金雞去骨海南雞專門店

營業中

休息中

今日去完玩獨木舟，一行8人諗緊去食咩好，我提議去呢間食，我差唔多每次入西貢都會去食我地嗌左兩個四人餐，$298真係好抵呀，有埋湯，油飯，一碟菜同埋飲品嗌左兩隻雞，一隻辣一隻唔辣，我本身係好鍾意食辣嘅，不過我覺得反而唔辣好味啲，可以食到佢原汁原味配埋油飯食真係一流，每次黎食啲雞肉都係好嫩滑呢個豬蹄好好味，啲滷水滷到好入味，但一啲都唔鹹，啱啱好肉質都好軟淋，老人家食都冇問題另外係嗌左個煎鹹魚蓉肉餅，但唔記得左影相，個肉餅好好味，煎得好香口，味道適中食得唔夠喉，最後仲嗌左個酸辣鳯爪味道適中，少少偏辣，我最愛

昨天去扒獨木舟，扒完之後！已經接近六點，有點肚餓，所以去咗西貢附近，最出名嘅金雞去骨海南雞專門店，去到嘅時候冇乜顧客，所以雖然地方好細，但係都冇咁迫夾，以前去過人多真係好擠迫！坐低食飯嘅時候，我冇為意銀包唔夠現金，之後同阿姐講我帶唔夠現金！本來諗住去附近櫃員機撳錢，我講話而家好多支付工具，我話我有payme咁啱佢話佢老細都有payme！可以接受payme付！估唔到一間小店都有payme付款！我以為麥當勞先有啫！

黎到呢間海南雞專門店，我地點左一個二人餐，一個四人餐。每人平均～$75，都幾抵食。招牌去骨海南雞海南雞可以揀去骨海南雞，岩晒我呢啲懶人。😂而且雞肉好嫩滑，肥瘦適中，配上充滿油香而不油膩既雞油飯，真係好正！（本人勁鍾意食海南雞飯既油飯，如果俾多碗飯我，我諗我都食到🤣🙈）馳名香煎手剁咸魚蓉肉餅 好欣賞份咸魚蓉肉餅，真係好香口！勁快比我地清晒！滷水西貢狀元蹄元蹄係全餐最濃味菜式，鍾意濃味既朋友應該會鍾意～個餐仲包括油菜、住家湯同熱飲。個湯係南瓜湯，一睇都覺得好足料，飲落好甜！因為天氣好熱，我仲叫左杯特飲椰汁冰冰涼下！

週末天氣不錯，跟朋友到萬宜水庫郊遊。起步前，朋友提議先在西貢食中午飯，並帶我們來到這家海南雞專門店！到店的時間尚早，11點半都未夠，店內並無其他食客，不用等位就能入座。睇完餐牌一輪，見食品來來去去都是雞﹑元蹄及肉餅，就直接叫份四人餐啊！金雞四人餐 ($298) 包括招牌去骨海南雞一隻 (麻辣加$10)﹑滷水西貢狀元蹄或香煎手剁咸魚蓉肉餅﹑滷水汁時菜﹑老火湯﹑飯及飲品！三餸一湯已經夠食！！老火湯，本以為是中湯，原來是南瓜湯！南瓜蓉絲絲幼滑，雖不是滿滿的南瓜蓉，但味道香甜，幾好飲！！油飯，味道好香，不會太油膩，飯粒尚算分明～當中還加入炸蒜，增添香口的程度！！招牌去骨海南雞，因有朋友不能吃辣而沒選麻辣。黃油雞皮的賣相不錯，雞型亦砌得靚仔！！先不蘸任何醬料來吃，都已好夠味！！皮爽脆而肉嫩滑，啖啖肉又帶雞味，好食反而醬料並不特別出色，辣醬﹑豉油及蔥油的味道都普普通通！全隻雞的好處是，大家可揀選自己愛吃的部位滷水西貢狀元蹄，元蹄大大隻，被滷水醬汁滿滿的包封著～～元蹄滷得好入味，不會太鹹之餘還隱隱帶滷水汁的香甜！煮得軟稔易咬，稔滑得接近入口即化的狀態，充滿骨膠原感！！正！！油菜及飲品是正常貨色～～～

西貢食街必吃三寶，腸粉燒賣、泰國🇹🇭菜、海南雞飯。雞皮還是爽滑，雞肉還是嫩滑不老，去骨🦴海南雞髀飯與三色醬必配，加埋南瓜例湯，雞油飯加蒜片粒粒分明。吃過簡單的一頓晚飯後, 我也是時候回家了~~

「唔該黎一份二人餅」，每次一嚟呢間海南雞專門店小編都會講嘅同一句說話。即係代表一份二人餐海南雞套餐，小食揀肉餅。來自泰國嘅阿姐招呼你坐低咗之後，立即送上一碗暖暖嘅南瓜紅蘿蔔煲肉湯。肉湯香甜，冇味精，南瓜煲至綿滑細絲，飲落好舒服。緊接着就係金黃嘅海南雞，雞皮香滑，滿滿嘅骨膠原啫喱，雞肉肉質細緻，加上特有嘅泰式醬料（有啲辣味但好開胃醒神），好快就食咗大半碟雞肉。根據客人嘅口味，餐廳提供白飯及油飯兩項選擇，當然油飯係香口好多啦。加上餐廳起烹煮油飯嘅時候加入左唔同嘅香料，如八角，香葉，增加左油飯嘅香口。當你聞到一陣鹹魚肉香味嘅時候，就代表著肉餅已經準備好。呢一份肉餅，偏向薄身，於是成就左脆香嘅口感，加上內含鹹魚肉絲，每一細啖都足夠餸一啖飯！當覺得有些許油膩感嘅時候，食返一條時菜，爽口鮮甜，解膩成功，可再度返回肉餅食肉戰嘅世界！店內亦設其他小菜，例如元蹄，麻辣海南雞等。（小編依舊偏向二人餅⋯隔著個螢幕都聞到肉餅好香呀～西貢金雞電話：34889744地址：西貢福民街高富樓34號地下售價：二人餐 176港元（不設加一，只收現金）營業時間：星期一至日（早上11:30至售完即止）#香港食好西 #香港 #

星期日假期到西貢白腊村行山影 鬱金香花 回程坐車到西貢市中心 食晚餐 在西貢市中心食街見到金雞海南雞有黃秋生做生招牌便入內一試(在此不談政見，但事後發現店舖其實是藍店)點了兩碟海南雞飯(走胸)及兩杯熱檸茶，上菜速度一讚，幾乎一點即到。評價：海南雞一點也不滑身、雖然已經走胸但仍然不好吃，同時雞肉比坊間肥膩，相信同雞本身新鮮度及煮法有好大關係。油飯，不過不失，只是頗乾身及硬，可能用上太多碎米所致。環境一般茶餐廳格式，算中上。但整體表現名過於實，不會再光顧。

今日見得閒入咗西貢行吓，唔多人，有啲太陽幾舒服🥰 行行吓見到有條行仔入面有好多嘢食，就試吓呢間海南雞飯（有好多人排隊）。入到去叫咗兩碟海南雞飯，一碟係去骨海南雞飯，另一碟係麻辣海南雞飯。先講吓啲油飯，好香麻油味，一粒粒好爽。而雞肉嫩口得黎又唔韌，好有雞味。再配合三款醬汁，各有風味。👍🏻👍🏻個人比較喜歡豉油醬汁，甜甜地黏黏地好特別。而麻辣海南雞咁出色，可能因為個人比較喜歡食辣嘅關係😂🥰佢嘅辣油其實幾辣，但好夠麻油同花椒八角嘅香味，同隻雞配合起來就唔會搶晒啲雞味，一流😋😋整體來講份量都夠多，海南雞亦出色，值得一試！😙😙

今次森仔去到西貢四處逛逛 。見到openrice有間幾高評分既海南雞飯，就去試一試佢。餐廳環境麻麻，座位非常簡陋，讓人坐得不舒服。初時想這也是合理的，因為餐點價格平民。但是後來的服務實在令森仔大圍失望，甚至有一點憤怒。因為我同朋友唔係好肚餓，所以只想叫一個海南雞餐。但係，餐廳並沒有寫任何最低消費，卻要求我地叫兩款食品。好！甘我哋叫了一個海南雞飯和一碟油菜。後來，又有餐廳人員要求我們至少叫兩個飯餐！森仔據理力爭，最終餐廳並沒有強求我們了。其次，餐廳不時查問我們何時可以離去，以便讓座給他人。但是我們只是謹謹坐下十多分鐘便獲如此對待，真是十分不合理。最後，收錢方面更是離譜！海南雞飯是$52 ，油菜是$20，但其收下我102元，只找回20元。新仔明白餐廳忙碌，人手容易出錯，也是人之常情。但是店員卻處處雙璧說沒有計錯，我點的飯餐是雞腿飯所以加了$10。然而，我的帳單也是清楚寫了52和20。最後他才氣呼呼的找回$10給我。其實，餐廳🍴食物質素不俗，價格合理。但是服務態度真的差劣不已。森仔已經black list此餐廳🍴！從此不食！比其好的海南雞飯滿街也是，何必苦苦受氣。

好耐無入過西貢，去之前一曰已經不停上網研究有咩必食其中一間就係呢間金雞海南雞，西貢食雞飯我成日都聽，但之前食開另一檔講真越食越麻麻，呢間未試過就決定試下！普通海南雞就$52跟湯，麻辣就加$5，開頭覺得貴，加個汁要$5，但自己鐘意食辣，麻辣海南雞未試過，就決定試下！呢$5果然無白比，個醬雖然只係就咁淋上去，但個味真心唔錯，到依家我重好念念不忘！個汁夠麻夠辣，個飯比普通油雞有咬口，雞肉份量都算多，雞肉好滑，就算配左兩塊胸肉食落都唔鞋而且有雞味，呢個飯我個人幾滿意

又到食lunch嘅時間啦，今次有少少想食東南亞嘅嘢食，就黎左呢一間專食海南雞飯嘅小店。舖頭位於一個小巷入邊，唔算話好隱蔽，但店舖個空間比較細，位置唔算有好多！而我見到佢哋嘅lunch set個價錢都幾相宜，所以就入咗嚟試吓。而佢哋嘅lunch set都會附送一碗南瓜湯。首先講一講南瓜湯嘅味道，好少會由餐廳提供南瓜湯，見佢本身以為佢哋隻南瓜都會煮到散晒，但飲落去又唔覺得係，而且好濃郁嘅南瓜味道同埋好清甜，非常之好飲。而另外佢哋嘅主菜就係海南雞飯，當中佢哋都會附送返海南雞飯嗰三款醬汁。個份量來講，飯同埋個雞嘅份量都適中，依家雞食落去都好滑，再點埋呢醬汁真係正！已最令我驚喜就係佢哋個油飯，入邊有好多炸蒜，令到成個就返食落去都好香口，當中我諗冇乜邊幾間可以做到。

去骨海南雞飯套餐，9塊雞肉再加一隻雞中翼，份量可以呀！黃油雞皮唔膩帶爽彈，雞肉嫩滑可口。油飯外觀已很吸引，乾身且看不到一絲的油膩，吃下軟中帶有淡淡的雞香味，而混有的炸香蒜令其更惹味。滷水西貢狀元元碲飯套餐，菜名很厲害，但味道卻一般。滷水很稠，可又沒什麼味道，元碲肉尚算炆得軟淋，不過就仍是較粗嚡。反而個豬皮炆得只見是肥膩膩的，吃上去又滑又彈牙。都會跟湯，的確是濃雞湯，好喝。另加飲品，特飲+$18椰汁冰，十足的椰子榨汁，濃滑。龍眼冰，較清潤，微甜。

聽人講西貢呢間海南雞飯幾好食，一行四人喺西貢玩完就去試吓啦。餐牌其實唔係好多選擇，我哋直接嗌咗一個四人餐($298)，包海南雞一隻，滷水豬蹄，菜心一碟，餐湯四碗，油飯四個， 仲有四杯餐飲。個海南雞建議咩醬都唔點試一試先，真係幾香雞味，同埋非常之嫩滑。油飯入面有啲炸葱，都幾香。餐湯係南瓜湯，菜心都係正常普通水平。至於個滷水豬蹄，唔太識欣賞，都好林入味但係對比海南雞，真係覺得一般。一開始見呢個四人餐包幾多野覺得抵食就嗌左，但係其實食落真係海南雞同油飯最好味，其他表現一般，所以其實寧願係嗌四個海南雞飯，仲抵過四人餐，因為四人套餐入面嘅餸都係一般。

女朋友係住西貢既但平時就好少喺西貢食嘢今日佢帶咗我去食西貢好出名嘅海南雞飯🤤🤤🤤今日嘅行程係食完早餐再去coffee shop Hea呢間無骨海南雞飯佢話喺西貢好出名果然係名不虛傳我哋兩個人 一個人嗌左去骨麻辣雞飯套餐跟湯 （油飯）$57另一個就咁嗌去骨海南雞飯套餐跟湯 （白飯）$52 辣同唔辣相差$5😂😂😂 只不過係加多左辣醬🙈🙈🙈雞係好柔嫩 好滑👍🏻👍🏻 油飯係過份油😞😞😞 其他都好好食！

一年一度的西貢獨木舟順利完結，天公造美令我地玩得盡興，完成壯舉後便去醫肚。今次不食泰菜，反而簡單的食個海南雞飯，來到這家金雞海南雞飯專門店。這家小店原來都有幾間分店。店仔細細，但外賣的人都很多，很多都成隻雞買走。我地每人就點了一個飯。跟餐仲有湯送。雞飯的份量適中，雞油飯中好像加入了蝦米，和其他的感覺不太一樣。飯也有雞油香，入口都粒粒分明，幾好食！雞件的份量頗多，雞皮黃得閃閃令，好吸引。加上雞醬和蒜容等，十分不錯。餐湯是南瓜蘿蔔湯，飲落清甜。埋單每人50幾蚊，食到飽且質素不俗，感覺抵食！