金飯館

營業中

休息中

📍金飯館 (牛頭角)牛頭角牛頭角道323號地下J號舖🌸即叫即做椒鹽豬扒飯$78椒鹽豬扒炸得非常脆口，炒飯粒粒分明，乾身不會太油，份量超大，兩個人食都得，鑊氣十足🌸脆皮牛腩飯$88脆皮牛腩非常少見，眼見功夫非常多，肉嫩口，不會太韌，牛腩飯是炒飯底，旁邊有秘製沙嗲汁和配菜，超惹味。🌸金飯仔沙嗲三寶$48魷魚、豬皮、牛柏葉另外，加$12 蘭玉煎蛋🍳蛋黃橙黃色，非常杰身，蛋味濃郁，撈埋炒飯超正😉#牛頭角#牛頭角美食#香港#hongkong#hkfood#hkfoodie#食好西#相機食先#手機食先#香港好去處#週末好去處#港式#炒飯#椒鹽豬扒#蘭王蛋#牛腩飯#午餐#晚餐#鑊氣十足

-金飯館-@牛頭角.兩個飯一送上枱，我同寶寶都「嘩」左出黎，因為份量實在太多了，無論飯定餸，都勁大份。.招牌脆皮牛腩飯配金沙汁 ($88)脆皮牛腩跟炒飯底的，配椰菜同蘿蔔條，附埋菜脯同大大兜金沙醬。.炒飯做得好好，夠乾身，一點都唔油膩，簡簡單單的蛋炒飯唔洗多調味已經好好食。.牛腩平時食得多，脆皮牛腩真係好少見。每件牛腩都帶點油脂，咬落好軟嫩，肉唔韌唔鞋，加上金黃色脆皮，口感好特別。.超級好食的脆皮牛腩，就咁食唔沾金沙醬都好正。咸蛋黃金沙醬好濃厚，配牛腩或伴飯都一流。.即叫即炸椒鹽豬扒飯($86)椒鹽豬扒好大份，有三大件。豬扒好香，炸得金黃香口。咬落都仲帶有肉汁，肉質好嫩。加埋超大量的椒鹽，更加惹味。.

見到網上d圖 椒鹽豬扒炒飯 好似好靚仔，由屯門黎試。結果好失望，即叫即炸係既，椒鹽豬扒熱辣辣，大大件，但係咁多啦。豬扒件件好淋，鬆肉粉都唔知乸咗幾耐，一d豬肉應該有既咬口感都無。最緊要個飯，黎到暖既，黎既時間下午六點，又影緊廣告相，可能忙啦可能一早炒定啦。炒飯暖，完全唔熱，完全無獲氣，亦都無味，d味係靠椒鹽豬扒配料黎。叫咗杯奶茶，一黎個色都奇奇怪怪，同lipton即沖奶茶一樣色，味都一樣，飲兩啖都無飲。最後奶茶飲咗兩啖，飯食咗半碟就走，失望

呢間係我琴晚先喺網上睇到嘅，主打炒飯嘅食店，有啲新奇，所以就揀左今日收工過去會一會佢今日天氣keep住都係咁熱，我本來都想試下個招牌蝦頭油炒飯，但行到過去已經標晒汗，忽然又唔想食得咁油膩，最後揀左個焦香煎焗龍躉球飯可能我嚟到嘅時間已經過左繁忙時段，入到去睇到大概坐左4-5成人，位置都叫鬆動，而枱與枱嘅距離亦算OK，望落衞生環境都算唔錯等左十分鐘左右，個飯終於嚟到，有驚喜 首先個擺盤已經好吸引，睇到唔係求其擺埋一碟就算數，係有落過心思嘅 唔似一般嘅茶記放到碟飯「扁撻撻」，汁直淋飯面 呢度係用大量蔥絲堆疊出蓬鬆感，另外配搭三色燈籠椒、紅蘿蔔、椰菜去豐富碟飯嘅顏色，再加上四件燶邊龍躉塊呈扇形擺放，望落都好有食欲一啖放入口，果不其然，味道同啱啱視觀評測一樣 香，彈，爽！ 炒飯底炒得夠乾爽，夠鑊氣，而龍躉塊就夠厚夠大件，入味！ 菜脯粒還可以，但略嫌偏舊，應該放得太耐喇 沙嗲汁我用筷子淺嚐，覺得太濃味，唔太match，所以就冇用嚟撈飯整體嚟講，食物都有8.8分 但覺得汁料方面要再落多啲苦功，因為都幾影響進食體驗，其實可以落幾滴 檸檬/青檸汁，利用酸爽微澀嘅味道去平衡返油膩感，令每一啖keep住清爽

［招牌脆皮牛腩飯$88］係清湯腩果種牛腩，炒飯底，加左脆皮嘅牛腩外脆內軟，口感出奇地夾，簡直係港版威靈頓牛柳！再加秘製沙嗲汁好惹味！加沙嗲汁就會令炒飯口感濕啲☺️［招牌蝦頭油炒飯$78］炒飯相當足料，有蠔仔，蝦仁，櫻花蝦，叫海鮮炒飯會比較貼切！炒飯粒粒分明，比較乾身，被蛋汁包圍呈金黃色，滲出淡淡蝦油香味，高度推薦👍兩碟飯都有附送菜脯粒，唔辣有咬口，增加口感。另外手攪檸檬茶加入左青檸，相當清新啊！會再黎～

【觀塘區】【金飯館】呢間其實好耐之前已經聽家兄提及，所以已經去咗試，不過我硬係覺得去得一次就唔足以令我寫佢，所以就一直都 hold 住咗。係呀，可能新朋友未必知，有時我寫用餐體驗都會想食超過一次先開 post 寫，好似好啲嘛。咁我第一次去係家兄建議，話要食呢度啲炒飯，咁我就用 $78 試個「即叫即炸椒鹽豬扒飯」，成個飯惹味而有心思，個炒飯底係炒到一粒粒，掂。加 $12 要隻「燶邊蘭王煎蛋」，都煎得好好，真係外燶邊內軟滑，有質素。食啲咁邪惡嘅嘢點會唔飲嘢，加 $12 要埋「樽裝忌廉」，真係玻璃樽，嗰排係翻出冇耐嘅，好有新鮮感。成餐飯 $102 當然唔平，但平凡食物易得，好食嘅就難求，抵畀嘅。不過一直都想二訪，聽聞佢有嘢新出，咁就去食吓。點知新出嗰樣嘢原來下午茶時段先有，睇啲咩假期咩周刊完全冇人提及過，真係害人不淺。咁我喺午市時段坐低咗咯，就都叫吓嘢食啦。叫咗個 $78 嘅「黃金海皇泡飯」，有別於炒飯感覺，但味道依然夠濃香，都係好食嘅嘢。個飯加 $8 有個凍「手攪檸檬茶」，係幾好飲嘅，唔係一般茶記檸茶，呢餐就食咗 $86。第三次去就下午茶時段去，終於食到 $68 嘅「爆茜黃酒雞子米線」，黃

前排成日碌到大讚金飯館炒飯嘅post於是慕名去食賣相係好靚份量係好多但係味道就...🫠食完覺得好失望🥹***🥢即叫即炸椒鹽豬扒飯 $78下單幾分鐘就上餐一定唔係即叫即炸🫠呢點已經令我嘅期待值跌到零☹️第一啖覺得好惹味食多幾啖就覺得好油好鹹三份一碟下肚已經唔想再食🥹***🥢招牌蝦頭油炒飯 $78大量櫻花蝦好香口好正蝦球爽口彈牙但係魚肉(?)食落有少少霉唔新鮮雖然炒飯底都係偏油但係食落冇咁鹹個人覺得呢款比椒鹽豬扒飯好食

有日無意中發現左呢間炒飯專門店，出面痴哂media報導，我就知道佢唔簡單😏，即刻捉左🐷過嚟陪我食！本人願意稱佢為「三好」炒飯：好大碟，好有鑊氣同好好味🤣推薦指數：🐷🐷🐷🐷（5分滿分）（原因：抵食好味）🍖即叫即炸椒鹽豬扒飯 𝐇𝐊𝐃 78每日限量，但當日平日夜晚好彩都仲有！份量超大一碟，豬扒堆到成座山咁高⛰️，大胃王都一定夠飽🤤！椒鹽豬扒好香口，旁邊既椰菜一d都唔頹，炒飯底粒粒分明，炒得乾身👍🏻🍗即炸雞扒燶邊蘭王蛋炒飯配沙嗲汁 𝐇𝐊𝐃 78一樣份量超大！沙嗲汁分開上，香濃惹味，但汁既份量唔夠我送哂成塊臉咁大碟既飯😂。雞扒同樣煎炸過，皮都煎得好香脆🤩，雞肉依然keep到juicy🤗。燶邊蛋外圍真係脆到不行，但可能火喉過勁，蛋黃扁哂唔流心🥲凍奶茶，凍檸茶 + 𝐇𝐊𝐃 8環境：坐得舒服，唔會好迫夾，QR code 落單好方便，下次會再想試埋佢其餘炒飯😝

$78 即叫即炸椒鹽豬扒炒飯: 超級大碟夾抵食😍😍豬扒即叫即炸，夠晒新鮮，目測有六，七塊大大塊豬扒😂😂 豬扒炸得酥脆，外層的椒鹽調味剛好，吃起來不會太咸或太辣😋😋另外一定要讚吓佢個炒飯！！炒飯灑上滿滿椒鹽，炒飯粒粒分明，好乾身唔油，食完都唔覺得油膩😙我同朋友share一碟炒飯加1個小食都好飽🤣$48 沙嗲三寶：濃郁花生醬味道，配料有豬皮、牛柏葉、魷魚🦑全部食材大大塊，非常之足料，唔會係好似出面咁樣切絲、細細條、細細塊俾你咁馬虎。搵日要過嚟試返佢嗰個蝦頭油炒飯！好少何呢個價錢，做到呢個質素嘅餐廳，真係又平又靚抵食，真係又平又靚抵食，晚市仲要唔使+1🥰

塔塔子心目中的優質澱粉質就係好食既飯😂食飯肥，炒飯更加肥，所以好味嘅炒飯就係塔塔子減肥失敗既原因, 仲值得塔塔子心思思耐唔耐都想黎食！1️⃣招牌蝦頭油炒飯$78澎湃嘅櫻花蝦，仲有好多唔同既海鮮：蠔仔（唔腥好食），魚肉（一段），帶子粒（ok)，蝦仁（好過茶記），個飯炒得好香😋蝦頭油既香氣好吸引😋2️⃣即炸雞扒燶邊蘭王蛋$78鋪頭主打其實係椒鹽豬扒，不過今次試下雞扒，入面都夠juicy，大大舊，炒蛋底加隻蘭王蛋，都算係飽到上心口嘅選擇！

1）啲嘢食超鹹…….食咗¼真係食唔到落去…個雞扒又鹹，啲炒飯唔撈汁都已經好鹹2）個女侍應唔睇檯號上嘢飲，上咗去第二檯，啲口水噴晒落去，發現上錯枱之後杯嘢飲之後照上返俾我………之後再發生喺其他枱身上3）個樓面阿伯搞錯晒啲枱號，出錯QR code俾隔籬枱個客落單，個客揀好晒之後又叫個客唔好落，出過張新嘅俾佢再重新落…不斷問食客邊個嗌咗啲乜，自己搞錯咗，仲要發牢騷，”摺”個客…雖然唔關我事，但係我一直聽住，搞到我食餐飯都食到好大壓力4）個阿伯勁嘈，每個人入嚟都不斷重複金仔推介啲乜…好煩厭5）兩個炒飯一杯奶茶，埋單$162

啲野新鮮整出黎係好食既，特別招牌菜無得輸但是會建議換啲簡單啲既凳，鋪頭唔大，啲凳太阻掟啲野新鮮整出黎係好食既，特別招牌菜無得輸但是會建議換啲簡單啲既凳，鋪頭唔大，啲凳太阻掟

一個人食飯，嚟呢度真係非常好嘅選擇，試咗招牌脆脆牛腩炒飯，加秘製沙嗲汁，又真係幾好食，啲牛腩炸過～外面脆皮入面有好林好好食😋～啲飯唔會太油，都算乾身，能夠保持到一粒粒，飯嘅份量都好多，非常飽嘅一餐👍🏻不過應該係超爆高卡路里嘅一餐🙈為咗食好西真係冇辦法，好食嘅一餐心情都好啲～

前排經過牛頭角做嘢，是但搵間餐廳入去試吓，見到呢間金飯碗門口貼咗好多炒飯嘅相，所以就入去試吓。我點咗呢個即叫即炒椒鹽豬扒飯 $78 ，價錢唔算平，等咗大概15分鐘就有。上菜嗰陣眼前一亮，份量非常大碟，兩個人食都可以。炒飯加咗好多炒蝦米及炸蒜，啲飯炒到一粒粒金黃色，好乾身，非常香口。豬扒應該係有醃過香茅再炸，炸到金黃脆邊，咬落去又唔會好多油，非常好食。而且豬扒份量都好多，一個人食真係食唔晒。估唔到喺牛頭角都有一間咁出色嘅炒飯店，極力推薦大家過嚟試吓小店。

近排約咗朋友係牛頭角附近食lunch 😋朋友話附近有間炒飯店唔錯😆於是就去咗一試🤣發現超高質😛⋆ ⋆ ⋆ ⋆ ⋆秘製沙嗲牛肉雙燶邊蘭王蛋飯🍳🍚($78) 8.5/10首先佢係炒飯底炒得好出色好香🤪沙嗲牛肉加埋燶邊蘭王蛋撈埋炒飯🥰💯•即叫即炸椒鹽豬排炒飯🍲($78)8.5/10椒鹽豬排炒飯係招牌菜😆一上碟已經嚇親🤣因為份量超多🥰啲豬排堆到成座山咁🤣椒鹽豬排炸得好脆🫶🏻 椒鹽炒得好香🤪炒飯好香椒鹽味😛好正👍🏻睇單價可能覺得有啲貴，但呢間嘅炒飯真係分量十足，我見唔少人都打包走😆真係一個飯夠兩餐份量☺️