金滿庭京川滬菜館 (德福廣場2期)

營業中

休息中

原來平安夜食中菜都幾特別，特別在唔洗排隊等位，見到隔離啲西餐排晒長龍，就知應該點揀上海粗炒夠晒鑊氣，加啲豆瓣醬堅好味排骨擔擔面湯底夠辣，正生煎包皮脆肉嫩多汁，yummy海蜇夠爽，麻油味香，夠晒開胃整體食物質素和環境都唔錯

閒日同屋企人去飲茶見到呢間成日人頭湧湧但今日唔洗點等位·由於太花多眼亂最後叫左個午市4人set唔洗諗唔洗選擇困難症😂·午市4人套餐（$528）雙拼前菜：四喜烤夫拼花鵰醉雞前者好香麻油味食落甜甜咸咸咁幾開胃但略嫌油膩左少少後者花雕味濃郁而雞肉算滑身 主菜：孜然羊肉片上枱陣味已經好香好濃烈既孜然味但食落又唔會喧賓奪主羊肉片量都算多肥瘦均勻 · 唔羶之餘仲幾嫩而洋蔥亦幾夾孜然味食落甜甜地幾惹味主菜：紅燒肉百頁結紅燒肉肥肉相間望落去好邪惡食落有少少油膩但油脂味好香炆得好入味冬菇同百頁結吸哂味呢碟野送飯一流蔬菜：百頁小唐菜個湯好鮮小唐菜煮得岩岩好完全索哂汁另外加左小籠包5隻皮薄餡鮮裡面湯汁飽滿一咬就爆汁湯鮮而不膩好高質既小籠包

砂鍋雲吞雞係京菜之中，可貴可平的一個湯。其實金滿庭算平， ¼隻雞有六碗湯。味道可以維持到水平，湯料都好足。雪菜炒年糕，味道份量都可以keep住水平。今次兩條友試咗濃香川式螺片，以為啲螺片係爽嘅。但點知係淋，似雪藏多啲。又唔平，所以冇下次。假日通常要等位好耐，平日去就唔使等好耐有位。如果有幸可以坐到卡位嘅話，咁就會舒服啲。但近門口嗰度，座位之間有塊隔板，打橫可以坐四台，中間冇空位，其實都幾密下，要傾偈都幾嘈下。

作為金滿庭既常客對佢又愛又恨約屋企人飲茶食飯十次有九次都係金滿庭而呢間野係每次都要排隊🥲·鮮肉小籠包（$53/5個）每次必點系列呢度既小籠包係最穩定外皮皮薄而一定會爆湯汁肉湯鮮而不膩尖端先輕輕咬一口然後吸一啖湯汁再沾一沾醋汁放入口然後🤤🤤🤤超滿足¼隻嘅雲吞雞（$136）雞湯鮮而不膩雲吞有5粒細細粒但實實淨淨無過多肥肉而好幸運地雞係髀位雞肉還很嫩配搭秘製蔥油醬汁食整個搭起來很可以！！然後點了4人套餐$528水晶餚肉·五香金錢展前者是爸爸每次都必點他說是考工夫菜式豬手先調好味 水晶層係熬煮出黎既骨膠原湯還要分次做出層次感試了一舊· 有點像燻蹄但更爽口Q彈·肉質更實淨一點後者金錢展雖然薄切但有咬感而鹵汁鹵得夠惹味鐵板京蔥炒牛肉師傅會係旁邊用鐵板先表演炒牛肉未食之前已經視覺滿足之餘香氣更十足牛肉仲好鮮嫩而不韌連京蔥一齊食送飯一流川式酸辣貴花魚片湯底夠酸但略嫌唔夠辣魚片份量唔多但唔腥仲好滑嫩粉絲墊底吸哂味乾扁四季豆輕輕炸過·外脆內軟肉碎夠惹味但稍微油膩甜品係紫米露細細碗唔會太甜作為飯後甜品剛剛。呢度既服務係幾好唔洗舉極手都無人應茶壺長期滿水而食完糖水準備埋單店員仲想話要送多碗糖水比我地驚我地唔夠

今日去到金滿庭食中午🍚🍚餐廳環境唔錯：去到5個人坐低左就叫左茶 - 碧螺春：我地叫左好幾樣點心、小菜：最好食既係 鮮肉小籠包、素願新嚐、瑤柱賽螃蟹。其他的都ok 最後，我地最仲追加左炸銀絲卷同埋紫薯番薯椰汁糕，呢兩個水準都好好😄😄炸銀絲卷就外表金黃、脆皮、軟餡，贊👍🏻👍🏻紫薯番薯椰汁糕做到唔太甜，比較健康。佢地大部分食物味道都幾好，係煎餅最差，太硬唔推薦。五個人埋單$1000左右，人均消費$200。

book唔到！嗌咗人去幫手walkin等位。等半個鐘可以入座😂👏🏻menu好多都有圖，可以大概知個食物樣！經商量後我哋嗌咗其實第五道餸都食到好飽嘅～但好似高力豆沙都幾吸引～決定嗌3件剪開share嚟食😆除咗服務員嗌2、3次先會真係過嚟之外～其它都ok😊😊😊

收工餓餓地，就提前電話落單，外賣自取德福金滿庭既嫩雞煨麵，去到直接有得拎，爽快👍🏻佢地將湯、麵分開上，唔怕浸到個麵林哂，食果時先倒埋一齊，不過可能時間耐就乾硬左，要浸番下。個麵有菜有菇有雞粒，雞粒有點柴皮，上湯都ok，正正常常咁，份量偏少點。

久唔久想食中菜，就揀咗呢一間金滿庭。睇落個餐牌都好多選擇，最後叫咗一碗酸辣湯，蒜片牛肉粒，小籠包同埋鹽酥鴨。碗酸辣湯太酸，食落得陣酸味。另外蒜片牛肉粒啲牛肉完全冇牛肉味完全唔知食緊乜嘢。啲蒜片牛肉完全冇蒜味，呢啲嘢真係唔使錢錢都唔會食。小籠包食落都正正常常，起碼咬落去有啲肉汁。個鴨仲犀利一想到睇個樣已經好唔吸引雖然食落係有啲驚喜，起碼食落去啲鴨唔會好硬。但係整體嚟講成餐飯都好唔滿意。一定唔會再嚟食。

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎金滿庭其中一個好正既地方係有人參烏龍茶，慢慢回甘果種味好正。今次食左個4人午市套餐，但份量偏少。🌟 冷盆三拼 （蔥油海蜇、雞絲粉皮、老北京醬蹄）個人覺得咁多樣餸裏面冷盤係最好食嘅，海蜇幾彈牙，雞絲粉皮超級開胃，如果加埋麻辣就會更加好。🌟 賽磅蟹味道唔錯，食到乾貝，賽螃蟹好滑，不過份量少咗啲。🌟 鎮江排骨呢個排骨係先炸過黎再淋上汁，所以食起嚟好香口，個汁配合得非常好，超級下飯。🌟 有機雜菜煲正常發揮😀🌟 銀耳紅棗糖水有驚喜，好足料，似係屋企媽媽整既味道。因為食完個lunch set都唔係好夠飽😅，所以加咗八隻水餃🥟。📍 金滿庭京川滬菜館 𝙈𝙤𝙙𝙚𝙧𝙣 𝘾𝙝𝙞𝙣𝙖 𝙍𝙚𝙨𝙩𝙖𝙪𝙧𝙖𝙣𝙩九龍灣偉業街33號德福廣場二期6樓603號舖

話說老母生日， 指明要去金滿堂食個晚飯。一黎到，冷氣十足。叫左五樣野食。 首先個送既前菜唔知咩滷肉，好硬。之後全部野食唔凍唔熱 （除咗水晶肴肉，因為凍食）連個炒飯都係唔熱 。 最後加埋個超級冷氣真係頂唔順。我老媽子同個經理講。 佢立即再炒過。 十五分鐘後終於見到熱辣辣既煙喇。 可以食多幾啖飯。香莤泡羊肉 ， 係滑既， 不過都幾淡口，連羊既DD騷味都冇， 好似食緊油浸肉片， 我諗住係重口味😢 講真 咁既價錢， 我應該唔會再黎。。。

約爸媽出街食飯，佢哋好鍾意去金滿庭。首先係因為環境真係好乾淨，坐得舒服。今次我哋三個人，叫咗三餸一湯再加一個甜品。有我老竇喺度，一定食得晒。羊肉叉子燒餅非常出色，羊肉份量好足夠，食得好滿足。砂鍋雲吞雞叫咗¼隻，都有六大碗，個湯唔肥，好清甜，仲有好多菜同大大隻雲吞，又係超級滿足。上海炒年糕，其實都唔錯，不過我爸媽覺得少少偏鹹。我阿媽鍾意食咕嚕肉，所以都想試吓金滿庭嘅咕嚕肉。不過我覺得麻麻，因為切得太細件，所以炸出嚟有少少偏乾同埋唔多肉。最後我地叫咗高力豆沙，大大個，令到呢個晚餐有一個完美嘅句號「。」不過因為食得太滿足，最後個甜品忘記咗影相😛你見我哋食咗咁多嘢，最後埋單都係6百頭， OK喎😏

一行3人未試過食中菜，試左呢間。望到menu d菜式名就想試晒佢地，好多款都唔似傳統菜式。喜歡試新貪得無厭既我，岩晒！海浙青瓜，同方間買到即食包差唔多，佢粗身d,個人喜歡食海浙，不過都係買即食包抵d。第二道係蘋果桂香骨，食落同咕嚕肉甜甜酸酸，個甜有桂花味，蘋果都仲爽口，似係炒一炒，落個汁就上碟，冇咩蘋果味。松子魚，呢道菜會推介，個汁同咕嚕肉差唔多，炸魚ok,很搭耶～不過份量唔多，3個岩岩好可以食2至3塊。最後出場片皮鴨，要等30mins先出，見住個人一片片片，手工野。有部分肥，席間有人叫唔好食肥果d,青瓜蔥醬最後都用唔晒，有24片薄皮，分量應該4人食都ok。overall,松子魚最好食～

隔咗一段時間再食，水準都一致👍🏻因為一早去排隊攞位，等左15分鐘左右就有。今日都幾旺下。金滿庭啲茶同一般中菜唔同，有啲特別選擇，今次都係揀人蔘烏龍，無之前咁回甘🤔可能換咗茶葉冷盤雙拼：海蜇+餚肉餚肉唔實，不過有少少豬毛😅點心：小籠包湯汁超多，肉味濃湯：酸辣湯偏辣唔夠酸魚：糖醋魚塊炸魚個衣做得好好，外脆😍魚肉唔會散肉：冬菇鮑魚獅子頭調味啱啱好，肉唔會太硬太鬆，仲有成隻鮑魚包左係入面😋甜品：高力豆沙香蕉🍌豆沙加香蕉🍌絕配

當日跟老婆吃西餐不成，因而轉戰久未光顧的九龍灣金滿庭。它的小籠包一如既往的皮薄多汁，無懈可擊，敢說方圓百里，無人能及……哈哈！另一個到金滿庭必點的菜式是其招牌薰魚，魚塊焗得皮脆肉嫩，加上酸甜適中的醬汁，一吃令人胃口大開，簡直是到金滿庭不二之選。至於當天那個特價豬排炒飯，除了分量還算可以之外，其他則乏善足陳，不值一提。反而那盤京燒羊腩，則令人有驚艷之感，皮薄香脆，肉質柔嫩。然而這道菜的靈魂卻是夾雜在皮與肉之間的那層油脂，令這道菜升華到另一個層次。再加上那陣淡淡的、若有若無的羊騷味，確實令人一試難忘，再試投降（味蕾被它征服了）。

由於今天家裏沒有煮製晚餐，因而我便再次和老公寶寶、爸爸和娘親一同吃個晚飯，並選擇了老少咸宜的中菜餐廳金滿庭。有機豆漿豆漿外觀大杯充足，且餐廳特意選用上有機黃豆磨製製成，飲用時冰涼透心，味道絲滑香甜，豆味濃郁出眾，是款營養價值豐富且健康的飲品。紫心番薯浸豆苗菜餚以紫加綠的色調配搭，賣相顯得格外奪目清新。豆苗清香滑潤，柔軟鮮嫩，紫心番薯肉綿軟糯，味淡帶甜，整份菜餚新鮮健康，加入炸蒜、瑤柱絲作調味點綴，整體更是增添滋味。一口小籠包五隻小籠包一籠五件，大小製作得正好可以一口一個，夾起時並不會輕易破爛，入口外層煙韌軟糯，厚薄適中，咬開後餡料飽滿，湯汁溢滿口腔，味道鹹鮮濃郁，滑溜柔嫩。翡翠鮮魚羹翡翠鮮魚羹使用上鮮魚肉、蔬菜粒、蛋白此數款材料製作而成，盛起時可見用料量多充足，絲毫不會吝嗇，食用時口感豐富，味道清香濃稠，滑溜軟嫩。原湯水餃主角水餃一碗七顆，並浸於的鮮香帶鹹的原湯湯底之中，入口餃皮軟糯柔韌，而餡料則飽滿鮮嫩，肉味濃郁，再用上雞蛋絲、蔥粒作副配料點綴，為菜餚更增添了鮮美和口感。京蔥爆金蠔京蔥爆金蠔使用鐵鍋盛載，因此其溫度更得以保持，熱騰騰的金蠔配搭上京蔥、蒜片、醬汁製造，食用時鮮香惹味，滋