金飯館

營業中

休息中

今次同朋友試咗呢間金飯館，我朋友話個炒飯同個豬扒非常好食。咁我就趁住假日就同朋友去咗試下佢我哋就叫咗一個椒鹽豬扒飯同沙爹牛雙蛋飯。一拎到埋嚟就見到啲飯同埋啲豬扒非常靚仔，而且仲非常之大份，我朋友完全食唔曬。首先講下個椒鹽豬扒飯，豬扒炸得鬆脆大份，調味適中。個炒飯非常之乾身，有鑊氣。但係食得太多嘅時候就會感到非常之油膩，中規中矩。辣度適中。而沙嗲牛雙蛋飯，隻蛋係蘭王所以一定係非常之好食，而沙爹牛就正常發揮，不過不失。

牛頭角，一係cafe一係台灣嘢。或者，想再平啲，就”金飯館”，食炒飯，傳聞中香港最好食嘅炒飯。係唔錯嘅，不過可以等大半個鐘先有得食，肚餓或peak hour(包括假日)就要避吓。招牌蝦頭油炒飯，係要試吓。

經過呢餐之後我對呢間餐廳既印象只有炒飯炒飯同埋炒飯🍚LUNCH TIME時間記得早d去排隊，一過左12:15就超級多人叫外賣同埋堂食等位🐖即叫即炸椒鹽豬扒飯需時15-20分鐘，要食就早d叫定啦~即叫即炸係真既，出到黎係熱辣辣好好味，肉同飯既份量都好多，椒鹽豬扒好脆口🦐招牌蝦頭油炒飯 招牌菜就必須要試架啦，佢裡面都有分兩款蝦，急凍同新鮮蝦，帶黎兩款口感，炒飯係粒粒分明，仲好多蛋味~🦪蠔仔肉碎泡飯好多蠔仔，甘先對得住個價錢~個湯都好清甜好夠味🐟焦香煎焗龍躉球飯龍躉味道有d重手，食落偏咸，可以連埋d炒飯一齊都可以中和番既🦐櫻花蝦醬油時菜/ 醋香雲耳菜心份量都幾多，夠大條，而雲耳太酸，中意食醋既朋友就岩曬，如果唔係可以揀麻辣雲耳都得

繼續係豬扒系列，利申都隔咗成十日先再食㗎，只係對上一個post遲出咋🤪一心諗住堂食就可以食到最熱辣辣、最香脆嘅炸豬扒飯，亦係對炸物表達尊重🫡平時屋企炸嘢食，感覺到嗰股熱氣騰騰，都總要攤一攤先夠膽開動，但係今餐我只係影咗兩張相、聽咗一分鐘電話，豬扒連同成碟飯就已經變得微暖，入口冇難度🫠落單到上枱唔夠5分鐘，上枱嗰吓亦唔覺得佢好熱，望住眼前「製作需時 請耐心等候」嘅招牌，真係份外諷刺🥲不過都要讚吓個豬扒真係又厚又大塊，肉腍得嚟，冇我最驚嘅嫩肉粉味，而且外皮夠脆，如果再多啲椒鹽味就更好，依家似係避風塘口味多啲🤔同上一間唔同，呢間碟飯嘅份量係大到要打包走，可以一餐當兩餐食🍚

金飯館嘅椒鹽豬扒炒飯有啲特點，豬扒帶有油脂，但缺乏水分，所以食落嚟有啲乾。不過，椒鹽豬扒放喺炒飯上面，多餘嘅炸蒜為整道菜帶嚟濃厚嘅味道。食完之後，炸蒜嘅香氣仲停留喺口中。不過，用炒飯做飯底令整道菜略顯遜色，炒飯嘅味道唔夠突出，冇咁香。呢樣嘢令配料好易搶去主角嘅位置，炒飯作為飯底嘅意義變得唔太明顯。雖然炒飯嘅口感乾身，碟底亦冇多餘嘅油，顯示師傅嘅手藝真係好出色。只係可惜嘅係，因為上面嘅配料，經常會忽略底下嘅炒飯部分。呢個真係一個可惜嘅地方。總括而言，金飯碗嘅椒鹽豬扒炒飯有啲獨特嘅風味，椒鹽豬扒同香口嘅炸蒜為整道菜增添咗濃厚嘅味道。不過，炒飯作為飯底嘅表現略顯平淡，缺乏米香，而且容易被配料所掩蓋。雖然整道菜嘅口感乾身，碟底亦保持住乾爽，但好可惜，炒飯部分經常會被忽略。希望未來可以進一步改進，更好地平衡炒飯同配料之間嘅味道，令每一口都能夠充分品味到炒飯嘅美味。

今日黎試聞名已久既金飯碗，點左招牌即炸椒鹽豬排炒飯。一上枱就聞到好香，份量非常多。豬排有5大塊左右，炸到金黃酥脆，肉質鬆化軟嫩，唔會好乾，上面仲佈滿蔥蒜，非常惹味。不過唔知係咪太鹹，食到最後有點苦同膩。

嚟到呢間食堂，最出名就係佢嗰盤椒鹽豬扒炒飯，真係食過一次，記住成世。首先，啲豬扒煎得金黃香脆，外皮帶有啲微微嘅焦香，撲鼻嘅椒鹽味真係誘人。啲豬扒肉質鬆軟，唔會太乾，啖啖肉嗰種嫩滑同椒鹽嘅完美結合，咬落去真係過癮！炒飯方面，佢哋嘅廚師手勢正，每粒飯都炒得粒粒分明，唔會有啲太油膩嘅問題。啲飯嘅味道，伴隨著蛋香同蔥香，與椒鹽豬扒間嘅味道混合得恰到好處，每一啖都令人回味。更加值得一讚嘅係，炒飯嘅鹹香同豬扒嘅椒鹽味互相促進，一點都唔會覺得單調。而且，佢哋喺炒飯裏面加入嘅青豆同紅蘿蔔粒，唔單止為整盤飯帶嚟顏色上嘅層次感，更加係在口感上加分，啲青豆爽口，紅蘿蔔嘅甜味亦都令人驚喜。總結，呢盤椒鹽豬扒炒飯，係一個大滿足嘅午餐選擇。無論係豬扒嘅香味定係炒飯嘅爽滑，都係一流，相信愛好傳統港式小炒嘅你，食完之後必定會心滿意足。

🍳秘製沙嗲牛肉雙燶邊蘭王蛋飯💰$78🐮脆皮牛腩飯配金莎汁💰$88🍖即叫即炸椒鹽豬扒飯💰$78🥢黑松露帶子炒飯💰$78.⚡️朝聖超人氣金飯館！作為牛頭角社畜選擇係到食開年飯，小店lunch hour會比較多人，1點半到達都要等3張枱，不過食物高質係值得等待就是了.⚡️🍳沙嗲牛肉雙燶邊蘭王蛋飯果然名不虛傳，蛋汁撈飯超讚der，牛肉嫩滑沙嗲味濃；🍖炸椒鹽豬扒飯好好食🥹本身以為會好韌/柴，點知厚肉又彈牙，完全唔乾👍.⚡️🐮脆皮牛腩飯一定要襯熱食，凍咗脆皮會淋晒+牛肉韌；🥢黑松露帶子炒飯有好多帶子同蝦呢～

之前堂食 覺得炒飯炒得好好 有鑊氣又香 好足料～ 但今次二訪 覺得水準差左🥹 唔知係咪大廚失手 希望之後可以keep返好水準.｜美極牛肉鬆松子炒飯 $78炒飯粒粒分明 有鑊氣！肉粒同松子都好多 大大碟 好足料.｜即叫即炸椒鹽豬扒飯 $78非常期待呢個即叫既炒飯 但水準失望😞椒鹽豬扒係有薄薄炸衣包住但唔重椒鹽味又唔熱辣辣 炒飯亦無另一款松子炒飯咁有鑊氣覺得比之前食既水準差左🥹 可惜.｜金飯仔沙嗲三寶 魷魚/豬皮/牛栢葉 $48 （跟餐$38）沙嗲汁惹味 但食材唔係件件都沾到醬汁/夠入味..豬皮有啲係超冧超吸汁 有啲就白雪雪🥲 牛栢葉一樣唔係舊舊都入味 而且牛栢葉較大舊 如果細舊啲就好魷魚就幾爽口👍🏻

相信金飯館話自己香港炒飯第一都冇人反對。兩年之前喺九龍灣放工嘅時候，我有時會約女朋友去金飯館食晚飯。今日決定同女朋友回味一下金飯館炒飯嘅魅力😍- 秘製沙嗲牛肉雙燶邊蘭王蛋飯牛肉肉質軟稔，吸收曬沙嗲醬味道，蘭王蛋顏色特別橙，食落蛋味非常濃郁。炒飯作為餐廳招牌當然絕無失手，飯炒到金黃乾身，真係蛋香米香兼備。- 龍躉班肉泡飯龍躉斑已經起晒肉，而且切成一片片，肉質結實啖啖肉。湯好鮮甜，份量好大非常抵食。- 櫻花蝦醬油時蔬我哋揀咗菜心，菜心新鮮爽脆，配上櫻花蝦口感更豐富。原來除咗炒飯出色之外，泡飯一樣唔錯。無論炒飯泡飯份量都好多，一個炒飯其實已經夠兩個人食🤣

細個睇美味天王見到一道金釀銀炒飯成為左我心目中美味炒飯嘅典範位於牛頭角嘅金飯館同樣以黃金炒飯作招徠今日我就黎一試究竟餐牌有多款黃金炒飯而最吸引我就係即叫即炸椒鹽豬扒飯椒鹽豬扒飯好似座小山一樣炸豬扒即成粗長條狀有五六條未切應該大件過手掌🖐️面上爆多蔥蒜香味先聲奪人炸豬扒炸得酥香之餘肉質保持軟嫩👍蔥蒜惹味唔會過鹹混和炒飯一齊食更是添香添味炒飯肉眼看得正嘅乾爽粒粒金黃難怪個個都食到清盤🤭另一樣我覺得必定要試嘅係同系列嘅椒鹽雞翼！同樣蔥蒜滿滿雞翼皮脆肉嫩仲要可以保持到溫度一路食一路都有熱辣辣口感👍除左炒飯外金飯館都有無咁熱氣嘅泡飯選擇蠔仔肉碎泡飯蠔仔多肥美鮮甜湯飯易食飽肚想有米飯落肚金飯館係個好選擇！

講咗結論先：普通茶餐廳嘅椒鹽豬扒飯sure win唔使幫襯呢間 仲要收成八十幾蚊六點去到 坐低落單 椒鹽豬扒炒飯唔使三分鐘 碟飯已經整好上枱明顯所有食材都係一早整定 有柯打就悉熱（最諷刺係牆上仲寫住即叫即做要等三四個字）講返碟飯飯還飯 豬扒還豬扒 椒鹽還椒鹽三樣嘢完全冇融合豬扒冇底味 亦上唔到椒鹽 唔熱只係暖好明顯一早整定 椒鹽（炸蒜蓉椒絲） 一上枱係幾香 但一得食落口 哇鹹到苦 炒飯底 乾身但冇鑊氣想個腎有事或者想比高價食低水準食物可以幫襯下

黎到金飯館嗌左最出名既椒鹽豬扒炒飯，一上枱就聞都好香既炸蒜味，有少少辣似避風塘既感覺，豬扒啖啖肉而炒飯底又粒粒分明好夠鑊氣，不過份量好大所以食到最後有啲膩。見到呢個脆皮牛腩飯好似幾得意就嗌左黎試下，估唔到包住牛腩既脆皮充滿蛋香，配上好香既咸蛋黃醬幾有驚喜，不過都係食多幾啖就會開始覺得膩，尤其是配炒飯底，所以最後都食唔哂。見有唔少人推薦蝦油炒飯同燶邊蛋沙嗲牛飯，有機會都想黎試下，不過可能要搵日想食重口味野既時候再黎喇

少有來到牛頭角覓食，唔知有咩好食，唯有靠看人潮揀餐廳🙈行經這間金飯館，竟然見到門口擠滿等外賣既客人，加上內裏坐滿食客，最後果斷決定食呢間！——————————🔸即叫即炸椒鹽豬扒飯 $78單看賣相已好有食慾，豬扒、蔬菜及飯堆成小山，份量多到足夠兩個人share豬扒炸得外酥內嫩，充滿椒鹽的香氣，炒飯粒粒分明，配上各款香口料頭，好香～如果飯粒濕潤少少就更好🍚🔹脆皮牛腩飯 $88咖哩牛腩吃得多，脆皮牛腩就是第一次！外皮炸脆似油條一樣，內層既牛腩牛味濃郁，淋上香濃既港式咖哩汁，惹味～🔸金飯仔沙嗲三寶 $38魷魚、豬皮及牛柏葉吸滿沙嗲汁，啖啖濃香爽脆，加上意想不到的大份，配炒飯啱啱好～🔹凍奶茶、凍鴛鴦

今日去牛頭角附近影親子相，影相前要食個豐富Lunch ，我地去左炒飯專門店「金飯碗」食，餐廳主打炒飯，只係主打炒飯既餐廳，其實好少有。餐廳主打炒飯，另有泡飯、小食、飲品可以選擇，價錢合理，而且好大碟，我地3個人點了兩款炒飯，一款小食都食唔晒。即叫即炸椒鹽豬扒嘩！真的超大碟，好有鑊氣，豬扒有5-6件，即叫即炸的豬肉扒炸得香脆，外脆內軟，肉質厚身又軟腍，不會炸到乾爭爭，而且還保留到肉汁，而炒飯用上蛋炒，炒得粒粒分明，飯上鋪滿了炸蒜、辣椒、椒鹽，勁香口，愈食愈惹味。招牌蝦頭油炒飯一上枱，香氣撲鼻，碟飯堆到勁高，火喉十足，一樣用上蛋炒飯，炒飯炒得粒粒分明，不會油膩，炒飯配料有蝦、蠔仔、小貝柱，飯面上鋪了勁多櫻花蝦，再加上用上蝦頭油炒，滲出啖啖蝦油香味。沙嗲三寶三寶有豬皮、魷魚、牛柏葉，全部都切得好大件，沙嗲汁夠濃，有花生香，帶點微辣，最緊要夠入味。凍鴛鴦&熱手攪檸檬水