金雞去骨海南雞專門店

營業中

休息中

叫左一個二人餐$168,d雞冇雞味,又多肥膏,滑就尚可,半隻不過超細隻,薰蹄又唔好味,又多肥肉,送杯熱檸茶更加不知所謂,自己沖仲好飲多多声，茶只係加色，冇味，我唔係要求高既人。另叫一個一人餐，雞又少，d飯又少，相片影出來好似好多，其實好少，全部mini板，女仔都唔飽囉。

傾盤大雨，入到西貢，為的是一客海南雞飯！好耐冇來食，落大雨生意也不錯，堂食外賣也多人！雞是已去骨的，超嫩滑，真的食唔停，當然我加了$10要脾位就更加滑，其實之前食過雞胸也好味的！另必點的是咸魚肉餅，未上枱先來咸魚香，薄薄的香口又好味！仲有我至喜歡的濃濃南瓜湯！最後，當然要整多隻海南雞外賣回家同家人分享啦！

假日到西貢郊遊，當然不能不先吃個海南雞飯。今次到的金雞都相當多好評，假日非常多人，店面不大所以需要排隊。海南雞飯（$49）跟餐連南瓜湯海南雞飯，飯香！有雞油味但不油膩，值得一讚！雞肉嫩滑，無骨口感滑，完全沒有雪藏味，但雞味稍為唔夠。跟餐的例湯有老火味，料足好香南瓜味，有誠意的例湯。

聽話尼一間餅店好出名，今日可能落雨，去到發現唔洗排隊，直接買左一個菠蘿包10蚊。攞到菠蘿包，熱辣辣，好香，一個都幾大既，咬左一口，上面脆脆地，下面麵包好鬆軟，真係好正。同埋上面脆脆地既「菠蘿」小小甜，我好鍾意。本身諗住留半個等陣間行山時食，但係忍唔住一次性食洗喇⋯⋯⋯一路食一路安慰自己，凍左唔好味⋯

一場來到西貢，本來想跟男朋友一同去食海鮮，不過又擔心２個人食唔到太多。走著走著，到了福民街這條被稱為「食街」的小街，發現原來也有很多小店呢！看到這一家評價不錯，於是入去試下！價錢也十分經濟，跟男朋友各自點了一個飯～先送來一碗南瓜湯，南瓜打成蓉再煲成。飲落去甜甜地，加埋紅羅白，本來我對南瓜都不太喜歡，不過個湯也易入口，很驚喜的一個例湯！之後主菜出場，無骨海南雞飯 ($49)雞件完全去骨，可以加$10轉雞脾，不過很好彩地師傅切了雞脾比我。油飯不油膩，但有很香的味道。而且雞肉十分鮮嫩，很滑！而且因為去了骨食落好方便，加埋特製的醬油，酸辣醬及薑蓉，這才是整個海南雞飯的靈魂！誰說去西貢只有海鮮食？不過晚上都十分多人，也有很多人專程來外賣海南雞！可見小店十分有名呢！

路程實在有點遠，由小到大去西貢的次數大概只有五次。指的固然不是西貢區，西貢的話通常只會是學校旅行有包車才會去。否則總覺得是如像長洲，要搭車又搭船的偏遠地區來著。然而這次是幾個柴娃娃的想要說試坐友人的車，出去玩一玩。選址就是西貢，剛剛好就是我沒有怎樣探索過的地帶。　　先問過對吃喝玩樂頗有深知的朋友們，西貢到底有何必到之地，必嚐之物。他們第一反應卻是：「去遠啲啊嘛，西貢搭小巴都得啦！」。說是如此，不過冇所謂啦，重點都係大家一堆人出黎行下玩下姐。言歸正傳，清單之中又怎會沒有人氣高企的勝記？但礙於時間，還是沒有辦法大吃一番。唯有將大餐館分散投資都幾家小食去吧，其中一家就是位於小巷之中的金雞了。　　望少一眼都會錯過，本來快要放棄不吃的了，幸好最後還是成功去到。說香港是美食天堂，中西交匯之外，多國的文化及美食都可以接觸得到。話就係咁話，只係要搵到好食既海南雞其實不容易，得個名既就周圍都係。友人推薦之下，又點會唔親身試一試？由於之後要繼續覓食，我們還是點來分享就算。　　二人餐包住家老火靚湯兩碗，清甜滋潤的南瓜湯又怎會不討好呢？表面略有浮油是意料中事，不算太膩口就可以了。甜得自然不人工，也不覺調味太重

本身入西貢諗住食車仔麵， 點知好黑仔咁撞正間野裝修。。。所以我即刻開openrice個app睇下附近有咩好野食 見到金雞咁多好評，加上我哋好肚餓， 所以我哋都無再揀三揀四，即刻搵金雞試下先！我哋一入去就有人問我哋幾多位， 其實間舖一眼望晒，地方唔算大，但五臟俱全。我哋嗌左兩個去骨海南雞飯加錢轉左要雞髀， 當然嗌雞髀都係去左骨， 岩晒唔想整污嘈對手嘅人嗌完野食，即刻有南瓜湯上檯 個南瓜湯感覺好足料！仲好大碗添跟住就到主角 --- 去骨海南雞髀飯 我嗌雞髀嘅原因係因為我鍾意雞髀夠滑， 我第一啖就咁食無點醬，試下佢夠唔夠滑， 嘩！皮唔算厚，但d雞真係好滑好嫩～ 個飯係雞油飯，仲撈左d乾蒜， 食落啖啖飯都有雞油同蒜香味 我哋坐左唔夠一個鐘，見到有好多人叫外賣， 口碑咁好，真係抵佢有咁多好評！

西貢行完山 肚餓到飛起回家前 醫下個肚仔先呢間海南雞聞名已久難得有機會就 ……海南雞飯 雞香軟嫩清 飯乾身小小南瓜雞骨湯 香濃味美醬三寶 調得好好 蔥油同雞最夾奶茶 正常套餐 $45 同 "拍檔" "三巡" 差不多光顧時 勁外人買外賣價錢合理 會再光顧

遊車河去西貢，順便當然醫下肚啦，聽聞ｅ間餐廳海南雞飯好出名，咁就試下啦！好好彩門口有張吉枱，我地當然立即坐低，點左兩個海南雞飯！第一樣野係飲湯，起初對眼話俾我聽ｅ個係什菜湯，但係一放落口就覺得好多南瓜味，另外裡面都好多南瓜肉，幾香！到飯啦，都好香雞油味！到左雞肉啦，雞肉好滑，我最欣賞就係餐廳提供左三款汁醬，三款都各有特色，而我覺得最好味就係ｄ醬油，煮得好好味！最後我同我老友都係五分鐘就食晒啦！！好好味

激讚無骨海南雞飯!雞:　皮薄, 肉嫩, 油份剛剛好醬汁: 有自家調教風味雞油飯: 有雞油同香蒜, 好香口南瓜例湯: 好甜又夠濃完全感受到每個細節都用心經營, 請支持有實力的小店!

本身好錐鍾此食海南雞，但好食既海南雞真係唔易搵，好多出名既都只係得個貴字，又未見得特別好食~~~入去時車上見到有海南雞飯，又好似幾OK喎，去左咁多次西貢，都唔知有間食海南雞飯既舖頭，不如就試吓啦~~~間舖喺食街入面，細細間，但感覺好有風味。好型，成間舖只係食四樣野，勁！我地叫左2個金雞去骨海南雞飯套餐，個套有個湯(當日係南瓜湯)，本身唔飲南瓜湯既我地都覺得好味，好home feel好正個雞望落去已經覺得好滑，一食果吓，嘩，雞胸都好滑，好香好鮮味。雖然，我本身唔太鍾意食雞皮(其實皮都唔太鍾意食)，但都覺得佢好爽滑。雞脾，簡直係升級版，真係正！下次突登搭車入嚟買隻返屋企加餸都好！

以前住西頁, 長大後不時都會入西頁揾好野食這間鋪想試好耐，因見OPENRICE食評很好但因鋪面積細,時常都要等位，坐到出外面 (個人唔鍾意坐係條小巷路中心食野),一直都無機會今天4時多來到 (早上只吃過BUNCH,所然特別肚餓，不然，平日這個時候實在吃不下飯類的)可能過了LUNCH peak hour竟然得小貓三幾隻二話不說即刻入去試下這個聞名中的"雞飯"湯很快來了,是家中老火湯但只是微微暖, 不是心中期望的熱燙燙到了中段已變成全凍..........輪到"雞飯"先嘗"雞油飯", 賣相不錯但食落飯有些小乾及硬, 也沒有油香只有外表到雞, 賣相是很好的但同樣是 "淡而無味"最後我只是靠拌汁食均所有只此一次我一定不會再來

淨係西貢巷仔已經有3間賣海南鷄飯的食店，只有巷頭巷尾兩間比較好食，去參觀完朋友裝修中之新餐廳酒吧，當然要食返碟海南鷄飯，今次又再食巷尾的金鷄，點了無骨海南鷄套餐，配油飯及包一碗南瓜湯，一分鐘未夠就上枱，賣相有八十分，鷄肉尚算滑嫰，油飯有乾蒜在內，令到飯粒更入味，雖無之前那麼好食，但已經算很不錯的，南瓜湯夠火喉夠入味，不過$48太貴了！

 常常覺得海南雞飯都係幾塊雞肉加一碗白飯, 總覺得食唔飽, 但往往食完又幾飽窩, 而這裡的海南雞很滑連著油脂豐富的雞皮, 食落口是滿滿的油脂香, 但這只適合喜歡食肥雞(黃油雞等...)既人, 如果你係常走雞皮, 對d滑嘟嘟都唔岩既人, 可能就會覺得好肥, 成口係油。我所叫既麻辣其實係普通海南雞飯再澆上辣汁, 並不是隻雞係辣味, 建議唔食得辣既人 (如我, 只受麻,小小辣), 叫普通好了或汁另上, 又可食原味又可試第二隻味, 同埋隻辣汁沒有麻的感覺只有辣而已。試完成餐反而好喜歡個湯, 對於一碗附送既湯, 一點都不馬虎, 當天係南瓜煲紅蘿白, 南瓜打茸重有一絲絲, 食落有口感加埋紅蘿白好清甜, 成碗感覺好freash好健康, 喜歡喝湯的人會明白, 喜歡喝湯同綠色生活的人會更明白。

只有不足半小時，要吃個晚飯，當然不要去西餐廳。在西貢，不想吃老麥，pizza，還有雞飯，雞飯有泰國版，還有海南版。這店水準穩定。如果跟泰國雞飯比較，這店的🐔較有🐔味。醬料有三種，海南版嘛，甜醬油，好味！吃🐔要有薑蓉，才有錦上添花的滿足。我當然不會配白飯，油飯好味D，我不吃雞皮，所以不評價它夠不夠滑。碗湯真係少咗D，我冇偷飲ga，📷先吃。在我吃飯那十五分鐘，有三個人來買外賣，其中有兩人買半只雞，（外賣有八八折）這店的生意真不錯。買回家，吃得更舒服。店裡其實幾屈質。吃完快閃，繼續我的活動。