金萊原盅蒸飯

營業中

休息中

在旺角中午食飯，稍為好些少都過$50，打工仔收入唔多，車費，早餐、午飯，下午茶加埋條數都幾多。今日係朗豪坊對面的熟食中心，用$35係金萊叫咗個套餐，有腓骨、菜芯、一湯碗蒸飯和一杯飲品。豉汁腓骨大約有十件，剛刚蒸好，熱辣辣，豉汁都香，腓骨當然係雪藏貨，但亦唔錯，菜芯青青綠綠，份量都多，$35有四樣嘢，加$7可以轉飲品為炖湯，今時今日算抵了。金萊還有炒粉、麵、飯供應，以熟食中心来說，環境尚算過得去，下次行開旺角，可以再來一試。

🥢旺角朗豪坊旁隱世抵食鑊氣炒粉麵🥢而家想出街食個飯炒粉麵，大多數都要超過50蚊加埋飲品就真心貴，如果喺旺角是但hea 食lunch 的話，通常都會去呢個位於朗豪坊，通過天橋就能到達，這個窮L 飯堂搵食，貪佢又平又好食🥢呢到好似美食廣場，有好好食的隱世自家燒味檔，炒粉麵，海南雞飯黃店，車仔麵，茶記野食，仲有澳門茶餐廳，重點是有好凍的冷氣價錢全部都好實惠🥢呢間主要食原盎蒸飯的小店，仲有即叫即炒粉麵，真係夠曬鑊氣🥢排骨炒麵$32 凍奶茶+$2呢到的排骨炒麵絕對是好食，因為夠曬鑊氣，上檯時熱辣辣香氣十足，麵身很爽脆而不油膩，茨汁味道鮮，絕對不比酒樓輸蝕🥢乾炒牛河$32 凍檸茶+$2乾炒牛河就感覺正常，炒得較濕潤，因為夠色水味道都算幾好，牛肉就有少少咸🥢整體來講真心抵食，$32 包熱飲仲要即叫即炒熱辣辣，但衛生程度就確實真係好一般，如果是但平平的食係一個非常好的選擇金萊原盅蒸飯  (朗豪坊天橋直達） 地址: 旺角上海街557號旺角綜合大樓(旺角熟食中心2樓)

已經好耐無食過金萊的雞絲炒金邊粉了，以前我成日去食，去親金萊大多數都係揀金邊粉，除非個日賣晒，我先會揀其他，但係自從金萊有部分炒粉麵32定唔記得33蚊，但金邊粉就要35蚊，我就無再揀過金邊粉了，今次闊別超過一兩年之後，再次叫金邊粉食，真係好期待。叫左之後，坐左一陣(大約5分鐘左右)，就有得食啦，熱辣辣好香，雞絲肉都好多，仲有青椒、洋蔥、芽菜等做配料，份量都好大份，不過唔知係太耐無食定係點呢，我記憶中的雞絲金邊粉係好有鑊氣，今次就比較無鑊氣，但一樣都係好食，係無以前咁好食，當然可能係今次失左準啦，有機會再試下，睇下會唔會好食啲。以下評分以5⭐️為滿分⭐️⭐️⭐️

對上一次食金萊時候，佢的乾炒牛河唔係好夠火喉，但係我都想比多次機會佢，所以我今次同朋友去食熟食市場時，便再食多一次金萊的乾炒牛河。今次的乾炒牛河色澤ok，沒有不均勻的地方，所以都相信今次應該係正常的。味道都係正常，好好味，好夠火喉，所以我相信應該係上次一時失手，或者大廚無返工。佢的乾炒牛河的牛肉都好足料，絕對唔呃秤，河粉都好多，所以真係好抵食，32蚊包一杯飲品，味道又ok同惹味，的確不錯。以下評分以5⭐️為滿分推介⭐️⭐️⭐️

尋日同男朋友去左旺角熟食中心食飯，今次又揀左食金萊，金萊有一些特價粉麵飯，我今次揀左食星洲炒米配奶茶，因此我想飲埋湯，所以男朋友就幫我加左個炖湯，今次個炖湯係花旗蔘雞湯。不過今次食金萊，我就有少少失望啦，因為煮唔到平時一貫的水準。一上碟，明顯啲色比平時淺色，有一半係比較淡味，但係有另一半則比較鹹，唔知係咪兜得比較唔匀循啦，而且今次的火喉明顯欠奉，比起平時的鑊氣爭左少少，唔知係咪廚房轉左人。奶茶就無平時咁好飲，因為今次的茶味無咁香濃，無左茶香，唔通今日平時店面個個茶水叔叔無返，因為係男友買，所以我唔知係咪。炖湯方面反而有驚喜，第一，蔘味都幾重，二來都飲到雞的鮮味，都真係幾鮮甜，而且保溫做得好好，我夠熱，我真情比佢燙到嘴，所以炖湯真係算高質。

最近決定左同男友去跨年旅行😍 所以要開始勒緊褲頭儲錢去狂食狂玩🤤 早幾日去旺角睇完旅行嘢之後就要搵嘢醫肚🤣要抵食夾大件，熟食中心一定係我首選‼️$32 已經可以有齊菜、肉、飯同飲品😍我豪啲啲加左$2飲凍檸茶😂 我叫左 #金針雲耳蒸滑雞 ，雞有雞味而且幾滑😂份量都相當充足👍🏻菜就偏硬，如果可以淥耐啲就好喇😅飯都係略硬，不過我鍾意😆凍檸茶就甜左啲，但係都有茶味🤤呢個價錢真係冇投訴啦☺️#平靚正#抵食夾大件#營養均衡#有菜有肉又有飯#加8蚊有靚湯#窮人恩物#foodie #yummy #camerafirst #吃貨 #相機食先 #運動就是為了吃更多

幾間係不嬲幫襯開的，金萊就係其中一間，因為佢有我最愛的金邊粉。今次我食的唔係金邊粉，而係乾炒牛河。金萊的炒牛河都好多牛肉，而且佢材料好足，有好多洋蔥、蔥等等，而且河粉又夠，大大份，男男女女都一定夠食。炒粉麵飯的超值餐仲會有跟餐飲，我當然揀我最愛的奶茶。金萊的奶茶茶味香濃，而且同埋調奶適中，香醇可口，門面叔叔沖飲品功力不減，依然咁正。呢家呢個年代，係旺角仲可以揾有得坐又有冷氣，三十幾蚊有嘢飯，仲咁夠煩喉的食物，仲可以係邊到揾到。

旺角熟食中心絕對係平民飯堂，呢次試下「金萊原盅蒸飯」。晚餐選擇眾多，價錢合理，蒸飯套餐都係$31至$36對相隔離既朗豪坊，價錢係天與地。當然，前提係您唔介意與人搭枱＋有不少中年男子患有選擇困難症既我，最後揀左「鼓汁蒸鯇魚」套餐，包括：菜＋魚＋飯，送1杯熱飲。正當我比完錢，再望下餐牌有咩食既時候，老闆已整好套餐，香港人果然有效率食物質素：就是住家飯（甘既價錢你仲想點）減肥人士都岩食既晚餐，更適合長期糧尾既我下次出開旺角，絕對會再幫襯

金萊原盅蒸飯嘅蒸餸套餐真係幾抵食，廿幾蚊就有一個蒸餸套餐，套餐包括：主菜+油菜+白飯+飲品，蒸餸有幾款~豉汁蒸鯇魚、蝦醬蒸腩肉、豉汁蒸排骨、金針雲耳蒸滑雞同鎮江骨，我比較鍾意蝦醬蒸腩肉，好惹味，夠咸香好送飯，呢度除咗蒸餸外，仲有各式炒粉麵飯供應

每次上班想不到想吃什麼或者想省錢的時候一定會來熟食中心 平時比較少吃這家蒸飯 但今天突然想吃得健康點 就選擇了這家店 他們只賣蒸飯 除了一般的排骨飯 滑雞飯 亦有賣蒸魚飯 而我點的是鎮江骨飯 $31 一份有5 6塊鎮江骨和一些菜心 酸酸甜甜的醬汁很開胃 如果肉能再燉得軟一點就好 他們還有原盅燉湯 只需加$6就可以把飲品轉燉湯 在公司吹了一天冷氣 手腳冰冷 正好喝碗熱湯暖暖身 我點的是花旗參瘦肉湯 湯裡有幾大塊瘦肉並有些花旗參片 真材實料 瘦肉還未煮到很老 還可以吃 在旺角能以$40以下吃到住家飯 喝到老火靚湯 實在難得

在旺角要吃經濟飯，一定是來旺角熟食中心☆*:.｡. o(≧▽≦)o .｡.:*☆最近洗錢比較多，開支都大，所以錢包的錢不算多，想下午飯吃便宜一點，所以就想起了旺角熟食中心了。因為這個地方是最經濟的。(>^ω^<)哈哈我來到這間盅飯店，便叫了排骨盅飯，31元，然後有送熱飲。外賣要加1元。而熱飲我是叫了熱檸水。(>^ω^<)我把飯盒拿到公司內吃，打開飯盒，便看到有排骨，我大概數了一下，大概有十多件排骨吧。(⁎⁍̴̛ᴗ⁍̴̛⁎)排骨size比較小，但肉質都夠「林」，肥瘦也適中。(*☻-☻*)

今日係上海街附近開工,收工之後去左旺角熟食中心享受"一個人的浪漫",我去左金萊叫左個XO醬海鮮鴛鴦炆米,d米炆得好入味,加上XO醬好香,配上海鮮料簡直一絕,所以食落非常惹味

又到糧尾的時間，見完客出到旺角都五點半，很肚餓。凍凍地一於到飯堂金萊食碗蒸飯。蒸雞無骨，汁夠味。配上金針雲耳送飯一流蒸!飯軟硬度剛剛好，但可能天氣太凍不夠熱。沒有菜芯只有黃芽白。燉湯夠味，花旗參瘦肉都好。還是那句，四十蚊都唔駛有湯有飯有菜有蒸餸仲想點先?

有時晚飯想有個湯水，少點煎炒為妙。第一時間都會想到金萊食蒸飯。原因有多個 :時間 - 工作性質關係，L間中晚上八點才收工，每次九點前總會有暖胃的蒸飯與燉湯 喝。地點 - 金萊為於位於旺角朗豪坊商場旁的熟食市場，地鐵站下車直到。無論外面風吹雨打都沒有影響。食物質素 - 所謂蒸飯並不是指盅頭飯而是獨立一個缽仔般的蒸白飯。粒粒軟硬度及濕度均衡並不是家用電飯煲可做到的。油菜亦不是馬虎，咬下去會覺得是鮮甜而且不乾的。L個人較喜歡蝦醬腩肉及蒸肉餅，貪其無骨而且入味。至於重點當然就是燉湯，湯喝過後是不會覺得口渴的。 無論花旗參燉湯或是西洋菜排骨湯都足料而且香氣十足的。 花旗蔘味很重肉排亦很多西洋菜易洗得很乾淨，這額外加六蚊的湯並不是茶餐廳的例湯可媲美的。物價通脹，但仍維持到不用四十蚊的價錢，有湯、蒸飯、蒸餸及油菜。夫復何求?

夜晚9點半 人在旺角 回家前竟然肚餓起來吃厭了連鎖港式快餐店 亦不想光顧太貴的餐廳突然想起與朗豪坊一街之隔的旺角熟食中心上一次來到這裏已經是3年前餐具 托盤 餐枱 坐椅 隨著多年使用亦顯出老態這裏沒有其他多餘的東西沒有豪華裝修 沒有專人服務一切回歸原始：食鮮茄牛肉蛋絲湯飯 配 凍奶茶多甜 $32番茄：並沒有煮熟 由份量得知應該是半個番茄切片而成 如用一整個番茄會更好 牛肉：肉嫩有鮮味 且份量頗多蛋絲：就蛋絲而已 味道不錯湯：湯味道太淡 與牛肉等有鮮味食物造成巨大差距 味道上大有改善空間飯：份量足以飽肚 唯飯粒太硬 難呑讌凍奶茶多甜：味道不錯，名符其實整體而言 食物品質和用餐環境當然不及附近茶餐廳這個價錢能夠飽肚以及能坐下堂食 在旺角 實屬難得