金滿庭京川滬菜館 (德福廣場2期)

營業中

休息中

今晚去開德福就同朋友去搵野食,然後去金滿庭，叫左招牌招燻魚，花香玫瑰骨，嫩雞煨麵，一口小籠包，個燻魚好香口同有個秘製醬汁食落好特別，個玫瑰骨又唔胖味道適中，個麵質都幾好唔好太淋，小籠包皮薄多汁,好有肉汁味｡

難得的平日放假，要享受下平日的優惠 - 下午茶。下午時間三點三入座，安排到我們二人坐卡位。下午茶套餐包茶芥和加一服務費，可選主食和前菜各一。小辣担担面面食，是細碗的份量剛剛好沒有辣味濃濃的花生🥜味道，好膩的面幼細，沾滿花生味道，每一口都滿足小籠包是主食一籠四個肉餡比較粗糙，細滑一點會加分小籠包皮薄，而且夾上不會穿的小食餚肉有4件整體ok啫喱部分彈滑的小食五香牛肉展有4片可以照燈的，通透！整體食物，服務，環境都值得推介！性價比高！

金滿庭閒日比較鬆動，但到星期六日就勁墟冚。個人認為德福店無論環境同食物味道都比荷里活嗰間略勝一籌，不過呢啲見人見智啦，總之兩間分店門口通常都人山人海。以前叫開碧螺春，但近年推出咗玄米茶，陣陣米香，真係一試就愛上。砂窩雲吞雞 — 半隻雞盛惠二百幾蚊，有十幾粒雲吞。湯底好飲，唔係味精湯越飲越口渴。隻雞就老咗啲，連雞髀都嚡口無乜味。紅油抄手 — So far 金滿庭調嘅汁係我暫時食過最好食嘅一間，唔會辣到咩味都食唔到。京燒羊腩 — 一上枱就係咁嘅樣… 賣相核突咗啲，不過堅係羊腩，肉質鬆軟帶羶味，正！豆沙鍋餅 — 以前食過高力豆沙，個皮超厚但餡極少（某山莊整得好食好多）。所以轉點豆沙鍋餅，外皮鬆脆，紅豆綿滑。年初推出咗現金券，跟住就加咗價，加幅都幾勁 (粗略估計近 15-20%)。不過好食兼水準穩定嘅上海菜真係買少見少喇，所以都會繼續食

約咗朋友食午餐傾嘢，好多食肆都限時限刻要走，又多人又嘈，所以朋友揀咗金滿庭，唔駛等位，又唔會趕你走，仲有卡位坐得舒舒服服，慢慢傾都得!我哋兩個人，少少地叫咗幾樣嘢share!醉雞加燻魚雙拼，醉雞入味，有好香花雕酒味，雞肉嫩滑! 燻魚脆而香口，如果起埋骨會開心d!小籠包入面充滿湯，非常唔錯! 年糕有好多雪菜，所以都唔會話淡而無味，清清地係唔錯嘅選擇!

下午時間去食 幸好不用等位4個人叫左：一個擔擔麵 好食 有花生味 辣辣地小食併盤 不過不失 飯前小食 一個烤麩 味道不好 係食過既烤麩之中最不吸引一盤酸辣湯 覺得係八方雲集咁既口味 不是差但不值咁貴一盤小龍包 皮不好食 但肉既味道ok 趁熱食還可以仲有一個菜同一個肉 普普通通 價錢偏貴

喺九龍灣食咗呢度咁多間酒樓都係覺得最好食都係呢間所以我哋就訂咗枱為咗同一位同事farewell仲預訂咗我哋最鍾意食嘅片皮鴨添可惜去到酒樓，部長話要我地order幾點開始燒先至會做片皮鴨，咁所以佢話如果而家嗌就要我哋等九個字😱係咪好奇怪😪我哋12點半訂枱正常就梗係差唔多12點半有隻片皮鴨上啦最後我哋都係冇order，因為等唔到九個字雖然呢度啲嘢食係幾好味但係就覺得啲人嘅服務好奇怪諗嘢唔合邏輯😕成班同事都話好失望冇得食片皮鴨

#小秘書 每個星期日都好期待可以一家人齊齊整整圍埋一齊食飯。呢個星期媽媽揸主意揀咗。可能我哋預早訂座關係，餐廳安排咗間房比我哋，原意系好嘅，不過地方就細咗啲，坐十個人未免太焗束😅 既然細佬一家已經坐抵咗就無謂改🤭打開餐牌，食物價錢偏貴，媽媽講咗呢餐由佢請，所以我哋都唔想食得太豪，先叫咗啲小籠包、生煎包.. 之類先填嚇個肚🤣 不過似乎廚房控制食物溫度麻麻，啲包點只屬微溫，口感大打折扣😪之後我哋都有加幾個小菜，松子魚，鎮江排骨... 味道都唔錯，尤其個鎮江排骨，外胞內嫩，好juicy🥰咁啱呢日系細佬生日，我哋準備食完飯就切蛋糕，點知原來餐廳要收$100切餅費😅買咗嚟又無理由帶走😪 硬比$... 真肉赤😅

同屋企人食飯 西式中式菜未必岩佢地 就搵左呢間中菜館！夜晚7:30食等左成9個字先有位！好多人黎食飯！首先點左個水晶肴肉 我好中意食水晶肴肉 基本上我入得間餐廳見到有呢味菜我都一定會點！呢味水晶肴肉賣相好好 但食落 我覺得整得韌左少少 吾夠淋！但系抵食既呢味菜！跟住叫左個山東手撕雞！老實講賣相有d遜色 但味道系吾錯既！份量又多！手撕雞都整得入味 如果賣相好番少少錦就好喇😋😋哈哈 下次過黎試下其他菜式！🤣再同大家share !

好耐冇食過上海野 今晚嚟食次金滿庭餐廳幾多卡位 我地三個人坐得幾舒服😺一口小籠包 保持到一向嘅水準 一籠有八隻 細細隻咁 係幾抵食嘅👍🏻排骨蛋炒飯 好鍾意食呢個飯 排骨配咗兩個配料 一個係淮鹽 啱晒啲好鍾意食鹹野嘅人 但係我就鍾意食嗰個酸酸辣辣嘅醬多啲 炒飯又係炒得唔錯🤤回鍋肉炒粗麵 呢碟炒麵炒得幾均勻 撈埋回鍋肉都唔會好辣 不過如果啲回鍋肉再多多少少就更加好啦🙊薄餅 叫嘅時候係想配個香酥鴨半隻嚟食嘅 我知個配搭有少少奇怪 但同桌友人一向鍾意創新 咁就陪佢癲吓 可惜嘅係 薄餅一早就嚟咗 等到香酥鴨嚟嘅時候已經凍晒 侍應聽到我地咁講 好主動咁話幫我地拎入廚房再蒸過 服務幾好😂講返碟香酥鴨 好脆好好食 有淡淡嘅鴨香 學友人嘅食法 用薄餅包住嚟食又幾有特色😆整餐我最鍾意個香酥鴨 可能係因為夠脆口 配唔配薄餅就見仁見智啦

今日同朋友去德福廣場食野，一向德福一期都好多人，而二期的食肆人好多。我地選揀了金滿庭，因為內裡環境寬敞，兩旁是卡座，坐得舒適。小龍包有8隻，皮薄，上枱時還是熱辣辣的。一咬下去有好多湯汁，味道鮮甜，裏面的餡料味道醃得剛好。 生煎包也挺香的 ，有不少芝麻，令味道更可口。可惜的是，生煎包的温度只是微暖，如果熱辣辣的會更好吃。磨茹牛柳蘑菇和牛柳，兩種食材有兩種口感，食材獨當一面又能互相配合。牛柳肉質軟腍易入口，磨茹本身的味道香口。唯獨是比較咸，淡口些會更好。和尚戴帽和尚戴帽是木耳粉絲炒小棠菜，上面有炒蛋蓋着。味道少少咸，木耳爽脆令道菜生色不少。配了個叉子燒餅。燒餅皮薄香脆，香口有口感。 可以把粉絲及其他配料放進燒餅食 。口感更豐富。金滿庭金滿庭食物水準不錯下次會同家人一起來。

平日上班少些時間陪爸媽，趁放假陪爸媽去德福商場行下街、買下野，中午就帶了他們來這間中菜廳吃飯。環境雅緻，座位亦算寬敞，老人家亦坐得舒服。點了一個招牌擔擔麵，濃郁的湯混合一些花生碎，微辣，麵條彈牙，爸媽都滿意。清炒蝦仁，蝦仁大隻，炒得爽脆，沾汁吃有些酸甜味，引出了蝦的鮮甜。小籠包，皮做得很薄，要小心翼翼咬開皮先飲汁，肉的肥瘦比例亦剛好，不會吃起來很油膩。酸菜桂花魚，這是爸想吃而點的，肉片很嫩滑， 件數亦算多，呷一口酸菜魚湯，暖胃且開胃，兩位老人家都幾喜歡這個菜式。假日難得和家人吃飯相聚，我是很珍惜的，後來我聽媽說，爸頗喜歡這間中菜，希望找次再吃過，我聽到都很開心，最重要父母喜歡。

Book枱時職員話限時兩個鐘，如果冇人等就可以坐耐啲。結果坐左差唔多三個鐘，樓面都只係兩成滿左右。環境寬敞舒適，卡位私隱度高小籠包好有水準，皮唔易穿，湯汁鮮甜好夠溫度，肉餡味道適中，食一粒唔太夠喉腰果雞丁炒得好均勻，入面仲夾雜左蒜片，非常香口，食食下有啲咸，最好叫碗白飯送。椒鹽黃花魚比想像中大條得多，椒鹽味好夠，細魚骨同魚尾酥到可以吞埋，而又保持到魚肉嫩滑，高水準！排骨蛋炒飯米飯粒粒分明，充滿蛋香；排骨好有分量，厚身得黎肉質緊密，三個人都差啲食唔晒！嗌左一窩醃篤鮮，個窩嘅保溫力好高，飲到最後都仲係熱嘅，而且分量十足，有超過十碗，仲要碗碗都有湯料！鍋貼又係大大隻，充滿肉汁，皮韌餡靚生煎包超讚！！！包面乾爽而充滿口感，肉汁鮮甜，包底沾滿芝麻，又香又脆

同老婆Happy Friday, 去左金滿庭。兩個人幾餓，所以都叫左幾多野。 叫左個四分一雲呑雞，湯好鮮雞味，雲呑又入味，雞肉都嫩囗，齒頰留香。由於我喜歡食魚，就叫左個糖醋魚塊，酸甜味交錯，但又好夾，好開胃。最後當然要食小籠包，好juicy ，吃時小心燙口。最後要一讚係呢度既職員好有禮貌，好好招呼，服務十分理想。

Happy Friday,放工約左家人食飯，book左金滿庭！哩度環境優雅又夠大，侍應服務超級有禮又細心！一家四個，叫左五個菜。首先叫左佢地出名的砂鍋雲吞雞，只係叫左1/4隻雞，份量勁大，湯好清甜又夠熱，雲吞大粒好味，果然係照牌菜👍🏻👍🏻另外一樣出名小籠包，一籠有八粒，皮薄多汁，點埋醋一流！老公叫左碟糖醋魚塊，一碟有六、七塊，好抵食，足料又大塊，無骨又多汁，味道超正，大人老人家都岩食！我就叫左賽磅蟹，清淡中夠滑，食到啖啖蛋白味。最後叫埋上海粗炒，哩個唔錯，爽口！

星期天晚飯。知道服務員很忙，所以沒笑容，像被人欠債了。菜有一條肥大肉厚菜蟲，她們說是正常，我們堅持退回。咕嚕肉，肉質粗糙，最基本的香港小菜也做得不好。川貝燉雪梨，雪梨𠆤中間微暖，原裝川貝仍是一粒粒。鷄絲湯麵，小籠包，鬆肉盒子，算是可以了，埋單超過600元。門口的招牌有很多推介廣告，但懷疑自己去錯地方。餐廳地方算清潔，但服務質素有待改善，包括經理在內。客人願意付五星級的價錢，但請做回五星級的水準。