金飯館

營業中

休息中

之前喺網上見人哋介紹出色嘅炒飯，所以特登嚟試吓！去到係中午時間，都要排吓隊，5分鐘就入到，都算幾快！裏面嘅環境好似一般嘅茶餐廳，又唔算好迫！今次嗌咗兩款炒飯，分別係招牌蝦頭有炒飯，同埋即叫即炸椒鹽豬扒炒飯。先講吓蝦頭有炒飯，飯粒好乾身，睇得出師傅炒飯嘅功力！炒飯真係唔差，裏面亦都有好多蝦，同埋有海鮮又有櫻花蝦，同埋好有鑊氣！不過食到最後有啲鹹，但整體都係唔錯！另一個係椒鹽豬扒炒飯，食得出係即炸的豬扒，豬扒係切咗，上邊有好多好多避風塘嘅炸蒜喺上邊，豬扒係醃過，但係整體係鹹味比較多，少咗一啲甜味，而且有炒飯底，一樣係咁乾身，淨係食一個飯，飽到唔知點！整體係唔錯，價錢都唔貴，經過牛頭角可以試吓！