金萊原盅蒸飯

營業中

休息中

😀 通常係旺角區食飯，一般都唔算平！所以每次來呢頭行街，我都會來朗豪坊附近的旺角熟食中心。呢間“金萊原盅蒸飯”，前後都食過幾次！今晚來1個XO醬海鮮鴛鴦炆米，配西洋菜燉猪骨湯，再加1杯凍檸茶；只須$44！炆米份量頗多，相比之下，蟹柳及其他配料較略少！不過炒得唔錯，唔多油，冇炒到黏埋一舊舊咁！OK啦！燉湯味道較為清淡，西洋菜、猪骨算幾足料！凍檸茶則少甜，還可接受吧！係呢度可以一邊食、一邊玩政府Wi-Fi，認真賞心樂事呀……😅😅😅！

收工出黎旺角，本來想食吉野家，但發覺太多人排隊，又唔想食金拱門。突然醒起朗豪坊隔離有個熟食中心，於是就去望望。行左兩三個圈，就揀左呢間金萊原盅蒸飯，因為望落價錢最平食到個飯。叫左個土尤蒸肉餅飯，上菜好快，連錢都未收，叔叔就轉個身叫廚房整個肉餅同飯出黎，仲有油菜送。服務態度都十分十分好，第一次光顧唔知野飲點收錢，我問佢：「凍飲要唔要加錢？」佢亦都好好態度咁同我講：「凍飲加２蚊，熱飲唔洗加錢」最後我都係無加錢叫左杯熱檸水，但叔叔依然好好態度咁話：「無問題」，又即刻轉個身沖左杯熱檸水比我。服務滿分！當時６點４５分左右，都算幾易搵位，好快咁就坐低開餐，第一眼望落賣相唔錯。先試左啖菜，幾爽口清甜，不過都有少少偏鹹，如果落少啲調味會更好。而個肉餅我先試左一口，唔。。。都幾鹹下，或者因為客人都以藍領居多，佢地比較食得鹹。最後我決定將個肉餅夾起，晾乾啲鹹鼓油，先再放落啲飯一齊食。肉餅仲有少少扣分係因為偶爾咬到幼身硬骨物體，應該係因為去骨唔太完整。飯入口有少少偏硬同乾，可能係因為我只係連肉餅食，無加鹹鼓油落去。如果你食得鹹，加番少少落去口感會更好。

因為公司係附近關係，一直都有幫襯開D間嘅蒸飯類，必加花旗心瘦肉湯。蒸飯就食到悶悶地，今次就試下湯飯啦!叫左個蕃茄豆腐肉片湯飯($30)，因為唔同蒸飯類已經蒸定，湯飯係即整，所以要等一陣先有，賣相黎講算OK啦，都幾多料，蕃茄幾新鮮；豆腐都滑嘅；肉片可能因為即整關係冇時間醃，原汁原味嘅豬肉味，都算OK；個湯底亦相當唔錯，幾甜。蒸肉餅飯($28)加湯(+$6): 肉餅好淋，都算鮮味，唔錯。但係個人覺得肥左小小，如果個肥瘦比例係1:9就好了~ ~蒸排骨飯($28)加湯(+$6): 排骨唔鞋又淋，D骨好易整出黎，都幾夠味。蒸雞飯($28)加湯(+$6): 叫得最多次嘅飯，真係好好食，係有一次唔知點解失左準，之後又OK番，雞肉同木耳都好入味，又唔會過咸，重點係唔鞋同冇骨！

因為公司多野做關係，一番到去就做做做，做到兩點零嘅時候肚餓，諗住拿拿臨食完再做，但唔想又食燒味飯嘅時候，就過附近熟食中心個到平平地解決啦！去到都幾爆，張張枱都有人。叫左個木耳滑雞蒸飯($28)涷檸茶(+$2)，等左１－２分鐘，個哥哥仔就彈左我個餐出黎😮😮😮，好在我自己一個人黎是但搭個位都得。😅唔好睇個飯好似好大碗，因為墊高左，實際飯量只有一半厚😅，但都夠食嘅。碟菜就......第一，冇味。第二，只係煮得太耐有小小霉。我覺得都OK啦，個餐又唔係貴仲有菜送。🙂木耳蒸雞個汁我一直都好鐘意，唔錯👍🏻👍🏻👍🏻木耳蒸得太耐有小小淋，但都OK。雞呢.....今日真係失晒準，雖然唔鞋，但係肉質太老，有一股濃烈嘅雞蘇味🙀💩💩💩，就好似置身街市雞檔個種蘇味，每一啖都有，最後真係唔太接受到冇食晒。😰😰涷檸茶對我黎講太甜，下次都係+6蚊叫番花旗蔘豬骨湯，上次飲過覺得個湯幾好味。🤔👍🏻👍🏻

旺角真係好多野好食，想食得清清地我會選擇去金萊。蒸飯30夾左右一個，有湯有菜有野飲。蝦醬蒸腩肉味道好夠，蝦醬味濃，用黎送飯真係一流。菜就比較淋，不過都ok啦，係旺角想平平地食返餐係幾好。

見到有網友說這兒的"蝦醬腩肉"好味便叫了一份蒸飯餐來試試說真的我覺得我中伏了我心目中蒸飯是把餸都放在飯上蒸誰知原來只是蒸白飯給我的腩肉說正確一點是肥豬肉腩肉是一層層的吧它是十分九都是肥另外, 我只吃到豉油味說好的蝦醬呢?整體我覺得不好吃你說23元還想吃什麼我想說, 熟食中心其他店也有二十多的東西吃而且好像更好吃的樣子總之這個蝦醬腩肉完全不行

喺油尖旺食個lunch,想搵一間$25內包飯&餐茶嘅舖頭??得,10年前就得,而家?難矣...不過,世事無絕對,點估到所搵到嘅,會位於人來人往嘅著名大型商場隔離先得ga...午飯時間的確難搵位,如果得一條友仲煩,因為要買咗飯,再捧住碟飯周圍搵位,仲要見到有位都要問下隔離個位有無人坐...係就係煩啲,但地方尚算乾淨,最緊要價錢又平,無謂咁苛求喇...金萊,一到lunch勁多人幫襯,無他,平,靚,正,足以起朵...最鍾意食佢個土魷蒸肉餅飯,個人鍾意食硬身肉餅,太淋會冇咗個質感,佢呢度做得好,仲要唔鹹,撈飯一流~飯又係大大碗,係成日唔多穩定,飯有時過硬,不過都ok...仲附送一碟油菜&一杯餐茶(熱飲),埋單都係$22~抵食到呢...呢排要慳$$$,呢度順理成章成為小弟嘅飯堂~

朗豪太多人, 轉過黎呢邊食; 之前已食過另外的幾間; 又不想食太油膩或太多肉,結果幫襯呢間, 但冇叫蒸飯, 叫了個肉碎湯飯.叫NUMBER 的時候, 才出去攞, 份量真的不少, 成個碗的飯, 清澈可見!都足料架, 湯清清地, 唔太咸, 飯都好多, 邊食邊發水, 食極都仲有平碗, 女仔一定食唔晒.蛋及肉碎都夠味, 紫菜爽.快速食個LUNCH , 其實呢間的湯飯都OK 噃.

因為貴網的戲票, 我同太太來了旺角看戲兼行街. 時間剛剛過了中午. 是下午茶的時段. 心想是去食下午茶的. 身在朗豪坊的我們, 實在想不到商場內有什麼好食同啱食. 在這一個關鍵的時刻, 我又想起了這一個名字. 旺角熟食中心.選擇多, 價錢平, 這個隱蔽的空間是不少旺角打工仔的天堂. 因為經濟, 地方又算乾淨, 一個人在旺角時, 這是一個周不時令我想起的好地方.太太有太太食, 我就自由題的自已選擇喜歡的類型. 是日, 我就選擇食蒸肉餅飯.這一檔, 賣的是原盅蒸飯. 一砵砵的生米蒸白飯就是這兒的主打賣點. 這樣蒸出來的飯, 粒粒煙韌, 充滿飯香. 在香港, 算是少見的特別口感. 不過若大家去得深圳多, 這種飯, 是時常食得到. 淨一間打功夫的就己經以這一種飯為主打.再說一說, 就會說到蒸肉餅. 肥肉同瘦肉分佈得非常之平均. 質地腍腍的, 有少少軟綿綿的感覺, 而且豉油夠香. 肉甜汁香, 雖算不上是完美, 只論好味, 就真的是好食. 平平地的美味, 一分錢一分貨的道理, 不一定是硬道理.

晚上臨近打烊,在旺角熟食中心吃了個乾炒牛河店面已經半打烊架啦,點左個乾炒牛河, 佢都開爐炒於自己黎講實在灰常周道炒出來, 完全沒有HAE的意思牛肉多, 份量夠,真係料足, 夠鑊氣 (比着我, 真係阻我收工者....死XD)真係勞苦老闆仲要洗多次鑊 .__.

今次食雪菜肉絲炆米份量夠多, 味道略為淡了些, 可以加點調味, p.s. 其實可能是沒太多味精, 健康一點?如可加一點沙嗲, 或自取一碟辣椒油似乎效果更佳.+$2 凍飲 = $24, 還算挺不錯吧.

實在太好食啦~忍唔住要幫依間野打食評丫~!!!!!之前黎左四五次~都覺得佢好好食~而且有飯有野飲都唔止~仲有碟菜送~真係抵到爛~!!!!好多人都覺得佢D飯好硬~真係要幫佢平反下~其實我第一次黎都有咁既感覺~不過之後發覺只係我唔識點樣去食jer~唔係佢既飯蒸得硬~原來食之前要扒返鬆佢d飯~之後先去食~試過之後真係好好食~仲記得第一次食蝦醬蒸腩肉~當然會唔及自家製咁多料~但係佢既蝦醬好香~好好食~!!!!之後又食過佢既臘腸蒸排骨，梅菜蒸鯇魚等等~好多都好好味~而且前幾次都有叫佢既炖湯~不過都係飲螺頭炖瘦肉~飲得出真材實料~有保証~而且個湯入面亦都真係有好多螺頭片~好好飲~正野~!!!!!!!當中最唔得既係梅菜蒸鯇魚~同埋上次同朋友黎叫左佢個XO醬日式海鮮炒飯今次叫左最想食個個鎮江骨飯~酸酸甜甜~但係又唔係好酸~個汁較到好好味~不過佢唔係用d唐排黎整~反而用左豬扒個面連骨整~其實明佢既心思~佢都係想d客食多兩啖肉~覺得抵食d~不過都係建議佢叫鎮江肉排啦~會好好多~!!!!!!佢個肉排就真係乾左少少~不過以咁既價錢黎講~我會叫佢做好好味~!!!!以後一定繼續支持支持佢~而且個老闆好Nice~咩

想這位於砵蘭街的朗豪熟食街市初開之時，已是當中主顧之一，由客流稀少到現在略帶人氣，其實好多經營單位已相繼離場，能夠生存至今，總相信有一定的賣點，這「金萊」屬早期的入場客，招牌標謗以蒸飯和燉湯為主打，今次的簡約午餐，究竟是開莊還是開閒 ? 叫了一個客飯的套餐，廿七元的價錢，有蒸餸、白飯，時菜之餘，更奉上一盅燉湯，平得有點難以置信。事實是購了票之後，約分餘鐘已預備好整份飯餐，一切食物已經弄好，放在蒸爐上預備著.......說真的以這價錢，也不可奢求甚麼「即叫即蒸」。還是味道最為實際，這蒸豬腩片肉，除有淡淡的蝦醬香味之外，還配上鼓油，當今人追求健康，咀刁者會選豬頸肉甚至豬面青，我還是最愛豬腩肉，其肥瘦相間的組織，集爽口和嫩滑於一身，略為煙韌的外皮，加上蒸後的豬油滲入醬汁中，令其味更添吃慾。至於其蒸飯，確如樓下的食友所言，飯身硬了一點，欠缺上等白米的軟熟和飯香，想是成本的關係吧！ 看其器皿，瓷碗內有金屬的內膽，應該有保溫的作用；同款的內膽亦在湯盅之內，是否原盅燉湯不太肯定，其螺頭瘦肉湯，味道雖然略淡，仍喝得出一些清甜之味，沒一貫的味精燥感，喝完後撈起湯料，淋上蒸餸之汁，吃個清光。奉上的白菜仔也

之前嚟呢個中心食豬扒包見好多人食佢嘅盅頭蒸飯，今日就試試啦蒜香排骨蒸飯配細碟油菜及凍檸茶($22)，價錢實屬超平、經濟抵食其實排骨都知應該係雪藏貨，但以呢個價錢我覺得冇問題，因為雪藏肉冇嘜肉味，所以佢用蒜茸來醃帶出排骨味道，味道都唔錯幾開胃油菜份量都唔少。問題就係個飯，佢用個大碗去裝住個不(金秀)鋼碟，初時睇落以為好大碗飯添但飯多飯少我冇問題，因為我唔係飯桶，我只會食少少飯，不過硬飯我就不能接受，因為我個胃頂唔住，我食嘅時候要特別多幾先可以噬點解仲有禁多人食？莫非D人怕畀叫軟飯王？眞係另一個"迷"但我都唔鍾意食軟飯，不過不能接受硬飯囉Summary:整體上各方面都OK，價錢又大眾化只要畀番多D少水煮飯就好好喇。

我的媽媽可是這間食店的fans她超喜歡來這裡吃的因為她覺得這裡一個套餐有飯，餸，油菜，燉湯很完滿而且這裡的燉湯也是夠火喉無偷工減料的所以她一不煮飯便常來這裡吃今天晚上她便拉著我來這裡了不過其實我吃過數次也真的不差的今晚我們兩個人叫了兩個餐分別是土魷肉餅和蒸鯇魚他的肉餅真的很好吃啦很爽口的馬蹄!! 個肉餅好香同埋幾鬆化! ok呀!鯇魚就一般啦，有少少少少腥但佢d梅菜好好味!d米飯好軟熟，而且好有飯香!! 好好!最正當然係個湯啦!你真係見到有好多料架!我飲個花旗蔘湯飲完個人勁"慶"，媽咪話行氣活血喎......唯一差d就係唔係好夠冷氣，有d熱!如果無屋企飯又想正正常常吃餐飯既可以黎呢度食下呀!