金碧酒樓

營業中

休息中

金碧絕對係要再去啲好地方，全晚消費1750蚊，7人一席，算做超值。全晚8菜一湯，除咗4個懷舊菜同豬肺湯外，大家又加左個腐乳通菜、金碧小炒、椒鹽鮮魷、同埋干炒牛河。呢啲基本小菜，食家年同㕑神家族啲金姐，大家持不同啲意見，食家年覺得干炒牛河熱騰騰，金姐就覺得油琳琳；小炒對於厨神家族出身啲金姐嚟講係失敗之作，炒工比起金老爺同金姑爺啲手藝有一段距離。我冇緣品嘗老爺同姑爺嘅厨藝，但同意做工一般，未能令人有難忘嘅回憶。我童年家境清貧，4個懷舊菜（八寶鴨、燒鱔、鹵雲吞、扣肉），除咗扣肉外，幾個餸都係我長大後先有條件品嘗。其中鹵雲吞，更係去年跑友係蓮香樓先介紹我食，雖然有回憶，但唔係童年回憶。用一般消費者嘅角度去評價4個懷舊菜，雖然大家贊不絕口，但我卻覺得一般。豬肺湯的確係一絕，可惜每人只有一碗，小食多滋味，同意！鱔球加咗好多味道，蓋過咗原有鱔啲肥美味道，話係燒，但食唔到炭火嘅味道，應該係炸嘅。八寶鴨，難為佢哋可以搵到隻咁瘦嘅鴨，裏面蓮子、栗子、薏米多個鴨肉，食完有飽滯嘅感覺，降低食慾。鹵雲吞據金姐嘅指導，是應該用山渣熬汁煮嘅，但明顯呢個鹵雲吞係用茄汁做嘅。扣肉對我嚟講，有啲得人驚，佢係3/7，甚至乎

之前同朋友講左好耐要試下呢間既懷舊菜, 今日終於可以約齊人一齊去試嘞! 佢地既價錢唔算好平, 但全部都大大碟, 完全無可能食得哂。環境就不要抱期望, 但黎得呢度, 就係要食滿滿既懷舊風味。豬肺湯  – 香濃既杏汁, 湯底濃郁非常, 豬肺好爽口, 一道高水準既湯。錦鹵雲吞  – 雲吞炸到脆卜卜, 香脆可口 而個錦鹵汁用料十足, 有豬潤, 叉燒, 蝦仁, 魷魚, 菠蘿等等, 個汁酸酸甜甜好開胃。蠔豉生菜包  – 餡料勁多, 咸咸香香好惹味, 而且蠔豉, 豬肉同其他配料全部都切到大細一樣, 配上清爽新鮮既生菜包住食, 真係一個接一個咁食到停唔到口, 大推!紅燒元蹄  – 上枱果陣真係嚇一跳, 元蹄超級大隻, 炆到軟軟淋淋, 滿滿既骨膠元蜜汁燒鱔球  –鱔球大大件, 炸得香酥, 外脆內軟, 面頭仲沾滿蜜糖, 但份量真係太多了, 食左2舊已經覺得好滞。蠔油手撕雞  – 同坊間食既手撕雞完全唔同, 金碧既手撕雞唔係一絲絲, 係以粗條上, 配上紅蘿蔔, 西芹等一齊炒, 夠哂鑊氣之餘仲好惹味。金碧酒樓彩虹彩虹村金碧樓 22 號地下港鐵彩虹站 C4 出口, 步行約4分鐘

和朋友講了很久，終於可以去試試。我們四人共點了五餸一湯，有杏汁豬肺湯丶蠔豉生菜包丶香酥鴨丶錦鹵雲吞丶順德鯇魚腸蒸蛋丶酥炸蟹拑，份量大大碟，味道係正，出面沒有幾多地方可以食到這些菜式了，不過好多款菜式想食記得要預先預訂和要下訂金，我們叫的菜式可以看以下相片，也可以參考一下以下要預訂的懷舊菜式餐牌。價錢方面，手工菜式，不是便宜，而且飯店環境大家都不要有什麼期望😅，服務也一樣，特別老闆娘是招招積積的😂。最後再食埋送的甜品，個個飽到捧住個肚走😂，當然要打包，不要浪費，所以建議多些人一起去食會比較好。

彩虹邨金碧酒樓開業五十幾年，從朋友口中得知此店不論裝修，菜單食品依舊堅守如初做懷舊菜，聽到有八宝鴨就好想去試，好快就約咗家人去聚餐一試，朋友話一定要訂枱，有幾款菜式一定要預訂，訂枱排到三星期後！我預訂咗八寶鴨，杏汁豬肺湯。當晚到場，屋邨內小店一間，枱不多舊裝修保留得很好，今次人多可以試多幾款菜式，杏汁白肺湯，酥炸鮮蝦丸，蜜汁燒鱔球，生炒骨，八寶鴨，紅燒元蹄，菜膽雞，錦鹵雲吞，芙蓉蛋，魚香茄子煲，南乳粗齋煲。席間各人對食物讚口不斷，味道正宗，好食、好好食，原因全枱都係50後同60後，對今晚各款菜式都很熟識，人家說的懷舊菜古祖味，當年感覺番哂嚟，大家邊食邊話說當年，同枱個個都話要帶朋友再嚟食，平凡菜式没有花巧，煮工水準之上，今晚每個菜都不再詳述有幾好食，建議你自己嚟品嚐一下，如酒樓大廳的對聯寫:

最近好少出街食野，難得放寬6人一枱食飯，媽媽話朋友介紹呢間懷舊菜唔錯一黎到已經門口貼住爆場啦。哈哈，好彩有訂位者，懷舊菜要一早訂位落單先有得食架。呢度叫懷舊菜係無價錢架。。。食完埋單先知，今次人均$400因為樣樣都想試，份量又大份，所以一早帶定盒黎打包🤭#荔芋香酥鴨 - 好鬼酥化呀，隻鴨起晒骨啖啖肉，好惹味#錦鹵雲吞 -炸雲吞勁香脆，錦鹵汁好多料，有豬潤，叉燒，菠蘿，蝦仁，青椒#蠔豉生才包 -第一次食呢款菜，又幾特別，好大盤生菜俾你包#杏汁豬肺湯 -嘩，超多豬肺，因為朋友之前已經試過，覺得太好飲。今次6人都嗌煲大既。。。 6個人每人飲完2碗，都仲剩半煲🤣 全部打包，正#蜜汁燒鱔 -條鱔好粗身，燒鱔脆卜卜加埋蜜汁，好好味#梅子炆鵝 -好濃郁既梅子味，好食，不過隻鵝就比較肥😂

Mission completed... #小秘書 忙到癲嘅日子終於暫告一段落... 大家月尾之前又可以約我出去玩喇❤️ 難得呢晚大家咁有雅興，居然諗到走去 #彩虹邨 #金碧酒家 食 #懷舊菜，我當然奉陪啦🤪 不過要我喺三四十度天氣底下等大家收工，實在有啲接受唔到👉🏻👈🏻 唯有返屋企沖個涼再出嚟匯合大家😅一如以往，#金碧 門口都係掛住個牌「已包場」，咁多fans既？唔係一早搵朋友幫手，我哋呢晚都好難book到位。因為 #懷舊菜式 都需要時間準備，所以我班同事早喺十日八日前已經度緊個菜單，我當然係坐享其成嗰個啦😂#小秘書 比預期中遲咗少少，原來係我未到之前發生咗段小插曲，枱面上杯碟滿佈冷氣機吹出嚟嘅微塵😰 好彩有兩位前輩搞掂🙇🏻‍♀️🙇🏻 見7:15都未齊人，我哋先嚟一個#椒鮮魷做 #小食，#師傅 用薄薄嘅 #脆漿 鋪上 #魷魚 一齊炸，放上 #椒鹽粉，特別惹味😆 另外我哋叫咗幾款 #懷舊菜式，#錦鹵雲吞、 #花彫蛋白蒸蝦、#豉汁蒸鱔、#茘芋香酥鴨，同埋 #杏汁豬肺湯。先講個湯，我真係覺得夠晒誠意，好濃嘅 #杏仁 味道，#豬肺 一啲腥味都無，好

繼續清舊食記，今天分享上月尾在彩虹村 金碧酒樓 的一頓暢快飯局。 這是一間屹立彩虹村50多年的懷舊酒家，環境只是一般，店內更是嘈得不得了，還是晚晚爆場，不提早訂檯就吃不到，可見出品有一定吸引力。論味道，這裡或不是頂級，但勝在有風味同時價位相宜，這晚人均$300已經吃到撐著肚子離開～先謝謝車媽媽安排＋訂菜，抵達後先來一碟脆皮燒肉，邊吃邊等；燒肉味道是不錯的，但已經凍了風味要扣點分啦～人齊正式開飯，一來先有大大煲熱度十足的杏汁白肺湯，湯頭鮮甜順滑，同時富有杏香、肉香及陳皮香，好喝得來又十分滋潤，個人十分喜歡的～然後是錦鹵雲吞，這次的雲吞皮就是新鮮炸起，清脆口感配上加入豬膶、蝦、魷魚、青紅椒及菠蘿的酸甜汁，十分吸引，忍不住吃了兩件才收手。也非常推介這裡的酥炸蟹鉗，個子碩大的蟹鉗丁點不油不膩，個子碩大同時裡面蟹肉成梳，十分的足料鮮甜，除了淨食也可配上甜酸汁享用～好友一直重申這裡的順德鯇魚腸蒸蛋有多好吃，這晚一會終於了解到其魅力：成品除了一點不腥，那蒸蛋還十分的滑溜潤澤，加上淡淡的果皮香氣更加迷人，很快就給掃清光了！   接著又有花雕蛋白蒸海蝦，那蛋未算最滑溜，酒味也可以再香再濃一點，但海蝦無

同事帶我地黎呢間金碧食懷舊菜，一行十幾人食左好多野！我覺得樣樣都好好食，尤其係個蜜汁脆鱔，蠔豉生菜包同個蒸魚腸係最得我歡心！😘另外仲有杏汁豬肺湯，炸蝦丸，焗元蹄都好正。價錢吾貴，材料新鮮，真係抵食夾大件，可惜掛住食吾記得影相！🤣已相約同事下個月再去encore！😎

好友A小姐提起很想到金碧酒樓吃晚餐，經她一說那條癮即起！因為我太太太掛念小店的蒸魚腸，所以膽粗粗攪一場良朋共聚金碧夜！人未到齊先來碟脆皮燒肉過口癮，皮脆唔肥亦不太鹹Ok啦！終於到齊先以杏汁白肺湯迎接各位良朋，從來不太愛喝杏汁的我沒試，但不打緊最重要大家也喜歡便好了！接下來是錦鹵雲吞現在坊間少有供應了！脆卜卜的雲吞皮配甜酸汁很難不好吃，汁內更有豬豬膶、魷魚、青、紅椒及菠蘿等豐富配料呢！ 之後有勁大隻妙的酥炸蟹鉗，熱辣辣炸起即上檯吃時差點燙到嘴巴呢！沾上甜酸汁吃最合襯，蟹鉗咬下超有彈性，內裡的蝦膠足料足味，最重要一點也不油膩，炸功非常到家！令我朝思暮想的順德鯇魚腸蒸蛋來到了！魚腸處理得宜一點腥味也沒有，加上蛋香和果皮香的味道真是誘人不已，再吃仍然覺得相當美味和吸引。B先生指點的豉汁蒸蟠龍鱔霸氣上檯，豉汁調配得恰到好處夠惹味，白鱔夠鮮甜沒泥味唯獨肉質不夠彈牙否則更加滋味。私心想吃的花雕蛋白蒸海蝦，蛋白夠嫩滑花雕味可以再重點更佳，海蝦的份量激多吃極不完似的，還要隻隻鮮甜爽口很值得一吃！今次選來香口的金皇蒜香雞，皮脆肉嫩富雞味又是水準之作！大家意猶未盡再點來椒鹽鮮魷，依舊酥香煙韌有鮮味佐酒一流。

尋找到從前既好味杏汁豬肺湯...好飲.略覺不夠濃而且偏甜八寶鴨...老舊菜已少有酒樓有做.好味.但栗子少左d花生過多炸蟹鉗...絕味...如蟹肉再多一點會錦上添花.蜜汁燒鱔球.爽口彈牙椒鹽鮮魷...個炸醬皮差左d旦魷魚鮮元蹄...入口有淋淋感...好好食花雕蛋白蒸蝦...酒味唔濃.個人喜愛酒味.我就想濃點蒸魚腸...唔腥...近年難得既味道蠔豉生菜包...野味好香成間店雖然舊又迫旦都好舒服冷氣好足.好過市面大多數食店酒樓...！店員服務...好正...大家都融為一體...！好開心

自從今年初第一次幫襯，到而家已經幫襯咗 4 次，呢個月仲要幫襯咗 2 次 🤭🤭早前帶媽媽食過一次，佢對呢度嘅杏汁豬肺湯念念不忘，佢生日就再嚟食多次啦 🙂 我哋一行 7 大 1 細，叫咗一個湯加 4 個懷舊餸都食唔晒。杏汁豬肺湯依然好香杏仁味，媽媽仍然讚口不絕，生菜包啲生菜好甜，中和返炒香嘅蠔豉冬菇肉醉同炒米粉。錦鹵雲吞小朋友食到眼閃閃 😅紅燒元蹄一上檯大隻到 O 晒嘴，食落唔油膩仲覺得啖啖骨膠原，到剁椒魚頭上檯又再 O 多次嘴，要幾大條魚先有咁大個魚頭? 哥哥叫咗中辣，我頂唔順，食咗小小都覺得好正，仲有粉絲墊底吸晒啲魚汁 👍👍👍早 2 日再同中學同學一行 11人嚟慶生，杏汁豬肺湯，生菜包同錦鹵雲吞係鐵膽，再加陳醋木耳，金碧小炒王，大魚兩食，花雕蛋白蒸大蝦同金華玉樹雞。陳醋木耳好入味，啲醋食得出係正嘢，金碧小炒王相比下有啲遜色，大魚兩食好正，尤其係蒜蓉蒸魚腩，無魚鱗之餘仲感覺到滿嘴骨膠原，花雕蒸大蝦好滑，有好多隻大蝦，金華玉樹雞餐牌上係無嘅，唔知點解同學知道有得叫呢？好明顯呢個係手工菜，清清哋好香。另外見其他檯都有叫釀鯪魚餐牌都係無，唔知仲有幾多樣神秘菜呢？

去年8月31日首次到訪「金碧」，相隔未到一年，於 8月3日約同飯腳再次感味這舌尖上的彩虹！這回飯腳統統是酒鬼，老公還特意帶備了一支 Magnum 香檳，送給快將生日的壽星女。香檳質量超出預期的理想，為這頓飯聚添上泡泡的喜悅！人未齊，先要來佐走小菜！富嚼感、帶小肥，調醃味自然的叉燒，未來得及拍照已給吃光了！到現在回想起來，「金碧」的叉燒的確擁有一股撲實的特質，相比潮興的什麼黑毛豬、什麼矜貴的處理過程等的叉燒，「金碧」由簡單原始而來的叉燒風味，不禁令人生愛！第二道佐酒菜是小炒皇，一看濕漉的芡汁附在食材之上，心裡感覺有點不對勁！蝦乾、鮮魷、西芹、腰果、韮王等用料十足、質量亦優，以致味道和層次均十分豐富，只是未夠乾身，變成一道濕版小炒皇而已。上次有幸嚐過「金碧」的辣鹽鮮魷，這回一定要來一客佐酒。魷魚新鮮、外乾內軟，加上香氣盛放，又不會過鹹，一流也！人齊了，起菜！大抵是不想加重廚房的負擔，訂菜時老闆娘依舊提議杏汁白肺湯，就這樣我再重溫杏汁白肺。正如上次食評所說，湯感順滑、杏味不算濃厚，純甜的湯韻最為突出！一盅杏汁白肺湯份量超多，每人最少可分兩碗，而我和部份愛湯的飯腳起碼來了三、四碗，令人依舊滿足

约了朋友回到中學時昀彩虹村金碧酒楼食飯懷舊吓，心諗街市食都要訂位🤔，原來要時間做準備工夫。未齊人，食住叉燒，油雞先，半肥瘦叉燒好好味，肉又霖，汁又好野味👍油雞又滑，汁甜而不膩，味道適中，重点是很入味👍第一道是杏汁豬肺湯， 眾所皆知，這是工夫菜，先不說味道，很多地方巳經不煮啦，因為太多工夫。好重杏汁香味，豬肺爽口，配自家製辣椒醬更好味，湯有胡椒味，但不辣，好好味👍第二道菜是看似平凡的八寶鴨，切開鸭身後，滿滿的餡湧出，有蓮子，餡料保留各有味道，一齊食味道很好。第三道是錦鹵雲吞，兒時的菜式，現在偶然在酒楼見到，它的酸汁加入三色椒，一片片炸得脆脆的雲吞，放一羹酸汁連椒一齊食，好開胃，另你食完想再食👍第四道足忍吾住口的椒鹽鮮魷，明知膽固醇高，也要食一條，弹牙的鱿魚，簡直是魔鬼，令我夾多一條又有一條。第五道是一碟陳醋雲耳，這是陳醋的酸味，加入紅椒、蒜，醒胃之餘，雲耳可以抑制番膽固醇，不过我个人認為偏甜。第六道朋友一定很喜歡食炸嘢啦，再來一個酥炸鮮蝦丸，蝦彈牙，炸得脆，好味，碟碟都保持出準。第七道是蜜汁燒鱔球好特别，第一眼以為是茄汁蝦添，又脆又酸又野味，加上啖啖鲜魚肉，好好味👍第8道是蠔油手撕雞，又

足料的龍躉骨湯，惹味的京葱炒豬頸肉，大口大口吃下的蒜蓉果皮蒸龍躉頭腩，不常吃到的八寶鴨，至杏仁霜到蒸饅頭，吃到的不只是餸菜的味道及懷舊味道，還有人情味。席中有紅酒，白酒，也有清酒。帶了英勲 純米吟醸生原酒 24h，中鮮，中旨，淡中酸。英勲的生酒當然不會令人失望，但跟蒸魚，炒魚並不特別匹配。英勲 純米吟醸生原酒 24h齊藤酒造產地 京都市伏見区使用米 京都產京の輝き80％ 祝20%精米歩合 55%酵母 --Alc 16%日本酒度 --酸度 --冷飲

一班朋友行完山，朋友帶我們去彩虹村食飯，她說要一早訂位，我心諗街市食都咁巴閉……金碧茶楼，原來是食懷舊粵菜，因為要時間做準備工夫，所以訂位之餘，有些菜要預訂。8个餸早巳預訂，由於未齊人，所以加叫叉燒，油雞，边食边等。半肥瘦叉燒好好味，肉又霖，汁濃香甜👍油雞滑，汁甜而不膩，味道適中，重点是雞好入味👍齊人開飯，先上杏汁豬肺湯， 眾所皆知，這是工夫菜，先不說好唔好味，很多地方巳經嫌功夫多不煮啦。湯好重杏汁香味，豬肺爽口，配自家製辣椒醬更提味，湯有胡椒，但不辣好好味👍跟住上錦鹵雲吞，兒時的菜式，現在偶然在酒楼見到，它的酸汁加入三色椒，一片片炸得脆脆的雲吞，放一羹酸汁連椒一齊食，好開胃，另你食完想再食👍啱晒同枱小朋友下一道菜是看似平凡的八寶鴨，切開鸭身後，滿滿的餡湧出，有蓮子同其他豆類，餡料保留各有味道，融合一齊食，香甜好味。再上一道忍吾住口的椒鹽鮮魷，明知膽固醇高，也要食一條，弹牙的鱿魚，簡直是魔鬼，令我夾多一條又有一條。好彩來一碟陳醋雲耳，這是陳醋的酸味，加入紅椒、蒜，醒胃之餘，雲耳可以抑制番膽固醇，不过我个人認為偏甜，食到咁上下消飽肚感。朋友實係喜歡食炸嘢啦，又來一個酥炸鮮蝦丸，蝦彈牙，炸