金滿庭京川滬菜館 (德福廣場2期)

營業中

休息中

Book枱時職員話限時兩個鐘，如果冇人等就可以坐耐啲。結果坐左差唔多三個鐘，樓面都只係兩成滿左右。環境寬敞舒適，卡位私隱度高小籠包好有水準，皮唔易穿，湯汁鮮甜好夠溫度，肉餡味道適中，食一粒唔太夠喉腰果雞丁炒得好均勻，入面仲夾雜左蒜片，非常香口，食食下有啲咸，最好叫碗白飯送。椒鹽黃花魚比想像中大條得多，椒鹽味好夠，細魚骨同魚尾酥到可以吞埋，而又保持到魚肉嫩滑，高水準！排骨蛋炒飯米飯粒粒分明，充滿蛋香；排骨好有分量，厚身得黎肉質緊密，三個人都差啲食唔晒！嗌左一窩醃篤鮮，個窩嘅保溫力好高，飲到最後都仲係熱嘅，而且分量十足，有超過十碗，仲要碗碗都有湯料！鍋貼又係大大隻，充滿肉汁，皮韌餡靚生煎包超讚！！！包面乾爽而充滿口感，肉汁鮮甜，包底沾滿芝麻，又香又脆

同老婆Happy Friday, 去左金滿庭。兩個人幾餓，所以都叫左幾多野。 叫左個四分一雲呑雞，湯好鮮雞味，雲呑又入味，雞肉都嫩囗，齒頰留香。由於我喜歡食魚，就叫左個糖醋魚塊，酸甜味交錯，但又好夾，好開胃。最後當然要食小籠包，好juicy ，吃時小心燙口。最後要一讚係呢度既職員好有禮貌，好好招呼，服務十分理想。

Happy Friday,放工約左家人食飯，book左金滿庭！哩度環境優雅又夠大，侍應服務超級有禮又細心！一家四個，叫左五個菜。首先叫左佢地出名的砂鍋雲吞雞，只係叫左1/4隻雞，份量勁大，湯好清甜又夠熱，雲吞大粒好味，果然係照牌菜👍🏻👍🏻另外一樣出名小籠包，一籠有八粒，皮薄多汁，點埋醋一流！老公叫左碟糖醋魚塊，一碟有六、七塊，好抵食，足料又大塊，無骨又多汁，味道超正，大人老人家都岩食！我就叫左賽磅蟹，清淡中夠滑，食到啖啖蛋白味。最後叫埋上海粗炒，哩個唔錯，爽口！

星期天晚飯。知道服務員很忙，所以沒笑容，像被人欠債了。菜有一條肥大肉厚菜蟲，她們說是正常，我們堅持退回。咕嚕肉，肉質粗糙，最基本的香港小菜也做得不好。川貝燉雪梨，雪梨𠆤中間微暖，原裝川貝仍是一粒粒。鷄絲湯麵，小籠包，鬆肉盒子，算是可以了，埋單超過600元。門口的招牌有很多推介廣告，但懷疑自己去錯地方。餐廳地方算清潔，但服務質素有待改善，包括經理在內。客人願意付五星級的價錢，但請做回五星級的水準。

今餐是客人請的，次次和九龍灣德福廣場的客人食午餐都是來到這裏，因為任坐任傾，地方夠大，食物選擇方面餐牌夠闊，實有幾款啱你。1. 奶油津白，個汁感覺比較肥膩，傾計傾來左食落去特別有這種杰撻撻嘅感覺。2. 嫩雞煨麵，營養師話係減肥之選，金華火腿湯並不燶，最好就係比一般上海餐廳多了草菇，味道同口感都豐富很多。3. 有豆腐粉絲湯是客人點的，既然沒有上海油豆腐的供應，我覺得還是不做好了，不好味。4. 醉雞，可能有雪櫃攞出黎不太久凍得滯，有啲琼左嘅脂肪，感覺不討好。其實這個份量兩個人食實在多了一點，應該可以省了油豆腐粉絲湯，但係環境比較舒適，適宜商務午餐。客人話買單$366，平均每位消費$183。

想請問一下貴公司個電話是否擺設用？ 全日每一個時段都沒有人接聽！煩忙時段就話唔得閒聽… 又沒有留言服務跟進。亦不設網上訂檯服務。咁嘅服務點得架？ 想幫襯都唔得啦～煩請跟進一下😑

想飲酸辣湯又唔想出街，就試試利用流行的外賣速遞服務。我們2人晚餐消費約 $250，足不出戶，送到家餐是暖暖的。送餐的過程也非常清晰。我們點了酸辣湯，酸味辣味配合得剛剛好，份量也不錯，可供我們2人分享。而且湯料也很足，飲湯之餘也有點嚼口。再來點了咕嚕肉，有肉味又夠稔，炸粉不會太厚，甜酸味剛剛好，很開胃。另外上海粗炒也很好吃，不會太咸，如果再多些菜絲會更出色。整體份量充足，未有因為外賣而減少，值得一讚。

隔左咁耐先至寫返🤣今年中秋午餐，終於都唔係飲茶啦今次簡左金滿庭，叫小菜炒年糕，夠辣又惹味，椰菜份量都算多龍蝦湯浸時蔬有啲失望，龍蝦湯唔夠濃，亦入唔到味變咗只係普通白菜小籠包，個皮薄，但湯汁唔算濃柚子排骨，個人覺得普通，唔算好特別金磚豆腐表面微脆，咬落入面好滑成個配搭好得意，好香口炸春卷炒麵，唔會硬彬彬，汁嘅份量都剛好👍🏻生炒骨，正常，份量比較少生煎包，可惜叫得唔夠多嘗試唔到，但聽聞肉汁多，好好食😫為咗食煎餃，所以放棄咗好食嘅生煎包但令人失望,個底煎得唔夠脆闊老炒飯即係等於瑤柱蛋白炒飯炒得唔錯，啲飯粒粒分明可以食到兩碗😋😋總括黎講，我都幾滿意只係覺煎餃有啲失望

今年中秋節晚餐選擇正日 ， 訂位時話要分頭輪及二輪 ， 咁就選擇二輪 ， 即 8:30 開始入座 。因早到關係 ， 試下去酒樓看看是否會早些有位，接近 8 點到門口，奇怪……竟然冇人排隊攞位 ， 咁即刻問是否可以入座……這情況，當然可即時入座啦 。入座後發現， 只得 8 成座滿，連大枱都有…… 心諗，為何酒樓不預早通知可以早啲到呢！無需等到 8 點幾啦。講番食物，人數較多關係 ， 所以叫了半圍酒席，再加餸 ，半圍餐包括 : 3 小碟前菜 ， 6 個主菜……花膠雲吞雞 ， 蝦子海参 ， 金磚笑哈哈 ， 密汁火腿響鈴夾 ， 冬勝寶貝 ， 松子魚 ，，還有海鮮炒飯 ， 甜品有杏仁湯圓 及 玫瑰棗泥 ，另外加叫 …… 北京烤鴨兩食 ， 义子燒餅 ， 炒時菜 。每枱都有碟醉雞小食 ， 味道不錯 ， 3 小碟都 ok , 主菜…… 蝦子海参， 海参幾肥厚 ， 味道就較淡，雲吞雞幾油膩 ， 火腿響鈴夾，味道都算合格 ， 其他菜式味道就真係一般 ，烤鴨都可保持水準 ， 炒飯係濕炒杏仁湯圓， 甜度正常 ， 但玫瑰棗泥……超甜及好難食 ， 落玫瑰花味道超級 5 夾 ，超怪，失敗之作。整體菜式味道水準

部門中秋聚餐，今次轉食上海菜！第一次嚟金滿庭，店內寬敞有好多卡位，最適合4人同行。卡位設於店內兩旁，中間就設有大圓枱，當然亦有私隱度高嘅廂房！中間嘅圓枱較迫，同前後都非常親密，如果一大班人幫襯又想坐得舒服嘅話，就最好預約廂房喇！唔知係咪中午食飯時間人多，人手唔夠，冇人傳菜嘅關係，大部分嘅餸菜都只係暖暖地，唔太熱 中菜始終都係熱食最好嘛！因為部門聚餐，今次就叫好多飽肚嘅澱粉質！回鍋肉炒年糕 - 一次食晒兩大皇牌，回鍋肉唔熱，所以年糕都硬咗少少。味道方面同傳統三六九相比就略為淡口啲，突顯唔到上海菜嘅濃油赤醬嘅特色！金磚豆腐 - 粉漿好薄，豆腐本身非常嫰滑，唔會死實實咁。但同樣地因為唔熱嘅關係，外皮就唔夠脆，而且粉漿基本上係冇味嘅，只係炸好後灑上七味粉，所以非常清淡。皇牌小籠包 - 暖暖地易入口，味道鮮美。柚子雞 - 即係炸雞上面淋上柚子汁，炸雞炸得乾脆，柚子汁清爽解油膩，同炸雞係絕配！咕嚕肉 - 香脆味濃，甜甜酸酸，應該無人會唔鍾意嘅！銀牙肉絲炒麵 - 彈牙蛋麵用中火煎成麵餅，煎到脆卜卜，淋上銀牙肉絲汁，令到一碟麵有脆、彈牙兩種口感，讚素菜春卷 - 春卷皮比一般酒樓厚啲，配全素菜（椰菜，甘

星期日中午德福全部酒樓都滿座，突然發現這間京川滬菜館，雖然沒太多酒樓點心選擇，但上海點心還是有的，我們點了一客小籠包，一份冬菜肉碎配叉子燒餅，原本想點樟茶鴨，可惜已售罄，最後點了香酥鴨。小籠包有8隻，味道尚算不錯，皮都夠薄，冬菜肉碎很多油，配上叉子燒餅才剛好，香酥鴨肉質還可以，但有點乾。勝在環境坐得比一般酒樓舒適，清靜點，可以一家人傾下偈，是一個家庭聚會的好地方。

1/7/2018 知道晚飯有兩輪時間，叫了兩個甜品酒釀桂花丸子，但丸子不熟，要求更換後，但有一待應要求先埋單，我們已提出甜品未到，她說先埋單。等了15-20分鐘，甜品才再來，但丸子仍未熟透，此時有一女知客，已態度（不滿意、兇惡）與語氣（極度晦氣）對老人家說，外面已等了很耐，要交枱啦。我們說是甜品問題及你們要埋單先，但她只輕描淡寫說了對不起便走了。真不明白如何培訓員工，來消費，要受氣，怎樣說也不是待客之道！她可預先提醒一次，然後再一次，真真不該用此態度催客離開，更不應該對老人家説此話。😡😡😡當天食品有D好鹹，如：啫啫芥蘭......👎🏼👎🏼👎🏼

我同中學同學都很好鍾意食上海菜，每逢有聚會，上海菜都是我們首選之一，而金滿庭地方歡寬敞，坐得舒服，係我地經常光顧食府之一！😍一口小籠包皮薄餡靚，肉質豐富，記得要一試喔，但小心太熱肉汁滲出會燙傷！🙆🏻‍♀️水晶肴肉為冷盤菜式，加配酸酸醬汁，實屬夏日之選！黃金燻蛋味道比以前一般！招牌松子魚炸得非常鬆脆，加上酸酸甜甜， 十分開胃！😍奶油津白，cream 味太濃，如果喜歡奶味濃郁可以一試！🙈豆沙鍋餅煎得脆脆，推介！👍🏻杞子蘆薈桂花糕甜度適中，食落有透心涼感覺！😌

呢間野今日walk in等四人枱，諗住半個鐘等都唔少得，點知佢地係就算訂枱都係要等，真係唔知訂離做咩，最垃圾既係問佢幾時有枱佢，佢答你有枱無人執，但係另一邊湘有四人枱入兩位！呢間野既入位方法真係不知所謂，未食已經一肚氣，以後唔會再幫襯！😠😠😠

今次已經係第二年新春喺呢度食，其實呢度食物一向都保持水準，同埋可以俾我地成家一共17人坐到一圍大檯，高高興興食返餐！我覺得呢度菜式多選擇，又唔貴！最重要係我兩個仔超鍾意食填鴨