金田家

營業中

休息中

小弟雖然成日用openrice搵野食但冇咩寫食評一蘭螢壽司果d成日食但好少會寫，因為個個都讚同一樣既野男人老狗有幾可會憎間野寫野唱人但今次食金田家真係想負皮佢女友以前係英國食過金田家話好食今次特登同佢去香港e間六點左右冇咩人，一入去坐低有兩三隻烏蠅飛下枱面醬料架隔離有塊好污糟既布，一撻黃一撻紅咁我地仲好搞笑咁以為係店員執枱塊布唔記得拎走店員e個時候拎壺水黎放係上面先知係墊水壺既不過e d好小事姐，大把茶記都係咁叫左份薯餅($3x)同兩個拉麵：一個經典（好似$80）一個北海道豚肉（好似e個名，好似$110）黎左薯餅先，見到有兩種唔同顏色，問店員就知係紫薯同牛肉味，又真係幾脆口，紫薯好甜幾好食，牛肉就咸左少少，算唯一好評既野再黎兩碗麵，經典同豚肉都係白色帶微黃既湯，望落好似用大量豬骨煲出黎咁，好奇怪既係兩種湯原來一樣味既，而好失望既係碗湯竟然冇咩豬骨味、得d雞湯味（淡口到覺得口寡）肉方面：經典果個有四塊，幾淋易入口，但味道唔算好有肉味；豚肉果碗就多兩塊，再淋少少，比經典既多少少脂肪另一方面我頗重視日本拉麵既蔥，因為日本大蔥好香又夾豬骨湯、有層次感，金田家賣八十幾蚊以至百幾蚊碗既拉麵，我心諗

今日同男友行過見到冇人排隊所以就走左去食,叫左碗比較特別既『鹿兒島黑豚拉麵』日本既拉麵店同平時既麵店不一係麵修面既所有野你都可以因應自己既口味而作出調整:湯(濃/正常)面(硬/普通/軟) 蔥(多/少/走) 等等.. 湯多數我都會簡濃, 拉麵小妹同男友都愛食普通金田家既濃湯幾出色!! 個湯飲落去好濃厚, 但又未至於話係偏咸, 我都幾中意!黑豚片都好好食, 肥瘦適中, 不過食落就同平時叉燒拉麵既叉燒冇咩太大分別, 其實都叫做係豚肉既一種,只係因為隻豬係黑色, 貴價D~

三號風球後的星期六，時晴時雨，同男朋友諗起好耐冇食拉麵，就走嚟銅鑼灣金田家～～～我哋兩個都叫咗鹿兒島黑豚拉麵，我嘅麵係硬麵，男友竟然挑戰麵質係「軟」我哋兩個都唔鍾意食林嘢，男友竟然挑戰，麵嚟到，說真的，第一次幾條一齊食，感覺冇乜分別！佢並唔係我想像中咁林咁糊！再試，今次只食一條麵就食出分別！但真的並不如我想像中那麼大差別！湯底麵條半熟蛋樣樣都好好味，保持水準冇得輸真的如店員所說「可能係全香港最好味嘅拉麵」今次我哋另外再加咗芽菜！芽菜用黑白胡椒粉去咗芽菜嘅草青味，掂

因為刨冰店送嘅現金劵，家姐亦未試過呢間拉麵店，所以行完街就來埋呢度試下！登龍街四間拉麵店我都試過，呢間人氣唔係最勁！但我喜歡呢間嘅湯底比較清爽，唔同一般拉麵湯咁膩！ 來到唔使等位，店面黑木桌椅！簡單乾淨！落單用點餐紙！比我上次剛開張來時靚咗，多了兩款拉麵，多了啲小食同飲品！食物好快到！ 經典拉麵（$78）今次同上次唔同嘅係無芽菜，轉了大蔥絲，自己喜歡芽菜多啲，大蔥較韌，拉麵係綣曲嘅，好彈牙，加了紫菜，索湯好香好味！叉燒肉彈牙肥美！喜歡好多青蔥！最喜歡湯底最然濃及漿口，味道仍然清爽！ 雞白湯豚骨拉麵（$85）湯底一樣清爽，拉麵係幼麵，無咁彈牙但索更多湯！加了溏心蛋，蛋黃好濃滑，蛋白彈口，好味！ 雅布尼叉燒（$25）家姐睇見參考圖片就叫來試，不過賣相同圖片差好遠，好燶！而且切得好薄，無乜口感，好似食塊乾爭爭嘅叉燒！店員已經轉晒，後生啲無咁細心，不過服務唔係唔好，係無上次咁驚喜嘅細心！今次收銀嘅小姐好好，記得我哋有優惠劵！唔該晒！

Happy Friday 到銅鑼灣走走，原本想吃的那家排了長長人龍，時間已8：30所以決定去登龍街再搵食！經典豚肉拉麵豚肉薄薄數片，入口即溶，味道卻很夠！拉麵為細條拉麵，麵質軟硬適中，不錯！試一試豬骨湯底，味道竟與日本拉麵店一樣濃稠黏口，每一口都是濃濃的骨膠原試過多間拉麵唯有金田家湯底真係達水準以上！雞白湯豚骨拉麵雞湯底也不錯，相比下濃郁度有點失色，但較為清新爽口，麵質有點似公仔麵，煙煙韌韌。雖然金田家排隊人龍相比較下不長，但質素卻很高，頗為驚喜

日本的拉麵就像是香港的雲吞麵般，看似平凡卻一點也不普通。近年在香港新開張的拉麵店成行成市，而聚集在銅鑼灣登龍街的拉麵店更自成一角，像是一條拉麵街。隨意走進了金田家，土地問題令店方密集地編排枱子是可以接受，不介意跟鄰桌分享談話就可以，你一言我一語非常熱鬧。一碗有質素的拉麵我認為必須具備以下條件，缺一就算吧啦：湯底未飲必先可聞其氣味是為香；湯底味道層次分明是為味，而且絕不能死咸；最重要是麵條能牽引住湯，簡單講即是掛湯。我們在餐紙上點了鹿兒島黑豚拉麵和激辛拉麵各一，尚未上菜已聞到從四方傳來的濃烈香料味道，不禁令人的肚子響起來。對不起，金田家的拉麵並不完全符合以上條件。先試鹿兒島黑豚那碗，湯底的確濃郁，帶點肥膩，麵條偏硬，混上麵條又有點掛不起湯來，而叉燒略肥和乾身，屬普通貨色。至於辛辣那碗反而有驚喜，辣味源自那碗上的肉碎，整個味覺層次相當分明，火熱之中又能找到那個平衡點，辣椒的味道突破了湯底肥膩的枷鎖，可惜金田家選用的拉麵並不是湯底的最好朋友。在日本也許很難找尋到一碗完美的雲吞麵，而在香港真的沒有一間拉麵店能令人吃到真正在日本地道的味道嗎？吃飽了，該繼續上路去。

病左幾日，想食返d濃味道既食物。第一時間即刻諗起拉麵！男朋友知我想食拉麵，就提議去覓食 ，尋味好味既拉麵店 科科，而我食拉麵一定係叫豚骨湯底，微微起泡既湯証明真材實料。食拉麵第一步 飲湯！一飲 😮 結結地身亦好重豚骨味道！麵剔選左軟，口感亦是乎合我對軟麵既要求。一口湯加偏軟身既拉麵真係無得輸！金田家既豚骨湯亦唔算油膩，剛剛好。最重要既係！無味精！曾經食過數間有名既拉麵店。。。返到屋企要狂飲水 ，口乾到半夜起身飲水。 半熟溏心玉子！一啖咬落去 好滿足粘粘的 jam住個口

銅鑼灣的登龍街比喻為拉麵街，其實都幾似😂，lunch time到到都多人，價錢亦唔差好遠，隨便搵間試下龍與鳯！ 本人喜歡嚐辣，所以簡辣味拉麵，其實一點又不辣，湯底應該是面豉湯加幾片薄叉燒加埋隻糖心蛋，麵質我選中硬，味道和麵不過不失，但沒有太大驚喜 薯餅～有兩種口味，一件系紫薯叧一件系普通薯仔，這個真的有驚喜，沒有千年油的味道炸物已經系非常好而且口感有層次唔會食到一粒一粒麪粉槳⋯美味

2月有不少生日飯局，其中一日就同朋友去了CWB登龍街吃拉麵，本來想試下三田，又是好多人排隊，朋友提議去金田家,金田家冇人排隊，其實，我已經來過2次,個人覺得一般,朋友話想試金田家 ，我決定再試下,我叫咗叉燒雞白湯拉麵，叉燒的口感好一般,叉燒好鬆散 ，我一夾叉燒就散曬，湯底較為咸咗些小，拉麵亦都好淋,今次真的麻麻,服務都OK,地方不是太大味道:雞白湯較為咸佐些小，拉麵亦都好淋,並不是太好吃環境:地方不是太大 ,座位之間亦坐得舒適服務:我覺得都OK

登龍街拉麵店林立，由早期豚王一店開始在這裡進駐，一直至今有不少日式拉麵店在這裡開張，企圖將這裡打造成一條拉麵街。每次經過金田家，總覺得店舖冷冷清清，人氣比起同街其他拉麵店略嫌失色。其實吃一碗拉麵，往往消費近百元，如果吃到一碗「地獄級」的拉麵便會有被搶錢的感覺，因此拉麵店的口碑和人氣是相當重要的選擇指標。這次的光臨，或多或少是因為看到這裡的評價不俗，於是便索性提起膽子，拉門內進。餐紙提供六款拉麵，這次試了最簡單的經典拉麵。經典就是一貫我們熟悉的賣相、熟悉的配料。拉麵上有五塊薄叉燒、少量木耳和青蔥、一大片紫菜，還有另外追加的溏心蛋($14)。湯底是奶白色的豚骨湯底，先呷一口，可以嚐到淡淡的豬骨味道，湯色較清，濃度偏淡，不會太鹹。五塊叉燒由腩肉薄切製成，肥瘦比例約佔各半，入口香而不羶，可惜其中一塊仍黏有少量的白骨（不是軟骨，吃不了）。溏心蛋約七成熟，流心效果出色，也帶微微的醬油味，算是出色之作。拉麵是幼身麵，選了普通的硬度，仍然很有嚼勁。份量恰當，吃完後剛好有七成飽。如意猶未盡可追加其他小吃或替玉。這碗經典拉麵較為平實，味道是點到即止，不濃不霸道，也可能因為這個緣故，比起同街眾多拉麵店而言，

經典叉燒拉麵配料有特製叉燒，木耳絲，紫菜豬骨湯是店家每天配以大量豬骨淆制，湯底色澤分別，味道非常濃郁叉燒肥瘦比例控制恰到好處，肉質結實又不會太韌，肉汁四溢，不失為整碗拉麵既主角可惜麵質不夠爽口，下次會試下比較硬身既麵底整體評分有 8/10

Went  here  for  a  nice  spicey  Ramen,  was  not  disappointed .  Delicious  broth,  tender  pork  and  good  noodles.  Really  enjoyed.

今日放假出銅鑼灣買野, 本來想去一間樓上CAFE, 不過已滿坐, 就搵其他野食, 見OPENRICE呢間拉麵店風評唔錯, 又唔駛排隊, 就食呢間。叫左經典拉麵$78同雞白湯豚骨拉麵$85, 再加溏心蛋$14, 大將餃子$30, 兩隻拉麵個湯底都好濃, 經典果隻就豬骨味重, 雞白湯當然雞味濃啦, 最好係唔算好油膩。原來兩款麵麵質唔同的, 雞白湯似公仔麵有點捲曲, 食落煙靭有咬口, 經典果隻係幼身滑滑地, 幾似在759買到紅/黑/白三隻包裝果款麵, 有D 扣左少少分。溏心蛋好滑溜, 又夠味, 凍凍地, 甜甜地, 幾好食。餃子就是正宗的日式餃子, 皮薄, 餡料係菜肉, 比例剛剛好, 點D 酸汁食仲美味, 不過$30/4隻就貴左少少。總結, 試過就可, 不會特別有興趣回頭再食。

點了經典拉麵同選擇了較硬的麵條。湯底煮得入味，麵條硬度亦做得岩岩好。甜甜地嘅糖心蛋中和左濃湯嘅咸，非常配合。十個人去食都有空間。絕對會再去！小食嘅雞翼都十分香口，送酒非常適合。

吃飯時候到處都逼滿人,這間竟然不用排隊,但這間亦是由位熱愛拉麵的朋友推介,所以沒想太多就去試了.餐牌上那個黑漆漆湯底的拉麵很吸引,友人和我也不約而同選定了這個辛子黑蒜拉麵!黑蒜湯底不夠濃郁,本來期待濃烈的蒜味,又以為會是黑漆漆的湯底.豚骨湯味卻比較濃.蒜味若更多,定會更美味 !! 麵質軟硬度可以選擇,所以我的麵剛剛好配料方面:豚肉比出面的多好幾片,肉片薄薄的,更入味,而且肥瘦均勻,還有軟骨部份,加上上面佈滿木耳絲,蔥絲...以這價錢來說有那麼多配料,很划算的 銅鑼灣登龍街有很多間拉麵店,跟別的拉麵店比,金田家的確有點不起眼,可能沒有強勁的宣傳或gimmick, 不過絕對是好吃抵食之選