金蘭花泰國菜館

營業中

休息中

新年前忙於約朋友食團年飯, 今次一行四人去左位於九龍城既小泰國區食泰國菜此店店內比較舊式, 揭開餐牌原來此店已經是廿年老字號,現在店鋪經營到廿年真不容易, 無加一服務費, 款式方面比其他泰國菜多,呢到菜一客有蝦餅同魚餅, 炸蝦餅夠彈牙, 內裡全是蝦膠, 炸魚餅都好大件, 香料再落重D就好美味, 每款兩件(切上), 岩晒兩人或四人分享,馬拉盞自選蔬菜, 配通菜味道就最夾, 唔辣又帶點咸香, 一D都唔油膩, 好健康脆皮豬手不得了, 豬手皮炸到脆卜卜非常香口,每一啖都食到(索索聲), 肉質夠淋, 份量都好足, 仲要配埋兩支泰象啤, 真係非常抵！地點位置方面, 右邊的小店都是金蘭花, 約左朋友記住要睇清楚邊一邊先岩地點

之前行街多數食日本菜，韓國菜或者西餐，巳經食到厭。近來愛上食泰菜, 喜歡果種酸酸辣辣既感覺。問過朋友，佢叫我試下九龍城呢間老字號金蘭花，於是放工去左呢間食。冬蔭功朋友叫我必試呢度既冬蔭功，我叫左碗細既。個湯睇落好濃咁。飲一啖試下，WOR~ 即刻愛上! 香茅味好重好正，酸同辣都好夠勁道。成個湯好多香料浸住，D蝦Size都夠大，湯又夠濃郁，真係真材實料！曾經去過幾次泰國玩，覺得呢間既冬蔭功仲好飲過好多泰國果邊既餐廳。算我朋友無介紹錯啦~炒椰苗泰國既菜，賣相翠綠，食落爽口，蒜蓉味都幾惹味。OK~泰式生菜包生菜食落都新鮮爽脆。肉碎炒得好香又唔會好肥。食落去又係我最鍾意既酸酸辣辣，好開胃。生菜包住肉碎食，食完一塊又一塊都唔覺得超飽。最後我連墊底果塊菜葉都食埋。金邊粉炒得幾有鑊氣，夠乾身唔油膩，入口彈牙，甜、酸、鹹咩味都有齊，仲有花生碎撈埋一齊食，味道層次豐富到不得了，超開胃，我諗我自己KO一碟都無問題呀。

九龍城美食匯特別係泰菜這間餐館是九龍城的老字號抵食味美用料十足.先黎這個鮮椰青 HKD32份量大椰水清甜解渴 非常解膩有別於外面椰青體型大 所以椰青水不少不像其他餐廳那樣金玉其外...... 而椰肉易於刮出來吃 滑嘟嘟 好好吃.看似平平無奇的炒飯但味道及香氣突出鹹魚令整個飯變得更香飯夠香口並具有口感雖然有鹹魚 但卻鹹度適中唔會過鹹加入芥蘭碎令炒飯口感變得韌而爽.整頓晚餐都令人十分滿意性價比高無加一的服務費是很值得推薦的家常便飯

姊妹又係時間食飯，因為T小姐開會開得夜，於是就佢去九龍城食飯。見T小姐遲遲未黎，唔理LU，同F小姐叫住野食先：炸蝦餅：T小姐食到停唔到口，自覺是不錯的水準。炒椰苗：不錯的說，爽脆又好甜，最快清哂。泰式抓餅：推介正呀，熱辣唔在講，外脆內軟，煙煙靭靭，係九龍塘眾多抓餅中都係冠軍！順帶一提，阿姐人很好，而每枱自己一壼冰水，實行自由斟都幾好。謝謝F小姐請我食飯>3< 希望往後日子你多啲請我食飯啦~ 也謝謝金蘭花給我們留一餐美好的飯局

通常吃泰國菜我也選擇專程到九龍城這邊！！跟出銅鑼灣灣仔等地其實差不多，不會特別麻煩。每次我也盡量試不同餐廳，見識多一點嘛。今次選了一家名為金蘭花的泰國菜館，整體感覺也蠻泰國feel，而且價錢算是相對相宜，免收加一。招牌脆皮烤豬手（$158）: 推廣期內還送兩支象啤，真的超值。豬手皮脆肉嫩，一個菜式兩種感覺，皮烤得香而脆，還帶少許脂肪香~在豬手肉滑，味道剛好不會太鹹，還附秘製酸辣醬。GOOD 下次可以再試下

有一段時間無食泰國野，今日口痕同朋友去九龍城試新野。餐廳係同一條街有兩間鋪，入面都唔細，平日食都滿座，證明都好食。去骨白雲鳳爪($55)完全被佢外表呃左，食第一舊辣味即刻攻上來，但另外一個食得辣既朋友就覺得少少辣，可以接受。鳳爪爽口，分量作為前菜就剛剛好。椰青($32)椰汁好清甜，配辣野，椰肉好易刮出來食，而且好滑，我連個椰蓋都唔放過，刮晒出來食。蝦餅 ($52 /4件)炸得剛好，上菜時仍然是熱辣辣，外皮炸粉薄薄一層，入面蝦肉份量都好飽滿，旁邊醬汁都特別，是甜醬加辣椒，我都KO 左大半碟。串燒($12一串)我地點左雞肉，豬肉，雞腎，雞軟骨，魷魚，12蚊一串真係好抵食，重要每件都厚身，不會將貨就價。雞腎係最出色之一，食得出燒烤味，熟度控制剛好，可以保留到肉汁，魷魚大小切到剛剛好，可以一口咬到。旁邊既醬汁入面有少少花生粒，配理串燒味道好夾。呢間泰國嘢都唔錯，價錢又不算貴，是心水之選。

唉，公司入面最熟既同事今日遞左信，真係好唔捨得佢走......不過天下無不散之筵席，臨走前知佢最鐘意食泰菜，所以今餐就由我請，順便farewell啦！黎左碟乾炒雞肉貴勺，有港式乾炒河粉既口感，混埋雞肉、蛋花同菜苗大兜亂，幾有泰式風味，夠鑊氣！當然要叫返個菜平衡下，呢個炒椰苗簡單清新，椰菜苗即係最鮮嫩既中心部分，所以食落特別覺得鮮甜爽脆。希望個好同事前程錦繡，以後食餐泰菜都會諗起我啦！有緣再見吧BYE~😘

周末一家人到九龍城行街，順道吃晚飯，吾知點解，雖然尼到的食肆種類繁多，但大家仍有那種「來到九龍城必定食泰菜」的想法，於是就選了這間老字號名人飯堂。我們點選了燒豬頸肉，煎或焗也比不上炭燒，瘦中帶肥，口感爽脆，配合泰式辣汁是一流；炒通菜不會一味得個咸字同重口味，而是食到馬拉盞同香料味；生菜包的生菜幾爽甜，包起洋葱、辣椒和豬肉碎來吃，酸辣醒胃；海鮮炒粉絲初放入口時味道不太辣，但幾秒後辣味就湧現，非常過癮，最難得是海鮮的數量出乎意料的多；泰式鳳爪同柚子沙律都是必點小食，每口都包含酸、辣、甜幾種滋味。服務方面，泰籍姐姐侍應幾Nice，上菜速度快，整體而言是不錯的選擇。

這陣子，多了不少走fine dining路線的泰國菜餐廳，fine dining是吸引的，但又有誰會經常去fine dining的泰菜呢? 有時還是要做平民，走到九龍灣吃泰菜。這天，我們走到了九龍城的金蘭花，嗜一嗜美味又便宜的泰菜。炸蝦餅也是吃泰菜必點的，這裡的炸得不錯，不會太油膩，而且真材實料，充滿了蝦膏，質感彈牙，大件夾抵食。另外亦來了份串燒，豬牛雞分別各二；沙爹醬味道濃郁，肉質方面亦軟腍，整體的感覺都不錯呢。除了小食外，當然要來上主食；這份炒飯名符其名，真的有點辣呢，不過越辣吃得越爽；當中亦有數隻大蝦，吃飯的同時，其實用來伴下圖的咖哩汁是超棒的。

每次去泰國旅行都要吃個夠、吃個瘋狂，因為當地美食實在正宗好味又經濟，好彩在港也能找到價廉物美又夠地道的泰國餐廳滿足口腹~唔同平時好多泰國菜館食個D咁，一係太淡唔入味，一係得個酸字。呢度個鳳爪咸、酸、辣味平衡做得唔錯。不過我食呢度菜，最鍾意唔係食鳳爪，而係食配菜，佢D青瓜同生菜都好新鮮，但若果能夠有埋唐芹，取其香味，爽口，咁就一絕了！咖喱汁味濃而充滿椰香味，但至正其實係個大法包，個皮焗到脆卜卜，相反入面又鬆又軟，點咖喱汁食就啱晒。

見天氣凍凍地，就約埋兩個friend去食啲「刺激」嘢暖下身，講緊嘅就梗係食辣嘢啦！而辣嘢嘅首選毫無疑問必揀泰國菜，問問同事意見，有人推介我哋嚟呢度食~見到店內嘅侍應姐姐都係泰國人，感覺食物都會夠地道~首先叫咗個冬蔭功，個湯頭可以話係集合咗酸、辣、甜、鮮同香嘅味道，飲得出非常足料上枱嘅係豬頸肉，件件都燒到好香口，肉質帶韌性，食起嚟好有脆度，先食一件唔點汁，再食一件點辣汁，唔怕辣嘅人真係要試下，因為辣得好惹味，仲越食越開胃，令人忍唔住一件又一件咁送入口~yummy~臨尾食埋個泰式炒飯，入面有好濃嘅金不換葉香味，令人食慾大增，炒飯粒粒分明，食完好飽又滿足

好像很久沒有食泰國菜了( 其實只是個幾月,不過好像過了很久) , 所以昨晚就跟朋友去了九龍城食我最喜歡的泰國菜~ 一來到門口見到有一群人聚集在門口, 原本以為又要再等上好一陣子。怎料原來他們是剛埋單走了,所以不消一分鐘就已經安排了座位給我們, lucky ~ 泰式鳯爪：見到人地個碟好靚，所以叫了一碟，都幾辣，味道就不過不失；炸蝦餅 , 有5粒大大粒, 比想像中脆口和大粒, 正~ 泰式炒金邊粉: 一致認為好食, 夠酸又甜麵包咖喱雞：用麵包配咖喱，幾好食但個咖喱偏向香甜,椰汁味多, 辣d會更好

閉關一星期後,晚上別再讓自己呆在家中,相約家母飯聚;一行五人本躍躍食泰國菜"泰蘭花".老闆娘引領我們至六人座 ,他們很體貼。串燒沙爹半打--豬牛雞沾上極惹味濃重的沙爹汁後,基本上已分不清為哪款肉,但整體水準不錯!泰式炒通菜及鹹魚炒芥蘭--碟頭極之的骰,沒甚漣漪的味道!泰式無骨鳳爪--無骨鳳爪酸辣味不嗆鼻,鳳爪醃得入口味爽口出品超凡 服務倒超群一眾侍應笑容滿載,招呼勤快落力;令此頓飯滿意度大大提高!下次都要一家人再尼試其他

所有野勁鹹！超難食既一次泰國菜！好失望！海南雞=鹽水雞！食左啖都唔想再食！離曬大普呀！飯又勁硬燒鰂魚=鹹魚！佢整出黎係好靚咁但完全食唔到⋯一咬勁鹹！叫佢取消立即同我講話整緊第二條⋯心諗當比多次機會！五分鐘都冇就整好出黎⋯但明明第一碟等左四個字多先有⋯一食！又係一樣！直頭發火話佢！佢就話係唔岩你口味者！嘩叫人點食呀泰國人都唔係食咁鹹既炸魚呀⋯⋯冬蔭公湯又勁鹹勁酸！我自己再溝d水整番淡d先飲到⋯反而馬拉盏椰菜苗就可以完全冇味！

好耐冇食泰國菜啦，放工後過左去九龍城呢間金蘭花泰國菜館食晚飯！由旺角搭小巴或巴士都幾方便。餐廳裝修簡約夠地道，餐牌選擇都幾豐富架，仲圖文並茂，夠晒貼心！同朋友隨便點左以下幾項食物試試泰式鳳爪酸酸辣辣嘅醬汁配鳳爪，開胃又好味，作為餐前小吃就啱晒鮮蝦冬陰公湯冬天凍冰冰就梗係要飲返碗熱湯，所以就點左呢個鮮蝦冬陰公湯！鮮蝦都幾爽口彈牙，冬陰公湯都係酸酸辣辣的，好暖身馬拉盞炒通菜通菜碧綠鮮嫩，馬拉盞份量都幾多，所以食落好鹹香又香口，仲好有鑊氣添，好味道香脆豬手豬手外皮燒得香脆，內裏啖啖肉，充滿豬肉香，建議搭配酸甜汁一齊食減低油膩感！同埋呢道菜適合多人開心share食泰式燒豬頸肉大大塊厚切豬頸肉，份量勁多！廚師將肉燒得剛剛好，軟腍富肉脂香，送飯食一流呀！