剛剛好無論食物賣相定味道都成正比p.s. 繁忙時間服務員完全吾夠人落單或者要拎餐具都要叫好幾次先有人拎

喺大角咀讀書嘅年代，已經鍾意幫襯金鳳，時至今日已經開咗好幾間分店，今日就幫襯吓屋企附近嘅金鳳大餐廳。最鍾意幫襯呢度嘅港式西餐，先嚟個暖笠笠嘅餐包，溫度啱啱好唔會過熱，又可以將牛油溶化喺麵包入面。忌廉湯每日都有少少唔同主題，今日就配有火腿粒，味道濃郁。今晚其中一個餐我哋選擇咗每月特選晚餐，配有日式鰻魚薯仔沙律，雖然配搭有啲獨特，不過各自各精彩，兩款都咁好味。嚟金鳳當然係為咗食佢嘅吱吱聲鐵板餐，有黑椒汁或者蒜蓉汁俾你選擇。我哋另外揀咗主餐牌上嘅帶子牛柳餐，兩粒帶子兩邊快煎一下，然後再淋上熱辣辣嘅牛扒汁，令生熟度控制得剛剛好。牛柳夠晒嫩滑，配搭埋蔬菜同薯條真係冇得彈。特選晚餐係鐵板西冷牛扒拼司華力腸，小朋友就最鍾意，而且份量多到真係食唔晒。飲品，我哋都選擇咗配特飲，紅牛係利賓納梳打配士多啤梨雪糕。黃牛就係忌廉汽水配芒果雪糕。特選套餐仲包咗一球指定口味意大利配方雪糕，今日就係綠茶味，夠晒香滑。

哈哈，同friend 去左Golden Phoenix 金鳳鋸扒，係食肉獸的一餐餐廳環境好新淨，紅色主調，紅色卡位凳點咗兩個餐，一個鴛鴦扒餐，有豬扒加雞扒，另外叫咗個佢地既每月特選套餐 - 西冷，有日式鰻魚沙律作為前菜、亦都有甜品：抹茶雪糕，唔會太濃，比較岩我點餐無耐，就上咗餐包 & 牛油，連埋羅宋湯一齊上，餐飽夠熱、羅宋湯夠濃沙律配鰻魚，呢個特色沙律算特別扒餐十分鐘鬆d就送到上黎，一個配洋蔥汁、另外一個配黑椒汁淋汁嗰陣時怕濺到自己，所以真係要拉起張紙在前面擋一擋。同店員講要西冷牛扒六成熟，對我黎講剛剛好，呢個西冷仲配左條大大條既司華力腸，份量絕對夠食😆😆 值得加$2配蒜蓉，扒下面仲有配薯菜（薯條同翠玉瓜）另一個扒餐有兩塊扒，分別係雞扒同埋豬扒，佢哋都好厚身，成塊面咁大塊，所以真係好多肉同埋好夠飽😉餐要了兩杯凍飲：凍檸茶、凍奶茶岩哂夏日消暑今晚埋單$332人均$166，我地都覺得價錢上算抵食😆份量又足夠

九展工作過後到啟德覓食，九展經天橋走到晴朗商場大約10分鐘，晚上六時剛好剩下最後一張卡位。點了一個港式扒餐和一個晚餐，先上中西湯各一和餐包。餐包是暖的，很軟熟，跟牛油和忌廉湯是絕配。朋友說羅宋湯也很有港式風味，酸甜適中，夠開胃。牛扒配帶子點了五成熟，以薯條和翠玉瓜襯底，侍應會即場倒上醬汁，別有一番風味。牛扒接近全熟也非常軟嫩，容易切開，兩粒帶子也有煎封過，格外香口。另外還點了是日晚餐蟹籽卡邦尼炒意粉，蟹籽份量很多，賣相吸引。雖然是炒意粉但也不會太乾身，蟹籽配上煙肉條令意粉味道豐富有層次。兩杯飲品也很有港式風味，跟餐可加錢配特飲。檸檬利賓納梳打酸酸甜甜，非常適合炎炎夏日。黑牛是不少人的童年回憶，朱古力雪糕配可樂的美味讓人怎能抗拒。

今天去了啟德行，然後又忽然想吃牛排，便來了這餐廳吃晚餐。跟餐送的餐包和羅宋湯。餐包很軟熟，挺好吃的，然後羅宋湯很夠香濃，非常好吃。貴族牛排套餐（$208）：牛排選了4成熟，黑椒汁，真的非常香，牛是完全不會韌，很有肉味，夠淋，很香軟，真好吃。然後黑椒味同牛排真的很夾，非常好吃。配菜的薯條🍟，也很香脆很好吃，正。第一次選4成熟的，倒也不會覺得很生，我是覺得剛剛好。不會太生又不會太老，很好吃。美國🇺🇸德州頂級西冷（蒜蓉汁）$183:西冷好滑，一點都不會韌，很淋，而且蒜蓉汁又好香，同牛排都幾夾，幾好食。牛排份量都好多，一定夠飽，都幾抵食。跟餐點了凍檸茶，熱檸水，都幾好飲。最後埋單不用加一，才$430，性價比高。