金筷子火鍋小廚

營業中

休息中

在新蒲崗工作至夜深，同啲同事食個宵夜先幾條友最岩烚下烚下打邊爐同飲啤酒!!!我地食到收鋪，4點幾😂一來就叫左個鍋先！見到嗎！個鍋只要$2 !!!! 點解要甘擺，老闆娘話要等個湯滾先落雞，入味啲👍🏻👍🏻的確個湯好飲，雞又滑。滾得耐真係陣陣耶香，我覺得係落咗少少椰汁囉，哈哈😂😂下次要試$1 生拆蟹肉海鮮鍋😈免費醬料！嗌左一碟手切牛，啲牛加埋湯底好甜。呢一條魚係老闆娘推介嘅，佢成隻起骨，食落仲好滑添！之後仲可以成條魚落去煮，我呀頭損埋魚頭😅😅娃娃菜無影到，我地嗌左兩碟，娃娃菜超甜！來食一定要嗌！

新項目推出，老闆請我們吃飯預祝項目成功。我們一行七人，當中有人開車，比較方便，於是我建議到新蒲崗的金筷子，就是覺得到金筷子吃火鍋氣氛特別好，跟這個飯局很配合由於時間太趕我連午餐都沒有吃，一坐下我便要求點些小食充飢。我們點了麻辣東風螺、麻辣花菇和炸魚皮。平常我不太喜歡吃螺，總是覺得吃後有點難消化，但這些東風螺少少的一只，則沒有那麼為胃部帶來負擔，而且這東風螺做得很入味。麻辣花菇沒有很厚肉，勝在涼伴的做法令花菇夠爽口，而辣味調得剛好，令胃口大開。炸魚皮則太薄，沒什麼特別。牆上貼了一排推介食品，金筷子一向會推出2至3款火鍋湯底，以1或2元的價錢優惠客人，見到能以這樣的價錢吃到蟹肉、海鮮、花膠等食材做出的湯底，又豈能錯過呢服務員一送上火鍋湯底，總會引起第一次來金筷子的食客的哄動。我們點的是生拆蟹肉海鮮鍋，海鮮配料以腐皮裹成雲吞狀，再巧妙地以幾條意粉固定封口，腐皮上放了些蟹柳和素翅，湯底配料非常豐富，賣相亦絕不欺場，一元實在是物超所值。我們在放火鍋配料前喝了點湯，非常鮮甜 火鍋配料的價值公道，並不因湯底優惠而取巧把價錢調高。火鍋配料食材夠新鮮，霜降肥牛肥瘦均勻，牛味重，手打滑類亦不錯。老闆請吃飯

呢間火鍋店經常有做推廣，今次湯底低至$2，吾好以為$2會好差，個湯底好足料。我今晚就點左雞湯底，佢仲配左2粒鵪鶉蛋，少量冬蟲草，椰子，紀子，個湯好甜。今晚因爲7點去食，佢做緊叫3樣餸，第4樣餸免費。我點左牛肉，蟹肉棒，魚皮餃，墨魚滑，豬腸頭，脆魚片，講真樣樣食材都好好味，特別係脆魚片，墨魚滑，好彈牙，好爽口。呢間最吾好係坐位少，店員太hard sell,其餘都好好，基本上每個月都會幫襯至少次，無得碌卡，去食記得帶現金，仲有海鮮價的海鮮都幾吾錯，我都好鍾意食，其他湯底，例如海鮮湯，我都覺得好味，但嚮鈴就麻麻。

昨夜有局，結果搵到去新浦崗⋯⋯十一點半，聲稱有75折，但係原來得某種類先有75折。先叫鍋底，裡面係有蜆，有蝦，有冬瓜嘅湯底，湯頭幾甜，索價1蚊。點叫嘅有 象拔蚌，手切牛，手打丸，普通丸，響鈴，菜，蜆，半打啤酒，三罐汽水。象拔連蝦刺身，條蚌好食與否，肯定取決於新鮮，呢度仲要抵食，上枱時船邊仲有約15隻虎蝦圍邊，蝦就點都煮煮先敢食，而唯一要彈係切蚌刀功麻麻。手切牛，碟牛唔係太得，希望下次會好尐。啤酒15蚊一對，超抵！四人行，埋單八佰四，出面食齋飲半打啤都要兩佰啦，一定番轉頭。

一家人去新蒲崗食飯佢哋話想打邊爐行過出面見到幾多人於是就嚟咗呢間門面細細地 啲阿姐幾好招呼一入到去見到有寫住一蚊窩底poster好似幾正 於是就嗌左個生拆蟹肉海鮮窩 象拔蚌 鮑魚同霜降肥牛海鮮窩個樣好靚 湯底味道啱啱好 入面好多料象拔蚌好爽口好新鮮👍🏻鮑魚夠哂彈牙 不過唔係好大隻Post呢個食評嘅時候見到有負評但其實味道服務都唔錯 真心推介🤔絲打們值得一試！

約朋友食飯，就脚落左去啤啤，老闆娘(我估係)硬推象拔蚌加魚刺身，朋友來到吹水啤啤，突然有人問，呢條咩魚，我先醒起望望，睇落點解似淡水寶石，魚？唔係海魚來咩？淡水魚可以刺身？？？老闆唔識，師傅都應該識。今次杰，食左先知，返屋企飲返D白醋，白酒，消毒殺菌先。

相信我，啲野唔係人食！竹苼有沙，啲羊有怪味墨魚好腥，象拔蚌軟pat pat無咬口，又腥！玉米唔甜成個湯好似水咁。。。不過一入去就送汽水，貪小便宜既朋友，唔好中伏😂😂

第一次光顧，去到見$1蟹肉海鮮鍋，$2胡椒豬肚雞鍋，又即刻有位，就試下我要左蟹肉海鮮鍋個樣ok，料都多嘅，入面有蟹肉、魚翅、花蛤、雞腳等用腐皮包住，賣相ok，但開始食就出事，先食花蛤，啲花蛤勁多沙😫，食到成口卜卜聲😣，仲有成煲都係沙，跟本冇辦法再食😖，什至再打邊爐，成鍋湯底都冇咩點食過，不過$1就算，我要求佢換番果清湯比我地繼續打邊爐，開頭都好唔願意咁😤，但後來都肯換。其他食物都一般啦，話就話日本黑豚肉，不過算吧啦😒，仲有青島啤，十時後特價$12，之前就正價，不過完全唔同味，好似係大陸飲果啲似水嘅啤酒如果去我諗都唔叫呢啲⋯⋯

本來想去第二間打邊爐， 行行吓見到生拆蟹肉海鮮窩先係一蚊咋。梗係唔好蝕走入去試吓。見佢一蚊就試吓啦。。。原來係生拆蟹柳肉海鮮窩 一拎到黎見到佢一個包咁包住。。。 好得意。 其實入面都有好多料既。。。 老闆叫我地試左吓個特色小食。。。 真係估唔到又幾好味喎。 連平時唔食冬菇既我都食左幾隻。見到每一台都有人叫象拔蚌刺身， 不過兩個人驚食唔晒所以無叫。 我地叫左個手切肥牛❨但我覺得似機切❩, 墨魚滑、雞雜❨其實只係得雞腸同雞腎❩

經開此店，又到食飯時間 ，就入去試一下。打開餐單，點了火鍋配料，中價錢（$28,38,48,58,78）海鮮另計。好啦，火鍋配料嚟，嘩。。。超少。每樣好少，全部叫返嚟，响聆叫返嚟，魚皮餃（用四海），好失望。叫了豬肚雞，表面好靚，以為好大，原來放個蒸餸架係底，咁都算。。。。啲姐姐吹命符咁要你走，大姐呀。。我打邊爐呀！！！點快。超無奈。冇take 2

香港人喜歡吃刺身又喜歡吃火鍋，近年很多火鍋店都紛紛加入售賣海鮮刺身，乘機標榜其食材新鮮度。別以為要吃到新鮮刺身，一定要到高級火鍋店才會有，這個熱潮其實已滲入到不少平民化的火鍋店中。位於新蒲崗的金筷子，店舖面積少而老舊，看似大排檔打冷老店，但它供應的海鮮、刺身等同樣出色。店舖會不時加入不少新湯底選擇，如佛跳牆鍋、冬瓜盅鍋…總有驚喜；大部份湯底只需一蚊非常超值。加錢點選特色湯底，還可以加一蚊換半隻鮮雞等（優惠換購食材不時轉換），晚上十時後更有折扣優惠！【象拔蚌刺身】吃火鍋前，先來原條象拔蚌，切成刺身當前菜享用。象拔蚌切得非常薄身，很考師傅的刀功。象拔蚌脆嫩而不腥，新鮮度十足。平常 $288-388 有一隻，視乎大小，非常超值，另加 $1 更能換購八隻老虎蝦刺身，同樣鮮甜，雙倍滋味更抵食。【老虎蝦刺身、冰鎮和風孔雀鮑魚】非常大隻的老虎蝦刺身，份量很多，咬落尚算爽口。孔雀鮑魚竟然有金箔在上…很有貴氣！【生猛活魚刺身】活魚選取當日時令鮮魚，保證新鮮，肉質爽嫩滑溜。想不到小小的大排檔形式火鍋店，也很講求賣相。【墨魚刺身】切得超薄的墨魚片，柔軟滑順又富嚼勁。【佛跳牆鍋】幾乎每兩星期就見到火鍋湯底有新

第一次寫食評, 不喜勿插!同老公住附近,去新蒲崗DINNER, 本來諗住食粉麵就當一餐, 泊好車響街邊, 見對面有間小舖, 舖仔細細食火鍋, 癮起, 見應該唔係D劏客格局, 走入去試下.舖真係好細, 有七張四人枱, 只剩兩張枱, 兩個姐姐算幾好招呼, 叫左下面呢d:1) 粟米清湯湯底, 味道唔錯喎.... 後來先發覺蠢左, 應該叫佢個招牌椰子雞煲...2) 手切肥牛, $138, 牛味ok啦, 另加一蚊送響鈴3) 老公叫左個胡椒豬肚手打肉丸, $6x有差不多十粒, 佢like, 我麻麻地4) 雙拼雲吞同苟菜餃, ok, $5x5) 特價$10 駝鳥肉&腎, $10算係咁6) 又係特價$10 豬紅, 抵另外仲有一兩樣唔記得係乜, 即係唔係特別好食特別難食有好多海鮮, 但我地無叫, 兩個食得唔多,有機會下次先試, 反而見其他人都有叫, 好似幾新鮮overall 味道ok, 係d 手打肉丸我覺得overprice會唔會有下次? maybe la~ 總的來講舖頭細細但味道ok, 七張枱一陣就滿晒, 我地走果時仲有人來架, 真係估佢唔到! 應該係做本區客多埋單三百幾, 唔算貴好似九點定十點後仲有