金翠餐廳

營業中

休息中

叫咗一個精選巨人雜扒餐有沙律啦，羅宋湯仲有黑加侖子啫哩仲可以免費轉紅豆冰😌傳統羅宋湯少少辣辣地估佢唔到都幾好味😝什扒嚟到嚇親我😳成坐山咁高份量唔細，身為一個女兒身真心食唔晒佢一條司華力腸已經打爆咗我個位🤣味道就一般般啦另一個係西班牙黑豚豬鞍🐷兩大塊份量好夠👍味道同肉質所都相當唔錯杯檸檬茶都好好飲環境坐得舒服侍應服務態度都幾好，倒汁時都幾細心門口派飛個女人都幾細心我哋研究緊個menu嘅時候佢都會講解俾我哋聽呢幾點都抵👍

太子站一出發現新開港式扒房！🎉餐廳以🌇港式懷念霓虹燈招牌做裝潢👍扒餐同飯餐選擇多樣，價錢親民~ (*全日免收加一)💫 金翠巨人什扒餐 $188一睇到餐牌就比佢吸引左!套餐內容勁豐富!首先包左餐湯同餐包，個牛油餐包暖笠笠好軟熟😝之後有個蟹子雜果沙律🦀口感卜卜咁，仲有雜果粒同薯仔粒😛什扒內容包括豬扒、雞扒、牛仔骨、司華力腸、煙肉同煎蛋🍳再配薯菜，完全可滿足食肉獸！疊到成座山仔咁，望落都夠吸睛。醬汁可揀燒汁/黑椒汁，一淋落去勁香肉味😂豬扒同雞扒都好厚身，仲有大大條既司華力腸🤭🤭最後仲有勁懷舊既啫喱杯!一定要加淡奶勁完美🤗套餐包免費升級餐飲紅豆冰😊💫 帶子西冷 $158揀左5成熟，放於鐵板上既西冷扒有一定厚度！外焦內軟，輕易就能切開😚而且幾大塊兼肉味突出～配有兩大粒鮮味厚肉既帶子！* 套餐同樣包餐湯/餐包/甜品/^餐飲

唔怕經過太子金都商場，我和朋友都被外表懷舊嘅金翠餐廳吸引着。 睇睇門外餐牌，原來晚上係主打港式鐵板餐。 對於港式鐵板餐有獨特情意結嘅我，不假思索入去試試懷舊一下！餐廳環境闊落且有濃厚懷舊的風格，各種特色閃耀的霓虹燈牌、 模仿大排檔嘅收銀櫃、 仿煤氣嘅街燈和懷舊嘅卡座等有心思地佈置於整個店內， 令人恍如進入時光隧道，禁不住打卡一番☺️☺️。卡座位亦不會擺得過密，除咗四人枱，亦有五六人大枱，適合一班人聚餐鋸扒。有多種款式和不同部位嘅牛扒鐵板餐選擇，琳瑯滿目，總有一款啱口味。 原本想叫是日晚餐「金翠巨人什扒餐」 不過，見隔籬枱上餐時， 賣相驚人巨大，我倆怕吃不完浪費食物，所以，最後我哋選咗香草煎羊鞍和帶子牛扒🥩。扒餐包了餐包、餐湯和飲品，各一叫了羅宋湯和粟米🌽忌廉湯。 餐包熱辣辣且十分濕潤軟熟， 塗上冰凍牛油，冰火交融，好美味哦！ 配上用多種蔬菜🌶️🫑🍅🥕🧅熬成鮮甜酸辣嘅羅宋湯或口感非常Creamy嘅粟米忌廉湯，更覺滋味😋😋。香煎羊鞍用鐵板上，淋汁時嘅「Jar Jar 聲」和撲鼻嘅香氣讓人有開心治愈嘅感覺。羊鞍軟腍適中，香草🌿醃得入味，口感嫩滑冇渣且多汁，加上蒜蓉燒汁，效果惹味而不羶， 連我朋友一

原先想影多啲相，但係食完個餐包就唔記得咗，唔知點解個餐包底係濕嘅，影響曬成個包， 籃內有兩個包，另一個冇問題叫咗蘇格蘭扒，加配咗沙律( 好似20蚊)， 有一大一細塊， 細嗰塊比較濃味，大嗰塊牛肉味差啲。 整體還可以， 有少少薯條同埋蔬菜响底。羅宋湯不過不失，出面飲嗰啲通常微辣，呢一個唔係好覺有辣味， 適合唔想飲辣嘅人( 但我覺得有啲辣好飲啲)。整體感覺，坐得舒舒服服。七點鐘(星期六)到都安排到卡位， 服務亦不錯。牛扒冇乜驚喜，但係個餐包可以做好啲， 最起碼個底唔應該係濕嘅！

上網見到依間港式懷舊鋸扒好吸引，朋友放工嚟試吓😍 入到去覺得氣氛好好，佈置有心思，充滿港式風味，好適合同屋企人朋友聚會🥳💰二人消費 $298金翠巨人什扒餐 - $188 非常豐富嘅什錦扒餐，最啱大胃王食😍 有豬扒、雞扒、牛仔骨、司華力腸、煙肉、煎蛋，十分足料，配上鹹香嘅燒汁好好味，仲可以加蒜蓉(+$2)，更加惹味🔥焗金翠豬扒飯 - $108好耐冇食焗豬扒飯🤤 質素高 一定要試吓！大大塊嘅豬扒鋪喺炒飯底上面，豬扒超厚身 口感好軟腍👍 仲有濃郁嘅拉絲芝士，色香味俱全，好味又飽肚😋😋套餐仲包餐包餐湯、沙律、甜品及飲品，好滿足呀🥰

早排睇D電視美食節目介紹D餐廳食巿，講哩間金翠，個女主持介紹份雜扒餐份量大到一個人根本食唔哂! 邊有可能咁大份呀! 擺明老吹啦! 唔信? 好! 即刻去踢館! 睇吓佢份雜扒係咪咁大份！拆佢招牌成唔成功!優點:1, 環境濃濃舊香港味!2, 無收加一.3, 冷氣都叫okay.4, 最滿意杯紅豆冰，唔太甜紅豆口感又夠綿，夾自己口味.5, 份雜扒要黑椒汁，黑椒汁有黑椒味之餘帶甜味，味道又唔會太鹹太辣，滿意!6, 白湯夠濃郁.缺點 :1, 首先點雜扒之餘，我地亦點咗個菠蘿油，菠蘿油成34蚊，果片牛油仲少過街邊麵包店十幾蚊嘅菠蘿油! 偷工減料得過份有相有真相!2, 預咗份雜扒質素低劣，結果不負眾望! 首先只有條腸叫做似樣，其他全部都唔合格! 雞扒明顯切走一半，雞皮又唔夠脆口，塊豬扒毫無 juicy 口感硬到好似鋸緊塊木板! 牛仔骨更加不知所謂! 又薄無肉只得肥膏! 大家樂D扒仲好過佢! 3, 拍片時係流心蛋，現實係 Hea 蛋! 求其搵間茶記炒隻蛋都好過佢十倍! 4, 塊煙肉同塊豬扒一樣咁硬! 柴口好感咬緊隻拖鞋！5, 個人喜歡鐵板餐跟三色豆，唔俾三色豆都算! 俾堆椰菜感覺好Hea!6, 薯條冧哂一

第一次鋸扒，是我小學二、三年級，還記得呀姨帶我去。回想起，餐廳哥哥好靚仔🤭，他攞張餐紙攝住係鐵板底，然後叫我自己拎住，淋汁發出的咋咋聲，d煙𣎴斷湧上嚟，當時仲係小朋友的我，很開心。老公經常提及想去太子金翠鋸扒， 今晚終於食咗。店內佈滿霓虹燈牌，座位空間寬落，坐得舒服。紅湯酸酸甜甜很開胃，餐包很鬆軟，雜果沙律份量多。甜品是花奶啫喱，很港式味道。餐牌上有很多不同款式鐵板餐可供選擇，頗豐富。他們的招牌巨人雜扒餐，疊到好高，賣相吸引。雜扒餐有豬扒，雞扒、牛仔骨、司華力腸、煙肉和煎蛋，還有沙律、餐包、餐湯、甜品、餐飲紅豆冰不用加錢，免收加一。份量足、豐富，整體好食，當然不可以同高級扒房餐廳相比。

這間港式茶餐廳位於太子，主打港式懷舊鐵板。店內環境寬敞舒適，裝潢以懷舊為主題，有特色的霓虹光管。午市及晚市時段分別有多款不同的套餐選擇，份量豐富美味，價錢十分親民貼地。是日精選晚餐 - $188牛油餐包每日新鮮製作的餐包鬆軟濕潤。羅宋湯紅通通的雜菜湯以多款蔬菜熬製，酸酸甜甜十分開胃。蟹子雜果沙律多款新鮮的水果粒香甜多汁，染滿幼滑的沙律醬，還有爽脆的蟹籽。金翠巨人什扒餐熱呼呼的鐵板淋上濃郁的黑椒汁，份量十分豐富。大大塊豬扒軟嫩多汁，有濃郁的肉香；肥美飽滿的雞扒帶點焦香，切開雪白而不乾柴；肥腴的牛仔骨帶點肉筋，濃郁又有嚼勁；大大條司華力腸一咬噴出濃濃肉汁；香脆的煙肉帶煙燻香氣又添油香；煎蛋流出濃濃蛋液；還有金黃酥脆的波浪型炸薯條，吸飽醬汁好綿密。帶子 +$30雪白肉厚的鮮帶子充滿彈性，有純淨的香甜。香草煎羊鞍 - $173三大塊羊鞍有著豐富且平均的油花分佈，細嫩多汁帶骨香，幾近沒有羊羶味，淋上較淡雅的燒汁，不會喧賓奪主，同樣配有炸薯條。龍蝦 +$90半邊波士頓龍蝦緊實有彈性，肉汁又香又甜，龍蝦頭膏飽滿又甘香，還有龍蝦鉗的肉特別嫩滑。精美甜品港式懷舊甜品花奶啫喱，有濃厚的水果香氣，又有幼滑的

懷舊扒餐一向都有佢自己嘅市場。除咗係上一輩嘅集體回憶，更加係唔少人嘅童年回憶。今次呢間門面綠色大閘，踏入店內以不同霓虹燈作佈置，有啲卡位仲有街燈做裝飾，今次真係可以名正言順帶另一半嚟食「街燈晚餐極歡喜」😝本身諗住叫過海陸雙拼: 包括半隻波士頓龍蝦同羊架，但唔好彩龍蝦咁啱售罄，所以淨係食羊架啦～羊架脂肪瘦肉比例平均，肉質細嫩多汁，唔會太騷，仲有骨香，揀選咗燒汁非常好食🤤另外不得不讚個餐包，滿滿牛油香，綿綿口感，點湯一齊食更是一流👍📍金翠餐廳 (太子)太子彌敦道749號地舖

今天 中午，在港島完成工作後， 我便搭地鐵返回九龍太子。 我約了老婆， 在太子金翠餐廳，飲下午茶。看了一看餐牌 ，我們叫了兩份下午茶。 一份是 吉列魚柳沙律， 配凍檸茶 ；另一份是 魚柳包， 也是配凍檸茶。吉列魚柳沙律，清爽脆口，美味無比。魚柳鮮美，令人回味無窮。享受每一口的新鮮和營養，為味蕾帶來驚喜。魚柳包，外酥內嫩，每一口都是美味的享受。淡雅的魚肉搭配香氣四溢的麵包，好味。另外配上兩杯凍檸茶 ，在這炎炎夏日 ，高達攝氏34度的下午 ，絕對可以幫助消暑解渴。

我個好大佬好鍾意去鋸扒 😛 今日就約埋佢嚟試一試好多人話好食嘅金翠 🍽️🔸金翠巨人雜扒餐有餐湯餐包同埋蟹籽雜果沙律，個扒一嚟到侍應會叫我哋拎起張紙巾擋住塊面，然後淋汁落鐵板咋咋聲，唔知點解有一種好經典嘅感覺 😂 叫咗黑淑汁，牛仔骨同埋豬扒好腍，特別係雞扒好好食！又滑又Juicy 🥰 🔸香草煎羊鞍有 3 塊 size 都唔細，脂肪同肉嘅比例啱啱好！唔會太肥膩，又唔會太臊 😍 兩碟下面都有薯條同埋雜菜，份量好夠！個巨人雜扒餐啱晒大食人士 😋😋 最後仲送埋個甜品，提子啫喱勁落花奶 😆 好有兒時回憶阿 ☺️

金翠餐廳 (太子)今日嚟到太子懷舊扒房食扒，主打懷舊場景，食物高中低價位都有！服務仲好好添。帶子牛扒（$158）牛扒係西冷牛扒，叫咗5成熟，出嚟肉質唔錯，肉味都算濃郁，分別有黑椒汁同燒汁揀，我就揀咗黑椒汁，味道都惹味㗎。帶子兩大粒非常足料，好食。蘇格蘭肉眼牛扒朋友點咗5成熟肉眼扒，肉質唔錯，仲有肉汁，配埋燒汁味道都好好！一個set仲有餐包、餐湯、飲品、甜品，真係好抵食！！！📍太子彌敦道749號地舖

今日約咗朋友食晚飯，朋友提議想鋸扒，我就梗係好喇，於是我地就相約位於旺角太子的金翠餐廳。看見餐廳門口已經感受到嗰份舊式西餐廳的情懷，入到裏面大部分都是卡位，所有裝飾，所有擺設原全來自五光十色， 繁榮嘅香港時代。餐廳侍應熱情招待，送上餐牌。好多選擇，單係鐵板扒餐就超過十幾種，食扒當然要鐵板上啦，這是儀式感的重要性。選擇困難症的我不斷睇睇睇，是日精選晚餐最啱我，因為係乜都有嘅巨人什扒餐，比起美式什扒更豐富。朋友就比較專一點了鐵板帶子西冷牛扒。先來兩客餐包加羅宋湯，好喜歡呢款湯酸甜帶辣嘅舊味道。巨人什扒來了，真係好巨型，有煎蛋、煙肉、司華力腸、牛仔骨、雞扒、厚切豬扒配薯條，淋上黑椒汁，香氣撲鼻，啱晒食肉獸。前菜仲有蟹子沙律清新好味，甜品有的是啫哩加花奶，飲品就免費升級咗杯紅豆冰，滿足感可以話升到爆燈。帶子牛扒推廣價$158，巨人什扒$188-，無加一服務費，懷舊扒餐呢個價錢有呢個質素係值得一再光顧。

難得放假出門食個靚早，同朋友走左去太子間金翠餐廳。餐廳裝修好有香港特色，有好多充滿香港味道既霓虹燈裝飾同埋招牌，好多打卡位。有個位仲左部以前細個係啲士多仔或者文具舖先見到既舊式扭蛋機，$5蚊就可以扭個彈波波出黎玩，都幾得意。叫左份吉列魚柳做早餐，搭配埋茶餐廳早餐必備既炒蛋多士，仲有配埋沙律。早餐黎講夠哂飽肚！朋友就叫左餐廳特色既羅宋湯雞扒通粉兩份早餐連埋杯凍檸茶走甜埋單一百蚊左右。食到飽一飽先走。

行完花墟勁肚餓~揾到呢間份量好勁嘅餐廳~入到去裝飾好正~真懷舊風，好有feel~ 🔹金翠巨人什扒餐🔹 勁多野食~包羅萬有~好鬼抵食同好滿足~餐包又大過人~拳頭咁~餐湯又大兜啲~唔係溝水嫁~仲有前菜~蟹籽雜果沙律~升級懷舊味道~鐵板上嘅層層叠~有齊豬扒，雞扒，牛仔骨，司華力腸，煙肉，煎蛋~食到應仲有薯條同菜~勁誇張~仲要全部質素都唔錯,唔係鬆肉粉嘅牛，唔係韌嘅豬，唔係乾嘅雞~仲有紅豆冰同花奶提子味啫喱~好懷舊feel~🔹芝士焗加拿大龍蝦海鮮飯🔹又係大大兜~半隻大龍蝦，啖啖肉~炒飯底同有大大嚿魚柳~拉絲芝士正到暈~