金田家

營業中

休息中

《金田家》濃厚雞🐓白湯拉麵🍜📍銅鑼灣登龍街34號地舖上次食過佢個《濃ってり豚骨拉麵🍜》，覺得幾好，今次試試另一款，可惜質數強差人意。《濃厚雞🐓白湯拉麵🍜》香味 (4/5)香味係相當的不錯，滿滿雞味，好好聞。湯 (2/5)如果以雞白湯嘅標準來講，佢算合格線以下。因為佢menu上聲稱係濃厚，而事實上，雞味並不濃厚，而偏淡。整體係好唔夠力嘅一碗湯，令人感覺無神無氣。麵條 (3/5)可能因為個湯強差人意，個麵只係僅僅合格。配料 (1/5)雞叉燒，豬叉燒都係差到一個點。簡單講，就係乾柴烈火d friend，d叉燒又乾又柴，冇乜肉味，似隔左唔知幾多夜。隻蛋都係完全唔得，冇味咁滯。今次試埋餃子同炸雞。餃子完全唔得，炸雞則正常。整體 - 不推薦。今次我屋企人有食《濃ってり豚骨拉麵🍜》，但個湯並冇上次我食咁好味。如果店家想長做長有，一定要控制到水準要保持穩定。

《金田家》濃ってり豚骨拉麵🍜📍銅鑼灣登龍街34號地舖我住响九龍，冇咩事都唔會過海。不過如果話港島區邊一道街我去得最多，肯定係登龍街，因為小弟公司鋪頭就响呢道。不過咁多年，我都睇漏左眼呢間《金田家》，可能因為之前《豚王》係開响佢隔離幾個鋪位，而《三田製麵所》又响斜對面，好多時想食拉麵都先比佢地吸引左注意力先。不過因為《豚王》已經執左一段時間，漸漸我又開始留意返登龍街，除左《三田製麵所》以外，仲有兩間，一間係《ラーメン松壱家》，另一間正是《金田家》。《濃ってり豚骨拉麵🍜》香味 (3.5/5)濃濃豚骨味，不過除左豚骨之外就冇額外加添其他香味，都算係好聞。湯 (4/5)我去評價啖湯得唔得，我會主要分5個角度去睇，香味，濃度，鹹度，質感同溫度。唔少人會將濃度同鹹度混為一談，其實佢地係唔一樣。濃度指嘅係食材味道嘅濃度，鹹度係指鹽分有幾高。套用返呢碗湯，佢嘅濃度係高，豚骨味好夠出，而鹹度係適中偏低，正正啱我口味，我最怕就係偏鹹嘅湯。而質感佢算杰身，重骨膠原，張張地咀，我就幾偏好呢類質感。唯一少扣分係溫度唔算高，食到中段就有少少唔夠熱。麵條 (4/5)博多風豚骨拉麵標準配置，低加水細直麵，麥味夠，掛到

銅鑼灣登龍街由街頭到街尾都係餐廳，平時都成日過嚟食麵館皇同養生麵，呢間金田家都開咗好耐，今日就入嚟食個lunch。店舖環境都ok，枱與枱之間唔會好迫，我又早嚟食，所以坐得幾舒服。叫咗個濃厚豚骨拉麵，都幾快上餐。叉燒份量幾有誠意，總共有4塊，不過食落就乾咗啲，比較嚡口，肥膏部分亦相當少，所以少咗份油香。湯底就唔錯，睇樣都知夠濃，不過鹹咗少少，所以飲唔晒啲湯。加分位係上面嘅木耳絲，加返啲口感無咁單調。

原本以為銅鑼灣嘅嘢食質素都唔會差到去邊，呢間真係大開眼界😓😓食下食下無拉拉成隻活生生嘅曱甴從天而降，跌到隔離位嘅檯上，當時全場幾乎滿座，隻曱甴就咁橫衝直撞爬過，我諗係人都嘔心到完全食唔落🤮🤮🤮店員反應極慢，施施然打完隻曱甴扭頭就走，甚至留低半隻曱甴尸體喺檯底過咗幾分鐘先清理。有冇搞錯啊，咁嘅環境啲嘢食可能都已經比曱甴爬過，全程連一句sorry或者唔好意思都冇，真極品🤢嘔心到成晚都冇曬心情👎🏻👎🏻味道都一言難盡，湯底除咗鹹味食唔除其他，可能係嚇到食唔出🤮

銅鑼灣登龍街有好多間拉麵舖，今次嚟到呢間舖面細細嘅金田家，有驚喜！👍黑豚拉麵 - 講真未試過拉麵上面鋪咗咁多塊嘅豚肉，感覺好抵。仲有好淋又入味，湯底又夠濃郁，面底夠彈牙。雞白湯豚骨拉麵 - 湯底清甜雞味，比起黑豚拉麵，豚肉數目雖然比較少，但正在夠入味唔黐牙。小食吉列蝦 - 呢個小食就普通，食一嚿之後就覺得好油膩，好溜。好彩叫咗一杯洛神花梳打水，係有你絕配！👍

原來好多年冇食過呢間拉麵，難得今日經過，自己一個人唔知食咩好，就食你啦～今次叫咗一個柚子辛口拉麵，豚骨湯好濃，不過食到後面鹹咗少少🤏🏻第一啖食落去柚子味好突出，少許酸酸地，幾開胃黑豚叉燒，厚度適中，好稔，好大塊，肥瘦均勻👍🏻辣醬好惹味蔥很多我很喜歡👍🏻揀咗普通硬度嘅麵，不過一開頭食都係偏硬，下次我要揀軟啲🙈加多份大將餃子🥟，皮薄，多汁，可惜煎得唔夠脆，煎餃嚟講我有點失望😕整體來講，算ok，因為我鍾意佢嘅柚子味🤣

拉麵🍜係我喜歡🥰食物之一。今次就去銅鑼灣金田家試試囉😌 舖內面積不大，但尚算舒適。店員服務態度表現不錯👍我叫了豚骨濃湯拉麵🍜，湯頭濃厚，個嘴有點黏住嘅感覺，骨膠原應該好多唷😌，拉麵🍜彈牙，煙韌度適中，豚肉叉燒多片，望👀落似好肥，但食落又不覺肥膩且幼嫩甘美，因炙燒過，仲有一點焦香味。如果豚肉叉燒厚多一點就更完美😍囉。不過，加上流心蛋，大片紫菜，香葱，木耳和蒜，味道👅層次變得更加豐富。整體來說，金田家拉麵🍜，價錢💰略貴，但拉麵🍜品質不錯👌，可一試。

因為公司在銅鑼灣，每到午飯時間為了想吃什麼都好苦惱。金田家是我想不到新餐廳時候其中一個固定選擇，品質穩定，而且湯底夠熱。和朋友每人點了個拉麵，一個豬骨湯底，一個黑蒜湯底，朋友為了達成每日蔬菜量還額外點了個黑木耳。湯底夠熱，拉麵的軟硬適中，湯掛面，叉燒也充份的入味。豬骨湯底加辣個人最愛蒜香，那半隻半熟蛋也是精華所在，葱蒜加分！這次沒點炸雞塊，不過我記得這間的雞塊很大，而且香脆多汁，推薦給喜歡炸雞的朋友！

復活節人人都去外地，我就選擇留港消費。喺港島區玩咗一日之後非常攰，決定搵間近近地嘅拉麵店作結，快手食完就可以返屋企。喺銅鑼灣食拉麵一定係諗起登龍街，有各式各樣嘅拉麵湯底可以選擇，記得朋友之前介紹過金田家，於是就試試。晚上大概8:00入座，大概只有幾台客人唔使排隊直接可以坐低。本身好鍾意食豚骨濃湯，於是叫咗豚骨拉麵，老婆就叫咗雞白湯拉麵。唔使10分鐘就送到枱面。另外餐廳嘅侍應都幾有禮貌😀豚骨濃湯拉麵嘅賣相幾好，豚肉大概有6塊，配料包括有蔥、黑木耳、紫菜，另外加咗個糖心蛋。湯頭來講覺得稍為偏淡，可能日本食開嘅都比較濃味。豚肉非常有驚喜，有比火槍燒過，帶有焦香嘅味道，口感都幾滑👍🏻 整體都算幾好食。反而雞白湯拉麵嘅湯底好出色，雞肉都算好滑，好味程度拍得住座銀。不過兩個面底都偏少，大食嘅朋友可能要加一個替玉先夠飽。

濃厚度十足喝到後頭的濃度完全沒降😳雞香淡淡滲出濃 卻不致膩拉麵用上粗厚實在的曲麵略厚 不過掛湯力也佳 蠻配的雞肉片4片🐥 還有黑豚片🐷 兩者也好吃雞肉軟嫩、鮮甜黑豚肉脂肉香平衡 推介試試它😋柚子的點綴很輕開頭比較吃得出來後來混和在濃湯裏 則不見蹤影了😝蔥花、絲們都超多因湯頭濃度高 很能減膩✌🏻不過是有點辣🙊由頭到尾都吃到的滿滿蔥花😆喜歡簡單而濃厚拉麵的大家可以試試🙌🏻拉麵入門級也可以的一碗

幾日前嘅一餐拉麵，喺我記憶中撩撩聲。好朋友拉我去試，話金田家個雞白湯唔錯，有點期待又有點怕失望。想不到，濃而不膩嘅雞白湯，輕輕掂過我嘅心尖尖！🍜 湯底濃厚得嚟唔會嗌渴，麵條得個勁道好夠嗒，仲有少少蛋味，好食得滯！雞叉燒口感幼滑，完全唔似啲其他拉麵店舊舊雞肉咁。哥哥件事我要讚下，嗰個半生熟嘅糖心蛋，啖啖都係驚喜！食完，個心情好似晴天嗰陣夾雜著幾朵白雲咁，輕鬆又滿足。身為一個食評人，我會話你知，金田家嘅拉麵絕對值得一試！餐廳環境算係OK👌，服務生都夠友善，下次想試埋柚子辛辣豚骨拉麵，聞到陣陣柚香實在難以抗拒！是次體驗得我開心到忘形，絕對推介大家試吓金田家嘅拉麵！👍🍜🥢

- 雞白湯豚骨拉麵套餐⁹⁹一上菜第一時間當然係飲一啖佢奶白湯底，識食一定係咁食。濃厚的雞白湯底真係冇令我失望，濃厚得來不會咸不會膩，清香得嚟帶點回甘。而麵類方面，雞白湯豚骨拉麵只能夠選擇曲麵。平時食拉麵好少會選曲麵，食落偏硬口感，麵質煙煙韌韌。而腩肉叉燒肥瘦層次分明，軟腍入味。另外仲有蔥花、紫菜等伴麵都很出色。- 大將餃子三隻外皮煎得金黃香脆，皮薄煙煙韌韌，而肉汁豐富肉味香濃。- 忌廉隨套餐附送，解渴一流。

濃雞白湯拉麵(曲麵）➡️呢個曲麵大愛 ，宜而個雞白湯好濃郁真心推薦食呢款 ⬆️⬆️⬆️黑豚拉麵➡️ 麵係幼身拉麵 ，本身揀左 普通軟硬度 ，但黎到係偏硬身 ‼️不太喜歡 但個黑豚係正既👍 肉質嫩滑

晚飯時間唔洗等位餐廳面積唔算好大，大概有十幾個位餐廳主打雞白湯拉麵🍽️叫咗兩款拉麵，湯底都係一樣，不過配菜唔同⭐️黑豚拉麵⭐️豚肉有五件圍係碗邊😍係薄切豚肉，肉質較瘦，不過都好軟淋🤤湯底普普通通，好少雞味，好重忌廉味🙈 拉麵軟硬適中，食落有彈性糖心蛋有流心，幾好食👍🏻呢個拉麵既湯底同黑豚拉麵一樣配菜有慢煮雞肉，豚肉，糖心蛋總結：我覺得拉麵最重要係個湯底，呢間湯底普普通通，冇咩特色🙈配菜幾好不過缺乏特色

💤 #LazyCat_食住玩• { 日本福崗縣拉麵店 } •🌀 湯底濃郁🌀 豚骨湯麵🌀 濃雞白湯拉麵 ———————— • 我是分隔線 • ———————— 走走銅鑼灣想吃一點暖東西，見入邊有位又見到雞湯拉麵就入去試下 😂———————— • 我是分隔線 • ———————— 🥢 雞白湯豚骨拉麵（$88）🔹 雞湯底香濃🔹 腩肉叉燒，肥瘦層次分明入口即溶～🔹 曲麵掛湯.🥢 濃雞白湯拉麵（$105）🔹 濃雞湯日本直送🔹 黑豚叉燒 x 特製雞豚肉叉燒🔹 加上半隻🇯🇵雞蛋🔹 少少檸檬皮帶一點清香🔹 每日限量.💬 濃雞湯比較咸，個人喜歡雞白湯，清清地~ 叉燒同雞腿肉叉燒都好幼滑 !———————— • 我是分隔線 • ———————— 💰 人均消費：~$110🌝 服務指數：🌕🌕🌕🌕🌑🔄 回頭指數：🌕🌕🌕🌕🌑.➿ 金田家 (銅鑼灣)🏠 銅鑼灣登龍街34號☎️ 餐廳電話：2889 3355🕰️ 營業時間：12:00-22:00⭕️ 加一服務費 | ❌ 提供電話訂座.🏷️ 地區：#LazyCat_銅鑼灣 🏷️ 分類：#LazyCat_拉麵———————— • 我是分隔線 • ————————