金蘭花泰國菜館

營業中

休息中

休閒一日去到九龍城行下，到左晚餐時間就search左呢間泰國菜試下，黎到九龍城話求其揀間都好食，抱住希望無揀錯既心態。呢間泰蘭花未入去前已經介紹左今日優惠係咖哩炒蟹送椰青，本身就是諗住食蟹。坐底左門口二人枱，少少迫但無乜所謂，兩個人叫左糯米飯釀雞翼（兩隻上），雞翼好脆糯米飯太林唔夠香無乜味道，酸辣鳳爪小辣都夠辣好正好開胃，仲叫左重頭戲咖哩炒蟹，有足一隻肉蟹，咖哩不辣偏甜，肉蟹尚算新鮮，隨口叫左碗白飯送咖哩汁，個汁送飯好食，但本身自己中意食辣，所以無乜驚喜，個蟹價錢中等還可接受。送既椰青都大大隻好鮮甜。

星期五晚約左班fd去九龍城食泰菜，8點去到全場坐滿人，今次唔會伏啦掛🙈 好口渴，第一時間叫左杯三色冰，中意食甜野既我都覺得好甜！d三色jelly（?）同出面唔同，粉紅同綠色都係大大粒方型，食落係爽既，好似食緊膠粒咁，一句講哂唔好飲... 第一碟！馬拉盞通菜， 偏油偏細碟，但味道都算夠，咸咸香香，正常水準啦。 平時炸蝦餅就食得多，蝦餅皮蛋就真係未食過🙈 蝦餅食落霉霉地，一d都食唔到蝦膠爽既感覺，似係攪碎d蝦肉咁...皮蛋糖心，但同蝦餅冇咩特別化學作用，冇令兩樣食材加分。 最後一碟咖哩包！平時出面食開百幾蚊好大碟，呢個睇落大，但個包入面其實有個椰殼仔載住咖哩（雖然作用應該係唔想整林個包）但真係太少。雞粒細過骰仔，似係雪藏雞柳，加埋都冇十粒，好失望 個咖哩仲要係極咸！食哂成個包都仲要加飲去送（問題係咁少咖喱都要加飯送，就知有幾咸）... 呢間真心唔推介，九龍城高質既大把！

平日的晚餐, 大約6:30pm, 沒有預約亦不用等位, 兩間舖位連在一起的。生菜包~生菜新鮮, 這種辣是慢慢辣下去的辣, 越吃越辣, 生菜包的特色~豬頸肉味道正常的好味。通菜陣陣蝦醬味道當然是惹味啦!椰香雞包, 超好味~ 法包蓋薄薄脆Yam埋啲汁簡直是無敵! 入邊有一個小玻璃碗載著的, 所以法包裡不會被浸到淋betbet內裡還有少量椰子肉, 不過真的太少了。。汁都滿瀉了, 餸就不算多, 玻璃碗太小了。我們離開時越來越多人了, 食飯book定位較穩陣。食物好味, 價錢合理。

父親節又到了！爹地想食泰國菜，之前有朋友推薦金蘭花，話佢個咖喱法包好正，就決定一試當日收工即刻去九龍城，差唔到五點三就到餐廳(因為冇book到位，所以早啲去)一入到餐廳，得一台客，但老闆娘就話父親節做兩輪，分別係六點同八點，如果我地要食既話，六點就要交台，雖然好似要食得好快咁、唔可以好好地享受，但係一場黎到，又係父親節，周街都會係咁既是情況，就決定坐低食啦～拿拿臨落完order，都等左十至十五分鐘，第一道菜先上到。第一道菜係糯米雞翼，雞翼皮炸到微黑，食落唔冇想像中脆，但一咬即開，入面係糯米飯，整體味道唔會太鹹，點埋個泰式甜酸醬更加好食。少食炸野既我咬左一啖，覺得唔難食亦唔會特別驚艷，但中意食炸野既爹地就話係全餐飯最好食既泰式燒鰂魚，哩道菜賣相好難好睇嫁啦！之前係另外一間泰國餐廳食過都幾好食，心諗應該會有內涵既。可惜‥‥魚唔大條，可以食到既肉較少肉質燒得太乾，唔夠juicy同肥美，夾果陣仲會出現散肉既情況，但又未至於梅肉，介乎新鮮同唔新鮮之間魚肉味道唔夠鮮，冇咩魚味魚皮因為用大量鹽yip過，係食唔到既整體黎講，好一般，可以唔試(之前食過果間做法一樣但肉質仲可以保持鮮嫩嫁)泰式燒牛仔骨，睇

同一班朋友去到九龍城搵食，就梗係要食番泰國菜。今次就試左呢間金蘭花，平日中午去食都無咩人排隊。門面黎講係一間好地道嘅菜館，裝潢樸素。我地都叫左幾多食物Share，蒜蓉包，脆卜卜，就算凍左少少都係咁脆，用黎點咖喱更好食！（本身叫左青咖喱就係因為太快食哂無影到）好開胃嘅無骨酸辣鳳爪，唔係太辣，味道恰好。生蝦刺身，相當新鮮，連埋蒜頭一齊食好爽口彈牙，仲有佢利用埋個蝦頭拎黎炸，用哂成隻蝦唔浪費！炒金邊粉，酸酸甜甜，唔太油膩。冬蔭功湯河，味道偏酸，有飲多幾啖水先得。冬蔭功湯河，味道偏酸，有飲多幾啖水先得。

黎得九龍城，一定要食返餐泰國菜；而要食正宗泰國菜，金蘭花絕對唔會令人失望菜式選擇超級多，只係見到食物相已經令人食指大動🙃先來一客熱辣辣既豬頸肉！份量充足，燒得香噴噴，肉質夠彈牙，配上酸甜醬汁，食得多都唔覺得滯青咖哩配牛，配埋飯一流！咖哩溝埋濃香既椰奶，夠哂滑之餘亦中和哂辣味；牛肉同樣好食，唔會話煮得好老好韌食肉之餘亦要叫返碟菜調劑下。選擇通菜係貪佢夠爽口，食落亦有一陣蝦醬味，唔錯唔錯一人一枝象啤，杯係冰過既，真係有心呢度野食要讚之餘，上菜速度亦快，而且唔收加一，有機會的話一定會再黎😄

6/12/2017晏晝食完野，想用信用卡俾錢，佢話要$200先收卡，我當時唔夠散紙，想佢通融，佢打死唔肯，話難做喎（用EPS都話唔得）。我環顧四周，見收銀位有大大隻VISA字樣，未見有消費幾多先至收卡嘅語句。之後有個女嘅show份大menu俾我，第一頁就話有消費400先收卡嘅字句。件事原本好簡單，不過我好唔滿意嘅係，第一，客人入到餐廳，第一只會睇你餐廳嘅環境格局，入面有冇位坐，唔會睇你份大menu，何況點午市套餐根本唔需要睇大menu; 第二，我留喺餐廳，我太太出去銀行攞錢，佢行出去嘅時候，全部四個女侍應走哂出嚟，啤住佢，驚住我地兩個想走佬咁！OK，走佬就走佬，以後唔再幫襯，就係咁簡單！

第一次到這間餐廳吃午飯，有意㚈驚喜！冬蔭公湯酸辣甜美、辣椒花甲-那些蜆肉新鮮彈牙、還有黃咖哩雞法包-濃濃香滑的咖喱放椰子內，外加一層法包 （脆脆的法包浸滿香滑的咖喱，想起即想再吃）、再加上一杯香茅薑杞子熱飲；幸福感覺滿瀉！飽餐一頓後，沒有滯漲和口渴，証明真材實料，不含味精。那裡的員工和主廚都是做了二十多年的員工，真正的老字號。泰籍主廚堅持用新鮮材料不開粉，是品質的保證。以後有多一間好食去處了😃😃💕😋😋

到了北京工作三年，偶爾回港，每次都時間緊迫。今天回港，特別到九龍城，去我喜愛的金蘭花泰國菜館。小小的店舖，待應依舊是那班友善檏實的泰國姐姐。 馬上叫我最喜歡的泰式生蝦，肉質鮮甜，加上炸蝦頭，簡直一絶。見他們正在sell 緊辣椒羔雙龍蝦，只售 $258， 非常扺食，但始終是細龍蝦，我們一行六人，始乎不夠食，但辣椒羔配上龍蝦肉，非常惹味。不得不提的是泰式豬手，還送了兩枝象啤，豬手炸得烚到好處，吃了一囗，便想吃第二口，停不下來。 其他餸菜都非常美味，但我最愛的是這小店，平平實實，友善待人的作風。

假日來九龍城覓食，當然要試試這邊的泰國菜。走著走著看到了這家泰國餐廳，聽說是很久歷史的一家餐廳，於是便進去一試。數張餐桌餐牌如下來泰國餐廳，我必定會點泰式生蝦刺身$92。一邊冰鎮著的生蝦刺身，連蒜頭辣椒一齊吃下去爽口彈牙，連蝦頭都炸得香脆可口。炸蝦餅$53炸得可口的蝦餅，裡面還有一口口的蝦肉。泰式柚子沙律$65清新的選擇鐵板蠔仔蛋$76蠔仔數量不少，不過略微不夠香脆，過份軟身。鮮蝦冬陰公湯 $109/中中間的爐火把冬陰公湯一邊暖著，每一口都可以喝到熱熱的湯。湯裡的蝦肉香草菇也不少，而且香茅、檸檬葉的香氣撲鼻。

泰國菜一向都特別討人喜歡咖喱椰子農夫包雞入面有一片片同原隻椰子同雞肉。農夫包外脆內軟，極度推介，價值$118，性價比高😂因為太好味，我們追加了手抓餅，完全配搭。簡簡單單的馬拉盞炒通菜又係性價比高，味道不會太咸，用來配飯一流。串燒不過不失，亦是燒得熱熱，味道不錯。

提早同親戚造節，最後揀左泰國菜，夠晒破格。1）服務部分呢度小食質素唔錯，但服務態度真係唔掂，有位後生女侍應，冇笑容都算，埋單時親人望左陣張單，佢竟然以不耐煩嘅態度講：「無錯下話？」如果唔係成班親戚造節，我一定話佢。2）食物部分小食整體都唔錯，例如以下呢幾款。酸辣去骨鳳爪（$58）鳳爪酸酸辣辣，無骨亦夠入味，我地前後叫左兩碟呢！醬爆蝦丸（$60）好彈牙，食嘅時候要小心，入面啲蝦膏會爆汁架，正！炸蝦餅（$53）新鮮熱辣，同蝦丸一樣咁好食。串燒沙爹（$13/串，6串起）串燒有驚喜，夠香夠熱，反而個沙爹醬太甜，麻麻地。鮮蝦冬陰功湯（$185）味道偏酸，蝦亦偏細隻。泰式炒椰苗（$69）好有鑊氣嘅一碟炒菜，但有啲鹹。脆皮豬手（$168）呢個豬手送兩支啤酒或汽水，豬手烤得皮脆，肉就都係有啲偏鹹。大圓法包椰皇咖哩雞（$113）送椰皇水一杯呢個咖哩雞以法包盛載，連包點咖哩一齊食，麵包就夠脆，但咖哩就好甜，唔知係咪加左椰皇水嘅關係，我expect咖哩味道應該係辣少少嘅。乾炒金邊粉（$68）金邊粉炒得乾身，一貫炒金邊粉質素。總結：小食比較出色嘅一間泰菜，但服務真係要改進下。

未講食物之前，要先講講呢間店厚來員工對個餐牌都唔係好熟，當我問佢生蝦一碟有幾多，佢居然可以答我：4至5隻我聽完即問佢：咩叫4至5隻? 4就4，5就5架啦! 次次唔同架?仲有，小店做梗柯打豬手送兩支啤酒/汽水，但職員唔會提你、唔會講你知、豬手上左枱都唔會問你飲咩..UM.. 我記得職員唔夠細心囉生蝦刺身 ($92)如圖，一碟有六隻，同職員所講既4至5隻有出入…生蝦唔霉，算彈牙，泰式汁調得唔錯最特別係有炸蝦頭!! 可以食埋串燒沙嗲 – 豬牛雞各兩串 ($78)豬係最韌，牛都仲可以，雞比較好食串燒除左肉質之外，我覺得個醬先係靈魂!!但呢度個醬係花生醬加辣椒油，花生醬太甜同辣椒油做唔到朋友，點左個醬仲衰過唔點。唔建議大家點串燒食乾炒金邊粉 ($68)又係一碟令人失望既食物…炒完既金邊粉仍然好濕，一pat pat，唔彈牙..而且好酸…同我平時食既炒金邊粉差太遠啦中鮮蝦冬蔭功湯 ($109)呢個湯幾好飲，酸酸地微辣好開胃。而且磨菇分量唔少，蝦都有好多隻唯一缺點係個湯羮太大，”不”湯都”不”唔到，最後都係用返自己個羮黎”不”泰式鹽燒側魚 ($93)魚肉多，係比較實既款，而且又唔腥，點埋個汁味道又昇華

味道依舊不變@金蘭花 自搬家後已經好一段時間沒有到九龍城食泰菜，小時候在九龍城長大，假日和爸媽不是飲茶而是去食泰菜，因為當時九龍城酒樓只有幾間，要飲茶分分鐘要等上半天～反之泰菜館林立，總有一間係附近， 加上好多泰國人聚居這裡，這裡彷彿就是小泰國。那時我們很喜歡到金蘭花食飯，喜歡這裡坐得舒服，味道好而且價錢便宜 金蘭花格局多年來都是老樣子，姐姐都是廣東話流利而友善的泰國人，冷氣強勁，平實裝修但乾淨坐得好舒服。不收加一是最可愛，一切都是很平凡踏實 點餐最經濟，有湯有肉不用煩惱之選 泰式飲料～平均＄２０多一杯 散點也不貴，也較靈活 食泰菜當然啤一啤最夠爽，我推介朋友來這裡必點上一份脆皮豬手，因為會送兩支泰啤，實在抵。送的啤酒也會雪至冰凍才款待客人 脆皮豬手＄１６８送啤酒兩支 上桌時還在冒煙，豬皮咬起來卜卜脆，點些泰式辣醬食起來更醒胃，酸酸辣辣的 豬手沒有很多的豬肪，店員哥哥說這是秘方呢～ 在燒的過程所有油脂都被燒走，而入面的肉則保持嫩滑 食起來好似在食燒肉皮一樣 焗椰青飯$98~勝價比高,份量超多,相信4個人都夠分原只椰青用來焗飯，入面的椰青水也會一起奉上，很均真。那

平時來這裡，因時間匆匆，多數食午餐，今天除了叫了一客午餐外，還點了泰式拼盤和柚子沙律。泰式拼盤有香葉包雞、蝦餅、春卷和串燒沙爹四款食物，蝦餅爽口彈牙，沙爹串味道好惹味，雞肉嫩滑多汁，但春卷一般，香葉雞炸得乾了點，有待改善泰式沙律清新美味，是最適合夏天的食物，有頗多的柚子，還有新鮮菠蘿，加上腰果的香口，很和味