金鳳大餐廳 (晴朗商場)

營業中

休息中

金鳳食咗超過二十多年。以前食佢要排隊排成個幾鐘。分店開多了,不用排長隊。三點幾食個牛扒餐, 低得食夾大件,味道也有晚餐質量。省了不少一家三口,食了兩個牛扒及一個炸雞比西多士,二百蚊有找,超級推薦。

以茶餐廳來說，是高質素及抵食這個餐貴啲，$78因為是牛肩胛但整得好味薯條脆餐仲有牛油餐包，好好飲又大碗忌廉蟹柳湯凍飲不用加錢唔要薯菜，可選意粉或飯其他午餐套餐都是50幾

晴朗☀️商場附近沒有幾間茶餐廳🍴金鳳係其中一家 食物方面勝在不過不失 例如牛扒之類 與普通的餐廳無異 色相一般 不過套餐方面都會有配搭麵包🥯或者白湯之類 價錢方面可以講適當 之前的裝潢有些舊昏黃 但是現在裝修完之後感覺整個好似寬了些 給人不再是擁擠 不過燈光依舊昏黃 不過店外多數都是外賣居多 如果進店進食都可能需要等上十多分鐘 如果從份量方面評價 應該可以講十分足夠 夠曬抵食 另外我當時食的是牛🐮扒晚餐 我覺得對於學生的我偏貴 主要是牛扒並沒有給我太大驚喜 正常茶餐廳味道 🔥算掌握得OK

OpenRice 11:42落單，想13:15攞。我13:12去到餐廳，佢話未有得攞，唔緊要，去隔離萬寧行個圈。我13:20返去餐廳，佢話都未有得攞，唔緊要。收銀阿姐同我講話今日比較多人，要遲啲出，唔緊要啊我可以等，我去街市行過圈。我13:30返去，有得攞了，不過俾個阿姐鬧，話我做咩咁遲都唔攞……我真係滴晒汗！我準時，你未出，都未有人嘈你。依家你遲到，我等你，但講到好似係我遲到咁，咩邏輯？😡😡😡

openrice 的$28外賣優惠， 牛腩飯，得2~3舊，試過其他金鳳，唔會咁差，啟晴呢間非常唔得。因之前食過其他分店，正常份量。$28 去食普通的兩餸飯無咁嬲，起碼正正常常，即時睇到。啟晴金鳳，完全唔掂，外賣包好晒，拎到番屋企先知中伏。仲要一次過買左兩盒，雙重中伏的感覺。其他金鳳好D。

12點去食晏，05分落左單，20分已經同紅衫執枱嘅阿姐講漏單，佢話知道。結果30分仲未黎到，我好有禮貌咁同佢講漏咗單，佢竟然淨望左眼就走？最尾搵黑衫阿姐先知張單唔見左再落過。我唔會覺得執枱係啲嘢羞家，相反我覺得一間餐廳最重要係執枱，不過人與人之間尊重去左邊？

終於有機會去試下出名的金鳳, 拉了父母去食, 阿媽叫了美國牛小扒餐, 我同阿爸都叫了牛扒帶子餐.  餐湯叫了羅宋湯, 少少辣, 幾好飲. 阿媽叫個份牛扒較好食, 我叫個份就大大份, 不過同其他港式鐵板一樣冇乜牛味,而且過份林.  下次試下豬扒同雞扒. 食呢間食情懷多過味道, 哈哈  

食物上得好快，快到個湯上完三分鐘內已經上鐵扒。如果有埋沙律，保證食唔切。鐵扒底有薯條，不過一加汁，基本上全部浸住，已經係食唔到，除非食開水浸薯條。另外二隻汁都係好淡味，好水。感覺唔落汁仲好食d。如果揀精選晚餐，個扒直頭係差，切開都好難，不過係比較大件，食到既部分大概有一半。其他配料一樣，完全可以唔食。另外職員質素好低，預係大排檔水平，有d職員明明話T骨無貨返，不過另一枱轉個頭order就有。無下次了

今日去食下午茶，叫左一份西多士半份加炸雞髀，再加一碟乾炒豬扒炒烏冬。飲品就叫左個涷華田，加再一杯熱檸蜜。食物先上，味道係正常。繼而等左5分鐘再送上飲品，我太太即時品嚐熱檸蜜，發現熱檸蜜的溫度只比常溫多些少，叫來黑色格衫職員（場內只有黑色格仔同紅色格仔衫職員，黑色格仔衫職員可收銀及數量較少，相信是較為高級）要求換過一杯熱d既熱檸蜜，對方竟然面有難色，眉頭深鎖，之後她叫水吧沖過杯。隔左一陣，黑色格仔衫職員（收銀那位）送上另一杯熱檸蜜，並說’襯熱飲呀！‘請問係暗示我頭先第一杯冇襯熱飲？食物幾好味都無用，黑格衫職員態度差劣。

叫左外賣拎番屋企(啟業) 同過職員講叫佢重新包好D 佢唔肯 話咁放落車仔會穩陣D WOR結果未到麗晶 系架車仔度已經倒左手拎仲衰(2杯都倒晒)叫左黑椒牛柳意粉 凍檸茶走甜薯條雞翼 凍檸茶走甜點知2杯都無走到甜又倒瀉, 又唔走甜...分明唔想我飲野姐...食係好食呀, 但都唔聽ORDER做野..

唔知大家平時多唔多食飯，好食既焗飯先要條件當然系炒飯底，焗完後飯粒粒分明之餘唔會硬過頭，帶輕輕飯焦系最perfect，其次系汁醬同配料夾唔夾，就咁講個飯底已十分考功夫平日行過都見唔少客幫襯金鳳，聽到既都系略好口碑，深得唔少民心既福食，食個中午，冇咁多考究，一於好好感受一下，到底金鳳餐廳系點樣👉🏻 芝士茄汁雞中翼焗飯 $36呢個價錢可唔以食到滿意既焗飯真系相當唔簡單😂份量中等，女人仔夠飽雞既，除左芝士茄汁唔錯外，雞中翼夠入味，焗飯既飯底唔過厚，所以滿足到鐘意食飯焦既朋友，系焗飯嚟講的確唔錯👉🏻熱檸水當然正常，用經典牛奶杯，特別有茶記氣息，哈哈整體來講，金鳳好多食家們相信都去過，一間唔少分店既茶記，近新年連怖置裝飾都帶新年氣氛，相對來講都幾有心機去經營，價錢將貨就價，份量雖然唔算大碟兼抵食，但不往系平民福食，以三十幾蚊搵個焗飯，就算連鎖快餐店都唔易搵，員工落單上餸都快快手手，感覺唔錯

無無聊聊㩒下openrice，驚現有優惠，就是金鳳餐廳的肉醬意粉，半價是$35，不過我倒是不信原價是$70。再享用支付寶折扣優惠，34.7就能買到！為了吃新東西，我去了啟德一躺。餐廳很快便將煮好的食物準備好，一抵步便能拿到。返到公司經過一輪清潔後，一打開盒子，食物還是暖暖的🙌🏻吃下，感覺這個肉醬還是有一種香味的感覺，配合意粉，味道還是十分感覺良好的，而且，每一條意粉也沾上了肉醬，很是開胃。倘若日後還有優惠，我會繼續享用的。

今次走到入九龍城德朗邨沐虹街12號晴朗商場地外B003-004號舖的金鳳大餐廳吃午餐， 餐廳做街坊生意， 午市有很多客人。 午餐有四款選擇， 我點了百里香雞扒飯（蒜蓉汁）＋ 羅宋湯＋ 餐包＋ 凍即磨咖啡$48。羅宋湯味道正常又好大碗， 餐包熱辣辣軟綿綿的，雞扒大塊有肉汁厚切肥美， 蒜蓉汁撈飯唔錯， 即磨咖啡味道香濃， 最驚喜是凍飲不需要加錢㖭！整體來說價錢優惠， 食物質素唔錯。 金鳳大餐廳 (晴朗商場)地址: 九龍城德朗邨沐虹街12號晴朗商場地外B003-004號舖

本來我一直很擔心，擔心如果在九龍購買炸雞髀食品，然後乘坐港鐵跟轉乘專綫小巴，千里迢迢從「九龍城」趕回「西貢」，炸雞髀裡面的雞肉，可能會被膠袋裡面的蒸氣焗到變腍，變腍了就可能不好食。所以我現在如果選購雞髀小食食品的話，通常首先會選擇享用肉質不會在短時間之內變腍放涼的「燒雞髀」，跟著考慮以水淥熟的雞髀，又或者是鹽焗雞髀，最後在沒有選擇時，才會考慮購買「炸雞髀」。又或者如果我在「西貢」市中心裡面光顧食店，又或者在車程相對比較短，容許我能夠在光顧購買雞髀後，能夠在短時間之內趕回家的話，我才會把「炸雞髀」納入考慮範圍裡面。位於「啟德」區裡面的港式茶餐廳「金鳳大餐廳」，就屬於其中一間我可以購買「炸雞髀」，又能夠在短時間之內坐車趕回「西貢」，安心享用「炸雞髀」食品的餐廳食店之一。恰巧「金鳳大餐廳」的「金鳳抵食下午茶」茶餐餐牌裡面，有兩款雞髀食品下午茶食品，名稱分別叫做「懷舊雞髀沙律」下午茶，還有「懷舊炸雞髀配薯條」，除此之外我找不到其他「雞髀」類食品下午茶。所以我乾脆直接選擇「懷舊雞髀沙律」，還有「懷舊炸雞髀配薯條」兩款下午茶食品，我選擇即場堂食享用有炸薯條在裡面的「懷舊炸雞髀配薯條」，至於「懷舊雞

一直知道金鳳進駐九龍東，但見食評一般，未敢獻身。今日行經，見冇乜人排隊，就駁一舖。入座率9成以上，大部分本土街坊，餐牌上的假日午餐如茶餐廳一樣，叫了丅骨及牛扒配意粉，一紅一白湯。喜歡金鳳的餐包，鈎起童年回憶，紅湯味酸濃，雜菜夠多。白湯一般，較稀。丅骨及牛扒味道比預期好，有牛味，份量足，可惜意粉原來係茄汁炒意粉，不是健康之選，但是十足十港式西餐味道，雖然油，但味道十分惹味，最後食咗大半碟。其次要讚的是凍飮唔駛加錢。