金筷子火鍋小廚

營業中

休息中

今餐真係抵到唔介紹唔得呀呢間新蒲崗嘅老字號火鍋小店 主要做街坊生意 388二人餐 又牛又海鮮又椰子雞野食嚟到一半忍唔住問多次係套餐價定人頭計大佬呀 真係番大陸都冇咁平啦我地揀左椰子雞煲 佢用老椰子 飲落特別甜半隻雞煮完都幾滑 雞皮唔會太肥手切封門柳好大碟 出面叫一份都要二百幾啦肉味濃又唔太肥 手切有一定厚度口感唔錯套餐仲有幾款海鮮 鮑魚用雞汁滷過可以當冷盤食 厚肉彈牙帶子新鮮即開 手板咁大隻 味道鮮甜仲有廣島蠔同海蝦都好新鮮呀水餃同雲吞飽滿足料 水餃有黑木耳夠爽口手打黑松露丸大到乒乓波咁 口感好彈牙仲有菜籃同出前一丁 真係飽到上心口大食一族加18蚊仲可以無限追加一丁同菜籃添除左呢個餐 其實仲有海鮮盤都好抵下次要叫多啲朋友一齊嚟先！

朋友帶路黎新蒲崗搵食 一間開左十幾年既火鍋小店朋友好多年前成日黎食今日黎重溫當年味道果然冇介紹錯叫左個4-6 人餐 1388 叫埋2 個小食，鮮鮑4 隻飲品 埋單 1800 4 個人好飽 如果6 個人食都一定夠食鮮墨丸驚喜 粒粒墨魚粒 手切牛驚喜 想食牛胸油 叫老闆配埋牛有牛味 牛胸油亦出色有時火鍋店牛胸油比較參次 呢間冇伏爭住食象拔蚌刺身驚喜 夠爽彈 新鮮最後係服務夠驚喜好耐冇感受到呢種賓至如歸既感覺老闆超熱情又同大家飲2 杯朋友呢餐生日飯食得好開心見到老闆們同隔離枱熟客都好好傾大家又同隔離枱有講有笑香港食店難得既情懷值得再食

價格實惠，兩個人around $300多， 火鍋湯底新鮮種類多，手切牛肉強烈推薦，食材很新鮮，老闆娘服務也很好👍🏻 店舖位置也很好找，下次還會推薦給身邊的朋友們.

本身同朋友喺新蒲崗行完街，唔知食乜好，打開OpenRice睇到呢間金筷子，見到佢有象拔蚌刺身食，就行咗入去。.嗌咗個花膠鮮雞鍋，雞肉嫩滑兼大份，湯底清甜。朋友鐘意食刺身，象拔蚌 生蝦 活魚刺身套餐只係＄488，象拔蚌新鮮爽口😗正.叫咗碟即食嘅涼拌魚皮，有啲花生，芫荽，魚皮有少少麻，少少辣，好爽口~唔錯😆.最推介嘅係手打芝士手打丸，買相同味道都一流，粒丸夠曬結實彈牙😋.呢排火鍋料做緊三送一，所以我哋仲另外叫咗牛脷同雞腸，好食又抵食！👏🏻食材新鮮 而且老闆娘超好人 又好客呢度嘅姐姐服務好好，由落單到埋單都好快手，知我地想影相，仲過黎主動幫我地影 絕對會有下一次😝

同朋友夜晚9點左右去新蒲崗打邊爐，揾到間有得食象拔蚌刺身嘅火鍋店。.坐底嗌咗份炸魚皮($58)+涼拌魚皮($68)，涼拌魚皮好食！少少辣，爽口彈牙😋.老闆娘推薦椰子雞鍋($128)，有半隻雞，椰子味清甜，啲雞大份兼嫩滑。👍🏻.推薦⭐️極級和牛霜降 ⭐️手打芝士丸 ⭐️象拔蚌刺身.手打芝士丸口感結實彈牙，象拔蚌刺身鮮甜爽口，鮮味十足！.但脆肉鯇就差少少，唔夠鮮甜。不過食物整體黎講我地都幾滿意。美中不足嘅係舖頭唔大，我同班朋友八個人坐就有啲逼。.老闆娘好nice好啱傾，送咗啲啤酒同野飲俾我地😆原來呢間舖喺新蒲崗開咗14年喇，係好有人情味的店舖❤️

舖頭細小，但充滿人情味嘅火鍋店🫶🏻先講食材，用料新鮮高質，男朋友中意食牛，叫左個牛霸王環球拼盤（$488），裏面有唔同種類嘅牛部位可以試，手切牛同極級霜降嘅牛味都好重，不過我自己比較鍾意手切牛，因為味道帶有點騷。份量好多，2個人次次叫都食唔曬，3至4個人食就差唔多。每一次去老闆娘都會啲特別推介嘅食物，我地食個日就叫左個墨魚刺身，份量都多，刺身鮮甜爽口，就咁沾wasabi豉油食已經好正，落一落湯灼一灼仲爽口。另外，特別要提嘅係佢地個湯底，我地叫左個冬瓜瑤柱湯（$38），好足料，裏面有好多冬瓜、瑤柱、仿翅、蠔豉，最重要係冇落味精，湯底仍然濃味，食到最後飲一啖湯超正！老闆同老闆娘好好客，服務態度亦好好，見過有客生日，佢地都會特登熄燈掛生日快樂燈飾牌同客慶祝，而且好鍾意同客傾偈，記性好好，記得啲客做咩行業，鐘意食咩，真係feel到佢地用心經營。

👍🏻海底椰鮮雞窩 $59/半隻家庭式火鍋小店！半價超抵食椰子鮮雞湯窩🔥！上枱時雞件先以隔網隔起，等湯滾起後先放入，避免雞肉煮得過熟變鞋半隻雞份量真係幾足料，雞皮爽彈偏肥，雞味濃郁雞湯清清甜甜，入口藥膳同薑味明顯，後勁有淡淡椰子清香飲落好舒服，食完雞後可以飲返碗湯先落其他食物😙$59咁大煲雞窩絕對超抵食🥹！味道：7/10性價比：9/10-👍🏻手切極級霜降 $268/大 & 手切封門柳 $248/大兩款招牌手切牛，大size約3-4人份量霜降牛油花多啲，油脂香明顯，口感更加軟嫩封門柳厚切大塊，雖然脂肪唔多，但完全唔韌，肉味較濃較多肉汁各有各好食，兩款都咁高質🤤-凡惠顧霜降/封門柳，只需加$1就送響鈴/蟹棒一碟，唔啱食仲可以同老闆娘針針，送手打烏冬/蔬菜等都可以🤑-味道：8/10性價比：8/10-👍🏻手打芝士墨魚丸 拼 手打墨汁墨魚丸 $108/8粒有驚喜🤩！墨丸係自家手打，加入芝士流心餡，淡淡芝士鹹香，爽口彈牙黑色嘅墨汁丸更加出色，墨魚味更濃，更彈牙而且食到明顯嘅墨魚肉粒，足料有咬口，值得一試👍🏻味道：8/10性價比：8/10-👍🏻手切和牛脷 $78牛脷味道濃郁但唔羶，有啲脂肪多啲口感軟嫩

我覺得有一道菜真係正到痹！！叫咗冰鎮鮑魚，$38 /隻，叫咗五隻，－擺上來就搶曬，冇影到相，又爽又甜，真係唔錯。聽阿姐話係老板買嘅新鮮鮑魚，自己用雞湯煲過，先俾我哋食用。👍👍

我覺得叫火鍋料一定要新鮮，所以叫咗手打丸、魚標、脆骨腩等。都幾好，冇令我哋失望。今次因為小朋友唔吃象拨蚌，所以冇叫，見$ 488元，仲加埋剌身蝦等，都幾抵吃嘅，下次再試啦！

今晚一家大細去新蒲崗睇戲，7點45分先開場，仲要等一個半鐘，所以阿囡建議吃飽肚先去睇。附近兜着一圈，來到金筷子火鍋，見雖然細細間，但貼着唔少廣告，星期一至五火鍋料三送一，仲有幾個湯底都做推廣，幾吸引，所以大家都話試吓。一入去，阿姐都幾好招呼。我叫着椰子雞窩，賣相同味道都唔錯。見手切牛加一蚊有響玲，咁係叫一碟試啦。手切封門柳賣相雖一般般，但牛味都幾重，唔錯。

嘩真係大讚😭😭雖然舖頭細細 但係應有盡有 價錢合理啲嘢食又新鮮 店員勁Nice 啲象拔蚌刺身正到不得了😍😍😍嗰日就嗌咗個椰子鮮雞鍋嚟食 啲雞又多肉又滑 仲要係勁抵 得閒會再試過！🤤🤤🤤

就嚟中秋，同幾個friend一齊打邊爐。有朋友推介左呢間位於新蒲崗嘅火鍋店。雖然舖仔細細，但睇得出店主好俾心機，食物質素都唔錯，買相擺設都好靚~😗啱啱坐低，我哋叫咗碟即食嘅涼拌魚皮，上面有啲花生，芫荽，魚皮有少少麻，少少辣🌶，好爽口~唔錯😋朋友就叫咗個四層樓梯牛肉，份量超足，$398，仲要免費送埋一個瑤柱冬瓜鍋！我就點左魚膘，雞腸，脆骨腩，樣樣都好新鮮，好好味😝最值得推介嘅係兩款手打丸，一種係手打芝士丸，一種係手打墨汁丸，買相同味道都一流，而且口感好彈口🤤🤤聽老闆話呢排火鍋料做緊三送一，所以除咗牛肉，我哋仲另外叫咗八樣火鍋料。好食又抵食，今晚超滿足🥰

必食項目手切和牛，封門柳，象拔蚌，脆肉鯇魚，手打丸和新鮮魚標。雖然是小店，但各種食材都很新鮮。鴨血也很軟滑！還有不設加一收費，這個已經省下不少錢。值得一試推介以下海鮮🦞套餐

我係睇到comment去金筷子嘅，中伏囉，叫左個套餐，椰子雞湯、象拔蚌、魚片、虎蝦手切牛肉通通無未。而且個一堆海鮮船嘅裝飾，好唔衛生。價錢唔係平嫁，其實依家好多人都識食，求求其其做生意，俾你賺一次錢囉，唔會有下一次，做生意好無heart.本人好少寫comment,但係今次實在太過份，唔想有人中伏。

同兩個朋友聚下舊食飯，喺朋友推薦下我地一行三人就黎左依間火鍋店到試試。如果鐘意食環境既朋友可能未必岩，但好似我地三五知己坐埋聚下舊，環境就完全唔重要。講返D食材，真係好新鮮好好食，佢地個刺身拼盤有活魚刺身，有生蝦仲有象拔蛘，樣樣都好新鮮好好食，份量都👌，我地另外加左鮑魚跟埋拼盤上。本地手切肉好重牛味，肉質鮮嫩。湯底我地揀左胡椒豬肚湯，非常足料夠味，加左幾轉水都仲係好濃胡椒味。手打丸有好幾個款式，試左芝士墨丸同蟹丸都好出色，但可惜掛住食唔記得影相🙈，下次會再光顧試埋其他款式嘅手打丸😋。總括而言，如果好似我著重食材質素既話依間火鍋店絕對值得一試，但如果鐘意食環境既buddy 們就可能未必適合。刺身拼盤（鮑魚我地另加）😋本地手切牛👍🏻胡椒豬肚湯底