金田家

營業中

休息中

又繼續尋找美味拉麵之旅，見到這家好評如潮，便試試它的午餐 。我們點了原味(豬骨)跟黑蒜味(午餐還有小食或飲品送，都點了餃子)。我的原味選了硬麵，豬骨湯出色濃得吃得出骨膠原的味道，但又可以保持不咸不油膩。麵是幼麵，還伴有木耳跟豚肉。豚肉由一圈肥一圈瘦的樣子，吃下很香口卻又因薄切而不膩，用料優質。他點的黑蒜很強烈，是原有豬骨湯加超多黑蒜味。蒜粒不是全黑的(感覺好像健康點)，只會見湯奶啡色的但完完全全是濃厚的黑蒜味，豬骨都好像被覆蓋了。他這蒜迷讚過不停。他點的麵是硬度最高，好像比我的普通硬好(或我可能吃得慢些所以麵軟得快)。附送的餃子也不錯皮薄而脆脆的菜肉餃。麵很快便吃完，剩下的湯可以再加麵。我們都覺得這裡的拉麵簡單卻已經很出色，跟豚王及一風堂那些不惶多讓(他說已經是9/10分還比豚王優勝)，而且價錢比他們便宜，值得再光顧。

今日下午去左銅鑼灣食午餐。一黎就出左登龍街呢條咁多拉面店既街啦..之前都無咁多拉面店。呢間之前未食過。天氣又有少少凍..所以無食到對面果間食沾面既...等左10分鐘左右入得。唔錯唔錯~~等既時間都唔長叫左個經典拉面，一個鹿兒島黑豚拉面 同埋一個男爵薯餅入去坐低，俾左兩杯水..有一杯有少少油係入面。所以無飲到佢D水...扣左少少分~~經典拉面：我覺得佢呢個面，個湯底好濃但係唔會好膠口~價錢問題啦~~所以個豬肉唔係好夠肥，同埋佢個賣相未夠靚。呢個面揀左硬身，我食落都算係有少少爽口但又唔會好軟~所以佢都做到應有既硬度。鹿兒島豚肉拉面：呢個揀左超硬~我最鍾意就係食超硬既面。真係食落好硬同埋感覺仲有少少未熱透。可能我心急食啦~~哈哈~~但係岩我食...佢好出奇地有5塊豚肉。同埋好夠肥，個湯底好濃好膠口。好唔好各人睇法啦~不過我比較鍾意經典果隻湯底。最後上個薯餅，佢有兩塊，一塊係正常味道，另一塊係紫薯味道。紫薯既味道好甜，感覺好似係日本食緊咁。同埋都幾大塊。所以我覺得係抵食架

銅鑼灣有一條美食街 - 登龍街，這兒除了永光中心外就是拉麵和拉麵，單是這一條長數百米的街道上，就已經有五間拉麵店，一間台灣麵店及一間港式麵店，街道上的餐廳大概可以花上一個月才可以吃光。拉麵從來都是香港人的最愛，銅鑼灣競爭之大，跟日本無差，各式各樣的拉麵都有，要吃甚麼粗幼度的麵條甚麼做的湯底都可以隨意在這裡找得到，可能以集中和方便去評估這裡更勝日本。較早在香港設店的「豚王」人流依然，其餘的都是不相伯仲，對筆者來說當然要上網查一查人氣，那就決定去「金田家」。「金田家」其實薄有名氣，它是2013年當地人視為日本Openrice的Tabelog.com拿下最高人氣拉麵的第一位，可想而知有一定實力，雖說筆者從不是拉麵控，所以並沒有太了解拉麵，所以還是選一間比較有名氣的拉麵來吃。這兒的裝潢跟日本的都差不多，黑色的木枱，一個開放式的廚房，一陣陣隨風隨過來的湯底味道，令人垂涎，馬上看看這兒拉麵的特式。拉麵有好幾種期間限定還有黑松露豚肉拉麵，這一次有仨人可以試三個不同的味道，拉麵跟很多店舖都一樣可以自由點選拉麵的軟硬度，要否走蔥等，除了拉麵外還有一些小吃如餃子薯餅及雞塊，算稱得上甚多元化。喜歡辣的筆者當

同朋友行街都係離不開銅鑼灣，大家港島人麻，夠哂方便。今日行下街，又係時間食飯，行行下就到咗好多拉麵店嘅登龍街金田家其實一直想試好耐，今次行過見5使等，就決定食呢間。鋪頭5係好大，有開放式廚房，可以睇到師傅煮麵。可能時間尚早，鋪頭5太多人，每枱都設有一壺冰水，應該係間間拉麵店都必備的了。金田家用過膠餐牌，菜單簡單，拉麵有五款固定款式加一款限定拉麵款式（當日係黑松露拉麵）。另一面係小食同飲品，追加配料有8種之多。點餐紙需要自己填寫，可以選擇拉麵嘅軟硬度，要5要蔥。餐廳做緊推廣，可以透過like fb + share post免費送一隻糖心蛋。我同朋友都有做，一人加咗一隻 。雞白湯豚骨拉麵呢個係我點嘅，湯底係混合咗雞湯同豚骨湯兩種，味道較淨豚骨湯清。湯底幾濃厚，但就係平平淡淡無一種好驚歎嘅感覺。呢一款麵係粗身啲。經典拉麵呢個係朋友嘅，我試咗小小，湯底比雞白湯濃。麵較幼身，不過不失，無咩特別。大將餃子餃子熱辣辣，皮薄咬落多汁。剪得外面小小脆又帶點焦香，算係最好食嘅一樣。可能期望太大，感覺沒有太大驚喜，表現普普通通，但亦可以一試。

月黑風高的晚上！拉麵店多過燈籠的登龍街！一陣來自挑戰者的旋風於金田家內掀起！正正就是小妹⋯⋯帶同星球的另一個人 heart 表情符號 來到 金田家 かなだ家 HK 挑戰《金田家決戰九洲拉麵王比賽》！最後挑戰成功，取得榜上有名！親切的店長為星球另一代表的小妹準備了一系列招牌菜，報告如下：經典拉麵中的主角「Cappuccino 豚骨湯底」味道很濃郁，看起來有點油，入口卻不感到膩。叉燒方面經過足夠火候處理後非常鬆軟，據說是採用了日本的黑豚肩用。拉麵方面硬度更可自然調配。滷蛋稠稠濃濃的糖心令小妹一試難忘。最後栗子紫薯餅亦於高質預期之內，紫薯的甜是清清的，與栗子確實絕配！

登龍街有幾間拉麵店呢間冇咩人排隊都驚伏伏地個人口味選擇唔多覺得可以俾多d個客選擇注意呢到只收現金和八達通鹿兒島黑豚拉麵 $103個湯幾濃郁 唔會好油有五大塊肉放係邊唔洗加麵都夠飽貴d塊肉係好食d但就冇咩配料只有木耳和蔥(走左蔥)激辛拉麵 $93個湯夠哂辣 但味道怪怪的可能落得太多辣粉送枝豆/餃子/汽水餃子幾好食 煎得脆脆地

lunch break要在銅鑼灣辦點事，順便在燈籠街吃拉麵。本來想去豚X但是1點鐘的時候店門口已經排了10個人，就轉投金田家懷抱哈哈。之前有吃過覺得還不錯，今天吃水準還是與以往保持一致呢。這次中午吃覺得超級實惠，午市套餐包括一碗拉麵加一款小食和飲品也只是餐牌上單點拉麵的價錢！我點了原味拉麵。湯底沒有豚X的鹹，但是還是很濃稠很香的豬骨湯味道，我不喜歡太鹹的食物所以覺得很好吃！拉麵上有四塊叉燒，肥瘦均勻，肉身還蠻薄。另外還放了黑木耳，如果我最愛的竹筍就更好哈哈。拉麵是細麵，蠻滑，掛湯力也不錯。小食點了煎餃子，餃子皮薄餡多，煎得金黃又不會太鹹。金田家性價比超高，而且中午也不用排隊，可以一試！

今日心情靚爆吖，中午就同姊妹一起去咗銅鑼灣度食拉麵，去到係一定要嚟翻個經典拉麵啦。真係好耐無食過，每次食都覺好好味，餐廳環境都唔錯，服務又好。拉麵噶湯底真係好正~又濃又香，但係唔會覺得好油膩，拉麵好Q彈，最重要噶係叉燒好多，非常入味。幾個姊妹都幾中意食肉，個價錢咁平，公道。好滿足！最後嚟翻個溏心蛋，點解佢地噶蛋可以咁好食，就算等咗咁耐都覺得值翻啦！姊妹都話下次有機會都可以繼續嚟哩度食野，下次一定要帶埋班細佬妹過來食翻餐。

這間位於拉麵戰場....登龍街的拉麵店, 可能沒有經過加持, 沒有人龍, 試試會否中雷, 點了招牌 : 至尊拉麵, 湯底ok, 有豬骨味, 亦不會太咸太濃, (豚王太濃了, 喝兩口湯已飽), 叉燒有四塊, 半肥瘦, 不乾不柴, ok, 麵質亦可以, 半熟蛋比較出色, 做出糖心, 值得一試!!

上月去了CWB D記做脱毛,每次在CWB做完脱毛之後去登龍街吃午餐，間間都要排隊，就見到金田家不用排隊，就決定吃金田家,我懒得再去想吃什麼，今次叫雞白湯叉燒拉麵+1支綠茶，雞白湯味道淡咗些小，拉麵的口感就一般,略為不夠軟身,叉燒亦好薄，味道一般,反而味付蛋就好好味,半生熟適中,味道整體一般,服務亦OK,地方亦都適中,座位亦坐得舒適，價錢貴咗些小，登龍街拉麵店都是咁上下,只是味道同價錢不成相比

我自己好怕排隊搵食，感覺好嘥時間咁，有時會覺得有啲店排晒長龍，可能確實喺有質素，亦有可能喺啲人貪新鮮，更有可能喺傳媒吹虛造成。小弟自問食嘢志在見識，無話要追求最好，所以，今晚同麵包班同學仔I兄一心嚟到登龍街食拉麵，見號稱最佳福岡拉麵店嘅「金田家」，店內人氣不俗，卻又唔使點等位，就試試依間九州拉麵店 。餐廳唔算好大，呈長形，開放式廚房設晌入面，廚房邊就喺「吧位」，坐晌吧位可以探頭睇到師傅做麵。而一室深褐色實木枱櫈，裝潢簡潔，不過，其實好多拉麵店格局都喺咁上下。枱上都有一大壺冰水，喺店方建議俾客人飲用解膩，如果有啲玄米茶提供，唔知會唔會感覺仲好呢？過膠餐牌，底面兩頁紙睇晒，拉麵、小食、飲品，圖文並茂有咩揀。點餐紙上如選擇題，揀拉麵款式外，仲可以揀麵嘅硬度、要唔要蔥、其他追加……等等，喜歡點剔就點剔。而拉麵共有6款，定價於$78-$108，追加配料多達8種，小食則只有3款，明顯都喺拉麵以外再賺多點「外快」。 松竹梅白壁藏Mio清酒 $55之前晌I兄屋企食佢嘅私房菜已經試過依款酒，佢話賣$55抵飲，所以點一支回味吓，再者，佢對酒又算頗有研究嘅。依支「澪」有氣清酒上次飲過，真喺幾得意，首先寶

自細已經好唔鍾意去飲茶要等嗌位，但細個冇得揀，大個左，好自然會去一啲可以訂位或唔使排的食肆，但近年香港唔知搞乜鬼，食個豆腐花要排，拮串魚蛋又要排，至於日本拉麵，更有人話過唔使排的，比你都唔好食！真的嗎？銅鑼灣登龍街，有好多日本拉麵店，有啲真係任何時間去都要排，但係咪代表條龍最長果間一定最好食？ I don't think so!! 呢間金田家，我食左好多次，每次都唔使排，但每次我都好滿意！今次試左佢今期限定，黑松露拉麵，本來都以為只是啅頭嘢，但原來黑松露混和入個湯度，係會好香的！我今次真係飲埋個湯架！講翻個麵，呢度可以比你選擇麵的硬度，我自己就偏向較硬的麵質！呢度的溏心蛋同出面有少少唔同，成隻上，冇開邊，我自己就喜歡咬一個細窿，再灌啲湯入去，蛋黃加上熱湯，一啜，爽！呢度個替玉亦看出店家對麵質的堅持同誠意，替玉，即係我地叫開的加底，佢個碗咁大，其實要加底，大可以一次過上，大大碗，贏左賣相先啦！但金田家係堅持分開上，仲要係等你原來碗麵食到咁上下，店員會主動問你個麵可以上未，仲會問埋今次仍然選擇較硬的麵？替玉要後上，不是懶有service 的 gimmick, 而是當一碗比正常份量多的麵全部

突然心血來潮想食拉麵，到銅鑼灣食肆林立的食街登龍街覓食，卻被這家店門前的電視採訪吸引了。就看看福岡的拉麵多利害。菜單很簡單的一張，主要拉麵有五種，加上限定拉麵，當天的是黑松露拉麵。我和朋友都想試試它的真功夫，不約而同地點了經典叉燒拉麵。拉麵配上豬骨濃湯，附有紫菜，黑木耳和叉燒4片。他們店還有推廣活動，只要在Facebook上分享他們的貼子就會免費送上溏心蛋一隻！我當然不會錯過啦！好！先來一口湯底。嗯～好香濃，帶有天然豬骨油香但不會太油膩，而且還有一點甜味，喝下去好順滑舒服，令人想一喝再喝。麵質方面我選了軟麵，軟硬度剛剛好，是我喜歡的口感，而且粗幼度適中，連麵帶湯非常美味。我和朋友都只顧各自專心進食，好像是一直食下去就對了。叉燒方面每片都切得薄薄的，結實的肉質裡充滿著淡淡豚肉香味，味道洽到好處。而我覺得很幸運地有點溏心蛋(抱歉忘了近拍)。應該是我目前吃過最美味的溏心蛋。茶啡色的蛋白咬下去十分柔軟滑溜，輕輕咬開一角後很快看見裡面的溏心蛋黃慢慢流出來！橙黃色的蛋黃像是會流動的蜂蜜，輕輕一吸把它送入口，感覺多麼滿足！又香甜又美味！外層的蛋白有滷過的淡淡醬油味道。簡直是人間美味！噢，對了。吃到中

這幾天都不斷下雨，地下濕漉漉，鞋又被水浸了一半，實在影響心情！其實很想回家，但難得成功約了難約的朋友，又不想再另約日子，唯有照去吧！這次吃的是金田家，餐廳內空間稍嫌不足，地方不大但較多座位，所以不用在外等很久。一進到去，我很快便決定叫一碗辛子拉麵拉麵一來到，看見有不同配料在碗內擺放得整齊，顏色吸引，拉麵上加了柚子，使拉麵的味道更豐富，而且辛味香但不會太辣，味道很好。而且拉麵的軟硬度適中，亦供客人選擇不同程度。比想像中更好，尤其柚子的味道與拉麵並不違和，並更加提升層次，可見其心思及創意。雖然拉麵已經很滿足，但朋友卻總想叫點小食吃，最後又叫了日式煎餃子餃子排列得很整齊，比想象中大。以小食份量來計算，份量合適，吃起來味道稍淡，但配上餃子汁便適中，加上餃子饀十分充足飽滿，不會過乾。果然這裡確是服務很好，態度好也十分有禮貌，而且主動介紹食物給我們，也協助客人填寫餐單，加上上菜速度快。雖然餐廳看著與其他日式非連鎖餐廳無太大分別，但感覺讓人可以和朋友舒服地用餐、傾計。

前幾日掛一號波去咗食登籠街金田家，試咗佢哋嘅經典拉麵。拉麵既軟硬可選擇，配料都可以自主決定，啱晒我e啲煩人。呢間店賣既野唔算好多，得兩頁menu，食拉麵加一款小食份量啱啱好。加埋枝我好鍾意嘅松竹梅白壁藏零清酒，真係爽到震，佢e度賣得唔貴，唔記得5十幾定6十幾，值得一試。原來佢除咗日本，倫敦都有分店。一號波唔多人排隊，所以都幾好彩，推薦大家試下個湯底，好濃好有豬骨味，我仲飲曬個湯。